太興 (南昌薈)

营业中

休息中

今日為咗冰鎮奶茶到太興食早餐😊雪菜肉絲湯米火腿多士：火腿煎得香香！不過多士唔夠香脆！頂級午餐肉滑蛋公仔麵：厚切午餐肉、大大口好有滿足感👍冰鎮奶茶：用冰座上，不會沖淡茶味、保留茶香。推介👍熱奶茶

得閒放假起得早，見餓就去搵野食，見好耐無黎太興食早餐了，款式變化不是很大，差不多也是那些，唯一愛的糯米雞還是不錯的。糯米雞既配料還好，味道食落變化不大。不過野食凍得好快，想慢慢歎都......

琴晚屋企人打電話嚟，話表妹突然上嚟食飯。我唯有放工去斬料加餸。8點左右冇咩人， 量完體溫後 ，就直入去燒味位置睇睇有咩靚燒味，可能太夜關係好多野都買晒了。買了叉燒＄50 比想像中少，心諗都幾貴下🤔叉燒唔會好肥，口感唔會好似食紙皮咁“鞋”😂佢d 叉燒汁甜甜地幾好味， 送飯唔錯斬料嘅話叉燒都係一個選擇唔錯選擇

以前未搬，太興響呢個屋邨可以話是比較高質啲嘅選擇，味道同菜式都好豐富。奶茶又得。啲燒味又好味特別係佢嘅乳豬飯同燒鵝飯。不過時而勢選易，太興風光不再，味道都keeo唔住。富昌商場變革升級左，變左南昌薈。係就係裝修左外觀變咗，但加左價，同樣價錢佢唔係最值得食。因為對面開左啲更高級嘅商場，V walk . 而且實際上佢嘅味道都差左。今晚同V仔媽媽食飯，叫左一隻美極雞，茄子煲，粉絲煲。先係雞，不過不失但太咸。魚香茄子煲，無咸魚味，太多油。係個粉絲煲過得去。

下午茶來了太興食，叫了份花生醬厚多士，粗粒花生醬好香，多士烘到金黃，好美味！來太興當然係要飲冰鎮奶茶啦，夠晒香又夠滑。唔會淡晒。好正！公司三文治，麵包烘到金黃，夠香脆，三文三台入面有火腿，芝士，生菜，雞蛋，蕃茄，好味又豐富。

南昌薈大部分店鋪都在翻新, 選擇不多, 所以就試試太興.下午茶時段價錢不算太吸引, 不過食物選擇多, 而且整體質素不錯.本身炒飯夠香, 但配上三文魚及蟹籽, 味道有點過咸.加上有包飲品, 食完一直飽到晚上都不用吃.

話說小弟今次真係好嬲！今日買左個飯，當時得我一個人等緊外賣，堂食亦無人龍排緊隊，買個外賣就等左成接近半個鐘，問個職員，職員仲話唔會漏唔會漏....眼見堂食啲客人既飯就一個一個咁出...最後等左咁耐既飯又唔係特別好食...每次買外賣都要等勁耐.....有時繁忙時間等得耐真係唔緊要，因為明白單可能好多...但每次無人排隊買野果陣效率都係無改變！呢個究竟係咩運作模式！真心各方面都比以前差小弟決定唔會再光顧呢間太興！

以前攞飛等位好正常，而家反而落後到要排隊。按排又混亂，經常有人扮搵人走左入去攞枱。新環境幾好，但餐具清潔好有問題，大家睇睇圖。中午1：30叫午餐星洲粉米已經冇米粉。晚上7點已經冇推介松子魚，間野備貨好有問題。

首先，太興重開後，落單、上菜、追單、收銀都勁慢。落單舉手舉左3分鐘都無人理，OK既，我當你忙，但係明明有兩至3個人見到，仍地都唔理。咁我當你唔係負責落單，但你見到我咁耐都無人理，可以幫我搵人落單嗎？上菜慢就一定啦，但有兩次叫個三文魚炒飯都係燶既，而且係燶到擺係枱面，個人坐直都聞到個燶味，我相信上菜個人都聞到，但都拎比我。另外係我幾欣賞廚師炒燶飯既實力，真係第一、同第二次食燶既炒飯。追單既時候態度勁差，試過坐左半個鐘，野食完，追3次單都未追到杯凍檸茶，杯野到果陣，仲要勁炆咁擺落黎。大佬呀！而家係你欠我，唔係我欠你喎⋯⋯收錢先好野，我係出面企左又係3分鐘以上，無人收錢，入面個個樓面既人望出黎，都無人理。我當分工分得好啦，咁你見到收錢條隊仲長過排隊條隊既，可以搵人黎收住先？明白其他普通樓面員工唔可以黎收銀，但d經理定唔知主任係見到咁既情況，好心就解決下啦！總括黎講，服務勁差，做野慢，態度唔好。但真係會有兩至三個人係做野同態度正常既，而野食水準差過其他分店好多。兩次炒燶飯都足以證明水準，其他野食都唔洗講啦⋯⋯

太興重開！南昌有新樓入住，富旺商場重新裝修再重新開幕。太興不例外，裝修後，環境高檔，幸好食物品質無改變仍有有我至愛，燒味！我選擇燒肉，朋友點湯面。配上一杯無冰既靚奶茶冰鎮原味奶茶，飲左多年仍然無能代替！

我地住富昌，樓下唯一比較好就距，星期一-星期五價錢好公道噶，假期小菜套餐要加錢就唔低咯，琴日星期四同屋企人去食飯，點左八寶飯，燒鵝米（最可惜無左賴粉），四季豆，鮮尤蝦醬炒通菜，冰鎮奶茶，柚子蜜。味道唔錯，有無冰鎮奶茶一定要試，茶同奶比例啱啱好，又唔會越食越淡。總體滿意。

上星期五和家人到樓下商場的太興吃晚餐，之所以會選擇太興是因為環境比較闊落，舒適，而且一至五有套餐優惠，單點小菜包含白飯和一杯熱飲，凍飲則加3元。我們三人叫了三個小菜，分別是：豉汁涼瓜炒牛肉，北菇豆腐青衣魚柳煲和中式京都洋蔥豬扒。分量方面也算多，不過三款小菜也比較油膩。我個人比較愛吃涼瓜，所以選了豉汁涼瓜炒牛肉，這個小菜涼瓜比較多，牛肉則比較少，但牛肉肉質較嫩，有口感，不錯，但就真的是油膩了一些。北菇豆腐青衣魚柳煲方面，豆腐太大塊導致味道進不了去，也影響了口感，而魚柳方面肉質雖不是十分嫩滑，但仍帶有魚香，算是合格。最後中式京都洋蔥豬扒方面，醬汁太甜，完全蓋過了豬扒的肉味，而且豬扒切得大小不一，某些太大塊並不便於同人分享，貌相也因而扣了些小分數。飲品方面則比一般茶餐廳要好，我叫了一杯熱柑桔蜜，所落的柑桔蜜夠多，不會太淡，甜度剛好。

今日在南昌附近放工，行去南昌站途中見到富昌商場，就入去逛一逛，原來整個商場以食肆、補習社和超級市場為主。剛好老公也在附近收工，而我也肚餓，所以就隨意到了太興吃晚飯。這間分店逢星期一至五惠顧任何晚市小菜都免費贈送白飯及熱飲。鮮菌蝦仁炒蛋，炒得有鑊氣，蛋滑溜，蝦仁爽口，但配上鮮菌口感好像有少少唔夾。蒸滑雞，熱辣辣，雞的份量也足夠，配上炸菜味道配合。餐飲不用加錢的情況下叫了一杯柑桔蜜及一杯鹹檸水，平時如果在其他餐廳喝這兩杯飲品都是特飲價錢，太興不用加錢抵讚。

啲嘢普普通通啦，個樣就幾靚嘅，尤其係個咕嚕肉，我最鍾意，酸同甜都配合得好好，差唔多每次一家人去食飯都會點咕嚕肉。不過最鍾意都係冰鎮奶茶，又夠大杯又有懷舊奶茶的味道。不過呢依家啲價錢就越嚟越貴囉。位置都幾闊，有時候帶BB去呢BB車都放得落，我個女就最鍾意下午茶有雞翼有薯條仲有西多士仲有公仔麵，簡直好似開辦嘅大食會一樣，而家啲小朋友真係幸福，可以食到咁播咁靚嘅好嘢食。不過希望服務員的態度可以好啲囉。有時候落單，叫幾次都唔應。

新年要食咩？緊係盤菜啦阿媽就係太興叫左個盤菜。因為上次團年食富臨盤菜。大家都覺得麻麻地不過今次太興。原來都係差唔到幾多。味道都係咁上下 叫做食得飽咁。所以有無人話到比我知，到底盤菜邊間好食呢？