好願璟美食坊

营业中

休息中

咁啱經過九龍灣附近搵晚餐嘅時候就留意到依間大排檔，聽人講原來係以前牛下嘅大排檔嚟㗎，佢哋搬咗新舖搬咗落去九龍灣嘅商貿區，其實附近都好少人經過，如果唔係特登行過去都好難搵，尤其是個門口好噏耷好唔明顯，如果唔喺度望清楚，真係完全Miss咗啊😂。嗌咗少少嘢share食，芝麻雞5/5其實必食，啲芝麻黐咗喺雞皮上邊，然後再即刻炸，所以真係好香脆好香口好香芝麻味加上嫩滑嘅雞腿肉🍗，當然雞胸會嚡少少啦。賣相都好靚，雖然比較油膩少少，但係送碗飯都幾好食。油鹽水大蜆 4/5本身諗住食花甲既，但轉做蜆其實味道都唔差，個底有啲娃娃菜粉絲，都冇乜沙洗得幾乾淨。薑檸蒸鱔 3/5都幾特別，同一般嘅豉汁當然多咗一種檸蜜味，但係鱔比較細舊，超薄好似例牌嘅size，所以其實冇乜肉得嚟唔夠肥美😂。

同班可愛嘅同學仔一齊上完堂就去食下好野好耐無食過大排檔啦呢度有好多超可愛貓貓行嚟行去真係想摸下佢地呀聽人講呢度好有水準店員推介芝麻雞好大一隻成個面都係芝麻唔會好油crispy不過我認為芝麻味可以再重啲最推係砵酒焗蠔個邊金黃色一咬開爆汁好彩夾得快食到2隻啫估唔到wo豬大腸有意外驚喜完全無腥腥嘅內臟味表皮收水入面嫩滑仲幾大碟添個蒜蓉開邊蒸蝦蝦份量係夠嘅亦好多配料蒜味十足粉絲索味不過蝦身質地可以再爽口啲

Finally got a chance to try these local food stall. It located in Kowloon Bay industrial area and I thought they open till midnight. Overall experience is okay, strong heavy taste. Good for men’s dine. I have ordered the huge fish head steam with red and green chilli, the bottom is vermicelli but it was too salty that I am not able to eat the vermicelli. The fish head about 2kg, fresh and outstanding, cooking time just perfect ! The owner said only one fish head for a day so first come first ser

【觀塘區】【好願璟美食坊】之前同道歉哥睇黃凱芹演唱會，咁就喺九展度睇嘅，嗱，唔係我哋殯咗個九展，而係九展本身已經話要拆，我哋先去嘅啫，唔關我哋事嘅，攪返清楚件事先。咁睇 show 之前我哋食咗「板上」，睇完之後都一樣係要搵嘢食嘅。行到九龍灣工商業區，可能呢頭嘅餐廳都係主力做午市，所以咁嘅鐘數嘅選擇已經唔多。見到有間咁嘅大排檔形式小炒，都入去食食佢。餐廳風格問題，我哋一入去侍應係問我哋飲乜而唔係食乜，好有趣，不過我哋唔飲酒。所以用 $80 叫咗兩個「椰青」嚟飲，好有趣，好明顯係掠水之作，不過一次半次由佢啦。食物方面我哋叫咗 $168 嘅半隻「砂鍋雲吞雞」，都係普普通通，只係正常地唔差嘅水準。始終唔係上海菜館，冇可能要求得太高嘅。跟住有 $80 嘅「金磚黑白豆腐」，有埋黑芝麻係令件事豐富咗。而 $60 嘅「干炒牛河」就正常冇特別，不過我哋分別再叫都係 $15 嘅「七喜」同「可樂」嚟飲先夠解渴。兩條友夾埋食咗 $418，係嗰兩個椰青最唔抵囉，哈哈。。。（地址：九龍灣宏照道23號榮發工業大廈地下）#1amfoodie #foodie #hkfoodie #thatfoodiething #hk

九龍灣好願璟美食坊呢間工廈茶記勝在午餐款式夠多， 望埋去有成十幾個選擇。 我點咗個尖椒炒腩肉， 餸嘅份量唔少， 配上一大碗白飯絕對夠食。 簡簡單單將尖椒洋蔥同腩肉炒埋一齊， 惹味得嚟又帶啲麻辣。 不過呢度啲尖椒係唔去籽嘅， 怕辣嘅朋友仔可以skip咗佢。 除咗洋蔥略嫌生咗啲之外， 碟餸冇乜缺點。 午餐時間又唔使排隊，啱曬喺九龍灣工廠區返工又趕時間嘅朋友仔。

有朋友帶小編搵食當然唔放過機會～一行幾人去一個好小會去既地區～九龍灣🤭可能有唔少隱藏飯店～等小編有時間慢慢發掘下先🤓養生黑蒜燉雞湯益五臟健脾養胃👍飲得出心機湯👀仲有唔少雞腳食🤤小編推介如果有既話要叫黎試下👍👍提提大家留意返個人體質飲唔飲得～有d人體質可能唔飲得養生湯😉酥炸美國桶蠔好大隻蠔～炸粉醬較厚身～不過咬落脆卜卜蠔肉又肥👍酥炸咸豬手豬手大隻🤤皮肉分開～豬皮炸得脆口～肉質咬落鬆軟口感唔錯窩貼小棠菜整到蝦餅咁同個菜名好似…？🤣Anyway佢煮得唔錯既👍食得出有蝦味同埋撈左小棠菜碎美極牛仔骨醬汁麻麻～牛仔骨肉質普通😥田園花菜炒鮮魷普通一個炒什菜煲咁～唔算好特別😌—————————————————☻非專業食評·純個人口味☻—————————————————📍總結:依間野唔錯～小編都介紹大家去試試～三五知己飯局～鐘意啤兩杯🍻都係唔錯選擇～記得預早幾日訂位😇都幾多人去😜九龍灣有咩好食推介歡迎留言小編去試食😎

喺九龍灣站一出 不過德福商場直行沿着戲院方向 落樓梯 行過幾個街口就搵到願好景因為之前成日食金利來係之前同舊同事一齊聚嘅地方而家已經冇之前咁好食 我覺得好失望呀食之前有打過去問係咪都係同之前嘅味一樣但係結果竟然係咁樣 芝麻雞🐔佢相比起之前芝麻係多咗好多但係我覺得佢都係唔夠入味我之前一入口嗰個感覺 成個感覺唔夠熱氣加上唔夠熱 所以都好失望椒鹽鮮魷皮同埋肉之間分開曬同行嘅朋友都話唔知自己食緊咩好似一紮粉團 加埋舊擦膠嘅感覺不予置評啦生炒骨食落去唔知點解都係唔夠熱冇乜鑊氣 好似喺惠康百佳買返嚟咁嘅感覺個級數比以前差咗好多 唔知發生乜事小炒皇我覺得呢個已經係最好食可能佢落得好多味 好鹹 不過送飯係幾好總括而言我覺得佢退步咗好多 我未必會再去啦之前都會一個月嚟兩三次 而家我真係好失望雖然佢裝修同埋大致上員工都冇乜改變不過我覺得已經同之前嘅味道唔一樣所以我寧願去食其他好食嘅大牌檔