奔之食堂 (已結業)

今日去到尖沙咀呢一頭shopping咁啱再同朋友喺附近食下午茶，今晚就想食廣東道呢一間餐廳，其實都唔係特別去，但係我哋咁啱都係附近，等候時間都係唔需要，我哋就叫咗兩樣嘢大家share一個甜品同埋一個主食！比較推介佢嘅主食，滷肉飯非常好食，佢用半肥瘦嘅豬肉，食落去口感非常十足，亦唔會有太肥膩嘅感覺，口感上我覺得配搭得唔錯，最後再加多個甜品我哋非常滿足，芋丸非常好，有啲好似返咗台灣嘅感覺，煙煙韌韌嘅口感，我同朋友都非常鍾意，而且都唔係太甜，甜品嚟講，我哋覺得非常高質

角落生物餐廳小朋友鍾意角落生物已經去咗三次，每次都係食角落生物包嗰個餐，都幾貴百幾元幾個包，但係個場入邊有好多角落七八可以影相小朋友好開心，好中意！而其他冇角落生物圖案嘅食物都好味同埋價錢正常！台灣飲品好飲！#dinner #lunch #親子 #food #yummyfood #yummy #香港#尖沙咀

角落生物不單是小朋友的至愛，同時亦很受大朋友歡迎，所以決定滿足大朋友同小朋友嘅慾望同食慾，決定來打打卡。一直認為這類型的打卡餐廳，大多數的食物應該一般般，而這裡結果是…都真是一般般，不過不失吧，除了甜不辣，這真有意外驚喜！推介大家試試！另外，還點了花枝丸（有點失望）、角落生物包包併盤、鹽酥雞、麻辣牛肉麵（好辣！）、咖哩飯（米飯的口感不錯，不辣的，小朋友可放心吃）等。當然，一定要和角落生物打打卡，它們真的好可愛呢！

上年其實已經留意到呢間餐廳，但係因為太搶手，一直都book唔到，而且小朋友指定一定要同蜥蝪企！😍今年佢哋再嚟香港即刻嘗試book下睇吓book唔book到。開頭都好耐book ，都係得返啲普通嘅位置。點知有個朝頭早心血來潮上去一睇有人cancel Booking😍即刻book咗夜晚去食。地點喺太陽廣場，其實都幾方便，亦都有泊車優惠。不過拎泊車優惠個位有啲難搵😂喺門口睇緊餐牌嘅時候兩位小朋友已經睇中咗兩杯嘢飲，話轉頭一定要叫。我哋book 7:00都喺門口等咗10分鐘先入得去入到去其實位置就唔太多。侍應都係得兩到三個，要行出去嗌佢落單先知。我哋叫咗個麻辣鹽酥雞拌麵，滷肉鹽酥雞飯仲有炸物籃，同埋一杯芒果汁同藍莓乳酪。總括嚟講不過不失，如果唔係小朋友想去嘅話其實都未必會去。因為食物都偏鹹，同埋唔值呢個價錢，都係噱頭黎😂見到隔籬枱有叫兒童餐，但個份量都唔太多，如果我兩個小朋友食嘅話應該唔夠飽🫠

經平台叫外賣，等了一個半小時，還未完成煮餐過程，問回客服，只叫我們等候，但我們已過了午飯時間，大家如需要叫外賣，需要預留2小時以上時間，才能送到，希望大家叫外賣前，考慮清楚，是否叫這間餐廳

近排個個都去過打卡咁滯嘅角落生物餐廳，終於輪到我去打吓卡啦，不過今日我哋都係即興去，冇預先book位。銅鑼灣嗰間淨係可以Walk in，尖沙咀呢間就可以先online Booking, 仲可以揀定邊款角落生物一齊楚添！同兩個朋友十二點零鐘去到，好多人食緊野，都排咗一陣隊先有位！同埋原來角落生物餐牌，要下午茶時間先有！我哋太肚餓喇，冇等到下午茶先落order，所以都係叫返午餐餐牌！一個set lunch都包好多嘢，尖沙咀商場地段，價錢都預左少貴，不過要打吓卡都無所謂啦😆我哋叫咗3個set share, 最令人回味炸雞配麻辣醬滷肉撈麵！炸雞炸得啱啱好，炸皮唔會太厚，入面肉質係Juice嘅，不過略嫌個皮甜咗少少！加左個黑糖珍珠奶茶同普通珍珠奶茶，正常發揮！

終於到我地啦🙌🙌🙌 湯圓揀左炸蝦尾炸豬扒🍤 當日閒日關係 可能多枱未到/ no show 仲可以影下其他人氣角色枱添🫢 餐廳較預想中細 而且竟然藏身免稅店樓層 尖東站L5行去可以全程免日曬雨淋 😏食物方面 黎得就梗係揀主題食物啦 主食/ 小食 / 甜品/ 飲品 都有～價格偏貴 但味道都算中上 亦打卡able👏 我地嗌左⋯角落小夥伴包 $118裹布小籠包 $36炸蝦尾雞絲拌麵🍜 $118角落小夥伴芒果布甸🥭 🍮 $36白熊可可棉花糖炸豬排黑糖珍珠紅茶拿鐵☕️服務方面💁‍♂️💁🏼‍♀️唔係咩五星服務 但都算親切周到呀～要下兒童餐具呀點餐之類 都爽爽快快😉 見湯圓鍾意畫畫✍🏻仲俾多張乾淨餐紙佢慢慢創作🤣

角落生物係近年好受小朋友歡迎既角色。所以主題餐廳回歸當然要去朝聖一下。首先記得必須要上網預約，冇預約而想walkin有位既機會好微。網上預約平台每月8號開放。餐廳面積唔大，但勝在每張枱都有不同既角落生物公仔陪你食野。主題菜式方面，唔好抱太大期望。兒童餐值得推介，小朋友會好開心。另一特別食物係蒸包，$118／籠，6個。有少少貴，但勝在每個都有不同既樣，夠特別。用餐時間係90分鐘，完全足夠你食完所有食物。未去過又有小朋友既家長，可以去試試。起碼我仔仔食得好開心。

小朋友喜愛的角落生物主題餐廳餐廳範圍唔算大 但入到餐廳 每張台都有一隻角落生物 感覺好可愛 餐廳只接受網上訂座 唔可以walk in 食物主要係台式食品角落生物兒童餐 兩層色嘅飯 小朋友見到好開心咁食哂成個餐 鹽酥雞炸得金黃色 好味道香腸切成八爪魚 有心思的兒童餐旁邊仲有少許菜仲order咗角落生物芒果布甸芒果味都夠 仲叫咗角落生物咖啡咖啡味就唔夠濃 係一杯打卡咖啡角落生物Fans 係會非常喜歡呢間特式餐廳打卡餐廳 每個角落影相都咁靚 但注意用餐限時

星期六就黎8點搵到呢間台灣菜試下, 可能時間都夜唔洗等位之餘, 上菜速度仲要超級快👍🏼而且而家仲做緊「角落生物」主題, 餐廳入面幾乎每張台都有小朋友, 真係好受小朋友歡迎👏🏻餐廳入面仲要有好多打卡位, 有D公仔仲要係坐隔離, 可以陪食飯🤩🍄十全藥膳排骨飯 $88藥膳排骨湯味道似肉骨茶, 排骨雖然入味, 但乾身較柴。🍄宜蘭鹽酥雞滷肉飯 $82鹽酥雞外層炸得酥脆, 有點位置就比較硬, 但雞肉肉質嫩滑。滷肉飯配上一粒花枝丸, 炸得香脆可口。用上日本米煮成既白飯淋上滷肉汁, 粒粒都好飽滿。🍄起司奶蓋炭焙烏龍茶 $38起司奶蓋既味道比較淡, 而且奶蓋質地較稀, 烏龍茶就正常, 可能分開淨飲味道更佳。

近年角落生物大熱，行到邊都有佢地的影蹤。早前都有不同的香港餐廳同角落生物做限時crossover，而今次我就去了尖沙咀的奔之食堂。佢係DFS入邊，去到門口已經見到海量的角落生物公仔可以打卡。餐廳入面都有不少公仔，不過想去的大家記住book咗位先去，因為無book位就有機會要坐無公仔的台。食物方面，選擇還算多，只係角落生物的限定Menu主要係插塊牌仔，痴個貼紙。無我上次去另一間同角落生物crossover cafe咁有心思，食野飲野都有杯墊、餐盒、杯可以拎得走。呢間就裝修上可以較打到卡。我只係角落生物的Menu內，點了兩杯飲品：麻雀三色咖啡，及蜥蜴蝶豆花藍莓沙冰。麻雀三色咖啡同Menu上樣差好遠，而且飲落都未到連所咖啡店的水準。原本以為以為有蜥蜴貼紙的蝶豆花藍莓沙冰，飲落係正常沙冰味道。食物就點了一份紅燒牛肉麵及鹽酥雞滷肉飯，味道一般，只係滷肉飯份量有點少。整體來講，都幾失望，如果佢再同crossover，我都未必再試。

香港雖然有主題餐廳，但不是每間餐廳在店內環境方面都願意花錢。奔之食堂最近再次讓「角落生物」主題回歸，同樣是期間限定在第一次的時候看到大家的照片已經很想去，但奈何最後還是沒去到。所以一知道有就在網上訂位 (尖沙咀店)，另一間在銅鑼灣的分店則只有walk-in。訂位的時候就可以先選擇想和哪個角落生物一桌喔！門面已經看到有不少角落生物的紙板，在走前少少就有一個打卡位。進到店內便看到不同的桌子都有不同的角落生物，每一個都很可愛耶！滿滿的打卡位，我是訂了星期六下午2點的場次，沒想到人不是很多，所以等到大部分客人都走掉時就可以更好地拍照呢墊枱紙也是角落生物，餐牌雖然就只有一頁紙，但也是有角落生物喇我訂的座位是和貓咪坐，環境來說真的100分！用餐方面要注意有最低消費，每人$100。點飲品 + 主食基本就夠。和朋友都點了飲品，透明的杯子貼上角落生物的貼紙。白熊草莓莎莎奶蓋 ($68) & 貓愛文芒果乳酪沙冰 ($68)前者上面的脆脆和果乾，配上微鹹的奶蓋來吃像在吃早餐 (笑)整體不會很甜。另外後者的芒果都幾多。角落小顆伴包 ($118) 因為想要有角落生物樣子的食物打卡，所以點這個。有三款口味的包：紅

📍地址: 尖沙咀廣東道28號力寶太陽廣場LG樓LG07-08號舖✿😋味道😋：3/5✿🏙️環境🏙️：3/5✿🤵🏻服務🤵🏻‍♂️：3/5✿👀賣相👀：3/5✿💰價位💰：2/5↠⏰時段：Lunch 13:00 ↞ —————————————————————🇹🇼🍴🍜❝ 午餐 ❞ x2❀ 主食 —— 眷村紅燒牛肉麵 $108❀ 前菜 —— 柚子蘿蔔 & 青木瓜❀ 小食 —— 雞米花 & 台式香腸 & 鹽酥雞 & 花枝丸❀ 甜品 —— 仙草芋圓 ❀ 飲品(凍飲+$8)—— 功夫紅茶☞ 午餐嘅前菜可以三款揀一款，而小食可以五款揀兩款，而呢個主食——紅燒牛肉麵size好細，不過味道唔錯，湯底好濃郁，不過無牛味，而紅燒牛肉用咗牛展，厚切而且幾淋，而且用咗刀削麵底，食落軟硬度適中，但略嫌size真係太細。☞ 而前菜方面，青木瓜出奇地有驚喜，食落好清新，相對地柚子蘿蔔比較普通。☞ 而佢嘅小食，花枝丸佢將一粒切開一半，都幾孤寒；雞米花相對地多啲，有5舊，味道普通；而台灣腸有三片，但係食落好鹹；而鹽酥雞得三粒。☞ 飲品方面，普通基本凍飲都要加$8，茶底都唔係特別出色。☞ 甜品方面，連埋午餐主食一齊上，份量都係得一啖，不

非常掛念台灣，所以中午時分約埋同事衝去”奔之”滿足一下我地既台灣胃~12點15分到達門口唔洗排隊可以直入餐廳，15分鐘後已經開始要排隊等位，興幸自己行快兩步；現場環境闊落所以位置唔知多。中午時間有兩款套餐可以揀: 台式粉麵/飯+小食或者港式蒸飯+點心，由於一心想食台灣菜，所以今次無考慮到港式套餐啦。我選擇左眷村紅燒牛肉麵套餐配前菜:滷蛋+小食鹽酥雞+花枝丸+甜品仙草芋圓+蜂蜜柚子茶上枱時係以一個木盤配好多細小碟，感覺好豐富，初初以為每碟好細唔夠飽，但果然係少年太年輕，食得好滿足又夠飽。牛肉麵有兩片大牛塊，絕對唔係薄切，滷得好淋有咬口；麵質唔會煮到過淋或者好碎；湯底好濃但差不多飲哂都唔會口渴，應該無加入太多味精滷蛋方面比較細隻而且得半隻略厭唔太夠喉；鹽酥雞反而份量多，而且仲脆脆的唔會有太多炸粉；反而最不滿既係花枝丸只有一粒對切，炸到有啲似豆卜，無左花枝丸應有既彈牙口感；柚子茶落單時店員有提醒偏甜，所以怕甜既可以要求少甜~呀…仲有就係店家免收加一小費要求

I had the steamed rice lunch set which was fine. It seems like there were a lot as you can choose 2 kinds of dim sum to go with your steamed rice.I was surprised that the dim sum tasted better than the steamed rice.Overall the set was not bad, and a cup of hot drink was included.