女鍋 @Freshlane

营业中

休息中

我係叫外賣既，見佢4.7/5 咪TryTry佢，同Fd一齊叫幾樣餸，由1800落單，見到要120Min以上既送餐時間已經心知不妙。我地一直等到20:15都未有，打去問話餐Ready但車手未到，然後20:30再打去問，話車手攞左餐。個種開心係我仲安慰個Fd，餐廳已經做好左本份啦，差車手姐。2100仲未有，我再打去問個車手電話呢？點知發現根本未攞單，車手都只係叫左未到餐廳。要求取消訂單，餐廳串到識飛咁講：咁你就取消啦，點知到 CS打去就話會送黎。雖然最後搞左一輪取消到，但都要Comment一句，貴 餐廳 好 差！

放工做到好攰 唔想再煮飯見到有間主打媽媽愛心餸菜既中菜外賣小店 😍😍 竟然仲要有我鐘意既炒蟹 仲要有嘗試價$88 薑蔥炒膏蟹 真心同係餐廳食冇得輸囉！！ 返到屋企一打開已經勁香酒味 引死人咩 份量仲要勁足 🤣🤣 個蟹蓋大過我手掌，仲要入邊勁多膏 蟹見到起碼有成8-10件估計應該一隻蟹有多仲要件件都啖啖肉 🥹呢個價錢仲要咁好食得唔得㗎仲叫咗個市面上少見嘅迷你瑤柱冬瓜盅$28.8咋😂入邊仲要真係有瑤柱蓮子同蝦粒 真心呢個價錢抵食好啱缺少湯水嘅我見到人哋推薦慢煮雞胸釀鹹蛋黃等我又試吓先慢煮雞胸煮得剛剛好滑嘟嘟 又juice入面包住咸香既咸蛋黃 同粉粉既芋我試下加埋配食既醉雞汁 夠哂味啊 呢個配搭真心好特別涼浸浸啱晒夏天食呢😋😋今次試到既幾款味道超級正呀，🤔見到佢仲出咗新樣 甜酸海鮮脆麵球 都好想試下呢咁嘅價錢仲要足料好食 絕對會成為放工之後嘅飯堂啊！

熱辣辣唔想煮飯買外賣就梗係最適合不過, 最近體驗左Freshlane 呢個提供唔同種類同菜式既外賣基地, 西營盤, 北角, 灣仔, 旺角, 荃灣都會搵到佢既蹤影, 方便每區既客人, 餐廳選擇方面會因應地區有所不同☺️ 今次揀左位於旺角既分舖, 大概有10間餐廳可以選擇係旺角分店攞😉 慢煮醉雞卷釀咸蛋黃🐔(6件)($58)嫩滑雞肉包住鹹蛋黃粒同蘿蔔粒, 再淋上香濃既杞子花雕汁, 成個配搭都好夾, 酒味好香濃😌香煎蓮藕餅釀蝦米鯪魚肉餅🍘(4件)($68)兩塊蓮藕夾住厚厚既蝦米鯪魚肉餅食落外脆內軟, 餡料好足😍花彫醉蝦🦐(4隻)($68)蝦肉鮮甜索曬杞子花雕汁超入味, 好食🥰麻香酸菜魚🐟($78)打開蓋已經聞到麻椒香, 有大量既魚片, 酸菜, 芽菜, 酸辣兩味平衡得好好🤩可以上網落單或者用自助機落單, 再去Service Desk或者Locker 度攞就可以嫁喇, 成個流程超方便😊

早前在旺角freshlane另一家買外賣，偶然收到了隔壁舖女鍋的傳單， 看見價錢滿便宜的，而且菜色十分合胃口，所以就決定一試早上預先下單，去到就差不多有得拿了！非常方便出品沙爹牛腩邊$68甜甜微辣的沙嗲醬配上稔軟而富彈性的牛腩邊，加上甜甜的洋蔥🧅，超多沙嗲醬非常好下飯！份量也不少，滿抵吃的話梅骨$68酸酸甜的話梅骨半肥半瘦，而且肉多過骨，帶一點點豬油脂香，配搭酸酸的鎮江醋肥而不膩，不錯醉雞卷$58 八大塊嫩雞釀入蘿蔔、芋頭、芹菜、玉子，口感10分多層次，加上店家送的一小瓶酒，這醉雞的質素相當高

品質味道幾好嘅小菜外賣店，推介👍🏻價錢唔算太貴，閒時外賣返屋企加餸都不錯～酥炸芋蓉春卷($28)拎到返屋企都仲係脆嘅，芋蓉有驚喜，有芋香味，食到有真正嘅芋泥，好味😋韓式泡菜燴牛腩邊($68)牛腩邊炆得好淋，而且有牛肉香，牛腩份量都幾多，幾抵食。泡菜擺喺面，2樣一齊食冇違和感👍🏻👍🏻慢煮醉雞卷($58)賣相不錯，係冷盤嚟嘅，雪得夠凍，配埋花雕酒醬汁食幾清爽。雞肉內有芋頭、紅蘿蔔、鹹蛋黃嘅餡料，有層次，雞肉唔會鞋，外層嘅雞皮都唔肥，包得好靚，感覺健康又好食😋香煎蓮藕肉餅釀蝦米鯪魚($48)呢個餸自己煮都要啲心機時間，蓮藕釀咗蝦米鯪魚肉，煎到成個都金黃色，食落好香口，仲有埋炸米粉伴碟幾有誠意👏🏻

之前佢又喺港島區用過Freshlane，估唔到佢哋喺旺角開咗新據點。我一早落定單，去到就攞得，非常方便。涼拌雞絲粉皮 $68雞肉絲唔少，有啲仲係連雞皮，食落幾香。粉皮夠滑，配上大量麻醬好滋味。蜜汁叉燒 $48呢個價錢有半斤叉燒，性價比幾高。雖然呢日嘅叉燒比較瘦，但係食落一啲都唔乾。調味亦都啱啱好。柱侯蘿白炆牛腩邊飯 $38牛腩同蘿蔔都煮得好腍，吸收晒柱侯醬嘅味道。而且呢個價錢仲有配罐裝可樂，真係喜出望外。椰汁燉奶 $38做到類似雙皮奶嘅效果，椰汁味都好香濃！📍女鍋 @Freshlane (旺角)旺角豉油街126-128號明威閣2樓Freshlane

最近發現旺角開咗中央廚房Freshlane, 入面有好多唔同餐廳可以選擇，今次幫襯咗佢入面嘅"女鍋", 手機落餐，再去自取，真係非常方便！😍醉雞捲 $58醉雞整得幾入味，而且入面包住蘿蔔同芋頭等材料，味道特別得嚟，令到食落層次更加豐富！雞絲粉皮$48雞肉份量都幾多，整體來講都OK!鮮蝦腐皮卷$28 外皮有少少薄脆，食落幾足料❤️候柱蘿蔔炆牛腩邊$68呢個蘿蔔真係整得又淋又入味，完全吸收晒牛腩邊嘅精華😍 牛腩邊份量都唔少，牛味正常

女鍋 @Freshlane (旺角)旺角豉油街126-128號明威閣2樓Freshlane今日去買外賣，買咗個牛腩蘿卜，好足料，芳香撲鼻，牛腩冧滑多汁，蘿蔔就更正，好入味，夠冧甜香，好食到不得了，食過返尋味，必食推介，😋😋😋要了一條肥美烏頭魚，原條焗出嚟，香噴噴，魚肚入面塞滿香料，令魚肉香甜美味，鮮嫩多汁，系我食過最好食嘅烏頭魚，師傅嘅精心製作，簡直就係一流，齒頰留香，回味無窮，必食，極力推介👍👍👍

旺角開咗Freshlane～多咗好多間外賣揀☺️今次我訂咗「女鍋」外賣自取可以預先whatsapp落單再到2樓嘅Freshlane到場時都要等一陣先可以自取亦可以用外賣平台嘅服務咁就更加方便✪ 沙爹牛腩邊飯 ⌫ 💲38沙爹汁味道好香濃加咗青椒同紅椒 味道好清新牛腩邊肉質軟腍入味 拌飯食一流包埋飲品 性價比好高✪ 麻香酸菜魚 ⌫ 💲98酸菜魚好大碗 會貼心分湯裝無得選擇辣度 食落酸味突出如果可以加少少辣就好✪ 鮮粟米芝士豬肉餃（6隻）⌫ 💲48浸返熱湯先再食餃子大大粒 餡料豐富豬肉加上粟米粒 口感好好【 女鍋 】📌旺角豉油街126-128號明威閣2樓29號

香煎蓮藕肉餅蝦米鯪魚$48外觀睇落好靚金黃色非常香口，先食到蓮藕爽脆再到肉餅爆汁，加埋蝦米同埋鯪魚，肉餅富有層次感。慢煮醉雞捲$58食醉雞捲，記住加埋個汁一齊食。醉雞捲包住芋頭鹹蛋同埋紅蘿蔔，除咗食到結實嘅雞，仲食到咸蛋軟糯嘅口感。Colorful 營養爆燈 金沙排骨$78 排骨炸到非常鬆脆，加埋非常邪惡嘅鹹蛋黃，食落口有鹹蛋粒粒口感，簡直係白飯殺手！排骨肉質鮮嫩Juicy，總括嚟講呢間餐廳性價比超高！ ！

Freshlane 真係一個好偉大嘅地方，少少一個點，可以order唔同嘅食物，選擇又多。今次喺旺角，發現依間快靚正小菜，好食又唔貴，值得一試南乳花生豬手一個製作繁複嘅美味餸菜，都只係需要$68 👍🏼👍🏼豬手非常入味，而且調味做得幾好，唔會太鹹，花生亦都唔會淋到爛晒，好入味，滿滿骨膠原，超正！沙嗲牛腩邊選用牛腩邊，就可以避免好韌咬唔開嘅情況，都幾好👍🏼👍🏼沙嗲味道香濃，而且牛腩邊軟熟，餸飯一流！除咗一啲簡單菜式之外，佢哋仲有糖水，炸物等等，選擇都幾多，如果位置近，都真係幾方便😎

從朋友口中得知呢間外賣店，領取地方非常之方便，地點就腳，於是就決定試一試！一共叫咗三碟餸慢煮醉雞捲一向好鍾意食醉雞，呢款小食一啲都唔失望，雞卷入面除咗有雞之外，仲有紅蘿蔔等餡料，好夾味，加上酒味咁食，正👍🏻👍🏻柱候蘿蔔炆牛腩邊🥩蘿蔔炆得好淋，有別於一般大大嚿嘅牛腩，呢度嘅牛腩係切片，炆得好林好入味，推介話梅骨🍖酸酸甜甜，好好送飯，份量都幾充足，$68來講，非常之抵食總結呢間都係抵食之選，下次會再嚟

外賣店真心勁方便，我喺網站落單，辦公室做完嘢，就可以喺選定嘅時間去提取食物🙌🏻✨蠔皇冬菇扣鴨掌好鍾意蠔皇醬料嘅鹹香，同冬菇好夾，鴨掌雖然雖然唔係好大隻，勝在肉質軟嫩，夠入味！✨白切雞我揀咗全雞，味道較清淡，勝在雞肉入口嫩滑，口感細膩，搭配上鮮香嘅姜蔥醬料，更加提升口感。✨蜜汁叉燒叉燒入口香甜多汁，半肥瘦嘅叉燒，口感滑嫩，烤制得恰到好處，唔錯！✨泰式酸辣鳳爪味道酸辣，鳳爪肉質韌而有嚼勁，食落凍冰冰，好開胃。

疫情下慣咗叫外賣，外賣平台亦越來越多元化，近日接觸到「Freshlane」呢個外賣平台，可以自己whatsapp落單，再係預定嘅時間自取，非常方便，今次就試咗「女鍋」呢間中菜外賣店。餐廳食物相當多元化，冷盤、燒味、小菜、甜品都有，落單後經智能櫃取餐，過程方便衛生。蜜汁叉燒(半斤) :叉燒色澤好靚，份量都幾多，半肥瘦叉燒食落多汁，肉質唔韌，蜜汁味道香甜，配飯食一流。話梅骨 :話梅骨肉多骨少，食落啖啖肉，肉質柔軟鬆化，味道酸酸甜甜，相當開胃。蠔皇炆花菇 :一份有十隻，花菇厚身多汁，炆得好入味，吸收晒蠔油嘅鮮味，好好味，以$58黎講都算超值。

同事介紹呢間中菜外賣店，撳幾個掣就有靚餸食，見價錢唔貴啲款又幾吸引，就叫咗幾份小菜試吓。香煎蓮藕釀蝦米鯪魚肉餅 $48煎得好香口，蓮藕爽脆，鯪魚肉質彈牙；蓮藕本身都幾甜，加埋蝦米嘅鹹香，無論口感定味道都非常豐富。七彩腐皮卷 $28外層炸得夠香脆，拎到返屋企都冇變腍，入面有粉絲、冬菇、雲耳等材料，清新爽口。南乳花生炆豬手 $68南乳鹹中帶甜，有陣陣酒香，豬手炆得軟腍入味，連啲花生都好好食，送飯一流。柱侯蘿蔔炆牛腩邊 $68一打開就好香柱侯味，蘿蔔冇渣唔苦，又腍又多汁；牛腩邊份量相當多，肥瘦適中，好重牛味。