女人街食飯公司

营业中

休息中

女人街食飯公司，淨係個名都已經港味十足，將大牌檔既風味同特色帶入去有冷氣舒服乾淨既餐廳環境🥳晚市做到12點，可以舒服地享受港式大牌檔既懷舊味道👍🏻淨係個裝修都好值得打打卡，餐牌大量鑊氣小炒、懷舊港式菜，走吸引🤩馬拉盞時蔬炒牛肉，一上枱超級香，啲鑊氣飄緊出嚟咁🔥芥蘭炒，削開左啲芥蘭苗炒，手工就係依度，一食不得了外爽內腍滑，馬拉盞超夾，掛晒係啲菜度好惹味🤤牛肉似係牛仔肉，好嫩滑既肉質，每舊都帶焦香，相當高質既一道小炒🫠大牌檔食鑊氣無理由唔啤啤佢，嘉士伯配戰鬥碗，用戰鬥碗飲酒就係豪爽🍻海鮮時間🪼老陳皮蒸龍躉頭腩，用傳統中式瓷碟原碟蒸，隻碟上都仲好熱😙龍躉頭腩真材實料，新鮮，肉質爽身彈牙，骨膠原十足，啲豉油都好正好精華😍手工位又黎，啲陳皮絲真係切到超絲，平時有時一係就無味，一係就大大條搶晒啲鮮味，依個幼絲每舊魚腩一至兩條，味道平衡更有層次😘新西蘭蟶子皇，蒜蓉粉絲蒸，超大隻好鮮爽，價錢抵食，粉絲吸晒啲精華都勁好味😋啲餸菜上枱淨係賣相都贏🙈仲要照顧晒色香味，神還原大牌檔風味，食物真心超高質，手工菜🤩bookmarked❤️

而家呢個天氣食飯除咗有鑊氣最緊要係有冷氣🌬️ 裝潢有濃濃既舊港式風味。好有懷舊大排檔氣氛，但當然最緊要係佢哋乾淨好多～鳯梨咕嚕肉🍍酸甜醒胃，口感香脆唔會得啲骨同埋肥膏，炸漿唔厚，做得唔錯。青芥沙拉骨有陣陣芥辣香味🥴小小攻鼻然後再有沙律醬既甜，啖啖肉同時又有少少刺激～花枝餅金黃色好靚，爽口又鮮甜，唔會油淋淋瑤柱招牌走地雞份量大🐓雞肉嫩，最正係面頭滿滿既瑤柱同蔥，送飯一流～佢哋仲有配埋個蔥油醬同酸辣醬，更加多唔同變化～我哋無預先做功課，所以無嗌到呢啲既名物，但亂咁 order 啲食物水準都穩定，而且當日有小朋友一齊食飯，佢哋有兒童椅供應，坐得闊落舒服，係加分位～

大佬有時做搞手搞gathering，人多想要小炒+圓枱就會揀女人街～ 今日想食港式小炒又想要冷氣舒舒服服，所以再嚟咗～呢度門口對金龍金鳳同店入邊嘅霓虹燈招牌、鐵閘都係主打港式懷舊～ 幾有大排檔feel 秘製蔥油走地雞兩人份叫咗半只🤓雞皮滑滑的，肉質嫩滑，醬汁鹹香配蔥絲勁香口～ 用嚟送飯一流。金銀蛋浸時蔬清清地叫返個菜，金銀蛋加肉碎湯浸莧菜，下火又唔會太膩。金鴛鴦蒜粉絲蒸蟶子皇蟶子皇肥美肉質勁彈牙，鋪面嘅粉絲吸收晒精華，朋友話今日唔食海鮮🤭兩隻我食晒的，正正子

在Open Rich內看到這食市的介紹，於是與友人一試，到達後因無預約，大約等咗二十分鐘便有枱，場內環境十分懷舊，看菜牌後點咗香煎手打墨魚餅、招牌杏汁燉豬肺、蝦乾粉絲蒸勝瓜。未幾餸菜送到，杏汁燉豬肺湯十分美味，湯甜、濃厚杏汁再加上豬肺甜滑，很久無嚐過了；香煎手打墨魚餅彈牙，口感甜美；蝦乾粉絲蒸勝瓜，𧎚乾甜，粉絲滑，勝瓜爽總括：色香味俱全

女人街食飯公司係一間喺旺角嘅樓上大排檔，佢哋嘅裝修充滿香港嘅懷舊特色🇭🇰，一入門口已經見到有對金色嘅鳳凰做左右門神🧡🧡，再行入去就見到模仿舊式香港店舖嘅設計，再加埋舊式窗花🪟同警告標語牌📜，好有年代感，好似返咗去六七十年代嘅舊香港，連餐具同埋枱凳都用返大排檔款式，喺呢度食嘢真係別有一番風味。🥰🥰🥰黑松露厚蝦多士 $84睇相最想試就係呢個招牌菜式😍最啱大家做佐酒前菜。$28/件，最少3件起，多人就唔使諗叫幾多碟，一人一件啱啱好😂下層厚多士🍞炸到好鬆軟，外層脆卜卜，雙層炸蝦好新鮮🍤上面仲加咗黑松露醬好香，係嚟呢度嘅必上菜式👍🏻👍🏻👍🏻鳳梨懷舊咕嚕肉 $118喺大排檔最常嘅一道餸，亦都覺得係最考廚師功夫嘅一道菜👨🏻‍🍳咕嚕肉炸粉唔厚，咬落去唔會覺得食咗一Pat粉漿，而係有少少脆卜卜之後就食到肉，咕嚕醬都調得啱啱好，唔會太酸👍🏻金菇沙茶肥牛煲 $138覺得喺大排檔一定要叫返個煲仔菜😂呢個煲落咗好多沙茶醬，一啲都唔孤寒，所以沙茶味好夠，金菇同墊底嘅粉絲吸晒沙茶醬汁，送飯一流🍚牛肉質素唔錯，咬落好有牛味，一啲都唔硬🐮金鴛鴦蒜粉絲蒸蟶子皇 $96大排檔點都要叫返碟海鮮，我呢個貝殼精🐚今次叫咗蟶子皇。

女人街食飯公司係一間好吸引嘅餐廳，唔止菜式多樣豐富，仲有好方便嘅營業時間。佢哋晚市營業到夜晚十二點🕰️，真係迎合咗夜遊一族嘅需要🦉。唔論你同朋友夜晚想食夜宵，定係工作遲放，都可以黎呢度解渴解飢！除咗營業時間吸引，佢哋嘅菜式都令人垂涎三尺。首先係黑松露鮮蝦多士🍞，真係太正！脆口多士包住鮮蝦🍤同黑松露，一口咬落去，黑松露嘅香氣同鮮蝦嘅鮮味立即爆發，好滿足味蕾！鳳梨懷舊咕嚕肉🐷都係一道令人回味嘅經典菜式。酸甜嘅鳳梨同埋咕嚕肉嘅香脆口感絕對係絕配，每一口都好享受，令人唔捨得停筷！金菇沙茶肥牛煲🍲係一個值得一試嘅菜式。濃郁嘅沙茶醬同鮮甜嘅金菇同肥牛燉煮，湯汁香醇美味，肥牛軟嫩多汁，金菇爽脆，食落好過癮！最後，金鴛鴦蒜粉絲蒸蟶子皇絕對係一個驚喜。用蒜粉絲作底，蒸煮出來嘅蟶子皇鮮嫩多汁，同蒜粉絲嘅香氣互相襯托，味道獨特，好有驚喜感！👍🏻總括而言，女人街食飯公司係一個好適合夜遊一族嘅餐廳。佢哋嘅菜式豐富多元，每一款都有獨特嘅風味，而且營業至夜晚十二點，真係方便又好食！無論你係夜晚嚟食夜宵，定係想晚啲工作完食飯，記得嚟女人街食飯公司啊！❤️❤️❤️

今次嚟到呢間網紅非常推薦嘅「女人街食飯公司」🫢餐廳環境佈置以香港舊式大排檔設計為主，而且以不同香港舊式招牌做裝飾。而食物方面，就等莉薇婭為大家試左幾款小菜😜 ✨ 瑤柱招牌走地雞(半隻) °°・$158・°°✨ 金銀蛋浸時蔬 °°・$88・°°✨ 黑松露厚蝦多士 °°・$28/1件 (❗️3件起)・°°✨ 養顏花膠燉螺頭湯 °°・$228・°°每碟小菜雖然份量十足，但味道卻平平無奇，有些小失望🙁🙁。覺得食物質素未去到網紅級嘅必食推介🙁🙁🙁加上對養顏花膠燉螺頭湯非常失望，整盅湯上枱時，看到材料十分足料，但花膠好硬身，而且湯味亦重味精味😔😔☹️對於呢頓飯，真的覺得一般般，之後都唔會再番check，性價比不高。

第一次嬲到要留評語，落單點左個浸菜，牛柳粒，走地雞，等左10分鐘個菜黎左，再等5分鐘先話無晒走到雞，隨即轉個頭就走人，無問我地要唔要轉其他餸食，要我舉手請佢番黎幫我地落個粟米斑塊，等左20分鐘第二個餸遲遲都唔到，催左佢3，4次都無用，闊佬懶理，第二個餸牛柳粒起碼再等左半個鐘，然後先同我地講粟米斑塊賣晒，嬲到我震，點解你唔喺我落單既時候確認廚房有乜野賣，我見佢地侍應個個耳仔都載住個耳機都唔知用黎做乜，可能係聽收音機定聽跑馬，尼啲我都算數，諗住快啲食完快啲走人離開，叫佢幫手整番熱碟菜同換個碗飯，因為都擺左成半個鐘，乜都凍晒啦，佢話唔會幫我地整番熱，嘈幾嘈先話最多幫我地叮番熱，真係多謝晒囉，過情態度惡劣及輕佻，重以為等半個鐘既牛柳粒有幾好食，份量細之如，同茶餐廳差唔多，牛柳粒似微波爐訂熱、完全無鍋氣，重要賣單收你加一服務費，餐牌完全沒有提及，或只是寫在不當眼處，尼啲咁既服務重要收服務費真係第一次見，永無下次尼間極品餐廳😡

一班人嘅聚會就係要食小炒飲啤酒🍻呢間最近好紅嘅女人街食飯公司，環境裝修好靚，啱晒打卡之餘，性價比都好高！唯一嘅缺點係唔容易book位🤣🤍PS 個人最喜歡一口臭豆腐😚😚晚飯三寶(A) $428- 瑤柱招牌走地雞（半隻）- 黨松露厚蝦多士（4件）- 蒜茸粉絲蒸大元貝（4隻）蒜蓉粉絲蒸大元貝(一件) $48黑松露厚蝦多士（一件）$28屋村三鮮（豬生腸，鴨腎，墨魚）$88🌟ー口臭豆腐 $72風沙九肚魚 $108X0醬馬拉盞芥蘭煲 $98豉油皇龍鬚炒麵 $98Erdinger 白麥啤 $42

📍 女人街食飯公司 (旺角)旺角通菜街1A-1L威達商業大廈1樓B室———————————————呢間餐廳平日夜晚都好旺場，我八點左右去到依然唔少人排隊，可能因為餐廳晚市時間營業到12點，好多人都係放咗工之後嚟聚會，傾耐啲都得😆👍🏻蒜蓉蒸蟶子王(💰: 68 hkd/一隻)果然不愧為蟶子王，size都幾大隻，仲要隻隻都厚肉🤩 食落肉質新鮮爽彈，蒜蓉豉油份量啱啱好唔會太重味，配埋吸收晒所有精華嘅粉絲一流～屋邨三鮮(💰: 88 hkd)屋邨三鮮其實就係港式鹵水，包括生腸、墨魚、雞腎😆 全部食落都好爽口，亦都好新鮮，配埋芥末同醬油真係絕配！八味脆鮮魷(💰: 108 hkd)八味其實就係椒鹽粉，加落鮮魷好香口惹味，而且炸皮唔會太厚，食落熱辣辣脆卜卜，肉質爽彈🤤香菇油渣蝦子撈粗 (細)(💰: 62 hkd)連埋豬油渣撈粗麵食真係好邪惡好肥😢 但食落都真係幾香嘅，不過下次有機會我可能會將quota留俾其他菜式🫣🤣咸檸七(💰: 26 hkd)食得懷舊港式嘢，又點少得咸檸七呢～ 鹹檸檬切片加入冰鎮七喜，鹹鹹酸酸清涼解渴！整體評分 (6個🐽為滿分)味道：🐽🐽🐽🐽🐽抵食：🐽🐽🐽🐽環境：🐽🐽🐽🐽🐽🐽服務：🐽

2023.6.12 星期一 9pm還以為星期一晚夜點吃晚飯不會太多人，原來這裡都滿座了，超熱鬧，有不少聚會。裝修有特色，有大排檔的氣氛。剛巧坐在一大枱聚會客的前面，聲大到耳痛，吵到我聽不到自己說話😅不過其他位置也是正常聲量的。••••••••••••••••••••| 鳳梨懷舊咕嚕肉 | $118🐖🔥🍍🫑咕嚕肉大大塊，炸衣不是超脆但不錯，甜酸適中，會偏甜一點，啖啖肉很好吃。菠蘿新鮮很開胃，三色椒都炒得很好，沒有青味。| 頭抽鱈魚球 | $208🔥🐟太重頭抽味，接近燶味，個人口味不太喜歡。鱈魚表面一般不太脆，肉質是正常的，沒有很濃魚味。這個有點貴，不太推薦。| 鮮魚湯杞子浸時蔬 | $88🥬🍲十分清淡，蔬煮得很腍，吃完會解膩，湯感覺沒有味精。略嫌太淡，再加重一點味道會更好。••••••••••••••••••••小菜夠大碟，環境舒適冷氣夠涼，好適合聚會。但是今次選的小菜除了咕嚕肉，其他都一般。因為想吃海鮮都沒有了，建議早一點去吃晚飯，多些選擇。

太好吃 🥳🥳🥳🥳🥳🤪🤪🤪🤪🤪到香港一定要吃的大排檔吧！吃到的就是香港的味道 !水準高！我吃的是：香辣魚皮 - 夠辣又香又爽咕嚕肉 - 手工菜，唔易整！但佢整得好好味！少少脆，加上咕嚕汁，酸酸甜甜 😍雜菜煲 - 好清甜！雜菜都好新鮮！焗魚腸 - 蛋味比魚腸味道重，所以覺得這道餸一般豉椒炒蜆 - 好香豉椒，蜆夠新鮮杏汁燉豬肺湯 - 最喜歡這個湯！杏汁味唔會太重，味道剛剛好，仲會將湯渣另上，豬肺好爽，又唔會太淋最特別係估唔到個廁所都幾乾淨 🤭🤭 （因為通常大排檔嘅廁所都比較污糟🤷🏻‍♀️）

而家女人街最旺就係佢，名又改得好容易記，價錢嚟講唔算好平，不過佢就有啲唔係成日食到嘅嘢，例如焗魚腸、蝦多士、豬肺湯等，都值得一試嘅，不過晚市有限時分兩輪，第一輪要20:15交枱。🥢鳯梨咕嚕肉 $118⭐️⭐️⭐️⭐️咕嚕肉口感卜卜脆幾好味，芡汁味道剛好少少酸，炸漿唔厚肉質juicy。🥢清炒時蔬 $78⭐️⭐️⭐️⭐️通菜爽嫩，一碟份量唔算好多。🥢椒鹽粟米 $78⭐️⭐️⭐️收呢個價錢仲以為去埋個芯，粟米ok甜，但椒鹽就辣咗些少。🥢地道咖哩水魷魚 $68⭐️⭐️⭐️⭐️水魷爽口入味，咖哩好少辣但好惹味。🥢黑松露厚蝦多士 $28x4⭐️⭐️⭐️⭐️蝦多士逐件計，上枱已經聞到好香松露，食落更香脆好味，蝦膠好厚口感好正。🥢一口臭豆腐 $72⭐️⭐️臭豆腐太少豆腐餡，反而覺得口感太尖硬，似炸豆卜多d，醬又唔似街邊果d味道。🥢豉汁蒸鱔 $118⭐️⭐️⭐️⭐️呢個價錢有大約8-9件超抵食，鱔非常入味而且啖啖肉，必叫。🥢杏汁燉豬肺湯 $168⭐️⭐️⭐️⭐️如果食第二輪就一定要預訂，呢個豬肺湯係必叫，杏汁味香濃，真材實料，一盅起碼有7-8碗。可樂 $14Asahi支裝 $34 四人共消費：$1023

近排幾鐘意嘅大牌檔😋呢度每碟都有鑊氣、份量適中、味道同價錢都成正比😼椒鹽粟米$78非常香口同滋味，炒得好有風味同鑊氣香蒜龍躉頭腩蒸飯$218炒飯底炒到粒粒分明同金黃色，頭腩爽滑份量亦多，味道適中唔會好咸性價比：⭐️⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️⭐️⭐️⭐️⭐️建議：好多人book定位！

大熱天時想食大排檔一定要有冷氣 係咪先( ~¯ ‪‪ᵕ¯)~？女人街食飯公司 @ladies_street_sikfaan 幫到大家佢選埗一棟商業大廈 但成個格局都保留番大排檔咁款啲擺設更加比傳統大排檔更有風味菜式方面就係大排檔菜式上加入新元素 更迎合後生仔口味ჱ̒¯‎‪꒳¯)⟡◦黑松露鮮蝦多士（晚餐三寶）差唔多每一枱都叫.ᐟ‪‪‬餐廳用左新鮮蝦去整 蝦膠份量夠哂厚多士炸得香脆 係有好輕微既油益味除左多士上有黑松露 沙律醬都係黑松露味 唔怕食唔出lol◦ 瑤柱招牌走地雞（晚餐三寶）隻雞蒸得好出色 剛剛熟 好嫩滑～面頭既大堆頭既炸乾蔥 瑤柱同蔥已經好香口仲有兩款醬汁可以蘸◦ 蒜蓉粉絲蒸大元貝（晚餐三寶）Size都大既 而且無蒸過龍感恩係真既大元貝.ᐟ‪‪‬（上次西貢食真係明顯放入去 一食就知）但靈魂一定係吸哂味既粉絲(˙𐃷˙)◦ 椒鹽粟米澳門食過間好好味 香港唔係好多比得上呢間我覺得算好ok 椒鹽又惹味又入味仲食得到粟米既香甜(ˊo̶̶̷ᴗo̶̶̷`)◦ 老虎大蝦龍蝦湯脆米泡飯脆米同湯係分開上 上菜時個湯仲bu bu bu咁滾緊我地特登等一陣先倒個米落去 希望會仲脆脆地不過係失敗既 變番飯 但有啲啲啲