奇興美食中心 (已結業)

從未試過成為第一位寫食評的我, 終於能夠一試了。成為第一個為奇興美食中心寫食評的人呢~ 此餐廳據了解是經過裝修了, 又幾大間, 坐得幾舒服，而且有兩大部電視睇下財經。人手多確是好辦事, 次次黎親都唔會驚無人理你。每天2時許, 呢度就有下午茶, 大份夾抵食, 餐款一般以炒碟飯麵為主, 其他湯類既粉麵飯反而貴D。抵食QQ下午茶餐有成廿幾款, 平均廿零蚊一個餐($22- $24) 炒飯為本人首選，不過當中食過既排骨炒河, 炒貴刁, 午餐肉煎蛋意亦是水準之作。今次又點了我最鍾意食既福建炒飯, 跟凍奶茶, 福建炒飯水準穩定, 雖然間唔中D炒飯無落雞蛋。很喜歡他們用了雞蛋炒起D飯先, 令到每粒飯都有蛋味, 真係黃金飯。 材料亦相當上盛, 茶餐廳得黎絕不偷工減料。有蟹柳, 咸火腿, 冬菇粒, 肉粒等, 很好吃, 汁亦很正宗"福建", 甜甜地咸咸地, 份量亦剛剛好, 食完碟飯唔會覺得唔夠或者太飽食唔晒。 GOOD~杯凍奶茶是本人喜歡的，茶奶調配平均, 港式奶茶味道是本人最好。宗合而言，此餐廳食物同服務是合格的, 但可惜其收銀服務是最遜既一PART, 女人超串, 超差, 間野就咁就比佢地呢兩個女人攪衰