影片
朋友话发现咗呢间好运泰国美食，话系间街坊小店，价钱亲民但啲嘢食好有传统泰国风味，今次特登去试下！首先嚟讲，佢哋嘅招牌黯然销魂饭真系冇浪得个名！个蛋煎得金黄蛋液未全熟，切开𠮶阵蛋汁流哂出嚟，配埋啲烧得香喷喷嘅叉烧同香喷喷嘅白饭，简简单单就已经好满足！最紧要系佢啲叉烧够香够嫩，完全冇韧身嘅问题。青木瓜沙律就更加正！个青木瓜爽脆清甜，配埋花生同虾干，酸辣适中，食落去开胃醒神，完全冇咩怪味。泰式烧牛肉就香辣够味，啲牛肉烧得啱啱好，冇嚼不烂嘅问题，配埋佢个特制辣酱，香辣过瘾！香叶辣椒肉碎炒饭虽然叫少辣，但系香料味够晒浓，个香叶香气扑鼻，肉碎炒到粒粒分明，唔会一嚿嚿咁，饭粒都系粒粒分明，完全冇湿淋淋嘅问题。最令我惊喜嘅系串烧！鸡肾串同鸡心串食落去香口弹牙，完全冇杂味，调味入味又唔会太重，连平时唔食内脏嘅朋友都赞好！总括嚟讲，呢间好运泰国美食真系街坊价就食到地道泰国味，份量够，价钱又亲民，最紧要系啲嘢食真材实料，啲调味又够道地！
继续阅读
好耐之前嚟过新蒲岗广场2楼嘅好运烧烤，印象中平价得来环境几好，今日二访食吓平价泰国菜。呢度喺2楼自成一角，除咗摆满泰国布饰几有泰国风情之外，细心留意吓啲Figure摆设都好得意😂唔起眼但几好坐，同Fd嗌啲串烧小酌聚下一流白鳝串 $24几好食同抵食，食到烧得香脆嘅鱼皮，都算鲜香鸡全翼 $20 鸡肉烧得仲好滑乱，火候唔错，肉质Juicy，推介泰式烧牛肉 $78 估唔到牛嘅份量真系咁多！成块薄牛扒香煎😆做到焦香效果，个人钟意牛肉串烧嘅质地多啲泰式叉烧（例牌） $88叉烧已经切好一嚿嚿，份量都几多，有成24旧咁多，好抵食。味道上，叉烧用蜜汁调味，有啲似中式，再加少少酸汁提鲜；另外胡椒味会偏重，调味相对冇中式咁浓郁泰式串烧饭 $68 已配太阳蛋，猪、牛、鸡串烧各一串。卖相唔错，个人而言最钟意鸡肉串烧，肉汁相对弹牙泰式奶绿 $20食浓味的泰国野，当然要配返一杯经典嘅泰式奶绿爽吓啦😌
继续阅读
知道新蒲岗有呢间又平又好食嘅泰菜餐厅，即刻今晚去试下系咪咁好食。4串串烧(鸡肉，猪肉，免治鸡肉串，翠肉瓜)食得出几串肉类串烧个火候烧得刚刚好，外面烧到微微有啲脆口感觉，同时保留到里面肉汁。而翠肉瓜同样咬落好juicy。串烧系分别跟酸辣嘅泰式酱同沙嗲酱一齐食，两个酱（沙嗲酱&泰式酸辣酱）都好夹啲串烧。泰式炒通菜碟菜上枱𠮶阵见到个份量都算几多，落单𠮶阵我系拣左小辣，但对我呢个唔食得辣嘅人嚟讲，个辣度系刚刚好，我钟意呢度系用比较粗𠮶只通菜，食落会比幼身𠮶只有口感多啲，再加埋啲炸蒜一齐炒，好够镬气。泰式脆皮烧五花肉饭落单𠮶阵店员话呢度嘅烧肉饭系推介，所以我地都嗌左一份试下。呢度嘅泰式烧肉同喺泰国食嘅一样块皮脆卜卜，下面连住肥瘦交替嘅猪肉，碟饭大约有7至8旧烧肉，加埋个酱汁食好开胃。青柠梳打呢个天气饮，冇得输。椰汁红豆冰椰汁好够香浓，红豆煮得够淋。芒果糯米饭用左蝶豆花糯米饭配白糯米饭，好软糯，椰汁好香，芒果切到一粒粒好香甜。总括嚟讲呢间泰菜性价比好高。
继续阅读
最近我同朋友去咗一间位于新蒲岗嘅泰式餐厅，入到去服务员好热情，我哋叫咗几样野同，大家介绍一下酸辣无骨凤爪呢道酸辣无骨凤爪真系好正！味道酸酸辣辣，啖啖都好入味，无骨设计食落更加方便，啖啖都系享受，完全唔会觉得腻。泰式炒什菜炒什菜好清新，泰式走辣嘅味道够劲，香料味十足，食落去有啲微微嘅辣，但又唔会太过火，搭配新鲜嘅蔬菜，真系令人食得开心。香叶辣椒鸡炒河呢道香叶辣椒鸡炒河，炒得刚刚好，河粉滑溜，鸡肉嫩滑，香叶嘅香气好突出，加上辣椒嘅微辣，真系一流！每一口都好有层次感。青咖哩海鲜炒饭青咖哩海鲜炒饭好有特色，海鲜新鲜，青咖哩味道浓郁，炒得够香，饭粒分明，食落去唔会觉得油腻，反而令人想再食多一碗。泰国奶茶泰国奶茶甜度啱啱好，茶香浓郁，奶味亦唔会盖过茶味，饮落去好舒服，夏天饮一杯真系好清凉。洛神玫瑰桑葚茶呢杯洛神玫瑰桑葚茶色泽靓，味道酸甜可口，饮落去有啲清新感，仲有助消化，真系好适合饭后饮。
继续阅读
好运系新蒲岗都出左名性价比高，选择又多，坐得都算舒服，入面仲播住好多熟悉嘅流行曲，气氛都唔错！平日中午12点到未有好多人，可以坐得舒服啲👍🏻🍜 泰式炒金边粉（虾肉）金边粉炒得唔会干又唔会过湿，啱啱好～粉身够挂汁，而且炒到有少少焦香边，好似泰国街边档𠮶种口感🥹入面啲虾虽然唔算好大只，但新鲜弹牙，仲有加埋花生粒同蛋丝，味道好夹🤤🐷 泰式猪手饭呢个卖相几掂！猪手入味，色泽红润，胶质感满满～食落肉质都算软淋～不过呢款应该系钟意猪手嘅人会比较啱，因为卤水味偏甜啲，油香味重，食到尾可能会有啲滞～但配埋青瓜，就中和返少少，成件事会fresh好多！🔥 泰式炭烧猪颈肉想讲呢个系全场MVP🥹🥹🥹 一咬落去即刻「哇！」每片猪颈肉都烧到啱啱好，外层微焦，入面仲保持住肉汁，好香炭烧味😍咬落去啲油脂位脆卜卜，完全唔腻，仲配埋佢个酸甜酱汁，味道真系💯！呢碟我真系可以一个人食晒冇问题🤭下次嚟我会直接encore呢个～☕ 红糖姜枣茶食完啲重口味嘢，要饮返杯热茶～姜味好够，暖胃又唔呛喉，甜度岩岩好，饮落好舒服！最后食咁多嘢好饱，埋单都算抵🥹
继续阅读