嫲嫲辣辣 (已結業)

開咗一排都未食，搵日收工去食，果然放工時間去要等位，等咗15分鐘左右就有位。因為等位既時間已經睇曬餐牌，一入到去就落單，上菜都算快，可能因為好多人等位。今次叫咗兩樣野，酸菜魚同自選干鍋。酸菜魚就上菜先，個味道就唔係幾岩我，個湯就偏酸同埋啲魚唔係話好好食，係勝在份量大，但真係酸到有啲打冷震，最後都係食唔曬。個自選干鍋我地揀咗蜆，肥腸，雞同紅薯粉。我地就叫咗孜然中辣，一上菜就覺得碟野好正。雖然佢酸菜魚唔好食，但無可否認個干鍋係勁好食，肥腸完全唔會臊，煮到脆卜卜，一嗒咬落去，加埋啲油脂，食到停唔到口！ 其他配料蜆，雞，同紅薯粉都好入味，好好食。 唔知份量少定我覺得太好食，其實每樣配料都有八九件到，但食完都未夠喉。 所以一定會再去食，但應該只會食干鍋，其他就未必會再試。

今次已經係第二次去呢間嫲嫲辣辣，而吸引我地重臨嘅主角，一定係佢哋嘅招牌干鍋🤤🤤，而佢地嘅干鍋除左可以自選配料(每款約$20~40)，仲可以選擇辣度(可能用辣椒份量問題，所以價錢唔同😅😅)我地揀左5種配料嘅香辣干鍋都已經咁大鍋，所以都係叫多左兩個小食，麻辣粉皮($36)沙薑豬手($53)都已經夠晒飽🙈🙈講返個干鍋，最吸引嘅係可以揀自己鍾意嘅餸，而辣得嚟惹味又香口，唔會好似平時去食川菜咁，唔係“酸菜魚 ”就係" 水煮魚"😅😅，所以間中食下干鍋都係好選擇，最後提提大家，我哋食小辣都食到出晒汗🥵🥵仲叫多碗飯中和一下，同隊左兩支啤解辣😜😜不過可能只係我哋渣🙈🙈各位高手不妨去食個火爆辣，挑下佢地機，加油呀💪🏻💪🏻

未進店見到一位黑衫無帶眼鏡右手腕有護腕的高大較肥的員工用手撥開我們，示意我們行開，感覺像當我們乞丐要飯一樣，原來佢係要比外賣人地，態度已經非常惡劣，之後呼喝我們（有無安心出行無就出反去填野）填完之後就話你地填咩丫，寫清楚啲拉！（係鬧人既態度）未入店已經成肚氣，連基本對人的禮貌都無好意思話做服務行業！或許我地填得唔係好好，再填好之後店員變本加厲，話你個名好敷衍喎命令我比個身份證佢睇，睇完就唔出聲，因身分證真的跟紙上名字一樣！一啲歉意都無就叫我地自己入去坐拉（又係呼喝態度）。店內很多客人都好愕然望住我地，因為此員工惡劣態度非常大聲，我都好愕然，我係入黎食野定受氣？係度趕客走？自己心情唔好拎客人發洩？從來無見過一個甘囂張態度甘惡劣既侍應

原先在H8訂的餐廳到達時才發現「裝修中」，頓時像鑊上螞蟻般在厚福街騰來騰去搵食。狂風暴雨下走進「嫲嫲辣辣」這間地舖。室內設計有點快餐店feel，店內未有充斥辣味。只見食客們的筷子都在裝滿紅紅辣椒的鍋中穿插覓食。鮑魚干鍋有五隻鮑魚，每人可以有一隻，所以用佢做「膽」，然後加餸⋯⋯蜆、雞、田雞、蝦、牛肉及羊肉。鮑魚件頭中等，不少蜆肉己跌過鍋中。田雞和蝦肉質不會過硬。要求蝦彈牙就想多了！分辨不到牛和羊🧐叫的是微辣。食落一點也不辣，只覺整口都是鹹鹹的鹽……衆人話可能叫辣一度會令鹹辣中和一些，食落亦會刺激一點。酸菜魚的魚塊滑滑的。好物沉歸底，湯裏的寛粉既粗條又煙靭，口感十足。泡椒田雞田雞啖啖肉，味道不錯。不辣！干煸四季豆，四季豆煸得軟身，配上小辣的肉碎，很好下飯。不過無想過干煸會有這麼重的油份…..嫲嫲干炒飯其他食物重味，炒飯味道變得平淡，只是用來填肚而已。建議叫白飯，比較合乎經濟效益。飲品方面，好想要一杯這裏欠奉的冰凍檸檬茶解膩，但餐廳只有豆漿是杯上的，其餘啤酒/涼茶都是採用現成的罐裝/樽裝。幸好壽星仔都食得開心。切餅費每個餅收$30，收費合理。有大的紙餐巾供客人防沾污衣物，但沒紙圍裙。侍應態度

位於厚福街呢間嫲嫲辣辣，都是我過辣癮的好地方～特別是喜歡午市時段幫襯🤩因為真係抵食！今次係同3個同事食午飯～難得都是吃辣的！午市套餐的自選乾鍋超抵食！今次我自己就簡左自選乾鍋，麻辣底，小辣～而簡左$69 3款碗料（配白飯，餐飲有豆漿或可樂等）今次我簡左雞軟骨，雞腎，娃娃菜。白飯真係好細碗，辣辣惹味的乾鍋，配飯一流，次次都係飯食完個乾鍋都未食哂🥲如果飯可以大碗啲就好了～其實小辣我也只是剛好，如果不能吃太辣，我建議簡微微辣😌餐廳不是太大，餐桌都是比較小，裡面的卡位會坐得比較舒服。

✔️嫲嫲辣辣對食辣有一份執著 口痕就好想食辣野🤣今次去到尖沙咀 求求其其都食到個唔錯既干鍋🤤🍴午市干鍋客飯 $69一個鍋底 三個配料再加一碗白飯👍🏻👍🏻👍🏻除左抵食 諗唔到可以點形容🤣🤣今次叫左2 set 總共6個配料鍋底就揀左香辣同麻辣🤤我揀左麻辣中辣麻味同辣味都好足夠 辣度適中😋配料就揀左五花腩片 蝦同炸枝竹最值得推介既系炸枝竹 絕對唔會乾吸左辣汁好juicy 配白飯一流🤤五花腩片肥瘦分明 唔會有油膩感 蝦就比較遜色 質感唔算彈牙 份量又唔多 得3隻🤭不過依個價錢有蝦可以揀都幾算系咁啦🤣對於唔食得辣既朋友就揀左香辣小辣 不過都辣到佢流鼻水🙄配料就揀左雞軟骨 午餐肉同䈑筍雞軟骨份量較少 而且唔夠入味 但勝在就香口😍而午餐肉同䈑筍系食辣黎講又係一個絕配組合🥰午餐肉切成長條形 非常入味 份量都有啲多🤭䈑筍非常爽口入味 好好味👍🏻

午市有套餐係底食，有嘢飲、白飯、一個自選三餸干煱，辣度有得揀，當天選擇迷你蓮藕、牛肉、羊肉，麻香、辣味、酸度都剛好👍🏻。當日還試了晚市餐餐牌酸菜魚，不過就有啲失望，我見到湯底有幾片檸檬，我自己就未見過出面餐廳酸菜魚有檸檬片，我當刻試咗個湯底先，個湯底只有檸檬嘅酸味，花椒、辣味、鹹味欠奉，魚係滑嘅，不過個湯底，真係唔掂。

《製》#嫲嫲辣辣《品》【孜然小辣．羊肉片．雞軟骨．金針菇】$69🔸頗香，但孜然味欠奉，令人失望；🔸可幸配料出色，羊羶味尚可，不濃，但還算明顯；🔸雞軟骨夠脆，金針菇盡吸鍋底香味，值得一讚。————————————————————————【麻辣中辣中．牛肉片．雞件．紅薯粉】$69♦️看似一片紅海，但辣椒徒為裝飾，咬爆亦無味，啼笑皆非。♦️辣味主要靠調料，可幸味辣味夠；♦️麻雖不明顯，舌頭不痹，但不礙美味，依然惹味。♦️整體頗香，牛肉、雞件沾滿醬汁——香口濃味！♦️肉質無功無過，不老不嫩，主要喫其濃味。♦️紅薯粉乃精華所在，飽吸調料之味，筋道耐嚼，上品！————————————————————————🔎 #老饕鑑鹹_中上品🗂#老饕品_中菜；#老饕喫_羊📍#老饕赴_尖沙咀；#老饕赴_深水埗🗺️尖沙咀厚福街9號地下J1號舖🗺️深水埗福榮街105號地下

見到啲食客食到塊面變晒樣🙊🙈，個個食到打包走。似乎麻辣唔啱香港人口味。我點左個麻辣炒秋葵（$66）啲辣椒好多，多過秋葵嘅分量。其實我覺得唔係好需要甘多辣椒🌶️，因為都唔算好出味🙊，好似浪費左啲辣椒🌶️咁。秋葵新鮮，但味道同我期望嘅有啲出入。依個麻辣秋葵只有少少辣味，缺乏左麻口嘅感覺。

即興想食辣野原來都好FULL七點前黎到要等15分鍾點左~麻辣豬手個麻辣汁好惹味呀豬手斬到細細件比較易HANDLE而且佢處理得幾好唔覺得有怪味呀~干鍋(大蜆,油麥菜,雞腎,薯粉)香辣小辣呢個好好好吸引呀黎到見到好多辣椒以為點既配料好少點知都唔少呀雞腎切到好細粒都係食極都有咁比想像中多呀大蜆唔係好瘦削果D質感都OK呀薯粉係必點既吸晒D辣味好好好味整體算不錯吃下次再黎試下其他呀

每隔一排總係會想食下D麻麻辣辣既野，如果成碟辣椒個D就最正啦，過完沈悶既一星期，到happy Friday 當然要搵D刺激啦7點幾黎到，一見門口咁多人都驚要等好耐，最後大概半個鐘就有位啦麻辣(小辣)自選干鍋 ($229) 自選干鍋由口味、辣度，到要幾多肉幾多菜幾多海鮮都可以自己揀鍋底同餸每一樣大概$25-40，最小要叫4款配菜，最多叫到12款都可以我地2個人食一共叫左6個餸(羊肉、大蜆、田雞、肥腸，雲南花菜、紅薯粉)餸既份量比預期既多，而且質素都唔錯，所以整體黎講性價比都幾高呀第一次食所以叫最正路既麻辣小辣，有辣椒、花椒粒整體黎講幾惹味，同埋食完唔會好口渴，不過可以再麻D辣D羊肉係偏厚身既手切羊肉片，而且都幾大舊，有咬口唔怕碎濕濕炒完唔知去左邊，食落羊肉味都重，下次可以再戰大蜆大概都有成十幾二十隻，而且隻隻都有肉地，食落都幾新鮮，又唔會OVERCOOK煮到好韌不過又因為咁，所以食到最後有一兩隻淨係開左小小口，又唔係死左唔開口，而係煮得未夠時間，舊肉有DD生，介意既話就最好叫第二款啦田雞田雞係幾滑同入味，不過唔算太肥美，同實在切得太碎，所以會唔係好食倒D肉肥腸肥腸係由頭食到尾都仲存在既餸

落雨濕濕原本約咗朋友去食打邊爐，點知有兩個朋友要加班甩底…所以就改咗嚟呢間食干鍋！餐牌上面都有好多菜式選擇，有水煮魚、酸菜、一系列嘅干鍋等等！今晚我哋就叫咗一個小辣支然大蝦干窩底，另外配了加咗幾滑既田雞、入哂味金菇、半肥瘦豬大腸、紅薯粉及土豆（最估唔到土豆竟然係一片片嘅薯片！真係夠哂特別！除咗干鍋另外仲叫咗一份招牌口水雞，口水雞肉都尚算好味！唔係嫩滑但味道唔錯！總結呢間味道都尚算唔錯，不過講真價錢就偏貴！

環境 ᴇɴᴠɪʀᴏɴᴍᴇɴᴛ☁️店鋪其實唔算大 走廊都偏窄 午市好多人 可能需要預先訂檯 坐近門口位置 檯都比較細 可能會坐得比較唔舒服 ꜆⌯᷄ ̫⌯᷅食物 ғᴏᴏᴅ🥢客飯餐包飯同汽水 鍋底有香辣、麻辣、孜然同蔥爆 再揀微辣、小辣、中辣、大辣同火爆辣 配菜有好多種～✦ 少辣組合 (金錢肚 羊肉片 金針菇 雲南花菜) 🍄﹆📮◞˚ₓ 💌 ✧.*. 花菜真係必點♡ᵎᵎᵎ 好香好野味 金錢肚同羊肉都唔算好吸辣 想過口癮要試試喇✦ 超辣組合 (雞軟骨 娃娃菜 秀珍菇 薯粉) ꙳.🍅 ꔛ 🫕. ˚◞♡超級正既組合! 雞軟骨係異想既好食 份量都好多 吸辣必點薯粉同娃娃菜 薯粉好有咬感૮₍ ˃ ˂ ₎ა

一直都鍾意食啲辣野香口野 琴日就同朋友去咗尖沙咀食呢間 成條街都係美食街 基本上七點開始就好熱鬧 如果想避開人潮就要六點嗰啲位去 因為得兩個人所以我哋只係散叫一啲想食嘅嘢食 我哋叫咗牛肉、牛展、炸枝竹、翠玉瓜、紅薯粉、炸土豆片、唔知咩菇 整體都幾好食 因為我哋只係叫咗微辣 冇咩辣味 如果食得辣嘅建議叫中辣

嫲嫲辣辣🔥龍蝦鮑魚麻辣干鍋😋一次過滿足哂我三個願望！龍蝦夠新鮮又入味口感彈牙👍🏻鮑魚入味又夠彈牙足足有5隻🤤配菜推薦花生芽出面真係小見到有土豆吸收哂所有精華味道可口又飽肚長條形午餐肉外皮香脆夠哂香口丫～我仲加左花甲雖然size唔算大啦但都幾新鮮炒到開哂殻熟哂先上枱怕辣既朋友可以揀微辣絕對無問題🤣辣干鍋味道香濃下酒送飯真係一流～干鍋配菜選擇都非常多可以跟據自己口味配搭～但錢都唔貴兩個人叫幾樣餸開開心心又一餐🤣