好一鍋海鮮火鍋專門店 (已結業)

琴晚約埋班fd一共6個人book左7:00枱，準時7:00上到去攞位，帶位阿姐就叫我地坐低等陣，但明明入面大把位，結果我地等左15分鐘先入得。岩先睇番其他食評先知依間野經常都係咁，我地已經算等得短時間。一坐低就有侍應攞左個調味料架過黎，但就無俾豉油，要我地追左幾次先有。之後我地有個fd遲到，再問侍應攞多次調味料架，個侍應擺低後就棟係度同我地講快啲，佢要即刻攞走。叫左第一輪野食都算幾有效率，但叫第二輪就等左半個中都未到。揾個侍應幫手跟單之後冇耐，就有另一個侍應攞左幾碟野食黎，但依幾碟野應該就唔係我地order個啲，特別係個幾碟肥牛。我地都有同番侍應講啲嘢應該唔係我地，但侍應就表示"岩食就無所謂啦!"。OK，咁我地照食，就係我地差唔多食哂嘅時候，有2個應該係經理級嘅人西哂面咁話"呢隻係靚啲嘅牛肉，唔係你地食嫁，要逐碟計錢嫁。"然後收走哂啲吉碟。明明係佢地同事送錯，仲要係明知個隻，點解可以講到好似我地偷食咁？之後9:00未夠就叫我地埋單，因為明知埋左單就會俾人趕走，所以專登等多陣先埋單。過左5分鐘到，就有個經理走過黎追我地單，我地都算，照埋。結果如我地所料。9:30就有侍應過黎將成個煲攞走左

小弟多數係淨睇吾留言，今次都覺得真係要出聲提醒其他食客.- 我7點到餐廳拎２人枱，當時餐廳無乜人枱都未滿一半。因為朋友未到，門口姓許的接待叫我等等先入，所以我就坐住等。我客氣地問大堂小姐洗吾洗拎飛，佢卻不耐煩答一句＂吾洗，你坐底等啦＂- 後來有其他食客黎到拎位，同大堂小姐有講好笑搭哂膊頭，好明顯是熟客，雖然人未齊，大堂小姐卻不停叫佢地" 入座先,坐住等＂，我已經覺得奇怪。- 到７點半左右我朋友差吾多到，當時餐廳亦開始多人，我怕遲左無位，我就同大堂小姐講＂我朋友就到，我想入坐先＂，許小姐又不耐煩答一句＂等等＂- 一直等到７點５０分，有一批２人食客拎枱，聽到大堂小姐問佢地搭唔搭枱，佢地話ＯＫ，大堂小姐卻叫我跟住入去入座，我已經好奇怪，果然行到入去叫我搭枱坐底。我就問大堂小姐＂我吾搭枱＂，大堂小姐答我＂淨係得搭枱，無吾搭枱＂，我就問佢點解無講清楚亦無問過我，大堂小姐話＂得２個人一定係搭枱＂。我- 我決定吾食，正離開餐廳見到似乎係場管既趙經理，我向佢反映返件事，佢理直氣地答我＂頭先有位你吾入黎，宜家一定要搭枱＂。我同佢表示我了解人多要搭枱無辦法，但我最不滿意係＂員工從來無同我講過要搭枱，而令我

是晚約左一班舊同事一齊打邊爐，book左枱11位7:30。原來咁啱上次聚會都係係佐敦莊士倫敦廣場食飯😆呢度都幾多餐廳選擇👍🏻因爲未夠12個人所以叫左兩個鍋，不過之後發現原來可以+$50就有多一個鍋就變左三個。湯底方面我地叫左：沙爹同冬陰功（鴛鴦鍋）、清雞湯、木瓜&魚。有啲人唔食得辣所以大家就跟鍋坐😂🍲海鮮、丸類、肉、菜、飲品2.5鐘任食任飲，正！overall食物唔錯又多選擇(叫肥牛嘅話可以一次過叫多啲因為一份得三塊😂)服務都幾好，某啲位嘅冷氣比較凍，環境衛生一般，地下有啲位濕濕地。埋單有加一，大家每人$210，都算幾抵。

話說果日大鍋口冇哂位就去左樓下呢間食啦，整體食物質素是okay不錯的，但部分員工服務態度其差，特別是門口收銀的那個女人，好似你比錢你受氣咁，味行埋去面色西到成舊炭咁，比錢好似比人鬧咁。重有就係佢地樓面清潔的工人係可以唔睇唔讓客人過先一部車仔撞埋黎嘅，事後一向道歉都冇。我都癈事攪大佢啦，總之野食係okay, 但佢地staff d服務就真係見人見智, 睇你好唔好彩會唔會比人拎車仔撞啦。重有通風有d問題你有機會會成面煙。

星期一嘅晚上， 放工後往油麻地搜購心頭好， 之後與太太步行往佐敦莊士倫敦廣場， 呢座大廈出名食肆多， 打邊爐放題佔嘅比例亦多， 所以搭𨋢遊走睇下邊間比較多人，後來選定這一家， 發覺都要等四枱以上，在等候期間翻閱有關食評，果然好多like, 應該不會中伏吧 另外已在接待處取食物紙選定食物，等候約十五分鐘，埋位即遞纸， 五分鐘後湯底及食物一齊送到, 任點火鍋比較少有嘅元貝、蜆（ 指定特選海鮮）都任點唔嬲， 比較特別一款西班牙白豚肉， 熟咗之後入口鬆化， 比一般火鍋所謂嘅豚肉好食得多， 飲品都係汽水、韓式飲品、中式甜飲等， 不過比較奇怪呢度嘅蔗水係暖嘅， 可能for天氣凍啩！ 另外甜品係自助軟雪糕， 火鍋嚟講比較驚喜！ 350蚊兩個人，物有所值。

今日約班好姊妹出去傾計，揀咗食任食火鍋，貪佢可以坐得夠耐。呢間任食火鍋係佐敦站C1出口行2分鐘就到，地點方便大家都易搵。上到去見到有人排隊，但等左一陣就到我哋啦！一坐低即刻來六樣自選醬料，飲品就係自己出去攞個種。火鍋方面，我地揀咗鴛鴦湯底，沙嗲加酸菜豬骨湯，沙嗲味好濃郁、酸菜豬骨湯就清甜加酸酸地幾開胃。打邊爐係必叫肥牛同炸魚皮，呢間啲肥牛厚薄適中，唔會好似一般任食邊爐咁太薄身，一放落去就散嗰種，炸魚皮脆身亦無油溢味！第一時間叫咗個雞肉，諗住做湯底啲湯會鮮甜啲，但原來D雞肉好嫩滑，好好食！見到隔離枱碟西班牙白豚肉好正，就叫咗一碟試吓，通常打邊爐好少叫豬肉，但呢個白豚肉真係唔錯，肥瘦分明亦都唔老！脆鯇魚腩好大舊啖啖肉，但略嫌有啲油膩。蔬菜方面，叫左芥蘭苗，細細條無渣同清甜，我地叫左好多份😂😂😂！第一次食香蔥雪魚腐，又幾特別喎！彈牙得黎又有香蔥味！任食黎講上菜好快，亦都冇漏單嘅情況，又無催人走，下次可以同再黎過!

今晚收工自己一個行咗一陣街，有啲肚餓就約埋同事喺附近打邊爐，本身都冇乜心水，但知道佐敦呢個大廈有幾間任食火鍋，就膽粗粗上咗8樓試下，我哋差唔多九點先去到，但係都仲要等位，不過因為我哋只係兩個人基本上都好快，等左一兩張就到我哋。首先佢個火鍋湯底，因為我哋只係兩個人只可以揀一種款，兩個人以上就可以揀鴛鴦。。我哋就揀咗胡椒豬肚湯底，超香同濃郁因為佢入面都有黑椒，如果食到少少辣嘅朋友絕對推介食呢個湯底必食推介，手切肥牛，炸魚皮佢仲有是日精選海鮮，會根據每晚唔同而比海鮮你，今晚就係海蝦同埋大蜆，每人都只係百幾蚊，抵食

這幢廣場每層都是餐廳，其中火鍋的更有好幾家，價錢雖然相同，可質素也有參差。這次來的是好一鍋，$158加一任食2.5小時。平日晚上來到都有很多人，幸好我們稍稍早過七點半，避開了人龍。有很多卡位，大台的圓桌之間也不會太逼夾，算是舒適。一坐下店員便很快的端上醬料架，基本的辣椒粒、蔥粒、生蒜蓉、炸蒜粒、麻醬和沙爹醬都有，而最重要是很乾淨，調味匙都不會油油的。餐牌簡單易明，選擇也很多，大都是港式火鍋配料，較特式的有脆肉鯇魚片/腩、白鱔片、白豚肉、墨汁墨魚滑等等，還有油炸鬼 雖然之前吃雞煲有試過用釀油炸鬼來當火鍋料，但始終較少湯，而且釀了的蝦滑比油炸鬼份量多，如果就這樣純油炸鬼下湯的話應該會很吸湯吧……下了單先去選飲品，簡單的汽水和放題韓式飲品都有，但好像不見有酸梅湯之類？免費湯底選擇還真多，而且可以雙拼甚至三拼，而且不另收費。其中鮮茄薯仔豬軟骨鍋、泰式冬蔭公鍋、金銀菜豬肺湯都是非常少有且吸引的湯底。花多眼亂之下我們好不容易選了木瓜魚尾湯鍋和花雕醉雞鍋，嘗試過後兩款湯底我們都一致給予好評的。木瓜魚尾湯比較清晰，是真材實料用新鮮魚煲出來的奶白色，卻一點也不會腥，而且沒有剩下魚骨，木瓜也很甜美和煲至軟

可以選用兩種不同的火鍋湯底，太好了，是免費。來的蝦-，肥牛，羊，豬都好多種類，好值得吃，$138 加一，正常收费。但真的非常之多人，感覺上8/F 好一鍋和12/F 大鍋口火鍋是同一集團，座位間隔是一樣。訂枱時不防選这間，價錢算可以。不差。

服務人員只會呼喝,態度惡劣. 點菜半小時也不上. 眼見很多客人氣冲冲離開👎🏼還有客人不滿火鍋也要搭枱食物也一般湯底很淡. 只是價錢便宜吃得很不爽.實在需要檢討一下

這個季節真的很適合打邊爐，今次和朋友到了這間任飲任食2.5小時放題火鍋。海鮮和火鍋生料任吃，更加有韓國乳酪做甜品。雪櫃內有不少飲品選擇，不只有普通的汽水，還有韓國品牌的罐裝飲料。一坐下就會送上一支竹蔗茅根水，不會太甜。醬料上就有六款選擇，包括麻醬和沙嗲醬等。火鍋配料和湯底方面有不少選擇。選擇了香茜皮蛋鍋和馬來西亞爹王鍋-雙拼湯鍋底。湯底濃郁，這個香茜皮蛋鍋的豆腐好吃，很滑。我和朋友都是牛魔王，於是叫了一碟極品肥牛來試試，牛味十足，入口嫩滑而且很大碟。想不到任食火鍋都有花膠食，大大塊不錯。白鱔片，脆鯇魚片新鮮，推介。其他火鍋料也不錯。甜品方面，乳酪自助吧，有不少配料可以選擇配搭，明明已很飽但都食了兩轉🤣

本來抱著朋友的推介一試，但換來不足的服務態度敗興而離，真是有點可惜。 總括來説無論環境和食物的質量是中上之選。 但埋单不足十分鐘而被趕走，什為不满。 進而決定之後不再光顧此店。

天氣涼返少少，即刻約埋阿妹去打邊爐！兩個人唔食到好多野，散叫唔抵食，所以最後睇openrice揀左去呢度任飲任食2.5小時！我地兩個都早放工，所以食早輪5pm-7:30pm! 每人$138加一全包價！價錢都幾抵！湯底有10款選擇，除左大路款式好似沙爹湯、芫茜皮蛋湯等等外，仲有任食火鍋比較少有嘅醉雞鍋、冬蔭功鍋、木瓜魚鍋等等，仲可以免費揀鴛鴦湯底。我地最後揀左四川麻辣鍋拼芫茜皮蛋鍋。要讚下個麻辣鍋，雖然唔係好辣，但夠香，咸味亦適中。醬料除左大路嘅辣椒、蔥、蒜外，仲有芝麻醬沙茶醬，不過其實湯底已經好夠味，所以都冇乜點啲醬料。我地每樣點少少，配料份量每次比得唔算多，咁樣岩哂我地，可以每樣食少少，試多啲款式! 火鍋必食肥牛！有本地肥牛同美國肥牛兩種選擇！兩款質素都唔錯，個人比較喜歡本地肥牛，因為牛味濃啲之餘仲比較有咬口。海鮮有海蝦、花膠，除左常見嘅鯇魚腩、魚雲外，竟然仲有鱔片！！是日海鮮係蜆，冇沙之餘味道都唔錯。特別推介海蝦，鮮甜彈牙，我地encore左幾次呢！另外仲有多款手打丸，我地試左手打墨魚丸同埋黑椒牛丸，前者爽口彈牙，後者黑椒味香濃，百幾蚊嘅任食火鍋有呢個質素，確實非常滿意！其他丸類我

秋風起，又係時候打邊爐任食就最好，想食咩就叫如果任食仲包埋海鮮，咁就真係無得頂啦！一坐低就有渣竹蔗茅根，正，清一清熱醬料會放低，俾你慢慢揀見到隔離檯叫左碟桂花蚌，新鮮又大碟我地都叫左碟試下果然正，大大碟之餘，又爽口彈牙最重要係$68咋不妨加黎試下！手切肥牛，美國肥牛，任你揀仲有是日推介海鮮😍😍😍啲蝦都係大大隻架仲有得叫花膠樣樣都真材實料打完邊爐仲可以整返杯乳酪食都真係好過癮！乳酪都有多款配料任你揀呢度，價錢合理，位置方便而且係2.5小時任食任飲(汽水)絕對可以同朋友狂食狂傾最緊要係野食好味、款式又多

天氣漸漸轉涼又再浮起打邊爐的念頭忙了一整個下午就來一個任飲任食放肆一番一踏出升降機就人山人海等了三十分鐘終於入座雙拼湯底比較有特色是次選了香茜皮蛋和鯊魚骨猴頭菇加一二八可升級一碟極品肥牛果然肉質嫩口肥瘦適中一大碟已有三至四人用飲品自助有我最愛的烏龍茶任點項目中手切肥牛較瘦但有肉味美國肥牛則太肥有點膩手打墨魚丸超有彈性白鱔片絕對是驚喜之作肉爽味道鮮甜花膠無味道但質感軟腍黑椒牛丸黑椒味超濃羊肉片太騷不是我的韮菜豬肉餃聲稱自家制餡料實在蟹爪棒肉竟不是最平價的那款是日推薦海鮮是大蜆體型大海水味好濃鵪鶉蛋和牛骨髓坊間比較少見最後在乳酪雪糕作甜品懶理卡路里脂肪碳水化合物偶爾的放肆又有何干