太興 (鱷魚恤中心)

营业中

休息中

如果我嗰日係要一早出去，我一定會先食早餐，今次去到觀塘區，都趕時間返嚟就係太興，好啦飲杯奶茶啦早餐餐飯都係基本嘢叫咗沙嗲牛通粉炒滑蛋+熱奶茶今日真係比較多人食個餐有少少耐，不過可能係我趕時間啫，心急咗啲佢比其他餐廳少咗塊多士，我女仔嚟講都可以嘅，男士嘅話就有機會要食埋個包先得，佢類似沙茶沙嗲醬，濃嘅，另外佢牛肉係超多食都唔係好想食，而且最令我失望嘅係嗰杯奶茶完全唔熱，算係暖就算再滑，唔係咁接受到令我懷疑佢唔係即時沖，係沖定🫠🫠

第一次見識，無論賣相、味道都差劣的燒鵝瀨粉，圖片果然只供參考。燒鵝只有頭尾兩件有皮，中間幾件多肥膏及骨頭，只有少許肉可吃，瀨粉則煮過時，超“林”，湯清淡無味，只有油膩。幸好冰鎮奶茶仍能保持味道。

中午叫咗個雞扒腸仔煎蛋飯，$56，件雞扒薄過肉片，大約1安士重；可能請左個刺身師傅切肉，開源節流，發展新奸商精神：（縮水欺騙術）。真揾笨！起碼一年唔內唔再幫襯！

同屋企人三個食炒蛋好少，碎哂，根本冇兩隻蛋嘅份量啲湯麵湯米，個湯好似清水咁，完全冇味米粉又未煮開，硬到飛起叉燒浸哂落湯，又係冇哂味叫咗個擔擔麵，都加埋肉碎，一片紅油喺湯面，以為點都有味，又係清水一樣屋企人仲加咗個豬肺湯，又係清水咁，湯冇味，料又冇味三個茶餐，全部唔係冇味，就係冇味多士要多烘，又冇多烘基本上廚師好似唔識煮咁，同其他分店爭好好好遠！Btw以前黎過想買燒味外賣，個斬料師傅態度極差得啲侍應姐姐禮貌比較可以

行過唔同街頭巷尾，終於我喺這家餐廳度找到啲心頭好。廣東話有句嘢講得好，食飯皇帝大，今晚喺這裡食得我真係覺得自己似皇帝咁尊貴呀👑。首先，叉燒飯呢，叉燒嘅味道啱啱好，又甜又香，配上啲飯嘅話，真係夠晒滿足。燒鵝脆皮啲啦，每一啖都充滿驚喜，腍滑過人，令人回味無窮🦢。走過去角落，個乾炒牛河擺低嗰度，真係惹味到不得了。牛肉夠曬腍，河粉滑得黎又煙韌，辣椒油加埋，每一啖都好有層次感。望落啲紅荳奶茶，又滑又綿，不過，甜度就真係高咗少少，不過都好夾個乾炒牛河嘅鮮香。最後，呢個雪菜肉絲米粉，就算沒有太多花巧，都算係一個安心嘅選擇。湯底清甜，肉絲嘅鹹香同雪菜嘅鮮味好夾，但係要講一提，炒蛋要係再腍滑啲就完美了。當我啜一口熱熱嘅柑橘蜜，酸酸甜甜嘅係真心暖笠笠地結束今次嘅味蕾之旅🍯。太興，你下次見到我唔使驚，我一定會再嚟！

今日經过官塘見客,老細比左2張太興優惠卷, 走時在鱷魚恤中心樓下个間太興買了外賣今晚食.由於2張礼卷價值100元, 若買燒味双拼80 好似蝕左所以買左燒腩拼义燒例牌價值126（125+1）等左10分钟取走外賣回家, 到晚上开盒才發現只是普通燒肉+义燒,好 無奈, 只好怪自己當時沒有查看（ 一肚氣）兩者差價45, 味道仲差我街市个間燒味店, 又一間打入本人黑名单食店中, 差 評,差评,差評,重要事情要說3次,希望有关方面留意

5月28日夜晚接朋友收工，唔知食咩好，隨意就到太興食晚飯，叫咗兩個晚餐，打開餐具櫃桶發現筷子油冧冧還有條屍蟲，真係懷疑佢啲筷子係冇洗過，真後悔入嚟食，從來未見過咁污糟嘅食店😤佢啲食物只係一般，價錢又貴，喺度食飯輕則肚痛，重則真係會有肝炎！

-下午茶時段-🌸輕盈燒鵝湯米粉｜$46凍檸茶｜+$3米粉屬於半透明狀比較粗既米粉，口感微爽，好中意呢個口感！而且好索湯。燒鵝正常發揮，食左好多次，質素都好穩定👍🏻不過啲餐具既清潔就差少少，好在每枱都有提供熱水同杯可以洗餐具。

平日繁忙時間，回味一下太興奶茶。不需要等太耐，工作人員反應迅速，上餐快。咖喱牛腩飯。一如既往，保持濃香椰香咖喱，紅油增加顏色。入面有炸薯角，香脆可口。 牛腩入味，夠淋，唔柴，可惜今次得一舊牛筋。保持水準，滿意。冰鎮奶茶繼續保持水準，濃香幼滑，沒有冰塊融化沖淡奶茶的問題。

今日同b🐷 5點半就到咗觀塘APM，見時間尚早仲可以食到下午茶，就即刻6點前入咗泰興叫左個雙拼燒味飯。😎1.叉燒 油雞雙拼飯 （4/5）老老實實，原來太興嘅燒味真係有一手。原本以為大連鎖店只會有一般嘅貨色，點知叉燒落單時有得揀唔同嘅肥度（肥，半肥瘦，瘦）之外，我揀嘅半肥瘦叉燒真係名副其實爽脆得來又唔油膩嘅半肥瘦叉燒👍👍油雞翼都好香，肉質都好嫩滑。比起一般主打燒味嘅餐廳更要好味！🙀地點：APM穿過鱷魚恤中心，一落電梯嘅右手邊就係。由地鐵站行過去，只需5分鐘左右，非常方便。環境：座位模式與一般大連鎖式餐廳一樣，地方都算寬敞，沒有壓迫感。🫶🏻價錢：同出邊連鎖式餐廳相比，價錢合理！下午茶價，食到差不多正餐份量。服務：侍應態度都良好，出餐都很快，整體效率都很高。另外要讚一讚，佢既飲品鐵匙羹好人性化，有心做左個曲線位俾客人容易𢳂起一啖啖咁熱飲🤩。

最愛既奶茶味道😝😝😝😝太興既港式奶茶真係真係好好飲😍😍😍😍每次口痕想飲奶茶，都好想食太興，雖然對佢嘅野食係咩好大感覺😂但係早餐來講都真係好唔錯，尤其係佢嘅多士配雪菜肉絲米🤍都係好喜歡

2021-11-19晚上大約6:45行去座，有少量市民等入座，想不到咁大集團只靠口說幾位幾位，沒有派飛，門口位置等候位又少，只可企約7人，D職員叫來叫去，攪到D食客有D混亂，誰先到誰先到？，好了入座後內裡環境尚算整潔服務尚算好，㸃了大四喜(义燒，燒鵝，薰蹄，油雞)及青衣炒西蘭花，天啊上菜擺設還可以，味道及質素真的不及1年前，只可用偏甜甜甜來形容，味道及口感根本連普通燒味檔都比不上，不知主打燒味的宣傳怎向市民交待，青衣炒西蘭花不算多油西蘭花算收貨，青衣肉味道可以口感較柴皮勉强收貨，盼望管理層巡下鋪保持水準，長做長有，切勿將貨就价，越做越窄對你們的業績影響不少啊！ 食好味上

濃香杏汁潤肺湯😋又係時候補一補，好鍾意佢呢個湯，飲完有種滋陰潤肺🫁嘅感覺。。。唔係每次嚟都有咖滿燻鵝絲雪菜炆米粉一向以為食嘅係鴨絲炆米，經過職員更正佢哋係用鵝絲，才知道原來一直係食緊鵝絲唔係鴨絲😅⋯⋯一向覺得鵝貴過鴨，點會係用鵝吖🤪食咗N年。。。家下先知🤣煙三文魚菜粒炒飯呢個都係最愛之一，今日好🍀。。。有好多三文魚子同三文魚，每一啖都食到有三文魚😋👍🏻奶茶☕️

試過幾次要幫襯「鱷魚恤中心」間「太興」，每次都因為各種各樣理由安排唔到座位，最終我哋都係走咗去👉🏻👈🏻 幫襯幾十蚊，雖然唔望有五星級嘅招呼，不過總係覺得班員工唔多友善😅 呢日咁啱路過，見裡面冇乜人，而附近又冇類似嘅 #燒味茶餐廳，就一於試吓佢啦。打開餐牌頭一頁，正想叫碗 #酸辣魚腐湯米線，點知成版紙就記得三款 #下午茶餐 有供應😅 既然坐低咗，只好退而求其次叫碗 #燒鵝米粉 頂住先… 唔夠3分鐘，碗 #米紛 已經嚟到我面前，明明睇相，啲 #燒鵝 同米粉係分開上嘅，但係點解我面前呢碗嘢係撈埋晒嘅？燒鵝厚厚嘅肥膏搞到碗米粉肥騰騰，而且米粉嘅份量又少，有啲貨不對版囉🙁 跟餐嗰杯 #餐飲 #冰鎮奶茶 又遲遲都未到，究竟廚房搞乜鬼㗎？我幫襯開嘅「太興」咁個喎👉🏻👈🏻

經常外賣太興的星洲炒米下午茶餐，必定係飲奶茶，這間的奶茶太多花奶，每次都會叫少奶，但最近幾次註明少奶，都仍然係勁多花奶，冇茶味只係飲緊花奶，外賣咗返來又唔可以換