好煮意

营业中

休息中

服務奇差，樓面女人態度惡劣又黑面食物等候時間超耐火鍋材料唔駛煮等45 分鐘 （例如水餃）價錢唔係特別平，唔係特別好食，份量少客人黎到似想趕你走多d湯底ok, 但好想貼錢買難受先去呢個價錢出面大把選擇

中意養身ge你唔錯選擇。今日放假諗唔到食咩，男朋友話帶我食養身雞煲。以為有咩咁特別。帶到我e間 上水食養身雞煲。又幾好味 ！湯底濃郁，飲洛又唔會太苦 。2個人叫半隻雞已經夠 再加 萵笋 + 肥牛 + 竹筍 + 手工粟米冬菇豬肉水餃 再加一杯 大檸樂 2個人 share 飲 爽水滾後 先飲佢個養身湯 ，再洛半隻雞 。滾起食得 雞肉質正常 冇雪味 ，其他配料都ok 肥牛新鮮。不過就覺得 手工粟米冬菇豬肉麻麻地 ， 冇乜冬菇，內面涵料唔太新鮮。但講養身雞煲黎講 是價錢合理 下次可再食

上水有幾間都係食醉雞米線 ,沉晚第一次食呢間，入到去先知原來5:45後入座收加一，其實都無乜所謂（另外幾間都唔會）。同個朋友都係一樣叫醉雞米線，我飲凍奶茶佢飲凍洛神花，杯洛神花上枱時一睇就知唔係洛神花啦，正常係紅色㗎嘛！我哋同侍應講洛神花唔係咁嘅色，個侍應話係咁，我朋友飲咗一啖就知係蜜糖水。之後食完呢餐，我朋友肚痾足一日，估計應該唔係碗米線問題（因為我同佢食一樣），多數係杯野。上水好多呢d餐廳唔會收加一，食完肚痾就更加…..覺得唔值

幫襯好多年 由舊鋪到新鋪舊鋪已經態度唔好 都照幫襯因為真係自己鐘意食既 但去到新鋪 態度差之外 服務都好差仲要收埋加一 幾鐘意食都唔想再食了再講 去到新鋪已經同舊鋪味道唔同左

【北區】【好煮意】每次當有人問我上水有咩好食，我都念念不忘呢間「好煮意」嘅藥膳雞煲，因為真係好正。我喺開呢個 foodie account 初期已經講過佢哋，我 2020 年嘅 26/5 開 account，到 14/6 就已經出文。聽講佢哋近年喺馬會道開咗間食米線嘅，就同真正哥去試。我點都試 $55 嘅「招牌藥膳醉雞麵」，呢碗應該就係佢哋嘅招牌菜，以前一向做開藥膳雞煲嘅湯底都咁出色，呢碗米線絕對難唔到佢哋。個米線底亦都唔差，唔會太腍或者太硬。嘢飲我跟餐加 $10 試「熱菊花薑蜜」，都好好飲，菊花味同薑味都出，唔錯。真正哥就試喺 menu 同樣被推介嘅「新加坡喇沙湯麵」，佢個價錢係 $25 有啲奇怪，原來係好似車仔麵咁逐個餸計錢。配咗油麵底，加埋 $6 嘅「支竹」、$10 嘅「魚肉春卷皇」同 $9 嘅「秘製腩肉」，我都食咗少少，覺得叻沙湯底唔錯，係誠意之作。而佢碗嘢嘅其他配料都幾豐富，配合埋個油麵底都夾，唔比啲星馬菜嘅叻沙差好多。佢都有加 $10 轉跟餐飲品，佢飲「凍菠蘿青檸蜜」，都見佢飲得又快又興奮，應該都唔錯。咁樣夾埋先食咗 $125，咁嘅質素嚟講好抵，唔怪得見佢哋堂食同外賣都好多

這間店就在我家樓下，見証住佢由細店變到大街的店，最喜歡食佢地個個醉雞湯麵，份量足夠食到我飽，醉味都好夠，雞味都不錯，環境比起舊店好好多，起碼夠曬光線，之後都會經常黎食

好煮意在門外看尤如家庭式小店的感覺，店內環境簡約及乾淨企理。他們有多款粉麵套餐，晚上還可以打邊爐。招牌藥膳醉雞是店家推薦的必點之選，相信大家吃這個大多配米線？但原來識食一定要配粉絲！除了滑溜又彈牙的口感，還把湯的精華全吸進去，無論吃麵及喝湯都是滿口鮮味及藥材的甘甜，加上煮軟的去核紅棗及爽口木耳，整碗沒有油膩感，吃著吃著都喝完全部湯了。雞件每件都份量十足，大大件、啖啖肉，配他們的辣椒豉油吃，又夾又惹味，好抵食！另人，個人覺得新加坡喇沙都有驚喜，湯充滿椰子和蝦的鮮香味，還會愈吃愈辣頗過癮。點喇沙需選三款配料起，試到他們的自製食材。手工鮮蝦雪吞都是他們自己包的，餡料量足。秘製香辣牛肚則夠爽，香口惹又味。炸腐皮則如響鈴的吃法，同時感受香脆及柔軟的口感。油麵超夾這湯底，如果可以混麵加米粉就更正。當天天氣比較冷選了兩款熱飲。菠蘿青檸蜜酸酸甜甜入喉舒服；菊花薑蜜養生暖身。二人大滿足只要＄130，十分抵食！

之前係上水食過呢間餐廳既醉雞好好味😋今日再黎試下其他，估唔到個味道都好有水準！佢地個環境好乾淨，坐得耐啲食雞煲都好舒服👍🏻👍🏻1️⃣🍲醉醺醺雞湯米線（$45）醉雞件好滑！而且食得出浸左係酒入面好耐～所以吸晒所有精華😍👍🏻店員仲好貼心提我地可以按喜好將啲酒倒落米線到～米線份量好足料！而且不得不提個碟辣椒豉油！沾埋黎食更豐富！2️⃣🍲鮮蝦雲吞雞湯油麵（$44）好濃既雞湯味😍而且鮮蝦雲吞應該係自己包，好大粒非常足料！油麵好彈牙！店員提供埋蒜蓉辣椒油同埋辣菜圃，個菜圃真係好好味！好爽口😛😛3️⃣🫖熱洛神花蜜（跟餐+$10）飲品方面都有好多唔同種類～洛神花蜜唔會太甜👍🏻👍🏻4️⃣🫖熱百香果茶（跟餐+$10）朋友話呢杯都好香☺️食完正野飲番杯野岩晒😛

中學年代食左幾年的好煮意。今日約中學同學聚舊，食好煮意。女生最養生的藥饍雞湯米線，中午人流不算多，等了十分鐘有得食。天氣忽冷忽熱，飲碗藥膳雞湯，成身暖笠笠，米線吸收曬雞湯精華，大概有六件雞件，每一件雞都好滑好新鮮。重點係要用餐廳秘製準備的辣椒豉油，小小辣有浸泡過嘅指天椒 。另外，中學同學就食雲吞米線唔食得辣都好多選擇湯底清甜沒有太大味精。雲吞皮非常之薄，同埋雲吞餡料粒粒彈牙。陪餐廳特飲菊花蜜柚子蜜一杯熱一杯，凍冷熱都咁好飲。十二點半我哋就食完離開非常多外賣同埋客人。

我最近品嚐了一碗鮮蝦雲吞雞湯麵，實在太好吃了！這個傳統的港式美食是很多茶餐廳的招牌菜。首先，湯底非常濃郁，充滿了鮮味，而且帶有雞肉的甘甜。每一口都能感受到湯的滋味，令人回味無窮。雲吞餡料豐富，蝦肉鮮嫩彈牙，加上香濃的雞湯一起品嚐，口感更加豐富。面條彈牙有嚼勁，和湯底的搭配非常完美。整碗麵食中的配料都非常新鮮，質量優良。而且，這道菜的製作過程非常講究，看得出廚師的用心和技藝。這碗鮮蝦雲吞雞湯麵是一道營養豐富，口感鮮美的美食，非常適合作為一日三餐的選擇。無論是冬天暖身，還是午餐時充飢，這碗麵都能帶給你滿足感和舒適感。如果你是麵食愛好者，絕對不能錯過這道美味的鮮蝦雲吞雞湯麵！

今日試咗一碗藥膳醉雞麵，真係好好味！呢個係一個香港特色嘅美食，好多茶餐廳都有賣。麵條彈牙有咬勁，同埋吸收咗啲醉雞湯嘅味道，好香好滑。醉雞肉嫩滑多汁，味道濃郁，每一口都好滿足。我特別鍾意啲藥材，例如黨參同埋熟地，有助於補氣養血，令呢碗麵更加營養。湯底濃郁又滋味，帶有一絲絲酒精香氣，好開胃。如果你鍾意啲辣嘅，可以加啲辣椒醬或者蒜蓉，增加啲味道同香氣。藥膳醉雞麵係一個好營養又好正嘅美食選擇，特別適合喺冬天食。不過要注意啲湯底有啲高鈉，如果你嘅身體需要控制鈉攝入，就要留意啦！總括而言，藥膳醉雞麵係一道令人垂涎三尺嘅港式美食，推薦大家一試！

📍好煮意見到店面乾淨，位置又寬敞，於是同屋企人嚟試下😇聽聞呢度最出名嘅係招牌藥膳醉雞麵，繼續睇落去話你知好唔好食🥳🐥招牌藥膳醉雞麵藥膳味重，酒香味濃～配料有紅棗、雲耳等等；雞嘅份量充足，有雞翼同雞髀位，滋補養生之選～🦐鮮蝦雲吞雞湯麵每粒雲吞嘅size都算大，雲吞皮好薄，但餡料足；蝦既口感正常，蝦同肉既比例啱啱好～📍好煮意 (上水)上水馬會道180號地舖#上水 #好煮意 #藥膳醉雞 #藥膳醉雞米線 #米線 #藥膳 #hk #hkfoodie #hkfood

成日聽人講上水好煮意啲出品好出色，但就喺新界北咁遠水路🫣 嗰日終於的起心肝去試試佢😚招牌藥膳醉雞麵 $55藥材味非常濃烈，好似🐨咁鍾意藥膳嘅人，飲第一啖湯已經係咁話好正呀🤣 花雕味好香，有種甘甜嘅味道，雞肉嫩滑亦都好紮實，點埋個靈魂醬汁，真係Pᴇʀғᴇᴄᴛ🥴新加坡喇沙湯麵 $45我哋揀咗韭菜，芽菜同魚片頭，湯底有好濃郁嘅椰香味同撲鼻嘅香茅味，而且佢真係夠辣，係好惹味嘅辣，邊食邊爽嗰隻，麵質都夠彈牙，而且份量都幾足，應該係近呢幾年食過最好食嘅喇沙🤤另外想一提，我哋入到舖聞到好香嘅茶味，所以叫咗兩杯凍檸茶，個茶底帶有微微嘅甘甜，茶味頗濃，茶底真係幾出色，所以下次一定要試埋個奶茶🤩跟住上網睇返原來沙田都有分店，以後又多個飯堂啦🤤

好煮意地址: 上水馬會道180號地舖天氣凍凍地，好想食啲滋補嘢，咁啱行過見到呢一間店舖，主打藥膳醉雞麵，即刻入去食返碗。餐廳環境寬敞，有兩層，地方都打理得好整潔，坐喺度食麵幾舒服，今次我哋就嗌咗兩個招牌麵同兩杯嘢飲👍平靚正，值得推介👍👍招牌藥膳醉雞麵 $55湯頭濃郁滋補，醉雞肉嫩多汁，有好多雞肉，絕對夠食，米線都好彈牙。這道藥膳和醉雞米線最適合天氣點嘅時候食，暖吓個身❤️鮮蝦雲吞雞湯麵 $44湯頭鮮甜鮮美，蝦仁彈牙鮮嫩，雲吞餡料豐富，大大隻鮮蝦。滑嫩的雲吞和彈牙的河粉，好地道嘅風味。值得一讚嘅係佢哋自製嘅辣椒油，好好食，如果食得辣嘅，下次去都可以叫佢哋俾埋你👍👍

去左上水一間外表平平無奇嘅餐廳🤨但一入到去發現有驚喜❗️餐廳周圍聞到陣陣好香嘅藥膳味😃😃招牌藥膳醉雞麵🐔 (米線) $55一上台就勁香😃❗️即刻飲返啖湯❗️好勁藥膳味😃雞都有5-6件，雖然唔係髀位，但都ok唔算鞋😃同埋有陣花雕酒味😃冬天食完暖粒粒😃🔥醉醺醺雞湯麵(米線)+手工韮菜豬肉餃(兩粒) $45+$12雞同麵係分開嘅，雞係凍嘅，凍食嘅話個陣花雕酒味好似會勁啲，因為招牌個個有藥膳會蓋左陣酒味😃有比較下藥膳醉雞會好食啲😁另外加左$12有兩隻手工韮菜豬肉餃，開頭諗緊$6隻都唔平，但見到係大大隻，仲要手工都多餡嘅，好香韮菜味👍醉蛋 $12一夾開啲蛋流心流晒出黎😍👍同埋都好有酒味👍送麵一流😍另外佢仲有做雞煲打邊爐架😍下次可以試下jan_foodie