好吃韓國料理

营业中

休息中

嚟到旺角搵野食，見到呢間食韓國嘢，好耐都冇食過韓國菜式，就入去試吓午餐時段，我叫咗純豆腐辣湯飯同埋砂鍋牛肉粉絲湯飯🤤因為係午餐時段，所以佢包埋前菜、例湯、白飯仲有熱飲純豆腐辣湯飯 ($55)我本身唔係一個好食得辣嘅人，所以我都會驚呢個豆腐湯太辣。但呢個豆腐湯比到好大驚喜我╰(*´︶`*)╯♡豆腐湯嘅味甜甜辣辣，送白飯一流👍🏻入面仲好足料，有豆腐同埋牛肉，豆腐有好多舊亦都好嫩滑😚呢個豆腐湯飯嘅味道喺其他地方度食唔到👍🏻完全係呢間店舖嘅招牌湯飯✨砂鍋牛肉粉絲湯飯 ($55)叫咗個辣嘅湯飯，當然都要叫個唔辣嘅湯飯啦😍砂鍋牛肉粉絲湯飯有濃烈嘅牛肉味，入面有牛肉、粉絲同埋一啲蔬菜🥳如果唔鍾意食辣嘅話，都好推薦可以試吓呢個砂鍋粉絲牛肉湯飯💖午市套餐包括嘅前菜有泡菜同埋白菜，泡菜都係酸酸辣辣嘅味道🥰另外仲包埋例湯，係蔬菜豬骨湯，都好唔錯😋總括而言，呢間韓國餐廳都好值得食，特別午市好抵，選擇亦都好多，如果經過旺角推薦大家去試下💖😚推介指數：⭐️⭐️⭐️⭐️

起26/1，同朋友走左去旺角，所以順便試下呢間韓國料理。環境簡陋，比較似平民茶餐廳。當時叫左辣豆腐湯同熱奶茶。豆腐嫩滑，配上韓式辣醬整嘅湯，的確和諧，辣湯比較辣。除此之外配菜有加啲牛肉，算係唔錯。總體而言平民版韓國料理算係唔錯，辣湯＄55，其他套餐50-60不等，可以食下。

平時都有食開呢間舖頭 今次去食牛肉石鍋飯 收咗$86 我唔明點解可以值呢個價錢 邊度黎嘅自信 第一次送餐過黎嗰陣 見到有條頭髮 其實都算啦 整走佢算啦 跟住食食下見到第二條真係搞唔掂 然後餐廳幫我換過一個 咁第二次就冇事嘅 但係就收咗我$86 我記得睇餐牌嗰陣係$78蚊 我唔知點解最後係$86 有加一服務費？Anyway 用餐體驗好bad下次都唔想再去le😭好傷心。我食完返屋企仲要肚痛 麻煩餐廳注重下衛生問題！一d都唔抵食 86蚊食啲咁嘅嘢🥵

忽然好想食下韓式野行過就去左呢間食叫左個板燒牛豬雞，味道一般好似自己bbq燒出嚟嘅味道咁跟住叫左個餃子🥟泡菜鍋呢個真係重頭戲成$180但我未食過咁難食嘅餃子啲餃子全部爛晒仲要勁爛食 從未食過咁難食嘅餃子啲肉又無味成個鍋無乜味 自己煮仲分分鐘好食過佢

叫咗紫菜包飯，水冷麵同柚子蜜炸雞。嚇死人。水冷麵啲麵一嚿嚿，湯底一啲味都冇，面都唔係正宗嗰隻，啲芥末又唔係真芥末，仲要溝水，仲要俾得少少。柚子蜜炸雞仲恐怖，成兜京都骨咁，自己屋企氣炸雞仲好食過佢。200幾蚊，食咗兩啖就走人，送俾我都唔食呀！！！！！！！！！！！

平日午飯時間，係旺角想平平地食個韓國野，揾番之前學生時期嘅回憶$52 辣雞絲粉絲湯 配白飯 +$10紫菜粉絲卷湯入面用料除了主角雞絲和粉絲外，另有蛋花碎、洋蔥等，配埋白飯紫菜粉絲卷，應該都係現成貨後加熱 $58 石鍋拌飯 （雞肉）上枱石鍋好夠熱，配菜係生菜、豆芽、菠菜、蘿蔔，有埋隻生雞蛋拌飯，雞肉預先醃製，所以直接拌勻食，亦有提供辣醬，因為夠哂熱所以食到最後會有飯焦午餐跟配餐湯、小菜x2（醃豆芽，泡菜) 、包餐飲 其實食物真的是一般，稱不上好食，味道就好似港式free style korean food，係屋企都能夠煮到嘅味道，係香港地呢個價錢又點會食到正宗韓國菜，所以真係冇咩好評價啦，冇收加一，服務態度可以嘅。

呢間韓國餐廳係我中學開始食嘅飯堂，每逢lunch hour就會full house，人氣爆燈！餐廳有多款特色韓國美食可供選擇（炸醬麵、韓國湯飯、豬肉/雞肉/牛肉石鍋飯、辛辣麵同卡邦尼炒年糕）個人覺得最為出色嘅，就係佢午市嘅泡菜豬肉飯同牛肉石鍋飯！每道菜式都好足料，炒得好入味！再配上餐廳自家製嘅泡菜一齊食，大滿足❤️❤️午市套餐仲會包埋湯、兩項配菜（通常都係豆芽同埋泡菜）同埋熱飲（凍飲加$3），可以話係超抵食！經濟實惠！

餐廳食過幾次，覺得食物都不錯。所以都嚟食。平時因為午餐時間食人較多。所以都食完即走免得下家要等位。今日假期先店內客人不多計埋我哋一枱只有2枱。我們一行三人用食完主食。還有餐飲未飲完。因其中一人趕時間先走。另一人去了洗手間。店內一位肥胖的女店員/老闆二話不說將枱上的野收哂及放下帳單趕我走。本來諗住去了洗手間那位回來飲埋剩下的便結帳離開。這位店員/老闆的服務態度十分差。就算食物幾好態度咁十唔想再嚟😡😡😡

嗌咗個蜆肉紫菜湯六十幾蚊 個餐出到嚟咁嘅名但係入面得兩隻 請問商家良心會唔會痛？完全物不對貨 真係唔好食 完全無言 仲要嗌咗個泡菜豬肉湯 入面都係得四舊豬肉 真心呆咗 完全唔係一分錢一分貨

入到呢間韓國鋪頭，我點咗個最普通最平常韓國人會食嘅 Bibimbap。最奇怪嘅就係佢唔係用青瓜，而家佢係用生菜鋪面，同我一直食開嘅完全係唔同，而裏面係冇乜其他嘅蔬菜，好似仲有少少紅蘿蔔，而牛肉亦都係好少，啲飯就冇乜好食。總之我就覺得依味餸佢住得非常普通。但係間鋪都幾多人食喎。我仲飲咗杯凍柚子蜜，加埋貼士都要$102，我真係覺得唔係好值囉！The food is very normal for this kind of price!

叫咗炸醬麵同泡菜豬肉炒年糕+2杯凍飲個炸醬面爛pat pat 咁💩💩💩💩💩💩一入口就爛哂 妹都唔洗妹下唔怪得等咁耐先有佢唔係漏單 係真係煮咗好耐泡菜豬肉年糕 🐖🐖🐖豬肉好鞋好硬 年糕唔煙un😩前菜普通 但我唔鍾意甜泡菜有個青紅蘿蔔湯 感覺似茶記例水但好過主食凍檸茶 正常發揮1個麵1個小食 2杯凍飲跟2個湯 2個前菜Total $178總結依個價錢買豬餿🐖🐖🐖🐖🐖🐖個人認為有點貴🤑🤑🤑🤑🤑

呢間鋪頭都幫襯左好多年價錢合理味道都唔錯雖然佢同其他韓國餐廳嘅味道可能會有點不同，而係我就係覺得好好食。有時候會向老闆提議他們的食物味道食得出他們有改善尤其是係純豆腐辣湯同炆牛肋骨煲我係要添飯食值得推介的❤️❤️入面既服務非常貼心雖然鋪位細細而係老闆每次都係會好好咁為客人安排位置所以好多時候我午飯和晚飯都係喺呢度度食，個連續一個禮拜有兩日過咗嚟食。除此之外有介紹過比朋友，他們吃過之後都愛上這間餐廳。

當日晚上大約九點，餐廳侍應比錯左啲野食去對面台，對面食客又沒有出聲，擺低左起碼5分鐘，跟住發現出錯後，侍應直接將對面枱的食物交給我們，我地話衛生問題，要求重新煮過，嗰個侍應拎返入去廚房隔咗2分鐘之後拎返同一個出嚟，我哋梗係拒絕啦，佢話你地咪食啦，cancel 啦咁希望大家以後小心啲啦，要再去呢間嘢度食嘅

好吃韓國料理 @zono.diary純豆腐辣湯 💲4️⃣8️⃣裏面有超多料🤤豆腐好滑 湯好飲 送飯食一流 而且唔會好辣 酸酸地辣辣地 超開胃 以咁嘅價錢嚟講算唔錯👍🏻泡菜豬肉飯💲4️⃣5️⃣泡菜豬肉既份量超多 完全食唔晒🫣 望落好似好紅咁 食落唔會好辣 係少少甜少少辣 但唔算係好正宗既韓國菜 煎蛋卷(跟餐價💲🔟)蛋卷入面有少少蔥同紅蘿蔔 味道正常 唔需要特別加配都得🫠<><><><> <><> <><> <><> <><>味道：👍🏻👍🏻環境：👍🏻推介：👍🏻<><> <><> <><> <><> <><> <><>🍴 好吃韓國料理📍 旺角通菜街24號地下E號舖<><> <>

鍾意食韓國菜嘅我，無意中行行吓見到呢間餐廳，就入左去食～炸醬麵醬汁非常多，唔好睇好似好齋咁，其實入面有肉粒同青瓜絲，麵條都幾煙韌有咬口石鍋什錦拌飯(牛)牛肉雖然唔算多，但勝在醃過夠味，飯焦好香脆。如果鍾意食辣，可以加少少辣椒醬，仲會好食 d午餐仲有兩款配菜同餐湯添