好叉好味 (新都城中心一期)

营业中

休息中

初開業果時食過兩次覺得好足料，入面會有三層叉燒十分驚喜，同埋可以食到勁飽。但最近兩次食都明顯少咗好多叉燒，只有面頭一層嗰幾舊仔勁失望，少咗一半叉燒所以覺得唔抵食～

放Lunch唔知食咩好 就諗住試下新嘢，呢間只可以外賣無堂食，見外賣自取有套餐 跟小食同紙包飲品都只係$55~🍴蒜味叉燒菜飯+墨魚丸(半份)◽️睇落賣相唔差，太陽蛋有小小燶邊，撈飯食好正◽️叉燒份量都好多，不過比較硬身同鞋口，如果唔鐘意食肥叉嘅就啱曬🤨◽️蒜味好出食落好香，但偏咸◽️菜飯只得幾粒菜仔🥲◽️墨魚丸彈牙，口感係比較實個種，一般◾️$55黎講都尚算可以啦，不過個人覺得平時嘅燒味飯性價比更高🫢

將軍澳新都城中心雖然食肆林立, 午餐時間有時搵個位食飯都唔容易, 喺一期呢邊有間港式燒臘店, 主打叉燒烤雞, 外賣拎走快靚正。大滿杯柚香叉燒大杯裝份量十足, 叉燒牛肉又軟熟, 仲有陣陣柚子香味, 酸酸甜甜相當開胃。黃金叉燒菜飯蜜味叉燒又帶點鹹蛋黃鹹香, 口感有層次, 叉燒肉質好嫩滑, 菜飯又好味。小食拼盤 有墨魚丸, 蝦角和薯餅, 墨魚丸有質感, 蝦角和薯餅都很香脆。青咖哩烤雞菜飯青咖哩辣辣地相當惹味, 烤雞口肉嫩滑, 個咖哩汁好好有辣香。烏龍茶, 綠茶和竹蔗茅根無花果等清熱潤喉飲品, 非常啱用。好叉好味 (新都城中心一期)將軍澳運亨路1號新都城中心一期2樓269號舖 #好叉好味 #將軍澳美食 #燒臘 #叉燒 #烤雞 #外賣店#香港旅游攻略 #食在香港 #香港探店 #香港美食 #香港打卡 #香港生活#hkfoodie #foodporn #hkfoodblog #foodiehk #instafood #hkfoodporn #foodblogger

之前食過灣仔分店冇味精（超好味）上環店遠不及灣仔店甘好味，而叫袋鼠（將軍澳）食過2次都系味精重，蒜味（苦）叉燒超咸，🐔超鞋口，直頭倒左，白飯又係硬鞋口，2個菜飯大有不同，1個系正常口感，另一個鞋硬，似食沙粒😒😒將軍澳只有外送，冇外賣自取🤔🤔又冇優惠😒😒港島區自取有半價，乜吾系全線分店有優惠咩😒😒

屋企附近開咗呢間叉燒，同傳統燒味好唔同，有好多味道選擇，我就揀咗蒜味。打開嚇親，少到得一半，唔建議用咁大個兜裝咁少叉燒，會有期望落差。其實就真係完全唔係叉燒囉，柴咗啲之餘唔係叉燒嗰種質地同味道，蒜味ok幾香，見到好多蒜蓉。但係都幾油下，成個兜最底有1cm油，只可以話佢係一個燒豬排，兼超貴。。。要$85，最平嘅原味焦蜜味都要$80。成兜唔知有無半條叉燒，得350g，叫得「滿杯叉燒」，但係得半杯，想影張相都難。開到成行成市，會建議學下點整叉燒先lol

新開無耐‼️好掛住一層叉燒一層菜飯的味道估唔到TKO居民又有得食啦叫套餐都幾抵三個餐剛剛$200仲可以免費泊車套餐有一碗飯+半份小食+飲品焦蜜叉燒真係無得輸叉燒無肥膏！我鍾意！菜飯都有淋上秘製甜豉油爆蒜雞我之前無食過蒜香味特別濃雞扒切粒有經過烤焗好香好脆邊仲要提提超有心思的脆皮煎蛋咁樣先夠黯然銷魂麻雖然煎至脆邊但蛋黃都無全熟技術高超👍🏻小食方面有蝦角、薯餅、炸墨丸三樣都好好食半份即係3件炸墨丸唔會油膩墨丸好彈牙呀！㊙️

呢間杯裝叉燒飯一直都想食喺網上都有見過佢嘅蹤影😂😂早前喺tko 🆕開咗梗係要食try try 😉😉首先想講佢係一間🥡外賣店搶眼嘅紅色外型 都幾搶fo 主打一款食物 就係叉燒飯但有幾種唔同口味提供今次要咗爆蒜套餐 $68🥡叉燒飯🦑 墨魚丸🧃飲品飯量非常足夠 又食咗我兩餐🤣佢係菜飯底 坊間唔多餐廳會做始終多咗個step 估唔到竟然有值得欣賞😉😉叉燒係四方粒粒咁 類似牛柳粒形態相對有口感 係天然稔 唔係化學嘅冇任何筋位/過肥 但唔係燒到dry仲有隻靚🍳 可以撈飯食跟餐有墨丸 唔會淋油 輕微調味整體而言 個人認為佢係清淡路線重口味人士 可能要另加醬汁🧄味可更突出 😉😉😉

好叉好味本身已經好多分店，新都城有新食肆開張，小戀熊😼當然第一時間試下啦~• 焦蜜叉燒飯最上層係煎蛋，煎得幾好，豉油比較淡。中間叉燒份量幾多，但係似茶記常餐通粉上嘅叉燒，無燶邊，顏色好淺色，唔知係唔係太多單，所以燒嘅時間好短，冇乜香口感覺。最下層係菜飯，沒有很多油，感覺幾健康。• 炸墨魚丸上面加咗少少鹽，幾有墨魚味，味道不錯。😼小熊私心評分：55/100飯+小食+汽水$66，份量多，價錢都算合理，但味道只係正常。

好叉好味係全港已經開左好幾間分店係openrice 睇都有成11間啦今次終於開到黎將軍澳❗️新張試業，人龍都在所難免，但好彩都唔算等好耐只限外賣，不設堂食今次全部單叫，冇叫套餐👍焦蜜叉燒菜飯🍚$52佢採用窄口高身外賣杯，望落去細細杯，但食落份量十分，一個女仔食好夠飽叉燒微微焦糖邊，食落唔會太肥太瘦，剛剛好太陽蛋賣相靚靚，靚蛋，蛋味濃，蛋汁撈落飯一齊食，令飯既濕度岩岩好一層叉燒一層菜飯一層叉燒一層菜飯呢個舖排唔錯，唔會出現食哂叉燒但仲有好多飯未食既情況雖然冇數，但d 叉燒粒加加埋埋都有10幾粒，唔少架菜飯味唔算好濃，但當成碗係肉既時候，望到綠色既菜🥬，總算平衡下罪惡感屋企人就叫左爆蒜叉燒菜飯其實一開盒都已經有陣蒜味屋企人都話唔錯，蒜味夠而唔over 👍蝦角🦐$28有驚喜🎊開頭望落係好似平時既又乾又硬咖哩角咁但點知食落好juicy 入面係蝦膠，足料，好味😋👍薯寶$28雖然係普通薯寶味，但即炸，拎外賣返到屋企沖完涼食，食熱熱地最緊要，份量超多，滿滿的🈵