好餃笑 (已結業)

煎素餃 - 超多餡料，口感清爽，完全不油膩，外賣後差不多半個鐘先食凍咗都仲係好好味！好後悔淨係叫咗5隻咁小！雞絲麻醬撈麵 - 略嫌雞絲青瓜絲不夠多，麵份量勁多，食完之後勁飽，麻醬好好味，好幼滑。絕對算係高質外賣！隔左差唔多半個鐘，兩樣嘢都仲係好好味！推介

今日下午經過協和街，見到間舖個名 好餃笑！！笑左，所以入去試下，間舖主要食餃子，但見有胡麻醬雞絲拌面，唔理，食左先，大大碗，雞絲好有口感，個店員話係雞脾肉，佢地自己撕嘅，個醬又好食，真係食到飽，下次可以再黎，試下佢哋主打嘅餃子，見隔離嘅煎餃8隻都好大隻，希望好食！

嘗嘗韭菜餃，味道剛剛好， 湯底亦不會太鹹 ，韭菜新鮮 ，而且有爽爽的口感 ，環境衛生， 服務殷勤， 餃子大大隻 ，味道不錯， 會再光顧 ，有五隻和八隻可供選擇，彈性比較大 ，衹是男士吃八隻可能亦唔夠飽。

我個人最鐘意幫襯小店, 尤其是那些真材實料, 肯花心思在食物上的小店, 此店正是令人驚喜的一間!因為女兒在附近上樂理課的關係，每星期也遠渡到此區, 中間等待的時間不如去發掘附近有什麼好吃。走到協和大街上, 發現怎麼會連續三間店鋪也是吃雲吞餃子的呢？於是, 我選了門面最企理乾淨的「好餃笑」了。內進後發覺選擇不算太多, 但還是有我喜歡的芹菜豬肉餃, 我選了淨餃8隻上, 心裏還掙扎着不知是否夠吃呢......餃子上桌, 每隻渾圓飽滿, 像一只只元寶! 而且細看下每只也有八摺, 真的是手工餃子來的!! 咬下去更不得了: 芹菜和豬肉的比例非常到位, 每隻咬兩口才可完成，真的是大滿足了🥟😋下次到訪, 我必定會買一些生餃子回家, 慢慢跟家人分享!!

疫情嚴重，基本上都係無出街咁在家自煮，難得有事一定要出街，點都要買下外賣翻屋企食嘅。出開黎觀塘，經過見到間鋪個名叫”好餃笑”又好搞笑咁，咪八卦下，買份外賣食下睇下幾搞笑先~叫左一份大嘅韮菜煎餃，見到份餃子個下有d驚訝，8隻脹卜卜嘅餃子塞滿左個盒！煎得好靚咼！隻餃子都幾大下，平時d餃子好多時個口大d都可以一啖啪落口，但呢度d餃子真係無可能一啖食晒，入面d餡料好足，肉汁好香，加埋最愛的韮菜，好滿足。本身以為個店名都係d gimmick野者，點知真係食完d”好餃”又真係”笑”晒咼~希望疫情快d過，等我可以出翻街食好嘢啦。。。

我本身好鐘意食餃子剛巧見到呢間店開業「好餃笑」，鋪頭名改得好有趣呀！😀有4款餃子🥟🥟🥟🥟店員好友善，表示餃子每天由師傅新鮮包，她更推介我和老公試雲耳椰菜餃。於是，我同老公就叫咗雲耳椰菜餃上海麵同埋粟米餃子出前一丁。我老公鍾意食出前一丁，餃子店有公仔面呢個配搭，都幾特別😃餃子大大隻🥟👍🏻😃雲耳椰菜餃果然好食呀😋，雲耳和椰菜好爽脆，口感和味度都好夾，豬肉餡料亦好足，食得出係用新鮮豬肉的味度呀👍🏻😊至於粟米餃，都好好食，粒粒粟米好甜，配埋餃子的豬肉餡和肉汁，好食呀👍🏻😋這間餃子店算很有誠意，能夠天天新鮮包，材料又新鮮，這點很值得讚呀！👍🏻😊佢哋亦都有賣生餃子，趁而家夜晚唔可以出街食🙈我哋買左3打生餃子做儲備，比屋企人試吓，平時夜晚又可以係屋企煮嚟食😄支持小店，之後一定會再嚟食！😋

店舖乾淨、坐得舒服，餃子非常足料。今日試咗雙併煎餃～ 椰菜雲耳餃併韮菜餃。雖然係煎餃，但不油膩，值得推介。服務員態度好，細心介紹。一定會有下次！見到隔離枱碗麵好似好正，下次試吓先！