好彩海鮮酒家

营业中

休息中

講到做節，由細到大都係去好彩集團，差不多每一間都去勻晒，今次屋企人做節我哋就揀咗去油麻地嗰間，包咗間房，開咗兩圍枱，叫咗好多嘢食好豐富～第一道菜一定係食乳豬，要讚吓廚師，佢真係好細心咁樣切隻乳豬BB ～因為每一件都係薄切，個燒肉皮脆卜卜，最勁嘅係每1塊都一樣size😂👍🏻豉汁蟶子炒米餅，出色，啲聖子勁大條，個米餅勁脆仲有依個魚翅火腿雞腳湯，真係發咗癲咁好飲，裏面啲材料超級多，飲晒啲湯之後，啲肉打包返屋企，第二日我仲可以返煲咗三碗超濃郁嘅湯出嚟❤️‍🔥❤️‍🔥❤️‍🔥真係超好味出色嘅蒜蓉開邊蒸蝦係不能少的鮑魚鵝掌冬菇呢啲，做節一定要食得豪華啲發財～發財，一定要食髮菜🤩❤️‍🔥二頭嘢嚟㗎嘛酒樓特登為我哋挑選咗一條超級巨型嘅蒸魚～超級嫩口嘅魚肉❤️‍🔥❤️‍🔥👍🏻一流臨尾梗係要食燒雞啦，成餐飯真係食到攬住個肚走～

一家人提前慶祝中秋節，家人提議到這裡試一試，因之前從未到過這裡用晚餐。酒樓地點便利，座落於繁忙的彌敦道上，附近有多條巴士線可直達，且距離油麻地港鐵站僅數步之遙。酒樓的空間寬敞，環境舒適。我們在訂位時已預訂了冬瓜盅及皇子乳豬。📌 海皇冬瓜盅 $198📌 皇子乳豬 $568📌 菠蘿咕嚕肉 $108📌 瑤柱金菰西蘭花 $98📌 欖菜肉鬆四季豆 $88📌 鹹魚雞粒豆腐煲 $98📌 絲苗白飯 $14📌 晚茶 $90飯後酒樓免費送上新鮮水果一碟，服務態度不錯，食物的味道也相當不俗，非常有水準。以這樣的價格來說，實在相當划算，有機會還會再來嘗試其他菜式。

這酒家有好多分店，趁假期行完現時店，剛好酒樓在樓上，可以上來飲個下午茶。下午茶時間，冇咁多人，俾咗個近玻璃窗位，景觀十分不錯啊。叫咗多款點心，因即叫即蒸，制作須時，要耐心等待。點心來到熱辣辣，水滾茶熱，叫左：米網蘿蔔絲腸粉 燒賣 蝦餃馬拉糕 牛肉 鳳爪，基本上，全部味道都不錯啊！尤其是，米網蘿蔔絲腸粉，燒賣，蝦餃推介！酒樓裝橫，為傳統格局，地方枱櫈都算乾淨。職員不夠人手，但態度都可以。只試過點心，其他小菜未試過就不予置評。茶位 每位$11, 埋單加埋加一 $209, 價錢都ok喎，價廉物美！

次次過海睇Lego 後，都必去啲間食今次食左一個散叫片皮鴨同埋一個海鮮三寶薑蔥炒肉蟹果皮蒸龍躉頭腩荷蘭豆炒龍躉球薑蔥炒肉蟹蟹大大隻，肉多，羔都唔少，炒薑蔥火侯一流，味道適中片皮鴨成隻鴨在面前片，感覺良好、皮脆，同埋會連埋啲肉，唔會淨皮同肥膏👍🏻連埋 青瓜、京葱，包好一啖食落去好滿足😋果皮蒸龍躉頭腩、荷蘭豆炒龍躉球肉質嫩滑，鮮甜，唔鞋口啲間好彩都食左好多年，經歷左疫情都繼續係到，証明應該都唔差既下次會再繼續來

今午,會好友,來到油麻地的好彩酒樓.他首推少見少有,只在下午茶時段,才出的一款懷舊點心-脆皮薑蔥牛肉餃.($16.8)蛋黃色餃皮,鬆脆,內裡很香的牛肉味,餃子上淋上薑絲蠔油香既汁.好友話,年青時吃這點心,會有多多既汁,才更好吃. 對我來說,冇得彈.第二推介：香草綠豆沙($9.8),綠豆起沙,很香的香草味,甜度適中.第三推介： 六福點心($29.8)中的紅棗糕,以蔗糖去造,很香紅棗味,不太甜.客人多是熟客,自由找喜歡的座枱.以前酒樓就是這樣.

今天母親做節，兒子特意請我和新袍及兩名孫子到油麻地好彩酒家晚膳。叫了一個月$888套餐，首先來了一個豆腐羹，微暖還可入口，但冇乜料的豆粉湯。跟著就好像食快餐似的，炒飯、半隻鷄及蜜豆炒海鲜一起上台，感覺是預先整好，出來之時已冇熱辣辣的感覺，吃落口完全冇味道，要靠旁邊的醬汁才有些味道，非常失望！隨後來的生菜鵝掌燴鮑魚，又是冷凍，完全無熱氣，無黎味道，鮑魚食到好似食刷字膠一樣，差過$30罐頭鮑，好失望！😪😪最好要算是條沙巴龍躉，夠熱但好似神仙魚，可能暈咗一兩日都唔定！😂😂味道就是來自葱及鼓油😅最後就是新仙生果～橙一果切開8楷，每人兩楷，真的夠精打細算！應該是最後一次了，食樓下的沙嗲王好十倍！

通常幾個舊同學約埋食晚飯，話老地方見，就一定係油麻地好彩，的嘢好食，次次都唔會失望。烤鴨片得好大舊，一口咬落去幾满足清蒸東星斑，好嫰滑，汁都撈埋清蒸鮑魚，大大隻，爽。總之，菜式多，水准一直保持。當晚有樂師年會，好嘈雜😅

兔年年初二晚,本人用膳完畢,進入洗手間小解,厠所清潔員,員工名稱阿佳,以為本人白撞借厠所,聲大夾惡走到門口鬧我白撞,當知道本人係食客後,還說"食客大唒呀",咁嘅態度叫人點再幫襯。

價格比周邊餐廳都偏貴，味道一般但份量極少。一碟雙拼收130幾，諗住質素應該唔錯但黎到望見食慾不振，其他野食都係好一般，滑牛煲滑牛唔滑汁亦唔多，反而碟菜最正常，其他唔太好味冇影。

原本冇諗過寫食評，但係真係忍唔住。今日諗住午餐去飲茶，呢間酒樓，地點非常方便，鄰近油麻地地鐵站，所以去試吓。坐低嘅時候，等極都冇服務員幫手落單。總共叫咗7碟點心，足足要等1個鐘頭先至到齊晒。落咗單之後，等咗32分鐘，完全冇任何點心到。追完部長，終於在43分鐘，開始上第1碟點心。上點心速度，異常緩慢。原本諗住慢工出細活，點知唔係。最可怕嘅係，有啲點心（如：炸腐皮卷）上枱嘅時候，係冰凍㗎🥶雖然佢啲點心，味道正常，不過不失，但係出點心嘅速度+點心的熱度，真係令人失望。呢啲咁嘅酒樓，唔知點解可以繼續存在！！

坐低寫完點心紙，然後等咗四個字，一樣嘢食都未嚟，見到隔離枱已經開始發嬲，最後隔離枱要發脾氣鬧個侍應，先至有嘢. 但係我哋嗰枱都仲未黎。 最後等咗半個鐘終於有嘢食，點知一入口全部都係凍嘅， 最憎就係食凍嘢，嗰碟醬油好似放咗成年咁。 唔明點解啲嘢食可以咁難食。 以後都唔會再食呢間嘢佢已經入咗我黑名單。 本身喺出面等咗一排，先至入到去食，仲以為你間嘢好好食先咁多人，原來唔係。因為好重要所以要講三次，好難食，好難食，真係好難食。

好彩集團的出品，一直也是信心保證，飲茶及晚飯，也能保持水準。一行4人，點了不少菜，但大部分忘記拍照。今晚小菜份量，比過往小，有點失望。片皮鴨$148二食，非常優惠，我們選了涼瓜炆鴨架，味道很好，但涼瓜偏少，多一些就是完美。大班兩味，炒球與清蒸，肉質新鮮。欖角骨，保持水準，大家也喜歡。家鄕蝦干炒魚鬆，這道菜，最為驚喜，令人回味。金銀蛋覓菜，火候剛好，非常嫰滑晚餐送水菓服務員送了我們一張優惠券，省下一點錢。

今日屋企人帶我黎好彩食，原本冇諗住評價，所以開初都冇影相，但食落真的不對勁，所以都想寫出對今次lunch嘅感受。一開頭開茶都好好嘅，茶水好快上枱。但枱上的碗快有點污漬，是很明顯的洗不乾淨的乾食物漬，所以我好認真的用熱水洗乾淨他們。兩人叫咗四件點心，但結果是4個點心都無件熱。第一個豆沙煎餅點心正正常常，食咗都冇影相，味道沒問題，可惜不夠熱，冷的。蘿蔔糕上枱是一邊焦黑的，底部位置，件件都係咁，食頭一件是點了甜醬，食落有點酸，以為是醬料有問題，所以叫朋友不用點醬試食一下，才發現原來是蘿蔔糕的問題，所以再試試剩餘兩件的中間位置，但結果一樣，部份位置是酸的，剩下的都不敢吃了，😰😰接着要講嘅係煎餃子，單邊煎了，另一邊沒煎，不熱的，室溫偏冷。皮很厚，有點白色不夠透明。味道正常。再來看看馬拉糕，扁扁的，賣相不好看。味道也是怪怪的，完全不鬆軟，味道不均勻。整體是失望，而且感覺𣎴太好😞😞

食物難食，金錢肚成陣怪味，腸粉凍的，燒賣淋的，蝦餃算最正常。叫人加茶叫十世都無人。見到個伙記來回我面前多次，明明佢手上無嘢做，但我叫極佢都只係擰個頭嚟望一眼就行咗去，真係叫到人都炆。傳菜姐姐又邊傳菜邊大大聲呻「D位咁迫點入去啫，真係麻鬼煩.....」。咁嘅食物質素，咁嘅服務質素，咁嘅環境，真係無下次！！！😡😡😡😡😡😡😡😡😡😡😡😡😡😡😡😡😡😡😡😡😡😡😡😡

下午茶中既垃圾等左20分鐘先有部分點心。而家已經等左8個字，都仲未上晒d點心🤬😡🤬😡🤬黎左碗粥同米線-室溫既。投訴後，阿姐拎番入去叮下，結果又係得個等字。d碗又超污穢，快d執左佢啦唔該！