好運泰國美食

营业中

休息中

入咗去餐廳先知道原來係同另一間日式小店擺埋同一個位，另一間日式小店叫做拾月hirou tsuki 入到黎即使坐邊都好，其實都可以兩間餐廳嘅Menu都可以order。今次先試左泰國嘢先，即係好運泰國美食。試左海南雞飯同一杯泰式奶茶 杯奶茶都好重泰式既味道，好飲。 海南雞飯都幾好食 賣相仲要唔錯添 有唔同嘅醬汁同配菜 雖然雞塊唔係話好多 不過勝在有足夠嘅油飯 仲有碗湯可以比客人飲。整體來講 一個正常嘅男仔 係夠飽的 舖頭嘅環境都幾舒服 自己一個嚟食都唔覺得嘈好逼

💛好運泰國美食·佢呢間D野食都幾抵食既 不過我自己覺得佢個口味偏港式茶餐廳多過泰國野 但係都可以支持下既🤣🤣·泰式海南雞飯 l 香葉肉碎飯 (加蛋+$8) $56蒜辣無骨鳳爪(半份) $24佢個油飯都做得幾好 真係好香 而且唔會太油膩 之後D雞件都滑既🐤不過我覺得佢雞髀既部分滑過雞胸好多 所以大家可能加錢轉雞髀會開心D😈😈之後個肉碎飯都重香葉味既 但係佢個調味同平時食開既唔係好同 所以呢個一般般 不過佢隻蛋就煎得好靚啦😌🤤最後佢個鳳爪幾好味 份量幾多而且調味唔錯keke😎

呢間主打泰國菜既小店 海南雞飯一向出名,今日賣曬就試其他款豬手飯同埋青木瓜沙律 個豬手滷到好入味,肉質好淋滑 個汁帶點滷汁味道 配白飯食一流青木瓜沙律新鮮即做,木瓜絲好脆口 加埋辣汁同青檸汁,又酸又辣超開胃 岩曬夏天食平均消費$150評分8/10新蒲崗祟齡街33號新蒲崗廣場2樓C38號舖

【#肥波星馬泰系列】🎈星期五食好啲！無錯！我地又去左新蒲崗呀😂😂😂😂😂其實新蒲崗有超級多黃店我都仲未試哂，我地會繼續努力去食好野💪🏻🎈今日臨時決定食泰國野，呢間舖比較特別，係同另一間日本餐廳💛拾う月💛 @10.tsuki share同一間舖頭，一坐低就會比哂兩本menu你揀，日本同泰國野食都可以叫，我哋今次試左泰式先，會再黎翻叮拾う月！🎈今次叫左三樣野食- 🍗 海南雞髀飯 💵$68- 🍝 炒金邊粉（蝦）💵$62- 🍤 炸蝦餅 💵 $66- 🍸 青檸梳打 💵 $24🎈海南雞髀飯隻碟超大，霸左半張檯😂雞髀肉好滑，唔算好油（我無食皮架😂）飯算幾乾身，不錯！蝦餅熱辣辣，好香口🍤金邊粉個汁酸maymay，好開胃，炒炒得幾好，乾身唔會一pat pat，大蝦大概有3、4隻，無霉味。三樣裡面最欣賞金邊粉，因為個汁真係幾好食😍📍好運泰國美食 @good_luck_thai_cuisine 📍新蒲崗祟齡街33號新蒲崗廣場2樓C38號舖#新蒲崗黃店 #新蒲崗 #黃店 #黃大仙黃店 #黃大仙美食 #黃大仙 #黃店推介 #黃店系列 #黃色經濟圈 #肥波誠實豆沙包系列 #肥波掃黃行動 #泰國菜 #泰國美食 #炒金

🥢好運泰國美食今次都是叫外賣，黎到工業區studio玩樂，揀左這間泰菜簡單食。五個女孩子叫左2個主食，3個小菜，最終係食吾晒架~~🥙肉碎生菜包 肉碎有驚喜，雖然肉汁不太多，而且肉質較硬身，但本人幾喜歡隻香料，幾開胃。🐷椒鹽豬頸肉 椒鹽就是無得輸，香口惹味，數量不多，大概六、七片，每片都大塊既。🦐泰式炒金邊粉 我哋揀左蝦做配料，兩三隻蝦size不大。麵底有啲黐，配料亦吾多，味道一般，辣味適宜。🥒青木瓜沙律 份量多，味道也不錯，但美中不足的是，花生不脆味苦。做前菜好合適

對新蒲崗無乜認識，跟住朋友揾食，去左唔易揾嘅新蒲崗商場，揾到呢間好運泰國mix 日本餐廳。💛有日本野同泰國野食。但其實吸引我入去嘅係門口果個好靚嘅水族箱，好大好靚😍（食完之後仲企左係門口睇左陣🤣）講返正題，野食質素都唔錯，係個冬蔭公唔夠辣，同埋叶唔精重左少少咁啦。整體都唔錯。牛肉丼飯，份量足，味道都可以。小食都唔錯，蝦餅都彈牙爽口海南雞飯，雞肉夠滑，都唔錯。冬蔭公都足料，味道可以改進。可以再去試其他

星期二我在「新蒲崗」享用「牛腩飯」晚餐之前，想先在「新蒲崗」的食肆裡面，尋找適合在晚餐享用的「雞肉」食品，而又不是想在大型集團連鎖食店裡面享用晚餐的食店，結果我在找尋途中走到「新蒲崗廣場」裡面去。我對「新蒲崗廣場」裡面的食店實際認識不算很多，而且未曾嘗試過在「新蒲崗廣場」的食肆店舖裡面，正正式式享用過一次堂食「雞肉」食品晚餐。幸好我找尋一會兒之後，成功找到「好運泰國美食」這間泰國菜餐廳。其實在我的印象裡面，很少聽聞「新蒲崗」裡面有泰國菜餐廳，就算有泰國菜餐廳想開門運作，大可以選擇在泰國菜餐廳林立的美食區「九龍城」裡面選擇舖位經營，何解非要選擇同樣是美食區的「新蒲崗」呢？其實我發現「好運泰國美食」的晚餐餐牌裡面，也有製作和提供「牛肉」食材的菜式，可惜偏偏還是找不到「牛腩」，所以我最後沒有選擇在「好運泰國美食」裡面，享用「牛肉」食品。相反地，我最後還是在「好運泰國美食」晚餐裡面，選擇了享用「好運泰國美食」廚房，廚房師傅製造出來的泰國招牌雞飯食品「泰式海南雞飯」。「好運泰國美食」廚房製造出來的「泰式海南雞飯」，跟我平日經常在泰國菜餐廳裡面享用到的泰式「海南雞飯」，有一個很大的差別，差別在於「

今次嚟食泰式雞飯！依間嘅雞飯真係無得輸💛唔肥之餘仲要有啫喱！！！啲人成日話啫喱好重要架嘛！雞又滑又香，無腥無血水。而且份量都算多呀！唔係得幾舊雞！個油飯都做得好好，有香茅味～三個醬都調得好好食，泰式薑蓉酸酸辣辣。另外甜豉油濃淡適中。中間個醬唔知係咩醬但我最鍾意佢！仲配一碗菜乾湯！但如果係雞湯就更好喇！一個餐包一杯特飲，我話要熱飲，店員仲整咗杯熱既香茅檸檬茶比我🥰非常貼心！一個餐都只係$56，絕對抵食！

在新地方重開，仲同另一間日式一齊做，質素一樣好，地方又大過之前，邊食仲可以邊賞魚😄 船河好好味，另外仲叫咗豚肉串燒，掛住食無影到相 之前仲食過香葉肉碎飯，一樣好味！

夜晚同個fd去食飯之前未食過又見蘋果介紹去食下點知就出事我唔detail打過程啦剩係講重點：1. 金邊粉- 真係唔係泰式炒金邊粉我會覺得似港式多啲，連豆乾芽菜都無2. 青檸冰- 真係普通青檸汁再加冰水比你3.冬陰功粉- 真係得冬陰功湯加果餸，唔會有菇同茄4. 燒雞- 問個waitress燒雞有無醬跟，佢答我「通常剩係海南雞先會有醬跟嫁，你想要我咪拎比你囉」，嘩，我聽到個「囉」字，我心諗我欠你嫁？首先我平日都成日係九龍城食燒雞，最基本都會跟一個「雞醬」，其次係你自己本menu張相隔離都有跟一碟「雞醬」5. 除咗宜位傑出女員工之外，仲有一位男員工，係我想加單既時候，完全感覺到佢對眼既眼神好似好唔願意落單咁最後真心想講，做黃店真係唔係老馮有人幫襯，連食物同服務都做唔好，唔會有客想回頭幫襯

以前喺新蒲崗返工，其實呢間小店一路都係我嘅食堂，之後去左港島區返工，已經好少踏足呢區喺social media見到佢地開番嘅消息，即刻過去幫襯下，鋪頭比以前大左好多，光猛左亦坐得舒服好多，而呢次推介嘅海南雞飯同以前味道一樣，雞肉好嫩滑，喺雞皮下亦有啫喱，而家已經好少鋪頭可以做到呢一點，油飯亦做得好出色，菜乾湯就普普通通啦，隻碟好靚擺盤方面好吸引，影相一流午市仲會送杯檸檬香茅特飲，酸酸甜甜，好開胃最估唔到係喺戴口罩嘅情況下老闆竟然仲認得我，其實最開心係呢一樣良心小店值得支持

太耐無食泰國菜，真係好想食，放工即刻去新蒲崗，搵左呢間評語吾錯既泰菜一入到去，好嘈，坐位之間完全無任何物件隔離，只得半隻手距離，都算，念住快快食完，最緊要好食第一道上菜係生蝦，好耐無食，好期待但完全吾新鮮，隻蝦未溶晒冰，仲有少少硬個醬汁偏咸，一d都吾辣出面吾多餐廳有得食，所以忍吾住點左一碟份量勁少，都算，螄蚶苦苦地，係我太耐無食定點，超吾好食生菜包係重災區，d豬肉用好多粉漿住左，好厚粉，好Q難食，垃圾級別，差到無敵全晚最正常係濕炒海鮮河，份量都算多，不過不失，但已經係今晚可以食得落唯一一樣如果有選擇，千祈吾好黎，實後悔

首先值得講既係飲品，今日飲品係香茅檸檬，飲品好飲，帶有梅味，唔知係咪加左話梅呢。態度：因為船麵餐牌冇寫清楚三選一咪問清楚，個待應先生好不耐煩的感覺，已經想撤退，之後有見其他人都好好態度既，可能我遇既待應先去唔中意答問題啦⋯⋯點知等咗一兩分鐘已經上餐，好快手。但...船麵湯水稀稀，正唔正宗就唔知啦（個人唔係太鐘意，好普通）個湯唔夠熱、啲海南雞放咗上去個湯度（冇分開上）雞都唔夠滑，另外一個麵，冬陰功湯要中辣一啲辣都冇，豬頸肉冇燒好邊總結：期待而來失望而歸

一向都係新蒲崗返工，呢間鋪頭我亦幫襯左好多年，前年聽到佢地唔做嘅消息，覺得好傷心同埋好不捨，又少左一個飯堂終於見到佢地開番喇，好開心，老闆竟然仲認得我，仲記得我以前食開幾辣，食咩餸，不枉我特登返嚟幫襯，食物質素同以前一樣出色，我今日叫左個冬陰功豬頸肉金邊粉，湯底依舊濃郁，分量亦好大碗，我一個男人啱啱好舊區就係有呢種人情味，去到同老闆傾計就好似見返個舊朋友咁，希望香港可以保留呢一種小店情懷，唔好全部都係大商場連鎖食店

疫情之下真的少了見朋友，不過始終也想聚一聚會。由於朋友住在這區的附近，所以我就選了這間餐廳，我從來未到過這區，從黃大仙坐小巴前來時過了站，下車後也迷路了。雖然當日天氣熱得像夏天，迷路時也很辛苦，但食物高質，都抵返哂!餐廳位於商場內，本來以為兩間店是分開，但其實也是同一個門口。枱面上放了兩種MENU，一是泰菜，一是日本菜，其實兩種菜也很吸引，不過我們點泰菜比較多，基本上大部份菜式都是朋友選的，我其實也沒太詳細看過餐牌。海南雞飯本身也列明是雞脾，配上三種醬汁，海南雞真的真的非常嫰滑，吃完第一件已經接著想再吃第二件。燒豬頸肉，我一向也很喜歡吃豬頸肉，可惜並不是每間餐廳都好吃，這裡的豬頸肉真的非常美味，肥瘦適中，好香，很多餐廳都只有幾塊，吃了少少就已經沒有了，但這裡的份量很足夠，加上豬頸肉配上炸脆非常好，令豬頸肉更加香口，整個層次都提升了，吃完這碟豬頸肉真是大滿足。串燒方面，點了雞腎和牛肉，雞腎好爽，好味，牛亦很好，易咬之餘亦有口感。泰式炒金邊粉，朋友一望就話覺得好靚，而且亦都好好食。清酒一上到枱，立刻充滿了日本氣氛，老闆推薦的這種清酒易入口，很適合我們，想不到和泰菜也很配。這裡環境雖然不算很