姨婆瑪麗 (已結業)

蝦麵湯米粉配西刀魚蛋、通菜、滷水豆腐- 湯底呈淡橙色，清香帶蝦干鮮甜味，少量的炸蒜片又添上另一種香甜惹味，但整體味道仍屬單調，多喝有點寡- 辣椒醬用匙羹分開上，與湯混合後，並沒為其增添辣味- 採用粗身芽菜，比一般芽菜更飽滿，咬下去更爽脆厚身、清甜多汁，部分更有淡淡豆香- 通菜爽脆吸湯；西刀魚蛋細細粒，賣相可愛，魚味濃郁，帶微甜味；滷水豆腐極滑溜，輕輕一夾便分成兩半，豆腐潔白，看似不入味，但甫咬下去，便滲出陣陣八角及桂皮的香甜味，不可貌相，色香味美俱佳，出色- 米粉吸湯但偏嚡口

見到Facebook有人講呢度車仔面好特別，所以黎試下。用馬來湯底做車仔面是幾特別的(不過個湯無想像中濃)本身叫米粉，但錯單幫我用左油麵好彩都唔係難食，但份量都幾少男仔未必夠食星期六下午差不多3pm, 得3，4枱客但我地張單都錯左2次1。米粉俾錯左油面2。叫2個豬肉串燒，食完面都未黎，跟住見到侍應攞住碟串燒去近門口影相(product相?) ， 轉頭佢拎去問枱熟客「唔知點解燒多左呢，俾你地吖」，我諗嗰碟就係我地嘅豬肉串燒。。。我地見狀即刻問佢有無漏單，另一個侍應問都無問就塞左另一碟雞肉串燒俾我(應該都係影完相)。就咁話「俾碟雞你地吖!」 雖然佢態度唔係串，但感覺都唔係幾好。(何況我唔食雞的。)另一個侍應就叫廚房整串豬肉串燒俾我地。但其實我都唔想等，但見佢整緊又廢事取消。講番味道，其實唔差，但服務態度有待改善。

今日路過此地，本來諗住搵間魚旦粉食個quick lunch, 見到呢間小店，咦！有我like既蝦麵，又唔係貴，就俾個機會佢試一試。入面環境乾淨舒服，男店主仲好有禮貎好有笑容，今時今日lunch time有咁既服務態度真係難得👍🏻隨便叫左碗蝦面，估唔到咁足料，有兩隻蝦，幾粒魚旦，通菜，最驚喜既係脆脆炸腐皮，好香口。麵底方面，原本以為係一般黃色嗰啲油麵，又唔係喎，比平時嗰啲幼身啲，最緊要係無咁油膩，飲埋啲湯底都唔怕😆，湯底香辣惹味。計埋汽水$58，只能說：物有所值！

今日咁啱黎開北角,見到有間叫"姨婆瑪麗"ge餐廳,就同朋友一齊入咗去試下.東南亞野,我個人都好中意食,但通常都係食泰國菜或者系越南野多,星馬菜真係小食,今次就叫咗個:怡保咖喱麵咖喱麵一上臺已經聞到個香味,距個咖喱味唔會好刺鼻,而系好香,忍唔住流口水,呢個麵有個好濃郁ge咖喱湯底之餘.仲有好多配菜,蝦,魚片頭,豆腐卜,豬紅等,都幾豐富,特別中意距個豬紅,好香,而且好喜歡果個口感.辣死你姨媽呢個系一個拼盤飯,顧名思義系乜都有,椰香飯,雞蛋花生,鮧魚,青瓜,仲有牛腩,同一隻炸雞腿!重點個雞比炸得好脆好香,而且大大只,非常多肉,另外個牛腩都好香,牛腩蚊得非常淋滑,而且微微ge辣,呢個set好大份,而且非常適合男仔食,夠曬多肉!正啊姨婆小食拼盤小食拼盤有個烏打,粵語意思就係用一d蕉葉包住d魚肉去炭燒,魚肉淋滑有香葉ge香味,唔錯,另外仲有個賓城五香肉卷,都係呢度ge招牌小食之一,肉卷系用腐竹包住,食落滿滿ge腐竹香味,肉卷入面仲有d小配料,例如蘿蔔等等,幾正,之後再有d炸雞亦.都好唔錯,即叫即炸,豐富ge拼盤.肉骨茶肉骨茶好香,同好濃郁ge味道,充斥住藥材味,飲落幾甜,但唔會系好假ge甜,絕對系

在澳洲時最中意食paparich, 返香港好難搵正宗馬來西亞嘢，食到肉骨茶好開心。芽菜雞清清淡淡但夠味，魷魚通茶好辣，配椰漿飯啱啱好，旁邊的魚仔同花生都好好味，但最中意都係肉骨茶～

自從去過幾次新加坡和馬來西亞後, 發現自己越來越喜歡當地的菜式, 特別是喇沙、咖喱麵、椰香飯、肉骨茶等等….而最懷念就是烏打, 但回港後真的不易找到, 只知道深水埗有間小店有, 亦吃過一次。不過, 對我這位懒得郁的港島人來說, 要過海為吃一頓馬來西亞菜, 真是有點難度。攪到自己成日心掛掛, 好彩今晚行經北角發現了它, 不知這間小店的馬來西亞菜會否合我口味呢? 期待….小店門口貼上 “馬來西亞車仔麵” 幾個大字, 而透過大型的落地玻璃門窗可清楚看到店內的環境。門外還擺放了多份餐牌, 亦貼上幾款菜式的相片, 看來幾吸引。走進內裏,左右兩邊共設有約十張二至四人枱, 地方雖小, 但整齊企理, 而裝潢亦簡約平實, 白色的牆身鑲上多幅菜式相, 四周就擺放了一些綠色植物, 感覺很有氣息, 很舒服。細看餐牌, 主要分五大類,  有麵食、怡保芽菜雞、椰香飯、小食和飲品。麵食有可揀自選車仔麵或店子所預設的三款, 包括怡保雞湯麵、姨婆蝦麵和怡保咖喱麵。至於椰香飯就有自選一款餸菜的“辣死你媽”和最豐富的“辣死你姨媽”。**************************“辣死你媽” ($44) 這個名字咁有趣

上星期同幾個好姊妹飯聚，席間有人提到北角最近新開咗間叫「姨婆瑪麗」嘅車仔麵店，據說店子主打馬來西亞菜，除了有車仔麵食、椰香飯和咖喱麵等供應之外，還有不少馬來西亞小食，如沙嗲串燒、娘惹泡菜、烏打烏打等可作配搭。反正星期五懶懶地，唔想煮飯，就一於下班後去試下。小店位於北角道亞太商業中心，是家地鋪，位置唔算起眼，不過門面就用上落地玻璃。踏進內，地方不大，以木製方桌為主，細心一數，只有約 30 個座位，如果是繁忙時間到訪的話，應該會有點逼狹。不過睇得出店主喺裝潢上花過不少心思，近門口擺放了幾盆散發著淡淡幽香的斑蘭葉，而牆身就懸掛了多幅馬來西亞街邊常見的串燒檔照片，加上有趣嘅店名，玩味十足。拿起餐牌，車仔麵共有三款湯底，有怡保清雞湯、咖喱湯、蝦麵湯，另外亦可以揀撈麵，而配料就有二十四款，由最基本的豬皮、豬紅、蘿蔔，以至比較特別嘅西刀魚蛋、豬軟骨等，全部有齊。至於碟頭飯方面，就以椰香飯為主，同樣可以自選餸料。不過如果唔想傷腦筋的話，店子亦另備有幾款固定配料的麵食和飯餸可供選擇。點了個三餸蝦麵湯底配油麵，而餸料就揀咗蝦、西刀魚蛋同豬軟骨 ($38)。蝦麵湯底據說是以蝦殼、南薑、蝦米等熬煮而成。先將辣

真係好鐘意食馬拉嘢，香濃惹味異國風情響我叫嘅車仔麵未黎之前，隔離枱打開佢個煲肉骨茶，味道超香濃，下次都想試下好期待嘅蝦麵，一上枱梗係先飲一啖湯，以為佢清清地，但其實蝦味非常突出，夠晒味。車仔餸叫咗魚腐，豬腸同五花腩。魚腐無味，散修修林啤啤。五花腩肉質比較鞋，豬腸有口感但比較難咬，而且味道唔夠。另外麵都煮得淋咗啲朋友嗰碗咖哩麵，叫咗西刀魚蛋，咖哩雞翼同豬紅。咖哩湯香濃惹味有層次。西刀魚蛋彈牙帶甜味，幾好味。咖哩雞翼入哂味，好似媽媽嗰啲炆雞翼紋到一食就骨肉分離。豬紅口感唔錯，但同豬腸一樣唔夠味。炸雞脾炸得外皮非常香脆，入面熱辣辣，惹味非常嘅東南亞味道如果店家用埋馬來西亞嘅食物嚟做車仔餸，相信會更吸引同有水準

一直懷念馬來西亞的美食簡單如一碗蝦麵就能滿足心靈空虛今天來找姨婆瑪麗驚訝地發現在馬來的路邊小吃烏打烏打用亞答葉包裹著香料魚肉先蒸後烤充滿椰香味是香港難得一見的正宗烏打烏打再來參巴魷魚燒菜心參巴醬極之惹味菜心燒至微焦超香口主打的姨婆蝦麵要來了湯頭看似清澈但蝦味卻很突出配料有蝦仁西刀魚蛋炸腐竹西刀魚蛋彈力十足腐竹也炸過特別脆口朋友的怡寶咖哩麵香濃可口朋友毫不客氣地喝到一滴也剩星期五的黃昏晚風吹送一杯白咖啡襯托出悠然的南洋風情

平日的下午時常見到很多學生幫襯，今天晚上終於來試試，約於7:30到達，店已有約七成顧客，小店主打湯麵和椰香飯，另有多款馬來西亞小食。朋友點了個三餸湯麵，麵底選了米粉，感覺就好像是港式車仔麵般可自選餸，但不同而且特別之處是可選馬來亞口味的湯底：雞湯底、咖喱湯底、蝦麵湯底或撈麵。朋友選了蝦麵湯，顏色比想像中清、淺色，但原來味也濃，特色辣醬用匙羹另外盛起，即辣味可以自行決定。朋友選的三餸包括咖喱魚蛋、豬軟骨和懷舊牛腩，懷舊牛腩是要加$6，但牛腩炆得很好，而且牛筋是最要推介的!我點了辣死你媽配怡保炸雞脾，名字很特別而其實不是很辣，放在青瓜上的辣醬帶甜，炸花生、小魚等是正統椰香飯必有的配料，而要加$4的炸雞脾是非常好味，香口的雞皮脆卜卜，而雞肉則沒有被炸乾，味也醃得很好。而飲品方面，他們有豆漿，啤酒和汽水，價錢合理。

今晚跟一位喜歡吃東南亞食物的朋友食晚飯。我二話不說想帶他到北角的姨婆瑪麗試試。這裡裝飾簡單，環境舒適，設有2至6人的枱，亦可拼出更大的枱，座位舒服。這裡交通方便，從北角地鐵站B1出口行幾分鐘便到。這裡餐牌清晰，只要用顏色筆在過了膠的餐牌剔選便可落單，抹去可再用，十分環保，抵讚。我哋先點了冬瓜龍眼茶，清甜解暑開胃。跟著個蝦麵湯底的米缐併蝦，豬皮及豬大腸的車仔麵，湯底鮮甜，湯料份量十足，米粉爽滑，整體唔錯。後上的NasiLemak`辣死你姨媽`包括有椰飯，雞疍，花生，鳀魚，青瓜娘惹泡菜，參巴魷魚，冷當牛腩及怡保炸雞脾配菜十分豐富，椰香味的飯加上各類配菜，任意搭配，口感份外滿足。 最後的沙爹串燒拼盤，原汁原味，嫰滑多汁，肉味濃郁，不可不食。

Stumbled across this restaurant in North Point and saw the hilarious pun that they used of 辣死你媽 to translate Nasi Lemak, and naturally had to order it. The restaurant itself was bright and casual, with simplistic decoration. They had a variety of Malaysian food to choose from at a budget value.As mentioned, we ordered the Nasi Lemak with Beef Brisket, and the portion was huge! The beef brisket was tender and the sauce was fully immersed into the meat.We also ordered a 3-topping noodles. I chose

今日去開北角，見到😍個餐廳名好特別啊💕原來係食馬來西亞菜🇲🇾就入左去試！🔥沙嗲串燒拼盤🍡🍢🍃（$58）串燒拼盤一份有4串，有3串肉類和1串蔬菜。串燒燒得惹味香口，肉質香嫩啖啖串燒香，還有自家製的沙嗲醬，非常美味！👵🏻姨婆小食拼盤🍱（$42）🍗怡保炸單骨雞翅🌯檳城五香肉卷🌿香葉札肉3️⃣餸車仔麵（$38）🍲恰保雞湯底🐥（芽菜、韮菜🌿、炸蒜）👉🏻咖哩豬皮🐷👉🏻豬大腸🐽👉🏻豬粉腸🐷恰保雞湯底雖然望落湯底好清，但係飲落相當清甜，配埋芽菜、韮菜、炸蒜令湯底更加香。🌶辣死你姨媽🍱（$64）椰香飯🍚、雞蛋🍳、花生、鯷魚🐟、青瓜🌵、娘惹泡菜🌿、參巴魷魚🐙、冷當牛腩🐄、保恰炸雞脾🍗這個飯除了名字名吸引外，份量亦非常多，除了有一個椰香飯外，還有很多款的配料。最驚喜的是有一隻大大的炸雞脾，還是炸到熱辣辣，與飯分開上的。椰香飯充滿椰汁配上不同的配料非常惹味，尤其是參巴魷魚 🦑辣辣香香的，冷當牛腩的醬汁也相當不錯，充滿咖哩香味，還有花生、鯷魚等配料令這個飯非常豐富！自家特飲（$16）當日的自家特飲是桂圓茶，味道清甜，又不會太甜，清涼解渴，非常好飲！整體來說，食物和環境都不錯的，有機會一定會再來!

舖頭名好有趣，原來係Ipoh Mari嘅譯音。不過間舖開喺條開滿室內設計公司嘅街，唔係街坊真係唔會諗到裏面有嘢食。今日應住北角嘅朋友邀約嚟試試馬拉車仔麵。叫咗碗怡保雞湯底嘅米線~餸揀咗炸魚皮、咖喱魚蛋同牛腩。牛腩好稔~但最正都係湯底，泛住金黃雞油，配米線就滑上加滑~食咁少當然唔夠，所以再加多個小食拼盤~拼盤相當抵食，有2條烏打烏打、五香肉卷同單骨雞翼~第一次食烏打烏打，蕉葉包住醃過嘅魚肉一齊燒，食落甜甜地，有少少香辛料味，就好似「免治」版嘅燒魚乾~另外兩款就香脆入味，香料味滲入肉裏面~小食做得相當出色~

姨婆瑪麗門口寫住係賣馬來西亞車仔麵，諗咗一諗，都唔係好明。但附近都唔見其他餐廳，就即管試試，免得一班朋友嘅肚喺度投訴~呢度嘅餸大部分都同一般車仔麵檔近似，最特別嘅就係湯底。我哋決定叫一濃(咖喱)一淡(怡保雞湯)，再加啲小食幾個人分~咖喱湯一端上枱面就知係真材實料。椰奶香味撲鼻，湯底呈橙紅色，而且好稠身。至於雞湯就充滿雞油香，清得嚟又有雞嘅鹹味。香口小食好難唔令人流晒口水五香肉卷係咁多款入面我最鍾意。外層腐皮炸到脆卜卜，包住彈牙嘅豬肉，入面混入嘅芹菜減低咗肉嘅油膩感。大大份真係好食又抵食特飲定期轉款，今日係冬瓜龍眼茶~