好到底水餃雲吞麵

营业中

休息中

元朗有唔少麵鋪，但係要搵到一間好食嘅真係好難。最近朋友介紹咗依間位於安寧路嘅好到底水餃雲吞麵，入口旁就係小廚房可以睇到師父煮麵。牛腩雲吞麵，牛腩煮得非常軟腍，好香口，而雲吞每粒都脹卜卜，咬落去已經見到大大粒嘅鮮蝦。而啲麵好有韌道，唔會太硬又唔會太軟，原來係佢地自己整架，完全冇鹼水味。水餃雲吞撈麵，水餃入面係鮮蝦同木耳，而撈麵一啲都唔乾，配上蠔油後更加惹味，而且仲好貼心咁送上一碗湯，清甜美味。炸鯪魚球，估唔到咁大粒，外皮炸得焦脆，魚肉鮮甜，居然仲有配上蜆蚧醬添，鹹香十足。炸雲吞，金金黃黃，就算係炸雲吞入面嘅餡料都冇偷雞，一樣係用到鮮蝦，好紮實。叫咗凍檸茶同檸樂，可樂係玻璃樽裝而唔係罐裝，爽呀。生麵、生雲吞水餃可以買走，最後買咗一打生雲吞，$45，打算係屋企打邊爐/煮麵食。餐廳侍應非常友善好客，而且用料用心，睇得出店舖係用個心黎為客人提供愉快嘅用餐經驗，值得再去！

整體味道同服務, 都覺得好過舊舖希望 越做越好希望 keep 住香港飲食文化特色✡️蝦子撈麵蝦子 好...多, 多過某連鎖舊店 xx, 食得出有鹹香味, 唔會有腥味.🍜撈麵 口感軟硬度適中, 唔會淋啤啤又唔會過硬, 而且完全冇鹼水味. 老闆話個麵係自家廠整🧑🏻‍🍳附送的一碗湯, 味道有啲似住家湯,「一啖湯一啖麵」，食麵時更滋味✡️牛腩蘿蔔牛腩4-5舊, 筋膜同肉質都軟淋, 但唔會乾柴, 調味剛剛好, 唔會好鹹, 唔會只得重醬油味, 係會食到牛腩嘅滋味. 而蘿蔔清甜, 唔會有苦澀味, 冇揸冇根.✡️炸鯪魚球一上枱我已心心眼, 鯪魚球好大粒, 仲大過匙羹, 新鮮炸起, 職員好細心溫馨提示: 裏面好熱！小心！蜆介睇落都好正, 大大粒脹卜卜, 食落好鹹香😊呢度啲份量好人性化, 叫咗個細嘅所以有2粒鯪魚球, 大嘅有4粒.隔離枱 加叫淨雲吞, 聽到職員溫馨提示有分大同細 各有幾多粒✡️傳統雲吞皮糖水職員話將會新推出糖水有幸能食到✌🏻希望唔好失傳飲落清甜, 雲吞皮口感滑滑, 一d 都冇鹼水味同冇粉味, 一啲都唔覺得係食緊 平時嘅雲吞皮, 似食緊腐竹糖水嗰啲腐竹咁, 不過呢個 size 比較大d, 口感 好

以往食雲吞麵好怕有鹼水味，但見係老字號又打著旗號係食水餃雲吞就Gogogo見門口有現成既麵底可買，方便！食飯期間仲聽到有唔少人成打成打甘買雲吞&水餃。大炸醬撈麵炸醬份量比我想像中多，一絲絲的肉絲好有咬口！ 而且炸醬酸酸甜甜，令人開胃！麵質完全沒有鹼水味，實在太好！ 雲吞牛腩麵牛腩好入味，炆得恰到好處！雲吞入面絕不馬虎，非常有咬口，因為每隻雲吞入面都包有完整的蝦肉及豬肉！淨雲吞食到唔夠喉，直接叫多碗細既雲吞，共有5粒！炸鯪魚球炸雲吞鯪魚球大過乒乓波，而且好有心地新鮮炸起的；沒有魚腥味，配上蜆介醬，正！炸雲吞亦非常有睇頭，每粒炸雲吞都配上原隻蝦一隻，有料！今次無叫到水餃，下次一定會再黎！

好到底麵家元朗安寧路67號福安樓地鋪蝦籽撈麵表面灑上了蝦籽，滿滿的蝦籽和麵條的混合一齊食，麵條入口彈牙有口感，麵餅並不是市面上的鹼水麵，是自家製造的，蝦子入口鹹香鮮甜味濃郁，與麵條的彈性相結合，讓每一口都充滿海鮮的鮮味。撈麵的質地非常滑順，與蝦籽的顆粒感形成對比，口感不錯鮮蝦水餃的味道鮮美可口，蝦肉的鮮甜與雲耳的脆嫩完美結合，帶來了豐富的口感層次，蝦肉鮮嫩多汁，咬下去時彈牙的口感，而雲耳有輕微的嚼勁。餃子皮薄而富有彈性，餃子外皮的光滑，讓人一吃就愛上牛腩的味道濃郁而富有層次，肉質柔軟，入口即化。經過長時間燉煮，牛腩釋放出濃厚的肉汁，食到牛肉的鮮香炸雲吞、蜆芥鯪魚球，炸雲吞外皮酥脆，內餡鮮嫩咬下去時能感受到內餡的鮮香與外皮的酥脆形成的對比，口感十分有層次。鯪魚球炸後，外層煙靭內裏鮮嫩多汁，點上蜆蚧醬非常夾蠔油生菜，生菜清甜爽口，入口卜卜脆，真不錯這店用的湯底鮮甜，經過長時間熬製，食完完全不口渴

元朗傳統手打麵由大馬路到依加開咗間新分店就知有幾多街坊捧場～細淨雲吞 $26一口雲吞入邊有大大粒嘅蝦咬落非常爽口 好正！蝦子撈麵 $65超多蝦子！食落一啲都唔腥仲有啲鹹香味添撈埋落啲師傅自家製嘅面之後勁爽口～口感軟硬適中 唔會過淋過硬 而且冇鹼水味～ 仲會有碗住家湯餸一齊飲住就冇咁dry水餃撈麵 $58 皮薄嘅水餃入邊有木耳蝦等等咬落去餡料非常豐富！牛腩蘿蔔 $35湯底非常入味！牛腩都有四五舊 肉質同啲筋都好軟淋 蘿蔔都好清甜唔會過硬炸鯪魚球鯪魚球好大粒 配埋秘製嘅醬汁一齊點 鯪魚球嘅鮮味即刻湧晒出嚟！炸雲吞兩樣炸嘅小食都係新鮮炸起所以以脆卜卜熱辣辣配埋泰式辣醬一齊點好惹味！凍檸茶 $18凍奶茶 $18好到底水餃雲吞麵 (元朗)元朗元朗安寧路67號福安樓地舖

今日突然好想食傳統手打雲吞麵，就搵到呢間舖頭，去呢度有又幾方便，地鐵站直出轉左就係！我哋叫咗：1. 細炸醬麵2. 牛腩水餃撈麵3. 淨雲吞大嘅4. 兩支可樂1. 細炸醬麵麵質非常爽口，炸醬酸酸甜甜、有少少辣好開胃！而且配個熱辣辣嘅魚湯，三下兩拌好快食晒☺️☺️☺️2. 牛腩水餃撈麵牛腩炆到好入味，好香滷水味，而且炆得好腍水餃入邊啲蝦好爽口，而且有筍絲等等配菜非常好食個面又好香蛋味好彈牙！3. 大嘅淨雲吞隻隻雲吞都好爽口，而且啲蝦又好新鮮，睇到間餐廳係即叫即煮，所以啲雲吞好熱辣辣😛坐喺度都見到好多人叫淨雲吞佢個湯底真係好香魚味！食咗好幾個鐘都唔見口渴4. 兩支可樂正常操作🤣🤣🤣成個舖頭都好企理好乾淨😌

中午過來元朗同朋友行街，經過間粉面舖，先食d野先。中午都幾多人食。首先叫個蝦子撈麵，d麵係店舖自己整，冇鹼水味，麵條煮到剛好，彈牙爽口，搭配上催催地嘅蝦子，令人一試成主顧。跟住叫個淨雲吞，湯底清湯鮮香，蝦雲吞包裹住大塊蝦肉，口感滑嫩，湯底的鮮味與雲吞的味道相得益彰，非常開胃。每一口都能感受到蝦子的鮮甜，令人陶醉。再叫左個燜牛腩，牛腩燜得非常入味，但唔會好鹹，肉質軟嫩，與醬汁混合得天衣無縫，帶有淡淡的香料味，令人食到停唔到口。小食叫左炸魚球，外脆內嫩，魚肉鮮美，口感非常好，咬下去有一種酥脆的感覺，搭配上蜆蚧汁味道昇華左。炸雲吞亦都唔可以錯過，外皮金黃酥脆，內裡包著鮮肉或蝦仁，味道香口，特別適合配上酸辣醬，增加風味，食落去非常開心。最後，熱檸檬水清新解膩，凍檸樂則帶有一點清爽的氣息，讓人感到舒暢。

今日喺元朗安寧路見到一間新開的好到底水餃雲吞麵，本身以為是好到底的分店，但坐低時就八卦問一問店員，呢間是否分店？店員說，他們兩間鋪是獨立運作，叫我哋可以嘗試吓有咩分別😀首先，我落了一個雲吞麵。大大粒的雲吞內藏一隻蝦同埋豬肉，加上蝦子麵，覺得好食過之前，有細個時食好到底的味道。太耐無食了, 於是貪心的叫多了一個淨雲吞。剛剛又見到佢哋喺度整緊水餃，所以二話不說就選了一個牛腩水餃撈麵。品嚐後覺得幾好食。問一問點解同出邊嘅水餃會唔同，店長說他們的水餃皮是由豬肉同麵粉造成，所以會特別好食。再周圍睇睇, 見到佢地店都有新品, 所以就叫了個生菜鯪魚肉試試, 新鮮生菜配上軟嫩的鯪魚肉, 清淡又健康最後，仲叫多一個蝦子蘿蔔，蘿蔔味道鮮甜, 配上蝦子, 口感獨特不可不叫支樽裝可樂呢.入店時, 在門外看到好多唔同款既麵, 是他們自設工場, 自加製的, 所以都買了一盒回家呢!

雲吞 牛腩 麵3-4 舊牛腩, 大大件啖啖肉, 部位好似有啲係似牛肋條咁, anyway, 好味！雲吞 有3粒, 雖然唔係乒乓波咁大嗰啲, 但係勝在餡料好味, 蝦肉新鮮爽口. 湯底唔會 好似潮式嗰啲咁鹹. 而幼麵 完全冇鹼水味, 聽到職員同顧客說 啲麵係自己廠整.新開 地方乾淨企理, 座位多數都係卡位.

作為元朗人，一直有幫襯歷史悠久的好到底麵家；近日走過安寧路發現這間新店，即管一試，估不到麵底更正宗，水餃雲吞更好吃，用心製作，短短一星期已來了兩次，以後會再幫襯。