好煮意

营业中

休息中

呢間野越黎越差，以前買碗醉雞米線啲雞都啖啖肉，近呢兩次買既多數都係骨多，可能外賣既關於啦。呢樣都算啦，之前堂食加10蚊有青瓜海蜇一碟，今日諗起食過都ok就叫屋企人買碗米線加個青瓜海蜇，用個大大個盒裝個唔知加埋有無一條青瓜分量既青瓜，海蜇呢都有4條既。最大問題係38蚊+1蚊個盒，成40蚊買碟咁小份量既青瓜海蜇真係第一次見，唔講以為青瓜好貴，又無乜味既，感覺係似無呢樣小食見有人買想賺果幾十蚊那那聲整咁。😮‍💨😮‍💨😮‍💨真係好失望，咁樣做街坊生意。

生餃包裝盒請不要再用釘書機封口！！拆開包裝極不方便，亦有機會整傷手指，另外想提一提，如果老人家幫襯，視力唔夠好，煮埋粒釘入去，誤吞卡住喉嚨就出事啦，請考慮包裝改用橡筋不過都讚一讚，餃子足料，味道ok，價錢公道👍

上星期五（10月13日）去咗沙田博康邨做嘢，午飯時間，隨著人流，嚟咗沙角邨商場，兜兜轉轉，左揀右揀之下，嚟到呢間起街市旁邊，舖仔細細（目測最大容納人數少於卅人），唔多起眼但選擇多多嘅舖頭，叫咗個藥膳醉雞米粉，加碟炸魚皮，轉配熱菠蘿青檸蜜，合共$68。藥膳米粉，湯有當歸味，可能太多紅棗緣故，味道偏甜，唔係我喜愛嘅藥膳味，醉雞無酒味（正常嚟計係要有花雕酒味），而且肉質唔滑，絕對係敗筆之作，實在太懷念已摺埋起聯和墟嗰間陳黃記嘅藥膳魚頭同花雕醉雞啦！炸魚皮夠脆，但我嫌太碎，可以大塊啲就仲好。菠蘿青檸蜜，蜜味過濃，蓋過菠蘿同青檸嘅味道，一試無妨，再試就咪搞。總括而言，呢餐味道不過爾爾，而價錢略貴。

呢間位於街市嘅小店之前都試過堂食，個藥膳雞都好好食！不過今次係想介紹佢哋嘅餃子☺️有好多唔同嘅款可以比你mix & match，愈買得多愈抵食，店員話如果放冰格仲可以放兩個月～我自己比較偏好芹菜嘅香味，所以買咗呢個芹菜豬肉餃(生餃~$3/隻)🥟☺️皮算幾薄，不過有輕微爆皮狀況，媽咪話係喺盒時痴住所以爛咗，試過有店員會幫我哋撲啲粉上去，效果會好少少～餃子嘅餡真係好飽滿！啲芹菜有少少爽口，好香，仲加咗木耳，令到成個餃子唔會好漏～我仲可以食哂一打添😋如果唔鍾意芹菜嘅都可以試吓其他味啊！

沙角邨好煮意原來換左新厨師，新人事，新作風，重推出左好多新食品，每日新鮮即包即賣豬肉餃子有八款，豬肉雲吞有五款，生滾靚粥，酸辣粉，米線粉面，招牌藥膳醉雞米線，多款湯飯。仲有好多廚師每日推介套餐飯類。去到先知原來粥粉飯麵都有得食。

出面幾間竟然都有人排隊，街市也人流不少，試埋這家現在胃口大好，很難在午餐時候只吃餃子，又或是幾隻餃子配粉麵，看到餐牌上有個蒜泥白肉飯，毅然一試。心中在猜想，會不會像譚仔一般，有點辣油有點蒜粒在豬腩肉面頭🤔然之後就咁放上飯面頭的一碟飯呢? 後來都等了10分鐘，以為一個頹飯怎麼要等這麼久，🤔後來，標緻的阿姐用托盤托住，上面白飯還白飯，蒜泥拜肉像一碟小菜一般，旁邊還有一棵生菜，以及例湯番茄蘿蔔雜菜湯。以現今豬肉的價格，這蒜泥白肉其實非常之抵食，大大碟，腩肉切開都極之厚，而且還有足足七、八片之多。蒜泥份量都不少，大小都不算切到很細粒，還有點咬口的，用來佐飯吃相當可口；腩肉切得有些比較厚身，即使最瘦的部份，不會太過痴牙，上邊的脂肪亦都不見得太過肥膩；值得一提的是，腩肉的外皮的質地相當好，本身已經沒有毛，而且彈牙十足，實屬極為難得!這些店子的茶應該都不會太好喝，不過由於汽水要加$6 ， 加$3有茶喝，還是比較划算。如果不是太過口渴，或是炎熱的話，其實喝湯都可以，不用著意試這兒的凍飲。有次看見其他人點海南雞飯，好像說等了許久，又要追單又幾乎動怒，這是我去到，點了這個海南雞飯，卻不覺得等了太久便同樣以

有位朋友是沙田街坊，他說最近有一家餐廳一定要帶我去試一試，這家就是好煮意，她更說這裏的藥膳湯一定要試試。我點了一個水餃麵，本來覺得這裏的餃子應該是平平無奇吧，但是咬下去真的別有一番風味！餃子裏面的肉，椰菜和粟米的分量剛剛好，讓人真的很想一口咬下去！（但是要小心，湯很熱）藥膳湯有濃濃得冬蟲草花味，好味之餘又養生，值得一讚！其實好吃的餃子在香港比比皆是，但是這裏的餃子都是即包即煮，很新鮮，配合藥膳湯真的天下無敵！

做完野一個人經過沙角邨，見到有藥膳雞米線食，睇門面乾淨企理，天氣咁凍啱晒坐底叫碗藥膳雞米線，玩下手機，門口2位姐姐在包餃子，一陣已賣了幾盒，同阿姐搭訕佢話用新鮮豬肉自家製作，仲有我最喜歡的西洋菜餃，沒有多想立即要一碗藥膳雞米線到了，嘩比想像中大碗，今次眼濶肚窄，不怕，天凍食多D正常😁碗米線D紅棗又甜又軟，蒜蓉辣椒豉油點雞食⋯⋯正，這季節食西洋菜啱晒，一食爆汁最後飲埋碗雞湯，暖入心，成身暖晒返屋企寫食評，見到其他人D評語，如果我睇咗先，唔會去囉⋯⋯又一次証明耳聽三分假 眼看未為真

外賣鮮雞湯米線回家打開一看原來沒有雞，可以廚房漏了比雞絲卦，但單張明明說明有手撕雞，可惜連一條雞絲都找不到！味道清淡沒有油在湯面，適合身體不適時進食，還好有魚片頭和蘿蔔做餸…….

去沙角邨做完義工下午三點幾，見到呢間個姐姐出嚟拉客又話新鮮無味精雞湯，好有誠意咁咪入去試吓。我哋叫咗喇沙，人氣藥膳雞米線，上海雲吞，西洋菜餃子，菠蘿青檸蜜，柚子蜜，檸檬茶。個laksa 有蟹柳墨魚丸豆卜同一隻蝦，個湯小小辣，味道唔係咁好，蟹柳好難食隻蝦係梅嘅，墨魚丸好實，食左一粒無再食。個雞湯米線好甜好重酒味，但唔好食，都唔似真係藥膳雞湯味，雞好鞋無雞味。雲吞同水餃係好普通，未叫難食但一定唔好食，肉同菜應該本身唔新鮮。個菠蘿青檸蜜同柚子蜜難得的難飲，超甜，預咗係artificial 飲品但無諗過可以難飲到咁，柚子蜜咁難飲真係第一次。當時佢話星期六日無下午茶餐㗎，但食食吓就聽到枱枱都叫下午茶餐，原來人哋係熟街坊。我哋咪問佢點解話無下午茶餐又唔俾下午茶餐牌我哋？佢串我哋下午茶餐好細碗架咋，你哋都食唔飽㗎啦，不如買多幾盒生水餃返去煮嚟食啦！明明同枱個街坊叫同一款米線一樣咁大碗，真係勁唔老實。咁佢本身都平，廢事話佢，我哋話飽唔買生水餃。佢就繼續煩煩煩！我哋勁快食完就走！見佢勁hard sell 啲水餃，仲要同其他人講街坊有折扣仲有幾個星期六再去嗰邊，但真係唔會再食。

喇沙米線，48蚊，唔包野飲唔難食，亦唔會覺得好食，不過不失幾好坐不過店員推薦無加味精，用料新鮮。之前食左個藥膳雞覺得麻麻地，俾多次機會都唔覺有驚喜。。。。。。。

沙角邨開左新街市咪去行下，見到有間標榜藥膳米線，店鋪細細的，好似唔錯！我點左個酒香豬雜米線，湯底有酒香味，但食落口得個甜字！豬大腸幾入味外，但除此之外，所有配料 （豬潤/生腸）都係無味既！套餐跟左杯柚子蜜，好甜，有糖尿病既唔好叫！失望！