好一鍋海鮮火鍋專門店 (已結業)

今晚本來約了朋友上莊士倫敦12樓，吃「大鍋口」，留意，不是「好一鍋」！電梯按了12樓，但我們都沒為意就在8樓好一鍋出了（後來發覺好可能是好一鍋職員按的）入了去開枱，發覺沒乜人，就飲住蔗水等（而且全沒蔗味，得甜味），望下菜單（後來發覺點菜紙竟和12樓的大鍋口八成相似，真係唔知邊個抄邊個）後來朋友告知他們在12樓我們才知去錯，要走人！總之，最後我們損失了時間，要去番12樓朋友原定去的大鍋口再等過，而且開了的蔗水也要收回我們$50，還立即變臉趕我們走！明明大把位，無人等緊位！呢間野手法又抄人，又誤導，又無品，大家真係要小心。

本身同朋友去試呢間火鍋ge，點知淨系book位都成肚氣，個reception的態度真系差到無朋友，接booking又接錯，我地因為有也做所以要差d去，未打電話去改時間羅，點知佢d態度差到無朋友，真系唔明咩叫你地book左位我地到無位比你地嫁喔！禁我book來托咩！你呢d系咩態度吖！我打電話去改booking，你又唔知同邊個傾緊計，真系無禮貌禁講句姨姨你可唔可以等我改完booking先同隔離個男的傾計吖？本身以為得個reception的態度差啦！點知d侍應吖姐的態度仲差，只不過系叫你收收d也姐又吾系做咩，睇住你對手無拎住任何也先叫你收姐，我同我朋友絕對有同你講唔該囖！真系唔明對手無拎住任何也但系都會無手囖！同埋我地只不過問你拎多個碗仔姐，你唔洗禁寸吖！原來呢間店提供比客人的碗仔系一人一個嫁！如果對過一個就會比d員工問我點解要比你，我入座時我真系睇唔到呢間店有明文規定碗仔只限一人一個，真系請算小妹我孤陋寡聞！各位如果你地要去食呢間火鍋的時候book位記住問清楚有無位先吖！唔好好似我今次禁book左人地都話無位比我！呢間店d員工ge服務態度真系令人髮指，難聽d講句明顯系度倒老細米！

我地差唔多7個人打邊爐 入左去就唔洗等啦 但係服務員態度麻麻地 係兩個半鐘內落左單4次 每一次都有叫菜 但每次都唔會有菜黎 得肉會上 肉同肉丸既份量亦得好少 你寫2既話佢就真係俾2粒 所以多人食真係要寫多d 但菜就遲遲都唔上 個半鐘落兩次單都唔黎菜 叫經理落多幾次都唔出黎之後個經理仲要態度好差好惡咁講：你寫多一張俾我啦 服務態度似鬧客多過serve

有日經過莊士倫敦廣場見到張單張攞左返屋企研究 睇到有好多野揀所以lum住去試。我地一共六個人，佢安排左張大檯（有兩個爐）比我地。我同一個fd遲左少少到，去到應該係個經理問我幾多位 我話應該已經黎左。佢居然望一望我二話不說就扯住我隻手行到個張檯問係咪佢地 我話係 佢就走左 ok 我唔計較呢樣。坐低我地商量要咩湯底、揀左個雙拼ge。點知人地個個遲過我地ge都已經上晒湯底上晒菜我地仲等緊，而且佢計時架wor。佢地上慢左唔會加時比我地架嘛。終於等到個湯底黎 ，發現六個人要用一個爐 但係入紙ge時候我地係填左兩個雙拼（因為見有兩個爐）。當時職員並無出聲告知 到上湯底先話比我地知係得一個。都算 我地問 係咪如果我地六個人分開兩個兩個坐就有三個湯底 佢話係 我地就話咁轉檯啦 我地分開坐。準備起身換檯ge時候 之前扯我個個貌似經理ge女人就話唔可以分。我地就同佢理論 明明人地遲黎都上先過我地我地等左咁耐 變相計時我地就蝕左不突止 仲要六個人用一個爐 我地最後話唔食喇 反正咩野都未有又唔比分開坐。佢話可以 不過要比返火鍋+茶錢。我地無理照走。乜都未上未掂過就要我地比錢 佢自己都覺得唔好意思啦。d 員工態

今日去左好一鍋食放題，食左好多野食，最好食都系牛肉，涮完後好軟，充滿牛肉味！另外都有埋刺身供應，有三文魚，甜蝦，估吾到都吾差，三文魚肉質軟滑，咬落完全無渣！至於個甜蝦好鮮甜彈牙

是日去QE 探大哥病, 之後出街食，我們先經普光齋，晚餐buffet 約$150？齋食得幾多？跟住去左附近搵嘢食, 去了漢陽苑又貴，午餐$108、晚餐$178！太貴了，所以就去左搵第二間食,行到莊士倫敦成座食店，有韓燒，打邊爐，老公見好一鍋沒寫加一就揀了它, 不過最後都係要加一!價錢方面5:00-9:30 $148，有2個半小時吃,7:30 前埋單平$10, 不過都傻既, 要吃得那麼趕才平得那麼少!呢度冇咁多人，環境方面一啲都唔迫，湯底我地叫左免費既蕃茄豬骨，食物方面選擇齊全, 我們沒有叫要另外加錢的，湯底我地叫左免費既蕃茄豬骨，食物方面選擇齊全, 我們沒有叫要另外加錢的，知道肥牛肥膏較多, 怕肥唔食！我們叫了手切牛肉，牛骨髓、牛柏葉、鵝腸、帆立貝、干貝燒、花膠、海蝦、鯇魚片、脆鯇片、蜂巢豆腐, 通通都好穩陣, 好新鮮, 只有炸響鈴卷好大陣油益味，感覺上稻香好d，睇open rice 其他人話呢度四寶丸全部都係手打既, 質感同出面食開普通機打既丸差好遠, 一定要試下! 所以叫了，也不錯！其他菇，唐生菜、娃娃菜都非常新鮮，因細碟要不斷加單，侍應仍好好笑容, 一點也不會不耐煩!食到7:45

原本想試另一間火鍋店，但見呢間唔駛等位就揀咗呢間。揀咗兩個湯底，蕃茄湯底唔錯，但另一個就好淡冇味。侍應會催人快啲整好醬油碟，佢想快啲拎走啲調味料，不過整體服務態度都唔錯。食物普普通通，響鈴唔脆，但炸魚皮就好脆。平價食物一份嘅份量會好多，所以少人就叫住一碟好喇，而貴價食物份量就好少，但都正常嘅。飲品都算多選擇，任飲好抵，而且仲有雪糕食。

行到莊士倫敦廣場梗係打邊爐，雖然天氣唔凍喇，但都係鐘意打邊爐，打邊爐邊少得肥牛你主角？色澤鮮美，口感幼滑，極級肥牛果然係美味，唔錯唔錯，其他食物都算新鮮，海鮮都一樣正，海蝦生猛，魚片新鮮，正！

本身打算去食大鍋口嘅，係樓下嘅時候收到傳單一睇係新野喎，而且價錢唔貴，我地係9點半後所以係128加一。咁好啦，儘管上去試下啦。嘩！乜啲裝修咁似樓上大鍋口嘅?？相似度有98%喎⋯⋯唔知兩間舖有冇關係架呢？唔理啦，好肚餓，睇下有咩食先啦正常邊爐舖有嘅，都有啦，選擇款式都夠多嘅。坐低之後姐姐好快就拎左條醬料俾你揀啦，你揀完之後佢就會收返架啦，連呢樣都好似大鍋口🤔🤔講下野食先，呢個係是日海鮮，幾鮮甜唔錯架，不過叫左一轉就話售罄，可能係因為我地係宵夜時段啦。豬粉腸正呀喂，係會愈嚼愈有味道羊肉，好味，絕對有羊肉騷味，喜歡羊肉嘅朋友仔絕對要試啦！白鱔皮，本人最愛，鮮甜爽口，但每次叫都係得三片，可能我地三個人關係，搞到要不斷追加。脆鯇魚片，魚味突出而爽口，不過怕魚腥味嘅人就要留意啦，佢都有少少魚腥味架！鮮墨魚滑，本人就略嫌佢冇乜墨魚味，但同行友人卻大讚，瘋狂追加驚喜之選，芝士腸！食過太多任食邊爐啲芝士腸係頹到冇朋有架啦，呢間嘅就爆漿芝士，驚喜滿足感十足終於有伏野啦，就係呢個鮮蝦雲吞，唔係講笑，冇蝦味都算啦，啲餡好似咬膠咁，唔知自己食緊咩最後係甜品，呢間舖有雪糕定乳酪任食，要係雪糕機搞落嚟，隔離擺左幾款

尋晚同女友係The One睇完戲成九點幾，未諗到食乜好，行行下就黎到呢度樓下，係大廈門口，有個姐姐大力推介8樓呢間打邊邊，重話有優惠券送只要$108一位任飲任食，啲野又新鮮，重話call上去留張卡位比我地咁，梗係上去試下啦！姐姐無呃我地，真係留到張卡位，野食又真係好新鮮好食，讚！花膠、海蝦、墨魚丸，爽口彈牙！魚皮夠鮮夠脆，重可以叫白飯比我食到湯飯，令我覺得呢餐唔應該只要$108，忍唔住叫兩支老青島嘆下，而大啤，都只係$18一支！兩人食完，買單只係$261，超值！

開完夜餓咗成晚, 成班餓鬼去左附近搵嘢食, 餓左咁耐緊係打邊爐啦, 但係大鍋口太多人, 所以就去左搵第二間食, 最後就揀左樓下嘅好一鍋. 呢度當然冇咁多人, 但係當試下新嘢囉, 價錢方面九點半後$128加一, 算係非常抵, 但係食物質素始於係最重要, 所以都係要試過先知.湯底我地叫左免費既沙爹同胡椒豬肚湯, 沙爹湯味道濃郁, 胡椒豬肚湯胡椒味強勁, 又啲辣,但係又幾過癮. 食物方面選擇齊全 (海鮮類我唔食, 所以唔太清楚), 一開始當然食肥牛, 賣相非常好, 但肥膏較多, 雖然岩哂我地呢啲餓鬼, 但怕肥既朋友要小心啲 (怕肥就唔會食肥牛啦!), 四寶丸全部都係手打既, 質感同出面食開普通機打既丸差好遠, 一定要試下! 值得一提既係, 我地另外叫嘅極品肥牛粒 (要另外加錢) 牛味同油香味極濃, 肉質細嫩, 一定要試一試! 除左肉, 蔬菜都係打邊爐其中一樣好重要嘅食材, 而我地今次叫既菜芯非常新鮮, 完全都冇霉到.另外大蝦, 帶子, 鱔….等等海鮮緊係唔少得啦, 全部都好新鮮.除左火鍋配料外. 甜品方面有”韓國”乳酪雪糕, 佢有唔同種類嘅配料有麥皮碎, 綿花糖, 糖粒同提子乾粒比你揀, 味

三日內第二次打邊爐，來到見有肉骨茶湯底有點小興奮，記得每次飲完全身暖笠笠，但可能希望越大，失望越大，湯底大滾都聞唔到藥材香。呢度有點似佢樓上的大X口，有蒜蓉，炸蒜，蔥，辣椒，沙茶來混醬。推介炸魚皮，蝦同鱔片。炸魚皮有粉麵舖的質素，脆而且冇油溢味、但個魚片角就難食到海蝦彈牙新鮮、鱔片肥美，出好油、是日推介海用鮮 - 螺，火鍋來講算大隻。點左手切肥牛同美國肥牛，厚度一樣，應該都係機切，只係後者比較肥美、墨汁墨魚滑冇墨汁，白雪雪的、台式魚子腸點左兩次都冇來、麻婆豆腐丸冇麻香、吊桶仔，魷魚卷完全冇味得個口感、仲有其他火鍋店比較少見的萵筍，但比較老身有渣。野飲自己攞，個蜜瓜忌廉鮮奶好好飲，但可惜冇啤酒。甜品方面，有乳酪雪糕同少量配料選擇

早前見喺街派傳單，見新野所以諗住試下，價錢又好似都幾ok咁！結論，可以一試，但唔試無損失！！d料好一般，同其他出面O既火鍋無唔同！今日叫左個蕃茄豬骨&胡椒豬肚嘅鴛鴦湯底，我覺得唔錯嘅！但其他啲料我真係覺得一般啫！另外，佢有乳酪O既~但都係一般，我覺得用去酒樓打邊爐O既心態去會好D~

早一個星期有朋友試過呢間新火鍋任食話都0k,就三代同堂+好友去試下。好彩有訂枱1900,因為坐了半小時便全院滿座。湯底有數款正常選擇,我地選了鴛鴦沙爹，食物種類都幾多。首先肥牛有手切肥牛同美國肥牛，肥瘦比例剛好唔會好似有D火鍋D肥牛得個「肥」字，食落牛肉味濃，我同爺爺都好鍾意食叫左4,5次都冇漏單，另一精選是手打墨魚丸、豬肉丸同墨魚滑，又新鮮好彈牙又是我最愛。太太就話豬膶好新鮮所以好爽脆，我一向好少食因為唔新鮮的豬膶好難食，但呢度真係新鮮所以都有試果然好爽。重有推介西班牙白豚肉真係估唔到薄薄一片但原來好滑好好味唔會好「鞋」。仲有D細細粒帆立貝都幾鮮甜。其他食品都係正常火鍋會提供，但最重要係材料係新鮮，所以樣樣味道真係唔錯，最得意有部乳酪機可自己操作,阿仔就整左幾次都整唔到個靚靚扭紋,結果當然由身為爸爸既我去善後放埋落肚啦！座位方面不會太迫,出食物快而沒有漏單,唯獨人手未算好多,有時都要等等先有人應,不過服務態度算好。2個半小時的火鍋家人與朋友都滿意,價錢又唔貴成人$148小童$88,以此價錢有這些食物質素絕對ok，位置又方便,又多一個聚落吹水的好地方

天寒地凍，冇嘢好得過一家人打邊爐。今晚試了一間剛開業位於佐敦的火鍋店--好一鍋。踏入店內，感覺坐位不迫及乾淨。被安排坐在卡位，五人坐就有些少迫四人最理想。蒲坐下，便心中計算在這二個半小時內吃䀆自己大愛的食物，包括牛、魚、蝦等；飲品包括竹庶水、樂天飲品、汽水及乳酪甜品。選了木瓜魚湯底夠清甜，食物有手切肥牛不肥及嫩口、脆鯇片好爽及厚切、白鳝片薄切夠新鮮、蝦的肉地結實等等。總括而言，打鞭爐最緊要食物夠新鮮，湯底清甜，配合舒服的環境，一頓晚餐就能錦上添花。還有乳酪甜品加上些少麥皮，飽飽的仍KO一杯。還有好多嘢食未試，以咁的價錢及環境，我會再嚟！