好叉好味 (多寶樓) (已結業)

好耐無食 久違食一次發現差左好多，失望。叫焦香但係唔焦。同一般豬肉無分別，燒味舖仲焦香啲。可取既係豬肉材料係ok，淋得黎有咬口同肥膏位。煎蛋真係流心仲有蛋汁，同可以揀沙律底。

🌻好味叉燒飯🐱喺工作嗰度附近有一間叫做「好叉好味」，個名好搞笑，簡簡單單講明俾你聽餐廳嘅質素😂成日想挑戰吓去睇吓係唔係真係「好x好味」！睇吓佢付唔符合商品說明條例！點知原來都幾正喎，叉燒燒得來有焦香，同時地又好腍身！真係有半肥瘦！同事地更加令我驚喜嘅係嗰隻煎蛋，真係煎得好靚，蛋漿留到落去叉燒飯度，又形成新一個化學作用，令人回味！📍好叉好味 (多寶樓) (鰂魚涌)鰂魚涌海堤街2號多寶樓地下E5號舖⚡️為食貓：😻😻😻😻⚡️氣氛貓：😹😹😹⚡️翻食貓：😸😸😸

上次見到同事order，香味撲鼻而來，今日難得冇帶飯就諗住試下。提前20分鐘落下order，預好時間就行去拎外賣。去到見到鋪頭，前台就得一個同事，另外就有個叔叔夥計幫手將飯係後廚拎出黎。所以如果真係要叫外賣，一定要提早落左order先。咁我叫左一個焦蜜雙拼配菜飯！難得有菜飯一定要試。好啦到我打開盒飯，放在一隻太陽蛋遮擋視線，再放左好多焦糖叉燒擾敵，終於撥開曬啲餸，見到嘅係白飯。我當下真係晴天霹靂⋯⋯ 有冇搞錯。個種希望愈大失望愈大嘅感覺，從心而發。所以應該冇下次。而且啲叉燒實在講唔上優質，啲肉一般般。反而隻太陽蛋係點綴，相當出色。但絕對唔值呢個價錢

成日聽同事講呢間叉燒飯好食抵買咁岩見到外賣平台有優惠就買黎試下一早落左單夠鐘就可以拎，呢種方式係人人人人人多既鰂魚涌黎講係好好，唔駛叫完外賣無了期咁等。WOW焦蜜叉燒菜飯+蛋+瑞士汁雞翼+罐裝雀檸唔好睇佢細細碗咁，但個桶算高身，同埋入面塞滿晒飯同叉燒，啲叉燒唔止放係碗面，飯中間都見到叉燒，仲有隻蛋。份量對一個女仔黎講係完！全！夠！飽！ 我仲要唔知本身配蛋再加多隻😆飽到上心口。👍🏾叉燒入味，口感彈牙，無咩肥肉都唔會好似橡筋咁，亦無肥膏食到一pat油。👎🏾但食食下覺得好濟，自己食唔慣咬既飯，食食下覺得硬到吞唔落，要打下心口飲啖水先灌到落下。同埋啲汁唔夠均勻，中間無鼓油，好似要乾吞，但個底全部都係汁。瑞士汁雞翼表現不過不失，浸到好入味，不過肉質淋左啲啲。因為佢配菜飯，叉燒亦唔肥，間唔中可試一次。但除左隻蛋同啲菜，其實同燒味店都好相似，價錢比較下相對較貴。

呢間主打叉燒嘅外賣店係好多地方都有分店，大多數都係商業區，我諗佢嘅主要要客戶群都係一班打工仔女正如佢嘅餐廳名一樣，呢間外賣店最主要就係食叉燒。睇中而家嘅人幾注重健康，所以佢嘅飯盒係一層菜飯一層叉燒咁樣層層疊上去，再係最面頭擺隻煎蛋，就成為咗佢最標誌性嘅飯盒。佢哋用嘅叉燒都係瘦叉燒，冇咩肥肉，啱晒追求健康嘅人士。但對於我來講，啲肉有啲硬，亦都唔係好有叉燒嘅精髓-燶邊，所以我會覺得有啲燒肉舖頭嘅叉燒仲好食過佢🙁

主打叉燒但係最好味既竟然係小食😳?!呢間以叉燒打響名堂既外賣店相信唔少人都聽過，原來佢地可以將飯轉沙律自製減碳水餐，可以健康地食燒臘咁就試下先🐷黃金叉燒套餐轉沙律底，配小食及飲品叉燒份量都幾多，乜脂肪比例都有啲，但以瘦叉偏多，我自己鐘意食瘦叉所以正好。叉燒肉質幾淋，唔韌而且冇豬臭味，但亦都唔太食到鹹蛋黃味😔沙律菜唔算多，胃口較大人士未必夠食。因為沙律亦有醬汁既關係(味道似柚子醋)，同叉燒醬汁撈埋一舊之黎，底下既沙律菜就有啲太鹹同太濃味了，走沙律汁應該會比較好味。另外仲跟左一隻脆邊流心蛋，食落仲係好脆，仲好多蛋汁，可以話成個主食最好味係隻蛋🤣隨餐仲有半份小食，我就揀左蝦角🦐呢個蝦角絕對係今餐既MVP，蝦肉好彈牙極有鮮味，而且啖啖都係蝦肉，份量冇欺場，仲極之脆，可以想像成三角形既春卷但仲要比春卷更薄脆更好味👍🏻👍🏻👍🏻為左個蝦角應該會再去🤣

叉燒煎蛋飯，絕對是我的至愛，沒有之一。這份外賣的叉燒煎蛋飯的外觀啊，以一個大杯子承載，方便提取。叉燒肉切成小塊，金黃酥脆，散發著誘人的香氣。煎蛋上面是一層微微焦黃的煎糊，給予了飯菜的額外口感。飯菜的擺盤非常整齊，看上去非常誘人。接下來是飯菜的口感和味道。叉燒肉口感鮮嫩多汁，每一口都帶來了豐富的肉汁和獨特的甜味。煎蛋鮮嫩滑膩，煎糊的微焦黃給予了飯菜的口感更多層次。米飯口感軟糯，與叉燒肉和煎蛋完美結合。整個飯菜的味道非常豐富，每一口都帶來了美味和滿足感。最後是飯菜的份量和價值。這份外賣的叉燒煎蛋飯提供了足夠的份量，可以滿足我的食欲。總的來說，它的外觀精美，口感豐富，味道美味。

正常叉燒飯，用杯取代傳統嘅飯盒，的確係方便啲食嘅，佢仲有唔同味道，用唔同顏色嘅杯裝，方便嗌完外賣之後分返😂佢嗰飯係叉燒切成粒狀，一層飯一層叉燒，再一層飯一層叉燒，上面有隻蛋加上秘制甜豉油。佢嘅諗法的確係好好，因為我係嗰啲一定要有餸先食到飯嘅人😂 但係食落又未必似想像咁，食到咁上下，覺得無乜豉油，但食到最底有勁多豉油😂 佢啲叉燒粒係真係好食嘅👍🏻 加埋佢隻🐷嗰logo的確係吸引到人，但係如果要$60一個飯就真係有啲貴，我係經鄰住買用$30買兌換券換嘅🙊 等咗20分鐘先有得拎，午市時間會有啲亂！

係鰂魚涌番工嘅朋友通常都會聽過呢間好叉好味而顧名思義 叉燒就係佢既主打佢有唔同嘅叉燒選擇 例如焦蜜/柚子/辛麻等等我個人十分喜歡辛麻叉燒菜飯仲記得第一次食嘅時候真係有驚豔到我因為一打開 個隻煎到濃邊嘅太陽蛋已經令人垂涎三尺而且佢特別嘅地方係佢桶飯係用分層形式一層叉燒 一層菜飯 一層叉燒 一層菜飯 咁樣堆疊成唔會怕食曬啲叉燒之後仲有一堆飯剩番辛麻叉燒辣得嚟帶有焦香 而且唔會一啲都唔韌唔乾肉質掌握得非常好不過最近幾次 啲飯都有陣怪味 而且濕淋淋希望下次食嘅時候會有改善

係灣仔試過一次焦蜜叉燒菜飯熱辣辣都幾好味。於是今晚就幫襯屋企附近呢間，叫左一個三人餐，有一個焦蜜雞扒，一個焦蜜叉燒，一個柚子叉燒，兩個點心拼盤- 拼盤有墨魚丸，蝦角同薯波！點知好大反差，飯唔熱既，叉燒又好多肥膏，成個飯底都係豉油好鹹！點心拼盤又唔熱。仲要去店鋪拎時，見到職員將飯擺落微波爐叮熱，職員態度又差，好大力將個外賣拎俾客人！ 價錢唔算平，一個飯都差唔多60蚊但野食質素唔成正比。希望之後會改善質素同職員態度！

Lunch time既太古坊，周圍既餐廳都係長期人龍，要搵位係難過登天🤢.好叉好味主打外賣叉燒飯，唔同口味既叉燒都有。而且係其他地方冇見過咁整叉燒，三個字：快！靚！正！😋柚香叉燒係重柚子蜜味，甜帶點酸❤️大愛！.最方便係可以先係openrice 禁外賣自取，然後可以慢慢係office行過去拎！岩哂我地呢d OL😆.外賣盒係用杯裝住，好有係美國食Chinese takeaway 既感覺😆.份量比想像中多，一個女仔食，係可以飽到上心口🤰🏻想食得健康d仲可以要菜飯底🌱

Office終於由太古城搬左黎太古坊，食lunch嘅選擇多左好多，今次就試吓呢間外賣店先😛呢間主打外賣🥡嘅燒味飯店就啱曬我口味，皆因攞出晒名鍾意食燒味，以前每次去完旅行返香港第一時間一定係食燒味，可以話係燒味癡😂我一向好怕食唔好味嘅叉燒飯，因為如果食雞仲有啲薑蓉可以救翻個飯，但係如果食叉燒一唔好味真係想成盒掉咗佢。呢個叉燒飯份量對一般女仔黎講啱啱好，味道方面叉燒幾好食但係整體個飯嘅味道一般，豉油同埋蔥油都冇乜味道 😢價錢方面$69 可以揀一個餸+薯寶同嘢飲，喺呢區性價比算唔錯👍🏻Lunchtime嘅話記得一定要提早落單，如果唔係企喺度等成三個字先有得攞都幾辛苦啲😢

見到佢地出左撈檬,配越南酸汁,立即又試下先,近來一食飯血糖升跌好快,食粉麵好似好d,撈檬價錢係飯既價錢加$4,雙拼都可以,夏天的話應該唔錯,唔洗咁熱.同平時d 飯一樣,原來係有煎蛋既,佢鋪面張圖係冇蛋既,我都好勁呀XD拎咁遠都冇整穿隻蛋,不過今日隻蛋唔夠燶邊,可能怕我熱氣?越式酸汁唔算好酸,甜甜地,如果濃味D更好,好鬼有儀式感XDDDD開動~生菜絲仲爽口既,青瓜都仲脆口,檬粉冇焾擗擗,辣雞夠辣,唔知係咪今日放耐左先食(買到食既時間隔左2個幾鐘),D雞冇之前咁滑,但夏天食的確唔錯,酸酸甜甜幾開胃,下次食返柚雞先, 不過檬粉份量可以多少少就好啦.我見有人話佢地係暖櫃拎飯連汽水,偷望左下XD又佢地話個櫃冇開著,冬天先開,依家只係常溫XD

this place in quarry bay is always busy during lunch time but I am not sure why. the meat is way too saucy , and most of all the quality is not there. a few pieces of meat was still raw ! it is not hygienic and not worth to eat. note : the hot sauce is my own, but the uncooked raw meat was from wow charsiu

好叉好味 🥡#打工仔外賣之選專供燒味飯嘅外賣店，特別之處在於有得俾你揀味道，例如焦香、柚香、同麻辣燒味飯🐽另外仲有中西合璧嘅叉燒包同雞扒包，同普通點心唔同☺️價錢亦都經濟實惠，openrice落單仲有9折，炎炎夏日大家就唔洗企喺室外等外賣咁淒涼啦😂1️⃣WOW爆蒜雙拼飯 $59✔️半肥瘦叉燒粒（不過蜜汁味完全唔重 🍯）✔️外皮微焦但肉質依然嫩滑嘅雞扒✔️可以自由選擇菜飯（但係好少菜碎）/白飯/沙拉（食燒味都可以健康D😂)💯脆邊流心太陽蛋🤏美中不足嘅係蒜粒唔夠，蒜味唔重🧄可能因為期望太高所以唔驚艷，略嫌名過於實🐷📍 Quarry Bay, Hoi Tai St 2, Tor Po Mansion, E5