影片
营业时间
今日营业
11:30 - 15:00
17:00 - 21:00
星期一至六
11:30 - 15:00
17:00 - 21:00
星期日
全日休息
公众假期
全日休息
以上资料只供参考，请与餐厅确认详情
今次叫咗招牌孖宝汤檬粉，真系色香味俱全。汤底好清澈，味道醇厚。汤粉里都好多𩠌，有生牛肉片、牛丸、香菇札肉、虾滑条同白萝卜，搭配埋香菜和洋葱，让整碗粉更丰富。 牛肉片十分嫩滑，亦唔会太肥。牛丸多汁弹牙，虾滑条亦有原只细虾仔系入面，味道认真唔错！而檬粉就正常发挥，不过不失呢间舖头细细，得三四张枱，不过好在当日只有两台客人，唔算太逼夹。大家最好就返非繁忙时间过嚟啦，如果唔系可能会有啲迫或者要排队总体来说，佢哋碗招牌越南粉值得一试！
继续阅读
同👦🏻细细一日走三场，香港仔➡️佐敦➡️尖东，Lunch当然要揾间就脚又好味😋。柯士甸路呢间孖宝越南汤河，舖仔细细，只有大概12个座位，楼面亦只得一位叔叔。我同👦🏻叫咗碗生牛肉汤河（$65），加$35要多半份香茅炸猪扒。🍜汤河配料有香叶同洋葱，反而冇其他越南餐厅会有的芽菜。生牛肉浸一浸落碗底已经够熟，肥瘦同厚薄都刚刚好。一饮落去个汤头系比一般甜，一啖粉一啖汤好好味，我饮咗差唔多半碗都冇口渴感觉，都几肯定系真材实料冇落味精。炸猪扒冇肥膏，亦冇厚粉浆，唯一扣分系个碟有好多油，个猪扒炸起索一索油再上碟会好啲。听到叔叔同其他客讲春卷系自己包，下次有机会都想试吓。呢条街感觉好静🍃，冇乜几多人，入嚟食嘢9成都系熟客，应该系住附近街坊/附近做嘢，有个姨姨仲系日日都嚟食lunch。楼面叔叔同个个客都好好倾，好清楚啲客喜好，又会加𩠌比熟客，我第一次嚟都觉得好有人情味。可惜系… 言谈间叔叔话做到年尾就执，生意冇咁好同租贵都仲系其次，垃圾征费应该先系最大镬，根本就预计唔到个开支会大几多，估唔到第一次帮衬就话要执…😥
继续阅读
其实我响附近楼上番工，一食就食左几年其实佢吾系正宗既越南河既汤底我系越南食过既同佢系带好大幅度既修改但正咩宗阿，好食未正宗喽例如正宗既有大大块香草连茎，大兜牙菜，正宗既汤底依便都系无的🤣🤣🤣，反而佢既特色汤底系好有诚意，识货既就会好似我甘饮到上瘾，佢个汤底系我系香港食过既越南粉入面系最高分。佢每日用几个钟煲既牛骨汤，依碗汤底比坊间鲜甜，绝无味精，饮几多都吾口渴，一眼见底，我一饮就饮左几年，番工放工365日有300日都系饮佢，依碗汤系你番工番到半死灌一碗回魂汤简直系心旷神怡。已经成为我既习惯。我系依间小店几年内净系食最大碗既越南粉/生牛肉粉，有时带朋友仔嚟就会食佢牛油蒜容鸡翼，鸡翼都系诚意之作，惟一就系鸡翼里面腌得吾够味，其实都好好。总之，如果你对汤面既汤好_有要求，你嚟试下，吾会欺场，最好吾好太夜嚟，因为汤头煲到夜晚会太浓，最理想既时间系2-3，5-6依段时间，佢3点会落场🤣如果你系新客又睇到openrice 我条食评，你去同落单戈个老板讲，话openrice 条友话可以送多两旧萝卜🤣💦💦💦
继续阅读
去尖沙咀上堂，路过此餐厅，老师是越南华裔，我们决定食佢，生牛肉汤河加煎猪扒。地方唔大，但企理整齐干净，十分欣赏。服务员亲切又善，有问必答。越南咖啡好味，今日好累，所以要加点咖啡。生牛肉汤河的汤底清甜有香草味，令人喝了整碗，当中配菜我最服越南芽菜，同广式的种类有一点不一样，佢系中间特别粗大，本身唔长，十分爽口好味。生牛肉在热汤中瞬间熟透，令人大口大口食完。煎猪扒一碟是切好一片片，可以朋友间互相分享，又热又入味。
继续阅读
💛孖宝越南汤河 (尖沙咀)👍🏻香茅猪扒捞檬 $70夏天食捞檬够哂开胃😋猪扒松化入味.👍🏻越式生牛肉汤河粉 $60汤底用新鲜牛骨熬制而成清甜唔油腻，牛肉嫩滑✨.👍🏻越式手打墨鱼饼 $88劲新鲜，好弹牙🤤略嫌贵左啲🙌🏻.👍🏻上汤生菜 $30📸27.08.2022.💁🏻♀️#大推有Heart小店💗老板会同食客有讲有笑亦同附近街坊好熟络系到食野多左份人情味😆💓👍钟意既请Follow/Share/Like🙏ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʔ.
继续阅读