媽咪雞蛋仔 (已結業)

這個朱古力雞蛋仔入面更多朱古力會更好！🥰🥰雞蛋仔，好夠脆，好好食！👍🏻👍🏻價錢也不貴～ 街頭小食very good !!!🥳🥳製作時間ok,不會等很久～～地點是旺角10分方便！下次也想試試其他味道

🍴伯爵茶格仔餅 $35 (8/10)假日真係好多人排隊，格仔餅口感煙靭有少少似麻糬，都算幾鬆軟，伯爵茶味都幾濃郁，好出，加埋花生醬煉奶砂糖牛油，真係冇得輸！推薦指數: 8/10依然都保持到水準。

前晚響旺角夜繽紛，見肚餓就叫咗底雞蛋仔嚟食。今次冇食到原味，而係揀咗朱古力味。落咗單之後，冇辦法喇，始終都要排一下隊，始終等緊嘅人數都有十個八個。等咗一陣終於有得食喇，用咗個硬身嘅盒，而唔係普通紙袋，的確係唔錯。雞蛋仔配朱古力呢一個食法我都幾鍾意嘅，但係雞蛋仔始終最重要嘅都係夠唔夠脆身，而我買嘅呢一底呢，就做到喇。香味方面，成底雞蛋仔都充滿朱古力味，會令到我好想繼續食落去，最後我一個人就以好快嘅時間，完成咗呢一份雞蛋仔。

原味雞蛋仔星期六等左大半小時都值得等～ 新鮮出爐外脆鬆軟蛋味又好濃！甜度好適中！口感好驚喜外表都好金黃酥脆，20蚊好抵食😋地點：旺角豉油街33號地下A號舖🔸味道：8/10🔸環境服務：8/10🔸推薦：8/10

本來因為新限定口味 黑芝麻湯丸味吸引 專程去試一次 結果旺角分店說一天已賣完3天份量 簡直失望 最後試了 香蕉朱古力味咬開朱古力醬極小 香蕉也極小 近乎是空心 而且朱古力味 不是黑朱 也不是香濃朱古力 感覺就是新年金幣朱古力熔起來的感覺以30幾元 要等1.5小時性價比下絕對是差我只有一樣值得讚就是 邊位很脆 除了脆 全差看到別人排原味 一樣排1.5小時下 我寧願吃snake店 18$ 雞蛋仔 還比這個蛋醬香濃這絕對是雷聲大雨點極小的一間雞蛋仔店

諗住初七人日開心吓買個格仔餅食，點知呢間店畀塊燶餅我，係咪想我燶年快樂。又話要等半個鐘，咁我咪去行吓先，我未夠半個鐘返到去，個餅已經放咗喺度一段時間，索哂水咁，都仲和暖嘅。之後，好彩我唔係一路行一路食，睇個面都見佢乜咁深色，返到屋企攤開睇入面直頭係全部格仔都黑色嘅！！！！！擺明呢塊餅就係整燶咗，仲要望住咁都繼續揸醬落去照出？真係好失望，新年流流$23買咗件燶餅🌚深色餅面黑色格仔😡近鏡欣賞吓🙄

買雞蛋仔要等1.5小時😂😂雞乸咁細隻字寫低又話寫左，落單都應該講聲啦要等咁耐，錢又識收，又唔比人退，叫人點係條街等1.5鐘啊？真係不知所謂，一句冇得退，完。做唔切咪收舖囉，點樣叫人等1.5鐘等一底雞蛋仔😂😂😂真係笑死人，其實檯面咁多做好嘅雞蛋仔放晒係度，都係啲人買左等得耐擺晒係度，真可笑。等一底雞蛋仔90mins ，希望貴公司檢討一下個運作&啲咁荒謬嘅規矩啦，唔比退，果頭買完買頭退話唔比，消費者委員會要做下嘢啦！Mammy雞蛋仔😂😂

嬲到冇影到相，所以見諒為圖文不符我身為屯門牛經常性幫襯屯市果間媽咪雞蛋仔～屯門呢間係100分好食～聽朋友講話間間媽咪雞蛋仔都1樣～所以今日去幫襯旺角呢間分店～話說今日19：53（單號為88346）我買左份原味格仔餅～收銀姐姐話要等30分鐘～咁自己想食等下又冇所謂既～咁我大約20：20返到去再等～見顯示屏話叫到88344～諗住都差不多有～點知等到20：35先有～咁有得食都ok啦～點知1拎上手就知賴野～淋既？？？？？？？唔係熱辣辣既？？？？？真係當場D咗出黎～咬落似食毛巾仲要冇乜醬～簡直比龍x美食仲難食😡😡😡😡而家諗返起明明上個號碼既雞蛋仔望落都係好脆咖喎～不禁令我諗間鋪係未俾左之前啲號碼未拎既格仔餅我～再諗多諗~~個格仔餅袋又真係冇貼到我個單號碼喎(P.S.平時屯門分店食物紙袋1定有單號碼貼紙的)~~真係嬲到震😡😡😡😡呢間永世黑名單⚫⚫⚫⚫只會繼續幫襯屯門果間～下次食我1定影相+好評屯門分店～～～

一向喜歡吃雞蛋仔的我，發現現在隨便一間小店的雞蛋仔都要$20一底，有些還很難吃，所以還是吃有信心包證的媽咪雞蛋仔比較安全，每次吃都保有水準，不會踩雷。☀️原味雞蛋仔$20一底，非常抵食，試了不同味道，還是最喜歡原味，蛋香味較濃，也能做到外脆內鬆軟，我發現每次吃完，手都有一點點油油的，外層雞蛋仔應該塗了一點油，所以能做到外面酥脆。☀️朱古力味雞蛋仔$27一底，比較甜，朋友喜歡，但我略嫌太甜。

食完飯想食甜品，見咁多人等應該唔錯。最後排左20分鐘隊，點知個夾餅係凍嘅仲要勁少醬最離譜係兩邊都燶哂 黑蚊蚊 有苦味 自己睇相唔明點解仲咁多人買。永久black listed 講完。

我覺得呢間旺角媽咪雞蛋仔整得特別出色揀左個媽咪朱古力味熱辣辣整起之餘 佢粒粒都脹卜卜而且咬落外脆內係蛋糕咁 唔係空心嫁足料粒粒朱古力 食左咁多間分店 呢間最掂要再ENCORE

旺角店味道一般沒蛋味，雖然質感外脆內軟，但店員沒張濕氣吹好先比個客，令雞蛋仔好快已經有濕濕地哂，好討厭這種質感，同之前在佐敦店荃灣店差好遠，旺角店男店員態度亦一般。

- ¨̮♡︎ We were walking in mongkok and purposely looking for egg waffles to snack on. One of my friends suggested mammy pancake as it serves many different flavours. Although this shop has many branches in hk, this is my first time trying. My friends were all shocked when I told them I've never tried it before. They said it's famous and incredibly good so I really expect a lot on it! There was a very long queue when we got there. All waffles are made upon orders so be prepared to wait at least 10-1

媽咪雞蛋仔都算係雞蛋仔行頭嘅大佬🤣 見證住佢又細鋪開到大鋪就知有幾好食推薦1：原味雞蛋仔必食正宗原味雞蛋仔。蛋味好香，甜味適中，最重要係個皮好脆然後內涵嘅做到啲空氣感，十分完美！ 推薦2：抹茶雞蛋仔加入茶味之後，抹茶味算突出，亦有抹茶獨有嘅濃香，唔算好甜，讚！

🧇🧇🧇旺角雞蛋仔專門店，長要排隊，之前食過佢既雞蛋仔，好香熱辣辣，好吸引佢吸引既地方係好多味道可以簡，最人氣應該會係抹茶、伯爵茶、朱古力媽咪朱古力雞蛋仔($27)星期五放工時間，等十分鐘左右，算係合理，攞上手好熱，但好快就變暖，朱古力味好濃，但唔太甜，唔會覺得佢係一個甜品，所以都好夾，不過就唔算太脆，食落比較似朱古力蛋糕仔多d，應該如果第一時間食，個感覺相信會更脆，唔係既話就愈食愈淋身，整體黎講算退步左少少