影片
港铁葵芳站 D 出口, 步行约5分钟
继续阅读
电话号码
25783322
营业时间
今日营业
12:00 - 21:30
星期一至日
12:00 - 21:30
以上资料只供参考，请与餐厅确认详情
葵芳新都會廣場天橋對出，有間隱世嘅餃子店，啱啱去探住葵芳嘅朋友，於是一齊出嚟食嘢。到咗下午茶時間，睇吓有咩食先。下午茶時間抵食餃子套餐 $33 (下午三點至六點）有五隻湯餃子或者煎餃子自家製豆漿/羅漢果茶/雪梨茶湯餃子同埋煎餃子有唔同嘅口味🥟，有粟米肉餃、韭菜肉餃、白菜肉餃、芹菜肉餃、雲耳椰菜肉餃、甘筍沙葛肉餃，同埋芫荽肉餃。我同朋友兩個人一人一款。我就叫咗下午茶時間抵食餃子套餐，加兩蚊可以揀雙拼餃子🥟，我就叫咗韭菜同埋白菜肉餃。餃子大大隻，蔬菜新鮮好食。值得一提嘅係呢度嘅湯餃子嘅湯底好正，野葛菜生魚豬骨湯，非常之好飲。飲品就揀左滋潤雪梨茶一杯，入邊有粒粒嘅雪梨，幾好飲。朋友就嗌咗煎餃子雙拼六隻$39，再加小食。朋友揀嘅呢兩隻煎餃係甘筍沙葛，同埋芫荽肉餃。餃子賣相煎得金黃色，而且因為呢兩隻口味比較惹味。芝士腸同埋時菜呢兩個小食，加入野葛菜生乳豬肉湯，所以都幾好食。朋友就叫咗自家製鮮豆漿，都幾滑同埋好飲。
继续阅读
自從轉左工之後，已經有幾年無嚟過葵廣。難得屋企人有興趣去葵廣掃街，咁我就順道叫佢地陪我試埋呢間評價唔錯嘅餃子店🤓。星期一下午2點半嚟到，首先點左一隻雙併煎餃，等到3點再點個下午茶餐。本身想試芹菜餃，可惜當日無供應，所以煎餃揀左芫茜拼沙葛$49。等左7分鐘左右，熱辣辣嘅煎餃就上枱~~🤤呢度嘅餃子睇得出係即包即煎，所以餃皮無完全痴實；扁扁嘅餃子，兩邊煎到金黃香脆，由於餃皮無痴實，所以唔會有爆汁嘅效果，食落唔會有水潤感。肉餡中嘅菜比例較高，所以食落肉味唔濃；芫茜味香，調味亦較輕手，如果係湯餃嘅話，感覺會好健康。第一次見甘筍沙葛做餡嘅餃子，顏色好討好，食落微甜，但沙葛切得太細粒，無乜存在感，不過整體唔差，可以試。煎餃加醋，增添風味亦解膩😋。下午茶湯餃五隻+凍豆漿$33豆漿好特別，同平時超市嘅質感、味道完全唔一樣。佢個質地好似加左米漿，輕微少少杰嘅口感；味道似豆花味，甜度偏低，幾好飲。粟米湯餃明顯比煎餃大隻、飽滿、脹身，餃皮厚薄適中，黃色粟米粒若隱若現🙊粟米好多又爽口，加埋佢個脆辣菜脯，好好味。個魚湯都好正，飲落好舒服，又唔鹹，雖然係生魚湯，但唔會好腥，怕腥嘅屋企人都飲得到。原來十隻餃子中，有一隻係韭菜餃😯，我妹幸運地試左四款口味，佢話韭菜餃最好。而我自己就覺得佢每款餃子都好住家feel、好舒服，唔會好鹹好濃調味料。如果下次再嚟，可以買佢嘅生餃番屋企煮湯餃🤤。餐廳除左收現金外，都可以八達通付款。
继续阅读
店名：好味餃子店（葵芳）地點：葵芳禮芳街15號葵福大廈地下8號舖今日黎開葵芳拍拖，行開葵廣附近，肚餓緊係醫下肚仔，男朋友係一個水餃控，見到葵涌運動場附近有一間餃子店，緊係試試，我地兩個人叫左兩碗雙拼湯餃試下佢🫣🫣1.雙拼湯餃子（粟米肉餃/雲耳椰菜肉餃）$492.雙拼湯餃子（韭菜肉餃/甘筍沙葛肉餃）$49店家其實有7款餃子（還有白菜肉餃/芹菜肉餃/芫茜肉餃）俾大家選擇，如果大家鐘情1種款式,可以選單拼，還可以分大碗10隻同細碗6隻，行完街肚餓，緊係叫二碗雙拼湯餃子啦，四款餃子都好好食，大大隻又多餡，唔似超市買個啲咁，個人建議可以由淡食到濃（雲耳椰菜>粟米肉餃>甘筍沙葛>韭菜肉餃）。最重點係佢個招牌湯底“野葛菜生魚豬骨湯”，每天新鮮熬製4小時，可以養陰清熱，降火排中，去骨火，化痰止咳等等，好適合我地，因為我地啱啱感冒完😥😥，而家咳到甩肺，所以如果你有肺熱咳嗽，或者有抽煙習慣，咁就要黎試下喇😋😋
继续阅读
📢葵芳唔係剩係得葵芳廣場周圍嘅街道都有好味嘅店舖！🥟呢間好味餃子店就專心賣餃子六點前嚟到下午茶時間好抵食五隻煎餃或者湯餃 加埋杯嘢飲 都係$33🥟單拼煎餃粟米🌽咁大隻餃子煎得好靚!而且個形狀係非常均一 🥟雙拼湯 選擇咗韭菜 & 甘筍沙葛🍜兩個都勁大隻、脹卜卜其中甘筍嗰隻好有口感 食到烚烚聲㗎🍜個湯底好清甜 係野葛菜生魚豬骨湯飲得出係冇味精 養陰清熱、降火排中飲得好舒服🍷清熱羅漢果甘草茶& 滋潤雪梨茶🖤另外再嗌咗個小食係涼拌雲耳雲耳酸酸地幾開胃 而且又健康入邊有啲蒜蓉 好惹味
继续阅读
去得葵芳掃街多，今次想坐低食返餐😝發現葵廣原來都唔係太多選擇😂search到間都多人讚嘅餃子店🥟餐廳係葵廣對面馬路，舖頭比較細，主要係做街坊生意同埋外賣單多😋價錢都幾相宜🥰🥰🍜單拼湯餃粉麵餐 ($47)套餐有五隻湯餃，揀咗韭菜餃，餃子新鮮飽滿，隻隻都脹卜卜😍湯餃配咗野葛菜生魚豬骨湯，套餐仲送埋滋潤雪梨茶，幾抵食👍🏻🥟煎餃雙拼(十隻) ($49)試埋個煎餃，揀咗雙拼芫荽肉餃拼粟米肉餃，唔知點解變咗煎餃之後size好似細咗一半😲冇湯餃咁飽滿，可能壓扁咗嚟煎，感覺冇湯餃咁啖啖肉🥲🥲
继续阅读