娘惹嫁到

营业中

休息中

「娘惹嫁到」經歷左3次搬舖，先由西環搬到荃灣，再搬黎上環，由一對夫妻主理，以正宗檳城娘惹菜打響旗號鮮蝦深海魚蛋喇沙娘惹咖喱喇沙採用新鮮洋葱、南薑、黄薑、香茅 & 各種不同馬來西亞香料餚製湯底，湯頭非常濃味帶甜同杰身，而麵底就用上油麵溝米粉「參參」蝦亦都新鮮彈牙，老闆仲好細心將2隻蝦摵左殼，豆卜都食得出好新鮮，我差d飲晒d湯😝碗娘惹喇沙真係食得出老闆花左好多心機去烹調，上至湯底下至豆卜都無可挑剔，如果鍾意濃味既朋友真係可以黎試下馬來西亞正宗喇沙風味

今午約馬來西亞朋友到此午餐。她很開心及欣賞，能在港食出家鄉小有味道。食品部份自馬拉，紅色薑花伴沙律，地道娘惹用米線非麵，又有鱷魚肉食，厨師親自製咖吔醬配多士(不甜)。黄梨计用新鲜波蘿鮮制。均很美味。親切友善招待。地方整潔。餐廳雖人手小坦诚，時間可能要候出品。自己，與友及家人共饍，曾共渡温馨愉悅時間。跟厨師及打理人閒聊開舖中午12点後，因餐需時籌備，盼大家欣接納。如有特別要求，可先預約以便餐廳作出安排。免在門外等候。大家見諒。不妨往此打咭及试正宗娘惹食品。大都會好體會。清簡惹味領略

我同老公都係星馬食品嘅常客。 抱住好大嘅期望，由新界區過嚟，結果係有啲失望嘅，包括服務同食物嘅質素。 服務方面，我覺得呢類型嘅住家小餐館， 老闆同顧客嘅關係係可以好一啲嘅 ，但係由介紹食物去到點菜，老闆娘都比較冷淡，同茶餐廳嘅服務員態度差唔多。 食物方面，質素同味道都一般，冇乜驚喜， 性價比唔高。

咁好食點解無人知？店舖細細但員工非常細心 and friendly. 叫咗2個鮮蝦魚蛋喇沙，Kaya 多士同薏米水，喇沙湯超濃厚但一啲都唔肥膩同流，飲完又唔口渴，No msg approved! 蝦已經剝咗殼，又爽又大隻；魚蛋彈牙，好食！$98一碗完全對得起呢個價錢有突！班蘭Kaya 多士食得出唔係坊間一般commercially made 嘅spread, 好有天然班蘭味，又唔太甜，好食！點解lunch hour 咁少客?! 希望佢哋有多啲客因為食物質素真係非常唔錯，好過好多地下街鋪同俾所謂KOL煲到好大嘅其他店。

Bookmark咗一陣，由於地理位置對小編來講唔太方便，所以都仲未嚟試；今次終於到嚟開附近，就嚟試一次。『鮮蠔魚蛋喇沙』$98『娘惹暹羅喇沙』$98『鮮斑蘭咖央多士』$32『凍薏米水』$0⋯⋯絕對唔係快餐，佢真係一碗一碗咁樣煮，所以係要有等候時間；佢啲湯底真係好濃郁；終於明白點解佢過魚蛋嘅粒數要特別指明，因為有魚香得嚟，又彈牙又鬆軟；咖央多士，啲汁好清甜，仲有少少嘅蛋香；連跟餐免費嘅薏米水，都係自家製；整體嚟講，好滿意！。📍 娘惹嫁到 (上環)上環皇后大道中270-276號中央大廈1樓I號舖。大食時間：Oct 2023好味指數：🌕🌕🌕🌕🌕回味指數：🌕🌕🌕🌕🌕舒適指數：🌕🌕🌕🌕🌑

🤔 諗起有個喺上環嘅小展覽想睇，所以索性喺附近搵間小店食晏，依次揀咗食娘惹菜～ 🍜 鮮蠔魚蛋喇沙 😋😋😋😋😋娘惹喇沙嘅香料味好香濃，黃薑同香茅味出，屬於咖喱質地嘅喇沙，一啲都唔稀唔水。三隻蠔仔🦪好鮮甜，大約有一個手指公咁大👍🏻，魚蛋用咗深海魚🐠肉製成，魚味好濃。典型油麵溝米粉嘅喇沙，粉同麵掛起啲湯，仲有索湯嘅豆卜同爽口嘅芽菜，真係一流！另外，放咗幾片薄荷葉🌱，浸落湯到會清新啲，最後飲晒見碗底！🤤 🍹 凍薏米水 😋😋😋😋細細杯嘅薏米水跟喇沙叫唔使加錢，望落好濃稠，薏米已經浸得好軟糯，而甜味好自然！佢哋冇加冰，溫度涼涼地。☺️午餐 💵💵 約港幣$100/人 💁🏻‍♀️ 依間小店位於一幢普通大廈嘅一樓，格局好似做私房菜咁，簡約裝修，播放住柔和純音樂，又擺放咗娘惹菜嘅來源同歷史。小店約有十五個位，下晝一點幾去到，只有兩個食客。之後陸逐坐滿，亦有食客會打去預先問有冇開。大家坐低之後好平靜，靜靜地食又幾舒服。☺️🙆🏻‍♀️ 最後，喜歡嘅話，歡迎follow @foodirectory.hk！

自從4月在星期六上班，就多了時間發掘中環和上環區，今次是專誠拜訪個人收藏餐廳，同時避開平時上班人潮，所以不到等位，可即刻入座。📍位置：近上環站 A2 出口, 步行約10分鐘，在私人大廈樓上。🏠環境：門口有招牌，店內面積不大，大約有五枱，只可容納十多位客人，後半部分就是廚房，牆上面有娘惹舊物作裝飾，簡單裝潢。🤵🏻服務：自己寫單，不收加一，等菜上要點時間。🍽️午市：提供套餐，有咖哩飯或麵類可供選擇。🍤鮮蝦深海魚蛋喇沙🍜 $98看似份量不多，但其實很飽肚，🍜湯底濃度極高😍，質地似沾麵湯，咖喱味香濃突出😘，帶點微辣，配料有兩隻已剝殼蝦🍤，肉質結實爽口😋；兩粒魚蛋彈牙🤩；豆卜就完全吸收濃湯🥰！麵底是油麵混米粉，油麵滑溜，米粉掛湯勁，我就喜歡吃米粉，連湯汁都喝了😂。☘️手工斑蘭蛋糕🍰 $28實際上是中式糕點，口感較實心黏口，不是戚風蛋糕，不過我覺得可以接受😊，因為斑蘭味很香🥰，所以是很飽肚的糕點😂。薏米水🥤（凍）🥰清甜無冰，☺️誠意之作，剛好解膩。

🍪【#上環】娘惹嫁到 Nyonya Coming💥隱世馬來西亞美食 極濃郁喇沙湯底💥.【鮮蝦深海魚蛋喇沙】 $98（4.5/5）重口味人士必定鍾意‼️超厚身湯底，咖喱味香濃突出😍2隻蝦已經剝殼，肉質結實爽口😋，蝦頭仲保留到蝦膏，好有鮮味🤤！3粒魚蛋都幾彈牙🤩，豆卜超正索晒啲濃湯🥰！摻摻(兩溝風格)︰油麵混米粉，油麵滑溜，唯獨係米粉掛湯勁得滯，食到好膩😳值得一提係呢度飲品好有心思，叫咗斑蘭薏米水😍，清甜好飲。除咗餐牌上食物，有時會有today’s specials，可以留意黑板！好想食但太飽🥺！記得留意下有咩嘢甜品！.【 Prawn & fish balls Nyonya curry laksa】$98（4.5/5）The laksa gravy is deliciously intense, complex and mildly spiced!🤩🤩🤩Shrimps are freshly peeled and deveined, that’s why the shrimp heads taste so yum🥳! The fish balls are pleasantly chewy,

好友推介娘惹嫁到私房菜，菜單吸引，而且只是480元一位，我當然支持試新嘢 中上環樓上舖，不難找。店子不大，那天晚上有三枱共十多位客人，店子後半部分就是廚房。客人們坐得近，不過大家都很自律，氣氛輕鬆但不嘈吵店家就是由娘惹男廚師和店面女店員兩位運作，服務細心。店家提供多款特色飲品，我點了山楂茶，味道不錯，重點還是食物 先來一客傳統娘惹沙律，有很多新鮮生果， 配上特色甜醬和花生芝麻碎粒，分量很大（ 我們是五人份量）。娘惹特色魚湯很驚艷湯顏色似冬蔭功，酸辣甜都有點，很開胃。同時上桌有一條很大的盲曹魚 非常非常滑，有魚香，很好吃。想不到娘惹也有東坡肉，火候很足，入口軟糯，一點也不肥膩，保留了豬肉香，配上菠菜和店家推介配襯的黃薑飯，簡直一絕黃薑飯我們是瘋搶的，熱辣辣很好吃 可以添飯呀～娘惹麥皮蝦和我之前在星加坡吃的很不一樣，這裏是娘惹寄來的麥片 ，主廚話同香港麥片大不同😂用上新鮮蝦，沒有油炸麥片蛋黃蝦的金黃香口，這款食味健康清新。沙葛鮮魷生菜包，同行有朋友的大愛 沙葛煮透了，配上鮮魷和味香而不膩的醬汁，很不錯。當晚另外嘗試了主廚自家製班蘭咖央多士新鮮熱辣，而且班蘭醬和街買的很不一樣，這裏的是非常鬆

馬來五星名厨Derek因愛妻心切，毅然放棄老家事業來港生活兼開店，由初期在西環做學生餐開始，及後又經歷過在荃灣海濱花園商場這種「死場」經營，最終回歸港島上環。由於只開星期一至六，兼且只開午市(12:00-15:00)，所以專誠在星期六拜訪一下，希望避開平時上班族午市嘅人潮。在YouTube 看過幾段影片後，點了好多人推薦嘅咖哩牛尾，咖哩膽香，而牛尾亦炆得腍，喜歡吮骨嘅不容錯過。另外亦點了蝦麵，係油麵渗滲米粉，魚疍不覺特別但湯底、阿参醬搽嘅蛋同肉骨真係非常出色，肉骨甚至腍得可將骨咬碎，個人認為比起蝦麵店嘅蝦麵更有過之而無不及。其實無他，因為喝得出湯底實在毫不嗇色地放大量蝦頭蝦殼淆製，可惜有痛風在身，只能淺嘗。甜品吃了薄荷大菜榚，幸好偏淡，因為椰糖漿非常惹味(亦非常高卡)，還是淺嘗就夠。跟餐有兩杯飲品，凍薏米水偏杰身，冇冰，誠意之作，另外一杯忘了名字，哈哈!下次有機會應該要會會佢嘅私房菜。

朋友知我鍾意食喇沙，專程帶我呢個喇沙fans去「娘惹嫁到」試吓。餐廳喺間商業大廈嘅一樓，大廈外面完全冇廣告，只係水牌有貼上餐廳名，真係一間隱世小店。餐廳唔係好大，只有14個位。裝修簡單，牆身有兩件傳統娘惹衣服同一些檳城嘅相片。我滿心期待地嚟試佢哋個喇沙，果然冇令我失望。「檳城亞參喇沙」賣相吸引，配料有3粒爽口彈牙嘅魚蛋，2隻新鮮大蝦，半隻雞蛋，豆卜同芽菜，而麵就係摻摻（油麵及米粉各一半）喇沙嘅靈魂在於湯底。特別熬製嘅湯底非常鮮甜，椰漿香味同咖喱味配合得宜，濃稠creamy。老闆娘話湯底無用味精，可以安心飲。我同朋友都忍唔住，全碗飲晒！我本身對味精都幾敏感，果然，我成個晏晝都唔覺得口渴，個湯真係無味精架！餐廳只做午市，12nn-3pm，不設訂位；晚上只做外賣及預訂嘅私房菜。星期日休息。

<馬來西亞深海魚蛋喇沙> 深海魚蛋由馬來西亞入口，係爽口彈牙嘅白魚蛋，喇沙個湯底幾香濃，餐廳將啲豆卜剪開細細舊，索曬啲湯好好食😍**********<斑蘭咖央多士> 薄片麥包烤脆左之後中間塗左層斑蘭醬，斑蘭醬係餐廳自家製，顏色青綠色好鮮艷，味道方面比起平時食嘅無咁甜，但口感唔係順滑個種，食起上黎比較有顆粒感🍞**********<手工斑蘭香蕉蛋糕> 呢一款蛋糕同樣都係舖頭自家製，不過個口感同想像中唔同，以為係戚風蛋糕嘅質地，但點知係比較實心黏口，個人就麻麻地呢款蛋糕🍰

⭐️娘惹嫁到 (上環)📍上環皇后大道中270-276號中央大廈1樓I號舖坐落喺商業大廈嘅呢間娘惹菜好隱世👻唔係專登來都搵唔到😅有朋友介紹話佢好正宗 話係必試👍🏻 食完既感覺唔知係咪期望太高🌝 味道的確同港式星馬菜唔同 但係又算唔上好好食🥴 價位比較高 CP值一般💰 而且以小店來講服務都幾唔貼心💔 攞多隻碗同張凳擺嘢都要自己做 雖然無收加一 但我Expect更多人情味💕⭐️ 鮮蝦深海魚蛋喇沙 🍜喇沙充滿馬來味道的香料 濃而不算太辣🌶 湯底比較傑身 口感有點太糊口 個人麻麻地☹️ 勝在魚蛋有魚味好彈牙🌊⭐️ 檳城海鮮福建炒 🍝炒面比我想像中欠缺鑊氣🔥 加點辣醬調味才更好😊 蝦仁已經了殼值得一讚👍🏻但係鮮味麻麻哋 🦐 見唔到有其他海鮮🦞⭐️ 原味鴨蛋椰糖咖央多士🍞味道同外面死甜嘅咖央醬唔同好Impressive❤️ 絲絲椰味配上濃濃蛋香好正宗🥥 可惜醬料份量太少 好似相片咁外觀睇唔到🤣 以$32黎講太孤寒 ⭐️ 羅漢果紅棗冬瓜 🍓⭐️ 洛神花火龍果 🌸送既飲品好有特色🧃飲得出真材實料天然報出嚟🥰 羅漢果味唔會太苦係淡淡嘅滋潤💐 洛神花酸酸甜甜又容易入口🌺

香濃既咖哩喇沙，感覺無味精， 係我欣賞既地方佢杯蝶豆龍眼都幾好飲， 唔會太甜 (不過對呢種藍色既飲品呢， 都唔太鐘意成日飲)不過價錢上， 近100 元， 就只能話， 未必可以經常食， 有dd偏貴。

#大蝦深海魚旦喇沙參參檳城是馬來西亞西岸的一個小島，結集馬來西亞與中國文化，居住很多中國華僑。中國藉廚師來自檳城，演繹正宗馬拉喇沙，湯裏放了大量椰漿，令喇沙湯底變得濃稠。「參參」是閩南話，參參面底屬油麵溝米粉。大蝦肉質鮮甜結實，深海魚蛋是自家手打魚蛋，彈牙爽口。一碗大蝦深海魚旦喇沙麵可見廚師真章。店面屬家庭式經營，12位顧客就全院滿座，裝潢樸實，牆上懸掛有兩件馬拉女性傳統沙龍上裝的掛框及一幅七零年代馬拉街頭的舊照，充滿濃濃的人情味。