好一鍋海鮮火鍋專門店 (已結業)

️ 湯底選擇了冬蔭功湯 香濃足料的～ 還有其他特別及健康的湯底 如胡椒鹹菜豬肚湯🐷 花雕醉雞湯🐔 蒙古羊羊湯🐐✏️ 配料包括 兩款肥牛 墨魚滑系列 炙燒芝士丸 正常的應有盡有 還可以再加錢選特級配料～👉🏻 1930前離座或2130後入座每位$138加一👉🏻 2130前入座$158加一

難得家母佢地提議出街食，咁梗係打邊爐啦。一來係佢最鐘意嘅二來呢個天氣就係打邊爐嘅日子。所以放工就近近地黎左呢度，大概等左半個鐘就入座了。一坐低侍應就送上一壺竹蔗水熱熱地又清甜，家母都話比得上自己煲咁好飲😂三個人好快就分完了，真係唔夠喉。之後就係混醬時間，六款醬料任君選擇。因為呢度有成十款湯底揀，所以我地要左個雙拼：胡椒豬肚+花雕醉雞。兩款湯底都好足料，醉雞湯不但有濃濃酒香，仲有唔少藥材係入面，桂圓、淮山、當歸等等，而豬肚湯嘅胡椒同咸菜就算我地第二次加湯，個味仲係度👍之後我地就各自點左啲材料黎食了。呢度有分手切肥牛同美國肥牛，個人覺得手切嘅重牛味多啲同埋肥瘦均勻一啲，所以主力encore呢個，脆肉鯇都係必點之一，肉質爽脆又可以淥耐啲，打邊爐一流。係點菜紙見到有樣叫牛骨髓嘅食材，呢樣唔係好多火鍋店有，就點左黎食。口感煙煙韌韌咁好得意。除左呢個仲有干燒貝都係唔常見嘅，食落似炸過嘅蟹棒但就再甜啲同一絲絲，好有元貝味👍而呢度嘅羊肉都好食，少少羶之餘又夠腍，連平時唔係點食羊嘅家母都清左一碟👍之後見隔離嘅生蠔幾吸引，二話不說就追加+$58黎孝敬家母。生蠔好飽滿，淥耐左縮水情況都唔嚴重，食落唔腥同無鐵

今晚和老婆、姨甥女、契女補祝契女媽咪補慶祝生日，選擇打邊爐，本來諗最多人去果間，點知滿咗，結果第二選擇就是這裡。上來之前看了這裡一些不好的評論，有些擔心，好彩食材新鮮。改善的地方😅：本來訂座時訂了7：15，點知查來查去都冇，好彩佢都帶我去，可惜俾咗一張4人枱，窄到連幾碟都放唔到，後來我攞了兩張茶几，才可以放多幾碟。另外漏單嚴重😱低讚👍食材是新鮮的，必吃：手切肥牛、蝦、豚肉、響玲、花膠、烏東、醉雞窩、醉雞、麻辣鍋。如果以$158+10%，都算低食👌不過如果六人或以上就有心理準備，可能俾人要求提早埋單同交枱，因為我看到，比我遲入的六人以上檯，差不多只能吃兩小時，埋完單仲比女侍應呼籲離開。

冬天話咁快又到喇，又係打邊爐嘅季節，放工之後朋友拉咗我黎呢間好一鍋「烚下烚下」，天氣真係勁凍，一入門口即刻暖粒粒。呢間係一間任食火鍋店，因為我哋人數得兩位，所以食任食會比較抵食，因為可以試多幾款食物又唔怕浪費。今日可能因為平日人數都唔算多，好多空位唔怕擠逼，除咗任食之外，飲品都係任飲！我想先讚一讚呢到嘅自助飲品1D都唔Hea，其他任食火鍋店嘅自助飲品多數都係講唔出嘅汽水牌子，但係呢間嘅汽水全部都係著名品牌例如可口可樂，韓國汽水，Hite等等。先講講個湯底，呢到有6－7款湯底選擇，我哋今次就簡左醉雞湯底，原因有兩個，「一」我朋友係唔食得辣，「二」我太鍾意飲酒，任何含有酒精嘅食物都唔會放過（包括湯底）湯底嘅酒味其實相當濃，怕有酒味嘅人就要自量下先啦！話明醉雞湯底當然唔會無雞啦，湯底上咗之後好快就拎左一盤切件雞上黎，份量都唔少。相信大部人打邊爐最主要都係食肉，仲要係肥牛！所以任食火鍋有靚肥牛係好緊要，而呢間真係幾多選擇，連肥牛都有兩款可以簡，分別係美國肥牛同埋手切肥牛，下面嘅相可以睇得出，美國肥牛脂助比例比較多，肉色比較雪白。而手切肥牛嘅色澤同質感望落都比美國肥牛正，到時大家應該識簡啦？（美

一句不如打邊爐囉，就決定去佐敦好一鍋它的食物、湯底質素真係好好，有別於其他火鍋放題。 「火鍋」好一鍋海鮮火鍋專門店價錢合理，同時食材質素優質嘅火鍋聚腳點。叫佐爽口鮮嫩嘅西班牙白豚肉、鮮甜帆立貝、新鮮蝦以及是日海鮮..三寶丸..帆立貝..，但還是最愛雞肉腸，午餐肉。而湯底方面除咗經典嘅南亞傳統沙嗲湯底，亦特別「花雕醉雞湯底」花雕酒味十足，附有一件大大生雞脾，美味之餘同樣滋補。以上食材及湯底，全部任點！正到爆！丸類好新鮮，蝦肉鮮味爽口，菜色夠多元，而且環境舒適，但就要等位。飲品方面好多選擇，有罐裝鐵觀音,烏龍茶：多款汽水及竹蔗水任飲。另外甜品方面，新發現左...仲有韓式乳酪任食，記得留肚呀各位。

天氣涼左小小, 就梗係要去打邊爐, 而任食既邊爐就最岩同班大胃口既朋友去。位於莊士倫敦廣場既好一鍋, 係佐敦地鐵站對面, 地點好方便。正常開飯時間收費都只係$158一個, 仲要任飲任食2個半鐘, 抵到爛。 所以好多人等位, 最好book定枱。 4個人比左張卡位我地。先黎一渣竹庶水, 送既唔駛錢, 夠冰凍, 不過甜左d, 都係飲雪櫃任飲既罐裝汽水, 有氣係爽d!免費湯底有10款任揀, 雙拼都得, 又唔駛加錢, 都幾好。 我地揀左胡椒豬肚拼花雕醉雞湯底。 開始打之前先飲啖湯, 胡椒豬肚辣辣地好惹味, 而醉雞湯好香花雕味, 而且跟湯另上碟醉雞比我地慢慢滾, 任食黎講真係夠晒真材實料!任食既種類都好多, 如手切肥牛, 美國肥牛, 仲有花膠, 海蝦等都係任食。 當然想食好d如廣島蠔, 象拔蚌, 鮮帶子和安格斯肥牛等, 就要另外比錢, 如果一班人去, 除番開又唔算貴, 叫2碟黎滿足下都唔算過份。任叫食物會因應每枱人數而比幾多, 唔會造成浪費, 又唔駛爭, 幾好, 而漏單情況甚少出現。雖然無限量供應手切肥牛同美國肥牛, 但係都想叫碟質素好d既極品肥牛($128)黎食下, 雪花紋都靚d, 牛味都香d好

打邊爐永遠最開心，由其約位志同道合既朋友一齊打，食得更開懷，最近秋風起，去打邊爐就最好不過，搵到依間新開無耐既火鍋店有任飲任食，價錢又夠哂合理，所以約左朋友黎大吃一餐黎到已經有唔少人等緊，等左成個鐘位終於有枱啦，仲安排我地坐左張又大又闊落既6人卡位座，飲品係出去自取，醬料架亦都預先放係枱任取叫左個胡椒咸菜豬肚同秘製沙嗲雙拼湯底，沙嗲湯底味道真係似足串燒沙嗲醬汁既咁濃味，唔似外面一般所食到既放兩匙沙嗲係滾水中溝完既淡味湯底，而豬肚湯飲落好重胡椒味夠哂香，豬肚同咸菜都好足料<<手切肥牛>>比美國肥牛更重牛味，肉質相比亦都無咁韌，似食緊安格斯牛，估唔到任食都有靚肥牛食<<香蔥雪魚腐>>魚腐食落好香蔥味，咬落軟淋淋，依個比一般食到既雪魚餅好食，香蔥特顯左整體既香味，食完唔多喉再叫多份<<手打墨魚丸、墨汁墨魚滑>>我估兩款係相同，只係形狀唔一樣，食落幾重墨魚味同入口爽滑彈牙，唔會食落淋之之<<是日推介海鮮-蜆>>蜆食落好新鮮，咬落完全無沙仲好彈牙，放胡椒豬肚湯食好正&#

嚟到好一鍋打邊爐，揀好個花雕雞湯底之後，當然就係混一混好個醬料先，然後就點各款火鍋材料食啦。首先黎到嘅係花雕雞，雞脾用左適量嘅花雕淹左，即使係火鍋中滾好耐，仍然食到微微酒香味!接著當然係肉食嘅時間，無論係新鮮手切牛肉、定係美國肥牛，都係肉味香濃，係火鍋快滾數十秒，再點點醬油，就即係食得!海鮮方面，生蠔肥美、魷魚又夠大隻爽口、魚滑打得起晒膠、令到質感夠晒彈牙、跟著又係矜貴嘅鱔片，呢啲食材都令到我地非常滿足!最後當然係甜品時間，韓式乳酪任唧任食，味道帶點微酸，有助消化，加上提子乾同埋脆糖，賣相夠靚之外，味道仲多個層次添!

我們是一群烏克麗麗愛好者，雖然一時興起拿起樂器彈奏，可能騷擾到食客我們是不對。但經理的說話口吻令人生氣。「先生，呢度唔係你表演的地方」我唔介意男經理你話我彈得太大聲騷擾到其他客，但我會介意你把我們說成蓄意騷擾其他食客，我要表演，我會站到餐廳中心彈唱，我是不會坐在自己位子表演。同時我絕對相信店內其他食客談天的聲音足以蓋過一支小小烏克麗麗的聲音。一粒老鼠屎會摧毀一鍋粥，店內食物質素ok，其他服務員態度友善，就係呢位經理令我敗興而返。負皮是我給你的，你不需反省，因為我覺得你壓根兒不會這樣做，但你們餐廳，就算我下次無帶樂器我都唔會再來。

遇上一股寒流，邊爐癮即起，跟友人好不容易從眾多火鍋店中選上了價錢和口碑都不錯的好一鍋。加一後任食2個半小時都只需175元左右，除大量飲品任飲外，2人還送一大榨竹庶茅根水，很抵食。今次不再選百叫不厭的傳統鴛鴦湯底，而以鯊魚骨湯取代清湯，怎料加入配料新鮮腐竹後竟變成腐竹湯（因腐竹滾太久會溶掉），再加入海帶就更形怪趣，但味道的確清甜，而且肯定超下火。見普通肥牛不太吸引，我們額外付費點算品質較上盛的安格斯肥牛，賣相和味道都正好多，只略嫌切得過薄。海鮮方面質素都不錯，鮮蝦肉厚彈牙，形態大小亦不會將貨就價。原來此店亦供應每日精選，是日提供的是貴妃蚌，比普通蜆稍大，爽口無沙，醮加入辣椒和蒜頭的豉油十分好味，單吃也很鮮甜。鱔片只得三大片，當然不夠喉，要多叫一回才夠。但略嫌未夠爽脆。鯪魚滑的賣相不錯，肉質彈牙，嬌小的色二人吃份量剛好。扇貝本身已熟，雖不及新鮮扇貝吸引，但也可接受。其他必試火鍋食品包括豬紅鵝腸炸魚皮等“邪惡”食品。最滿意的還是鬆脆的炸魚皮。食物種類多不勝數，幸好2人份量會相對較少，可以多試數款也應付得到。尤其手打丸類比普通size來得小，一口可KO兩粒。茶樹菇是比較少吃到的款式，而且很飽滿

環境，服務同食物都算不錯，價格適中，不算貴，但沒有寫明要加一，有點中伏的感覺☹️️最大問題是上菜跟人數，你得兩個人就比兩隻蝦，無論你寫幾多份量每次都係兩隻🙄🙄菜就上一堆都食唔曬咁多😔

打來訂位，明明確定左，但到左就話沒訂過，比對話記錄佢睇，自己公司電話都唔記得，要人由頭排過，等左成個鐘，後面來的人識經理就入得，還坐在門口。個個見到和佢講，還話d客沒禮貌。大家千萬不要來食

好一鍋最近，天意漸轉寒涼，秋天終於都到了，感覺非常良好，大概我期待了秋天太久了。秋意綿綿，當然是吃火鍋的良好時機，所以這天我便相約朋友到位於莊市倫敦廣場的好一鍋吃火鍋。這裏是任飲任食火鍋放題，我們選擇了冬蔭公湯底及沙嗲湯底，因為我和男友都喜愛吃濃味的食物。先混一混醬。看一看火鍋放題紙，食物選擇非常多，肥牛、響鈴、手打丸當然不能少。這裏的肥牛有分本地手切肥牛及美國肥牛，我們兩款都有食，感覺好像美國肥牛的更勝一籌，脂肪分布不錯，牛味挺香，口感細滑嫩口。西班牙白豚肉肉味濃，質感嫩，配上沙嗲湯底超惹味！這裏竟然可以任吃白鱔片，愛吃魚的我當然不能錯過，我自己一個都吃了三四碟，質感爽脆，蘸少少自己混製的沙茶醬油真的無得頂！手打丸調味剛好，彈牙爽口，不過size比較細，不過這樣也好，可以吃更多不同的食物。還有罕有的牛骨髓，是男友的最愛！另外，我們加錢要了桶蠔，桶蠔相當大隻，味道新鮮，蠔味鮮甜，爽脆多汁，不錯。總括來說，這間位於佐敦的火鍋放題食物質素不錯，選擇多，服務態度也很好，一定會再來吃飲食邊爐。

提供鱔片的任點任食火鍋店，真的買少見少了！剛好朋友說這家任食火鍋店有鱔片，所以大家這晚就是為了鱔片而來。來到店門，是很大路的火鍋店格局！門口大大塊價錢牌，枱面的電子爐，牆上有大電視。就座後，職員呈上大盤調味料。由於這是任食2.5小時，先選鍋底，選配料。向職員交單後，才慢慢調校調味料。自己喜歡生蒜加蔥，再配少量豉油。如果太多豉油，不單影響食材的原味，鹽份超標會導致水腫呀！鴛鴦鍋～胡椒鹹菜豬肚鍋及鯊魚骨猴頭菇湯底。真係有鯊魚骨及猴頭菇　　牛根腩　　　牛根腩需要久煮才會變腍滑。已經一早放入鍋內了。　期待的鱔片來到。　一碟有３片，先放入鍋內焯一焯。鱔片變得彎曲即可享用。　真是很久未有嚐過鱔片了！　已經忘了上一次有鱔片的任食火鍋是哪年，總之～年～代～久～遠～矣！只是味蕾的記憶：鱔魚皮的油脂豐富，鱔魚肉鮮味又脆口。面前這份雖未達到心目中的完美的標準，也足以慰解我對鱔片的思念。脆鯇魚腩這是常見的火鍋料，當然要來一份。選單紙上，有二款魚腩～脆鯇魚腩＆鮮鯇魚腩。就因為這款有個<脆>字，所以選了脆鯇魚腩。新鮮的魚在煮熟後，魚皮會收縮，還露出魚鱗原本的半月彎，魚肉也變得彎彎曲曲。這個脆鯇腩剛