嫲嫲雲吞雞 (崇齡大廈) (已結業)

今日同同事食lunch，揀咗呢間餐廳，雖然個名叫嫲嫲雲吞雞，其實午市係食小菜。係呢頭都算受歡迎，要等一陣先有位。麻婆豆腐：豆腐同肉碎嘅份量都好足夠，好嘢味有少少麻辣，送飯一流。菠蘿咕嚕肉：肉好鬆化，份量亦都好多，配料例如青椒洋蔥都有鑊氣，睇得出係一齊炒唔係之後撈埋。野生椒炒牛柳絲：呢個調味好好，可惜係牛柳絲太少，配菜份量比較多。家鄉酸菜炒豬頸肉：豬頸肉炒得好腍，可惜係簿左少少。加埋酸菜好開胃，又係送飯之選。總括而言呢間餐廳性價比好高，份量唔少之餘仲要跟白飯同埋送嘢飲，打工仔食晏之選。

難得今晚可以有三人行一齊食飯 咁就可以叫多少少餸啦今次係第二次嚟呢間餐廳上一次只有我同媽媽所以試唔到好多樣今次嚟到係平日嘅晚上7:30唔需要排隊 店內唔算太多人坐低就送上三杯水 我哋今次就叫多少少1） 水煮魚 半份2） 回鍋肉 半份3）椒鹽肉排 全份4）椒鹽魚塊 半份5）糖醋魚塊 半份6）青瓜皮蛋 半份7） 老干媽炒飯8）青島啤酒9）酸辣湯水煮魚有少少失望 價錢唔算平 辣味唔算多 魚大約10塊 有少少芽菜同土豆粉喺下面做底但係味道同價錢唔成比例。所以下次應該唔會再叫回鍋肉味道夠配菜多 每次都會叫椒鹽肉排 我自己覺得味道一般 因為佢只係炸豬扒 放啲乾蒜蓉上去 但係媽媽同男朋友都鍾意食椒鹽魚塊都係同樣地炸過條魚再放啲乾蒜蓉上去 糖醋魚塊就變咗咕嚕魚最好味都係個老干媽炒飯最後一共$410 晚餐價錢三人行算唔錯仲有呢度係唔收服務費㗎所以唔使加一但係餐廳嘅廁所經過嘅時候會大約見到廚房衛生程度 我個人就覺得麻麻地 因為佢食物同廚房嘅位置太近 但係相信香港大部份餐廳你見唔到嘅地方都係咁做冇辦法啦鬼叫香港細咩

見好耐冇食哩間 又去開新蒲崗就決定去懷念下😂佢特別在d小炒可以半份半份咁嗌 價錢都算中規中矩 所以以前好中意黎食咁一場黎到 緊要叫返d以前成日嗌既先可以比較酸辣土豆絲哩個同以前個味好唔同 偏酸 以前係偏辣 個中喜歡以前既味道多d 不過其實以前每次嗌都會有少少唔同味 但都係偏辣 點唔同 都係我喜歡既味 而家純粹係因為有蒜味 所以我唔抗拒🤣漁香茄子送飯都ok 茄子都煮得夠淋椒鹽粟米雖然冇乜特別 唔係話特別好食 但唔知點解佢有種魔力 食食下會有d停唔到口既感覺😂黃金豆腐搞唔惦🤨個粉好厚 厚到唔係脆既 再加d咸蛋黃都cover唔哂d豆腐 唔惦秋葵炒木耳？唔sure個名兩個字 勁咸 真係食到腎虧 唔知係本身係咁定師傅唔記得落左鹽再落。。。如果唔係因爲太咸 佢本身個味其實應該幾出色

糖醋魚塊 👍🏻👍🏻👍🏻👍🏻醬煮茄子 👍🏻👍🏻👍🏻👍🏻沙爹什菌炒牛肉 👍🏻👍🏻👍🏻家鄉酸菜炒五花肉 👍🏻👍🏻👍🏻中午時份，跟同事討論到哪吃午餐。新蒲崗附近的餐廳，說多不多，但說少也不少。但心想，既然附近有餐廳選擇，那就不要去別處也可以吃到的連鎖餐廳了。糖醋魚塊，表面炸得香脆，粉醬不太厚，剛剛包圍著魚塊，配上甜甜酸酸的糖醋汁，吃下時不會覺得太油膩。醬煮茄子，茄子煮得恰到好處，不是那種煮得過腍身，而是能用筷子夾起來那種。醬汁掛在茄子上，肉碎粒不但豐富了整道菜的口感，更增添了少少肉香和咸鮮。不錯。沙爹什菌炒牛肉，牛肉沒有什麼驚喜，不是說它差，而是它就是跟外面的沒有太大分別。醬汁多了點生粉。但整體也是好吃，很好伴飯。家鄉酸菜炒五花肉，它是惹味的，但我略嫌它不夠辣。我不是無辣不歡，只是覺得加點酸辣能把五花肉的層次提升，吃下時會更爽！

兩母女難得有時間又近新蒲崗就去左呢間好似好家居小菜既餐廳試試距離地鐵站要大約15分鐘路程但食完就覺得好值！平日晚上1900 店內唔算多人 可能地方唔就腳所以唔洗等位裝修簡單枱與枱之間空間足夠 有privacy 一坐低就俾兩杯水餐牌小菜款式多多 至少有50樣小菜可以選擇最值得一讚嘅可以選擇叫全份同半份價錢都好合理先叫左回鍋肉菜多肉少。不過味道搭夠其實仲有叫其他不過因為太肚餓所以冇影到相叫咗甜酸松子魚 半份只有一條小魚 但足夠二人分享黃金豆角 每一條都有足夠嘅鹹蛋黃獅子頭半份 係一粒蒜鹽排骨肉比較少 味道較重最後兩個人買單一人平均$101

基本上只要響附近工作我就會入嚟呢度食, 我最喜歡佢哋呢度有一份半份咁樣叫, 無論從商業手法還是食客角度都係win win雙贏。不過而家佢開始越來越多人輪候時間較長，呢個係唯一個諒解但係唔太喜歡嘅嘢。不過人哋好生意都冇辦法，講返嘢食，我極度推介佢哋嘅黃金四季豆同埋佢哋嘅糖醋魚塊。真係好好食。

這店喺新蒲崗都是人氣食店，如果星期六、日晚飯六時半後， 要問店員取票，要預時間等候。冷氣足夠環境不算太寬敞，但也不覺得太擠迫小菜款式甚多， 京、川、滬、凉菜都有， 特式在每款可以點半份。如果胃口不大，又想試多一兩款菜式點選半份👍👍家常豆腐半分豆腐加埋半肥瘦肉片，味道濃郁， 惹味非常， 食落淡淡可。孜然羊肉半份醬汁孜然味濃，羊肉口感不錯👍蓮藕仔炒牛肉半份牛肉鮮味 ，賣相好特別。BB蓮藕 ，味帶酸甜， 爽脆。清炒油麥菜半份熗炒萵筍絲半份萵筍有獨特的清脆口感， 但太多蒜粒， 影響味道。價錢大眾化， 仲免收加一 ！

今晚同屋企人一齊去試吓「女麻女麻雲吞雞」，佢哋嘅雲吞雞睇落幾有特色，都幾令人期待，最後我哋叫咗四個餸菜：1. 蒜蓉炒白菜白菜幾幼嫩，多油炒，蒜香不足。2. 賽螃蟹 $49好多蛋白，亦有好多伴菜如青豆、紅蘿蔔粒，同樣地，太多油，影響口感。3. 雞絲粉皮 $32粉皮同雞絲份量合適，醬汁充足，味道偏淡。4. 松草花元肉雲吞雞湯 $49招牌菜，足料，有雞脾，配松草花元肉湯，幾特別；湯上有兩隻雲吞，味道普通。總括嚟講，嘢食麻麻地，松草花肉元肉雞湯幾特別可試試。環境略嫌擠逼；服務幾好。

之前成日行過都冇試過，見到佢個名又唔知道佢係開邊範😂終於膽粗粗有次同女朋友一齊去試一試。味道算中上，勝在侍應夠熱情！而且嘢食嘅碟好有特色，每兩碟拼埋一齊就會係一整個圓形，如果你心多想食多啲又怕食唔曬呢一間餐廳提供咗個好方便嘅方法就係佢有分一份同半份咁樣叫，即係話如果你擔心食一個餸份量太多基本上你可以叫半份👍實在啱曬一啲胃口唔多但係又想試多幾樣嘢嘅人👍每一次去食嘢基本上除咗睇性物質素我都好睇服務員的服務態度，呢一間服務員確實非常非常之抵讚，除咗入去同埋走笑容都親切之外，我仲記得有次我連架車唔知停喺邊佢都會好主動幫忙。呢一間餐廳服務及食物質素都相當唔錯值得推薦大家去試👍

其實雲吞雞先係主打, 但我太夜去喇, 已經賣晒。叫左d小菜同冷盤, 哩度有上海野同四川野都有少少, 勝在可以叫半份, 2個人食都有多幾個菜。叫左糖醋魚, 雞絲粉皮, 麻醬肉排, 沙嗲雜菌炒豬頸肉, 炒白菜仔。糖醋魚甜酸度剛好, 雞絲粉皮既青瓜粗左d但個醬濃&粉皮夠滑! 麻醬肉排係最正, 半份都有6-7舊啖啖肉, 又夠脆! 炒豬頸肉呢..我係冇食到豬頸肉既😂食到菇全部都係菇, 但係d菇入晒味都唔錯, 炒白菜比想像中大碟。整體黎講係抵食既!

來到這間新蒲崗人氣大熱的餐廳。見openrice上滿滿的笑臉，今晚經過附近就來試試。餐廳門面不顯眼，不過晚上未到七點已有好幾個食客在排隊。。必試雲吞雞🐥 通常餐廳點的雲吞雞都是超過一百元一大鍋的，但這裡難得有一盅盅的小size，不用share，三十幾蚊就有，非常難得！雞皮薄雞肉嫩滑，雲吞大大粒，皮薄餡靚，性價比高，必定要試！。賽磅蟹也是三四十蚊，份量合理，稍嫌味道太淡，口感偏油膩，這碟沒太大驚喜，不過不失。。嫩豆不會煮到軟腍，味道濃郁，好食！。份量多又抵食，都幾好食，特別推介雲吞雞，難怪這麼多人排隊，下次經過附近會再來幫襯！

今日午飯時間落住大雨，同事又唔想叫外賣留係公司，所以都係出去逛下。最後選擇左嫲嫲雲吞雞，呢間餐廳長期都好多人等位，因為佢既午市套餐的確係幾吸引💲3️⃣9️⃣-💲4️⃣9️⃣ 包埋飲品，可選汽水或者豆漿，白飯任裝。幾個同事一人嗌一款就可以試多幾款餸啦，每個餸份量都好足夠。菠蘿咕嚕肉⭐️⭐️⭐️⭐️咕嚕肉仲脆卜卜架👍銀芽鱔糊⭐️⭐️⭐️⭐️平時食果d 芽菜9成， 鱔糊1成，呢度絕對唔會出現。麵根炆雞⭐️⭐️⭐️雞肉稍嫌唔夠入味醬爆雞丁⭐️⭐️稍嫌雞肉太碎菜花炒腩片⭐️⭐️⭐️菜花有點老，有渣⭐️⭐️⭐️整體來講都算好味，會再幫襯😋

自己本身好鐘意食上海菜 上海婆婆都食過好幾次 所以知道呢間都係食上海菜 萬分期待！餐牌上好多選擇 我地一行十人就決定每人叫一款 個人比較推介係 四季豆 黑醋咕嚕肉 麻婆豆腐四季豆精粹係佢調配既醬汁到 會令人食唔停口！麻婆豆腐就本身咸香誘人 佐飯簡直一流而個人最鐘意係黑醋咕嚕肉 酸酸甜甜咁 相當開胃！喜歡食既菜式仲可以向店員要求加大 一般同朋友都好快食晒飯 仲可以任添飯 一定食到飽飽先走！本身叫完送菜都會配飲品 汽水 豆漿等 食咁多樣野 每人除返都係四十幾蚊 如果想食多幾款菜式 建議搵一大班朋友黎食

今日下畫黎左miKiki商場行街街，行行吓已經到食晚飯時間啦原來新蒲崗係有勁多嘢食架喎真係唔黎唔知道喔男朋友介紹食呢間上海嘢上海野我好鍾意食㗎行到去鋪頭門口已經有好多人等緊位應該幾好味一於等下啦原來呢度好細心㗎可以半份半份咁嗌野食架咁樣就可以嗌好多嘢食啦望到個餐牌真係花多眼亂呀最後叫咗個招牌菜螺頭雲吞雞湯蟲草花肉絲炒老蛋熏魚京爆羊肉招牌菜果然係招牌菜個湯勁清甜啲雞仲係好滑至於個蟲草花炒蛋幾入味熏魚係涼菜，但係整得好出色！京爆羊肉原來係用啲雜菇黎炒羊肉，又係好入味下次要食埋其他野食先。💕💕招牌菜螺頭雲吞雞💕💕蟲草花肉絲炒老蛋💕💕京爆羊肉💕💕熏魚

男朋友表示今日想食上海野，位於新蒲崗ge嫲嫲雲吞雞，我地想去試好耐，間野特別在於餸菜可以揀半份，所以就算係2個人去食，都可以試多幾樣餸菜！韭王鱔糊鑊氣夠，鱔份量以半份泥講都算多，不過未算好出色，不過不失啦。干煸四季豆四季豆其實係好高纖架，干煸即是干炒，四季豆炒得好入味，有住家飯的味道。咸肉百頁小唐菜個湯份量好少，味道亦偏淡，而且百頁碎濕濕咁，又索唔到個湯。水煮大桂花魚初頭諗半份都要$78好似有d貴，但食落原來好抵食，仲係成晚最好味ge餸菜！桂花魚片好嫩滑，而且份量都算多，最驚喜係底下有炸過ge魚骨同薯粉，辣度大約係譚仔ge小辣，非常惹味！花彫醉雞花彫酒味重，雞肉肉質都幾嫩滑，兼好入味，但略嫌冇咩肉食，多數都係骨同肥膏。性價比高的小店，款式真係好多，值得大家去支持，下次會再泥試下其他餸菜再報告啦！