奔之食堂 (已結業)

今日午餐原本想食雞飯，不過太多人排隊，見到奔之食堂不用等位，所以臨時改變主意。因為覺得套餐份量有點多，所以我和同事2個女仔叫咗1份午市套餐加1碗雞飯。套餐包括1碗炸雞滷肉飯，半隻滷蛋，花枝丸，地瓜棒，仲可以揀杯飲品，我哋揀咗熱紅茶。飯嘅份量都算多，滷肉就不夠入味，花枝丸都算香口，地瓜棒甜甜哋都唔錯。炸雞個汁就太濃味，太甜。芋圓甜品麵粉味太重，失色失望。因為2個人食，所以加多一碗雞飯，雞肉有淡淡甜味，配飯一流，個汁都岩岩好 不會太多。份量都岩岩好。餐廳最好就係免加一，都算低食之選。

今日想吃點心作午餐，發現這家店的午餐幾吸引。不但有蒸飯、又有點心、前菜、甜品和飲品，瀾之定食$79。這定食內容豐富，真吸引。虎蝦乾蒸肉餅這蒸飯幾唔錯，虎蝦蝦乾大大隻，味道鮮美，加上甜鼓油的肉餅又幾好吃，肉餅有少少厚度，爽口彈牙又唔乾，加上軟身白飯好ok.柚子蘿蔔這蘿蔔十分爽口，味道微酸，有少少柚子味，作為前菜是合意的。松露蝦餃這蝦餃皮很薄很通透，有－點松露風味，又有蝦味，其實幾唔錯。鮮竹卷這個鮮竹卷饀料唔多，但味道對位，有肉饀風味，唔多肥膏，如果多少少汁可更理想。仙草芋圓這甜品清清地，仙草像涼粉的滑溜，加上少少椰汁的甜味，還有Q彈軟糯芋圓，滿有台式風味。港式奶茶這奶茶的茶比例較高，奶的味道比較淡，但不澀口，就是紅茶風味重－點。$12 甘哥叉燒包這叉燒包有雪山酥皮，酥皮香甜鬆化，內𥚃有香甜的叉燒，醬汁唔會太多，味道不錯吧！這午餐真滿足。

相信最近好多人都係因為期間限定嘅角落生物主題而嚟到呢間餐廳食，如果要同角落生物一齊坐喺隔離嘅話，就一定要上網bk，walkin嘅話就冇得同角色一齊坐喺隔離。角落生物實在太高人氣，我5月尾book位，未來三個月近乎全滿，只有企鵝仲有幾日可以揀，其他角色已經全部冇位，唯有揀企鵝，都要book到8月30號，好險因為個期間限定只做到8月31。由於突然落勁大雨，遲咗15分鐘到，好擔心會取消咗，因為寫住只留座10分鐘，15分鐘嘅時候店員就打比我，而我都剛好來到門口了，不過全身連埋成個背囊連入面嘅嘢都濕晒。有角落生物限定餐牌，其實只係多咗個牌插喺度，另外都有普通餐牌，每人最低消費$100。炸豬排滷肉飯都有8舊豬扒左右，反而碗飯就細咗啲。炸豬扒唔係吉列好脆嗰種，係有汁的，淋身的，但都幾好食，個汁比較甜，有2舊豬扒好肥差唔多成舊都係肥膏。白熊黑松露蝦餃皮薄，唔硬，幾香黑松露又唔會太勁芋圓香芋奶茶好少芋圓，而且係一堆堆痴住晒，唔係一粒粒，香芋奶茶好稀總結食物還好啦，味道唔算特別出色，有人話價錢太貴，做得期間限定都預咗嫁啦，還可以接受的。

近年最受小朋友歡迎嘅卡通人物都非《 角落小夥伴》莫屬！係尖沙咀「奔之食堂」為期幾個月嘅角落生物主題即將畫上句號，趕得切尾班車帶埋自家「企鵝」同「粉圓」黎打卡😚雖然已經過左頭啖湯，不過慕名而來嘅人並無減少，無訂位都等左接近一個鐘🥲 餐廳好多角落小夥伴擺設，幸運嘅話仲可以同佢地同檯食飯😍 而主題𝘔𝘦𝘯𝘶都好打卡𝘈𝘣𝘭𝘦，不過價錢真係「略水」左啲，至少𝘔𝘢𝘳𝘬 𝘶𝘱左2-3成，只能說黎得都預左係比人劏……《 炸豬扒滷肉飯 》 $118 4 / 5炸豬扒同滷肉醬都好甜，偏向台南古早風味，炸豬扒嘅粉漿唔會太厚，酥脆之餘亦保留到肉汁，米飯挺身唔痴口，整體表現唔錯 👍🏻《 企鵝？香菇素餃 》 $52/3𝘗𝘤𝘴 2.5 / 5呢個以打卡來講有啲搵笨，得支企鵝？旗仔扮下野😂 不過上菜快，餃皮幾透薄，入面餡料飽滿，係略嫌香菇太重草青味味道麻麻🤏《 角落小夥伴包 》 $118 3 / 5兩件奶皇包、兩件豆沙包、同一件白饅頭，不過每件都印左小夥伴嘅圖案即刻可愛左😛 包厚餡少，白饅頭簡直係災難級，勁乾…《 企鵝？奇異果菠蘿茉莉花茶 》 $52 3.5 / 5用奇異果同菠蘿呢個組合，還原返「企鵝？」同「粉

22年網上火熱食肆之一，好難訂位下，終於訂到去食。本來都係抱住打卡心態去光顧，對食物水平未有太大期望。鋪頭位於力寶太陽廣場LG樓 (即係地下一層)，又叫新太陽廣場，真係搞到我好混亂。該層有大量免稅店 like 的美容品牌駐場，相信是遊客的天堂。由於有訂位，同店員確認後，他竟然安排我們坐沒有公仔的4人枱，真的有點失望。經查詢下，原來有公仔的枱均被人預訂了，大家記著訂位時特別提出這個需求!店內提供角落生物餐單和一般餐單，我們點了角落生物餐單的「角落小顆伴芋圓」 ($68) 、「泡沫鮮奶配芝麻雪糕」($68)、「雜草抹茶沙冰」($62)和一般餐的「極品拼三寶」($73)、「古早味炸雞魯肉飯」($85)、「甜不辣」($43)。整體食物水準可以接受，期望以上！但係，最重要的是……食到最後9點幾，竟然係餐廳頂通風位有大老鼠出沒，衛生情況令人擔心😵

角落生物必去打卡餐廳！佢地實在太可愛了！期間限定的角落生物主題，餐廳周圍都有大大隻角落生物~一次過可以同咁多隻角落生物打卡好正喔！仲可以食傳統台灣菜再加可愛特飲😍～推介試一下紅燒牛肉麵和肉鬆蛋餅，味道算不錯，價錢稍稍貴一點。大人同小朋友都食得好開心🥳,另外仲有角落生物嘅精品賣呢～🌟**避開人潮時間離就最好啦, 可以同多幾隻角落生物合照～ 或者提早book位！建議坐近門果長枱，比較有台式木系感，背後還有木格子窗。

妹妹鐘意角落生物 所以同佢去慶祝生日🎂由於呢個活動係限定到8月尾我六月睇嘅時候已經full晒 所以只可以walk in 👣Walk in 👣餐廳11:30 開門我大概11點去到，我當時係排第2排第一個家長係大概10:30 去到Walk in 枱大約都有幾張所以我當時已經知道一定入到🙌如果大家係比較多人去我會建議早d去會穩陣d🫣💗體驗💗雖然我地唔係fans 但都好開心好多大公仔同埋都整很幾靚妹都幾開心🍽食物方面🍽知道都係打卡既主題不過飲品唔錯角落生物fans 去食會好開心🕛用餐時間: 1小時💰人均消費: $100🎂切餅費用: $50大家可以把握喺8月31號之前去💗 @punsfoodstyle #角落生物蛋糕 #角落生物 #角落生物餐廳 #尖沙咀美食 #台灣餐 #奔之食堂 #炸蝦尾

角落生物聯乘餐廳，餐廳中部份的食物也有角落生物的蹤影，很可愛。尤其是餐廳內擺滿角落生物公仔的擺設，小朋友見到十分興奮！角落生物小夥伴包：有原味，奶黃和紅豆沙味，好可愛，色彩繽紛！企鵝香菇素餃，綠色的外皮包著碎香菇，口感不錯！

小朋友好早之前聽同學講跟住就話想去呢度食，搞到2個月前即6月已經book定左。今日一行人7個book左7点，等左10分鐘左右有位，去到座低叫左啲野食野飲，飲品叫咩無咩又無奶蓋，啲野食款式唔多，而且好貴，燒賣，蝦餃52蚊得3粒。角落生物包5粒成舊水，而且重要硬既。排骨肉燥飯品質一般，鹽穌雞無味道，飲品全部好淡。如果唔係小朋友話要黎食我諗應該請都唔會想黎食😅😅。P. S 如果想影相，就感黎門口影張相都夠。

🧒一見到角落生物就勁開心，不枉媽媽早一個月前訂左，其實個時訂已經差不多full 坐我地隔離係蚚蝪餐廳為配合主題已出既食物枱墊好靚❤️兒童餐：🧒除了菜之外，己經食晒肉燥，粟米，蛋，炸雞同飯，我問🧒好無味，他話好好味，而且行動己經表示了😜芒果沙冰，够凍，冰够綿，再加上芒果好滑角落生物饅頭：有無餡，紅豆同奶黃，味道都可以既燒賣，有粒已經遠離航道，因為🧒同我愛燒賣，否則可以skip 😜因得角落生物flag🧒忍不住立即食，坐白熊身邊食真係好開心，食完之後都買左角落生物小禮物❤️

雖然到宜家都仲未係好記得晒所有角落生物嘅名😛但佢地咁可愛真係要去探下佢地先得☺️我地都只係BOOK到普通枱但個日好好運🤩🤩早左少少去到職員同我地講BOOK左炸豬排炸蝦尾枱嘅人今日唔黎我地可以坐不過就要早啲交枱計落都有45分鐘時間食職員又話佢地送餐會好快咁我地就一於同炸豬排炸蝦尾坐啦!!😍😍✨✨✨✨✨✨✨✨✨✨✨✨✨✨✨✨✨奔之極品拼三寶----☺️呢個三寶包括有台式香腸、糯米腸、雞米花開頭唔知咩係雞米花原來係炸雞粒個炸粉唔厚都幾好味台式香腸同糯米腸都不過不失👍🏻宜蘭鹽酥雞滷肉飯----🐓鹽酥雞份量都多滷肉同飯嘅比例都啱啱好👍🏻我仲好鍾意佢個酸青瓜🥒炸蝦尾雞絲拌麵----🍤麵稍為淋身左少少拌麵汁都淡左啲炸蝦就正正常常整體一般但就有支炸蝦尾旗仔做裝飾🚩貓愛文芒果乳酪沙冰----🥭呢杯好好飲呀🤩🤩好足料!!有濃濃嘅芒果味加少少酸嘅乳酪又唔會太甜絕配呀💯黑糖珍珠鮮奶----🥛呢杯又係唔錯黑糖甜度適中鮮奶味都濃郁珍珠軟硬度都OK👍🏻👍🏻✨✨✨✨✨✨✨✨✨✨✨✨✨✨✨✨✨有角落生物陪住食飯餐飯都食得開心啲🥰🥰

琴日見間野角落生物期間限定主題諗住去打個卡，點知d職員服務差到你媽都吾認得。😡奉勸各位幫襯真係三思而行！一點幾鐘去到，多人排隊要等、話要一個鐘後先有位我都算，有個負責walk in排隊人流男職員竟然話「可以坐底食15分鐘，15分鐘後就要埋單走，因為有人book左位」咁樣即係想趕人走，唔想人地入黎幫襯咁，咁都講得出口，15分鐘後就走人，咁樣我寧願食其他餐廳，唔幫襯你好過啦。😡到差唔多兩個鐘之後，三點幾鐘去到，仲衰。明明有90分鐘時間食，比佢cut左半個鐘得60分鐘時間食，尼個已經夠衰😡。人地d放題餐廳都會跟足寫明幾多分鐘時間就有幾多分鐘時間食，寫左120分鐘就120分鐘，跟足曬，吾會多亦吾會少。再之後仲衰，有位坐之後叫野食，有個馬尾辮女仔根本無聽清楚人地叫咩食，前後打錯單，人地明明無叫兒童餐，單上打左兒童餐。同埋人地叫左蝦餃，張單竟然連蝦餃都打漏，做野做到甘真係第一次見。😡野食算快到，吾洗要人等好耐。食左差唔多一個鐘，最後上埋甜品。碗芋圓甜品幾大碗，份量夠多，有公仔椰汁凍好得意打個卡食埋再走，點知食左幾啖即刻有個男職員就趕人走。😡甘既服務，＄你又識收，仲要甘樣做野。😡就算d野食好食都冇用

炸豬扒滷肉飯 ($118)企鵝香菇素餃($52)麻雀三色咖啡($62)角落小夥伴芋圓($68)其實平時都有食開佢哋銅鑼灣分店既，我最鍾意佢地既雞肉飯午餐，不過今次就叫返啲角落生物theme既食物。炸豬扒滷肉飯同平日一樣豬扒炸得岩岩好，而且加左梅子粉好似返左台灣咁酸酸甜甜好開胃！素餃個香菇有少少’行’唔太香。至於非常吸睛既三色咖啡都好好味，上面有oreo碎增加口感好豐富！甜品芋圓就偏甜左少少，不過個奶凍唔只得個樣個味道都好正好涼爽。

睇到標題嘅大家，未必知我噏緊乜🧐，但我起初嘅目的真係為咗角落生物而去❤️。因為我哋遲出門口，去到尖沙咀都成3點半，諗住會無乜人啦，點知都要排20分鐘隊先入得餐廳，而用餐嘅多數係一家大小👨‍👩‍👧‍👦，我哩個亞姨拉自己件佬去👩🏻‍🤝‍👨🏼，即刻覺得好鬼尷尬😅，算啦，開心咪得囉～但都好老老實實講，你要打卡📸，就要坐到4人枱先同到角落生物同枱食飯🍽，我地2個人嘅就要好遠距離葡萄🍇隔離枱👀。野食基於😫我太肚餓又半分理性關係，個d $58一籠得4粒嘅燒賣我無叫到，反而叫番佢正常餐牌嘅🍜傳統清燉牛肉麵($85）同 🐓🍚宜蘭鹽酥雞滷肉飯 ($78) 再加咗個 ☕️角落系列嘅 麻雀三色咖啡 ($62)。食完3樣之後都覺得價錢係mark up 曬。牛肉係林同滑口，湯底都係好滑甜，但麵質就一般般。鹽酥雞係正常未至於好好食，杯咖啡係連小朋友都入到口嘅味道，都裝飾欠缺咗誠意，杯面貼咗貼就係🙄🙄其實整體黎講係要調整自己心態先好入去，因為你比嘅貴錢唔止食緊野，仲係望緊野。完～

完全只係因為小朋友才會去，除了主題我找不到其他特點或特式，入到去感覺只係搵笨。這是一間混合港式點心及台灣小食的主題餐廳，cafe形式，地方唔大，十枱左右的空間，但價錢偏高，而Menu入面只要配上主題的食物價錢就三級跳，而菜單上所謂嘅Set 完全係誤導，實際上只點心的單一項目。價錢、地方都其次，服務就認真九流，我們一家四口入坐後，基本上唔會有人招呼你，我地點埋嘢食，應該係話食物已來了兩種，就連碗都沒有給我們(筷子係插在枱上的筷子筒內)，要問侍應才有，好笑的是侍應反問我要幾多個碗，別忘記這餐廳係有收加一服務費。我們只點了三個點心，一個小食，三杯珍珠奶茶，都已經4百幾。食物質素方面就只屬一般，沒有特色，也沒有獨特，什至乎蒸飯只俾用個錫紙兜上枱。所以整體來說，不值得大排長龍或提前個多月預訂，當係打卡景點到此一遊就好了，今次係第一次去也是最後一次。