姨婆瑪麗 (已結業)

見到呢個招牌時，覺得姨婆會係鋪頭，不過無問啦。係正北角道，下午呢邊都幾繁忙，都幾多，可能大家都困得太耐，點都要出去。我哋食個陣已經係last order，要諗定食咩啦。是日無哂芽菜，店員都話好多都已經無貨，煩緊晚市點做。巴生肉骨茶，配白飯，68元。好耐無食，佢係用豬踭肉，好林，胡椒味都夠，湯頭有小小甜。我自己就主力食呢個，怡保雞湯麵，配浸雞，58元。雞又香又滑，呢個有驚喜。麵係好似上海麵，但再滑身啲。成個清清地，對個日我已經行到無力狀態黎講，算係唔錯。小食就叫左檳城豬肉卷，42元，超脆，入口係好爽，味道都唔錯，我個人就覺得咸左小小。

🤣 湯麵可以選擇唔同湯底、材料、麵類。不過唔想唸，所以直接揀咗配搭好嘅選擇。🔥 睇張相啲煙都覺得新鮮熱辣辣。--🍜 怡保咖哩麵 HK$48配料都算幾豐富有西刀魚蛋、魚片頭、豬紅、雞蛋、炸腐竹。原本配油麵，我選擇咗轉摻摻，可以當鴛鴦面，油麵配米粉。.湯底黎講 🤫 而呢間湯底椰汁味都算幾出，但又唔係好濃郁個種。整體偏鹹，所以食完口好乾嘅感覺。雖然佢寫咗兩隻辣椒，但真係食辣嘅人應該同我一樣覺得無辣味。.好多時候喇沙或者咖哩湯底都會話辣。不過個人係香港食嘅 (仲未機會去大馬 🤣)，感覺主要比較椰汁味同材料嘅香。

今日同朋友 去北角春秧街市買嘢朋友話肚餓我就推介去呢一間度食雞飯啦 朋友叫咗個雞飯，我就叫咗個肉骨茶 呢度啲雞飯我覺得好有住家味道，最特別嘅用怡保芽菜，肥嘟嘟好有口感㗎。我個肉骨茶，一飲成個位胃都暖曬跟住嗰個肉呢，一咬就淋好有口感好味呀。另外我哋嗌咗個雞肉同牛肉串燒， 個串燒真係好好味，就算我哋唔點醬都已經覺得好好食， 朋友去不斷讚個串燒醬，去畫另串燒變得更加好食🤣好搞笑佢又係諗起佢老公，話下次要帶佢老公嚟呢間食，埋佢老公一定鍾意喎哈哈🤣🤣

係炮台山食lunch食到厭厭地，有時會行遠啲去北角揾啲新鮮感。見到姨婆。瑪麗呢個名幾有趣，睇埋英文 Ipoh 知道係平時比較少見既馬來西亞野，就決定試下佢～佢既主打應該係馬來西亞式車仔麵，好環保咁用過膠既 menu 比你揀餸，可以揀3/4/5/6款，男仔都應該夠食。我揀左有”星星”推介既蝦麵湯底好香蝦味，幾鮮甜，但略嫌唔夠濃味辣醬係分開用匙羹上，幾貼心，加左辣就惹味返少少，如果佢落多啲炸蒜片會更好～通菜份量都幾多，吸收咗湯汁之後好正油麵唔係一般車仔麵既傳統油麵，幼少少，食落亦無咁油，我中意！總括尼講，我下次都會 encore 呢間，會想試埋比較重口味既咖哩湯底～

猴子唔係咁鍾意食雞皮，一來唔健康，二來煮得唔好仲會有啲腥味，不過姨婆瑪麗嘅雞脾，啲皮炸到卜卜脆，食起上嚟乾身唔油膩，真係忍唔住要連皮食。實不相瞞，今次嘅主角係雞脾，嗰碗麵餐只係陪襯。因為之前同事食過呢度嘅雞脾，猴子坐喺側邊聽到咬雞皮嘅清脆聲，忍唔住今次要自己親身試試。麵餐方面，猴子揀咗老鼠粉配怡保雞湯底。老鼠粉，即係銀針粉，短短粗粗、食落都真係幾「粉」，如果可以多返啲黏性，口感應該會好好多。餸菜方面，揀咗豬軟骨、豬紅同滷水雞蛋。豬軟骨嘅味道有啲淡，冇一般食開嗰啲咁濃味；豬紅結實滑溜，口感唔差；至於隻滷水雞蛋就毫無滷水味，同一般嘅水煮蛋冇乜分別。

今日去北角買野，行到肚餓搵嘢食，近近地就試下馬拉菜，係門口見佢餐牌，d名好得意「辣死你姨媽」，以為係勁野，點菜問人先知原來係馬拉話😂😂，真係笑死人我哋叫3樣嘢，咖哩麵、炸雞髀配牛腩（唔記得叫咩牛腩，辣辣哋幾冶味）、同埋肉骨茶咖哩麵聞落好香咖哩味，味都好濃，炸雞髀size適中，不過放耐左食時，見到仲有少少血水心水滲係碟，但切晒肉見佢入面都熟最後，肉骨茶d湯唔太重點藥味，幾好飲，不過佢d肉唔係排骨位，所以湯無咩油，d肉無骨，切到一條條，個形狀好似牛腩麵既牛腩咁

路過小店試下北角馬拉小店。食左蝦湯同咖哩湯摻摻，味道可以。摻摻同之前食的油麵唔同。店長推介-桔仔鹽水豆腐 好好味，有驚喜店長好細心，蝦湯有點辣。店長好細心怕我地接受唔到辣，先俾一小碗蝦湯小試。點左蝦湯摻摻，最後都係受唔到。店長好細心主動提出加鷄湯俾我地。呢餐飯好溫暖，有家的感覺

今日又去搵姨婆，純粹係想試吓瑪麗推介嘅肥嘟嘟芽菜，於是叫咗個怡保芽菜雞，HK$68蚊包嘢飲，猴子照舊飲豆漿，貪佢獨立包裝靠得住。一上菜，猴子第一件事試吓個肥嘟嘟芽菜，食落口，感覺是味道比一般芽菜淡，而且肥嘟嘟芽菜幾乎冇芽菜頭，少咗一份咀嚼感，不過輪外貌係幾有趣兼滑稽。至於油雞方面，略嫌肉少了一點，但勝在口感夠滑，算是不過不失。猴子今次食咗「怡保」，而同行嘅同事就食咗最「邪惡」嘅炸雞髀，姨婆瑪麗嘅炸髀係連雞皮都炸到卜卜脆嗰隻，可惜近排猴子熱氣唔敢食，搵日真係要試試。

老實講，姨婆瑪麗呢個舖頭名稱的確係有啲怪，第一次聽到嗰陣仲以為會係一啲新派到唔新派嘅前衛菜式，但其實裡面賣嘅都係啲好正常嘅嘢，一啲都唔怪，而車仔麵更加係主打。至於嗰啲「辣死你媽」同「辣死你姨媽」，其實都只係想玩吓嘢，想表達「好辣」咁嘅意思。猴子點咗個四餸車仔麵，油麵配怡保雞湯底，材料有炸魚蛋、豬軟骨、豬紅，同埋餃子，飲品方面就叫咗豆漿。同其他車仔麵比較起嚟，姨婆瑪麗係偏向清淡，唔似得其他車仔麵檔咁油膩。不過佢嘅油麵就同一般用開嗰種黃色嘅唔同，口感上冇咁彈，食落亦淡味啲。至於豆漿就係獨立封裝，乾淨衛生，飲落都覺得滑啲。另外值係一提嘅係佢哋夠環保，點菜紙係一張過咗膠嘅A4紙，用顏色筆點菜，由於係膠面，所以可以循環再用。

有次經過呢間小店，見到個店名 「 姨婆•瑪麗 」幾趣緻，加上見店外 poster 係主打馬來西亞特色小食，好似好特別咁，所以對呢間鋪印象都幾深刻，趁今日再經過，終於可以食下。店鋪小小，不過乾淨企理， 坐得舒服。店員知道我地第一次光顧，很細心咁講介菜式，服務比很多食店好得多！第一次食，當然要試下店舖既主打菜色 -- 姨婆蝦麵  & 怡保芽菜雞。姨婆蝦麵 - 感覺有點似喇沙，味道香濃，配料都幾豐富，不錯 !怡保芽菜雞 - 我見店內都幾多人order，芽菜很多，爽口，最啱我呢d鐘意食芽菜既人。雞肉都算滑嫰，味道也不錯。再加左個小食 - 檳城五香豬肉卷，外貌同味道有點似福建小食五香卷，同樣香脆可口。整體都不錯，還會光顧。

9 點幾先番到附近見佢仲未last order ， 個店名又幾搞笑唔知食咩 就試下叫左肉骨茶配白飯，油炸鬼個湯係我鐘意既，唔會太重藥材味同胡椒味但又好夠味 ， 𥚃面有冬菇同埋豬肉另外叫左 辣死你姨媽 其實係馬來西亞式便當有咖哩牛肉，椰飯， 辣魚仔 同埋d 配菜 我覺得依個幾抵食 配野飲 炸雞脾 $68唔算太辣，配菜香口 但雞比炸過頭仲叫左個魚，唔記得咩名香葉包住燒魚肉， 魚肉用香料醃過燒出黎好香 基本上食唔到魚 香料味濃埋單168 性價比都不錯

筆者係香港人，成日去馬來西亞，食過不下十次怡保雞。見到香港竟然有得食，就帶著期待嚟。見到餐牌嘅時候有啲愕然，因為打頭陣嘅竟然唔係怡保雞河粉（係呀，怡保雞應該配河粉先正宗），而係好多香港地道車仔麵嘅配菜。好就好在有得食老鼠粉，但當老鼠粉唔係乾撈而係好似車仔麵咁浸喺味精湯裡面，已經完全冇馬來西亞嘅風味了。一個三送麵盛惠$38，半隻怡保雞$108。馬來西亞嘢嚟講，實在冇可能話唔貴。另帶一提，呢度只有三款凍飲，所以想食辣嘢嘅就留意下喇。然後令人嘆息嘅一個員工嘅服務態度。我哋叫咗好多碗麵，唔肯定嗰碗係咪我哋叫咗堂食蝦麵，問到佢究竟係咪蝦麵，佢冇直接回應，我哋以為佢嘅意思係嗰碗唔係蝦麵，後來發現佢拎咗碗蝦麵去打包。我哋再話蝦麵係堂食嘅時候，佢轉身話我哋：「自己講錯喺度話人！」但客觀嚟講，其他員工態度係ok嘅，怡保雞還可以啦。

一句講晒，又貴又難食。係難食到放唔入口。以咁樣嘅份量同質素，唔係一般嘅貴，$14一串雞串燒又唔係好食，仲要個 menu 同幅牆都寫有跟青瓜，但最後當然係冇啦。問點解冇嘅時候，竟然指住個餐牌話「照片只供參考」而且態度都真心差。真係唔係貪你嗰幾片青瓜，不過咁嘅價錢，加啲咁嘅服務態度。吓？唔好話我睇「照片」問你點解冇青瓜，我係睇住個餐牌「寫」住有青瓜！連幾片青瓜都慳... 係咪餐廳應該改咗個餐牌佢唔好話跟青瓜呢？

睇到其他食評介紹呢間特色車仔麵好似唔錯, 所以黎試試佢!38蚊有3餸, 都有幾款設定好餸的面, 48蚊-58蚊雖然餸係普通車仔麵的餸, 但都睇到我有少少選擇困難, 最後揀左怡保雞湯底, 魚旦, 豆卜, 菜心唔知係咪我揀D餸太普通, 成碗面其實都普普通通, 冇任何驚喜個雞湯底都冇咩特別, 普通一個雞湯底囉, 唔係話唔好食, 只係冇咩特別姐, 如果下次再食, 我會揀蝦湯底, 只怪今次自己揀錯餸, 魚旦豆卜都揀錯了, 如果有機會再食, 應該直接叫”姨婆蝦麵”或者”怡保咖啡麵”

之前黎過一次覺得幾好食，一直都好想再黎！咁岩行完附近既運動舖outlet，就緊係黎食啦！不過上次有其他朋友一齊食，可以叫多到d餸一齊share食，不過今日獨獨樂，就只係叫一碗麵自己食啦！之前食過蝦麵，今日病病地就諗住清清地叫雞湯底，碗麵一黎到既時候嚇左一嚇，咁深色既😅唔知係咪因爲叫左咖哩雞翼，就變左咖哩湯底啦，不過都好好食既！雞翼好入味，魚蛋係好有魚味，好彈(唔係廢話黎架！)豬軟骨就普普通通！ 盛為40大元，都係好合理既！之後都會繼續黎！