孖寶去骨海南雞 (又新街)

营业中

休息中

夜晚10點幾睇吓條街有咩食啦🤔本來想買個粥食加油炸鬼，睇睇下走咗去隔離孖寶，尋晚又食咗過橋豉油雞， 咁叫個梅菜肉餅跟油飯，加多個魚香煎肉餅油跟油飯可能太夜梅菜肉餅賣晒，咁要個口水雞少辣🌶都係跟油飯啦等外賣途中走去隔離東喜買杯野飲先拎完外賣返屋企，咦～ 點解魚香煎肉餅係白飯嘅呢，明明話咗加錢要油飯喎（+$3）開埋另一盒，咦～我啲口水... 點解口水雞變咗海南雞明明落單時仲特登問我要乜嘢辣🌶雖然都明佢就收工，但係就收工無乜客嘅情況下亂出單，咁不如直接同我講收咗工算啦雖然佢啲海南雞好食，我都唔想連續食兩日差唔多口味嘅雞

食雞飯，元朗有十分多既選擇　今次食既孖寶，地點十分便利，就係元朗為食街又新街。食完再去對面食返串串皇雞皮同阿玉豆腐花，PERFECT!!!宜家同一條街仲有幾間飲品店，真係食既飲既選擇都多到揀唔到去骨海南雞飯（大）$52講返個飯，呢個係一個set黎，仲有埋碗木瓜粟米雞腳湯（日日同款）雖然係例湯，但絕無欺場架。食到絲絲木瓜，飲落好甜，好味！至於雞，無骨已經好like，加上佢個三色醬又夠滑！佢呢間個油飯都正架，只不過食既呢日想食清Ｄ，所以揀左白飯，香味係差D好味指數（5粒最高）：

我不嬲都鐘意食海南雞嘅，呢間仲要去骨tim👍🏻今日叫外賣，送外賣嘅人態度一般，佢唔係放低盒飯，而係掟去我枱面😅不過可能天氣熱，所以燥底咗🤦🏻‍♀️～～唔理喇！講番食物先：雞肉滑嫩，但味較淡，但佢有附送三色醬汁（如果覺得味淡，可以落黑醬油，辣汁又或者蔥油），配埋油飯（唔算太油，OK喎！）例湯：南瓜湯嚟，不過不失🎃飲品：凍奶茶，夠滑又好飲👍🏻

經過見寫住無骨海南雞，一家人無煮飯，便買外賣回家吃！買了個4人餐＄288加＄28 多一個店員推薦既蝦餅！咖喱魚，辣度適中，帶辛辣味，是最當中最好味的，糖醋排骨，肉質有D乾，蝦餅就好香脆！主角既無骨雞，肉質鮮嫩，但味道有D淡！雖然都有醬汁配備，但是覺得雞本身如果有少少的咸味，會更加好味！無味精的湯😋好味！

自中學時代開始，孖寶就係我係元朗嘅其中一間嘅飯堂。最初食孖寶海南雞時，海南雞層次分明，雞皮、脂肪層同雞肉明確地分開3層。脂肪層更似一層長方形嘅啫喱，加上雞皮爽口，雞肉嫩滑，十分好食。不過呢兩年再食，海南雞層次分明的特點有啲失色，脂肪層比較散，雞皮亦無以前咁爽口，雞肉間唔中會有些少老。而油飯同南瓜湯一如既往，油飯入味而不太肥膩，南瓜湯足料味香，整體味道仍算與以前相似。一個普通52蚊的套餐包括一碟海南雞飯同一碗南瓜湯，加4蚊多杯凍飲，價錢中等價位，仍算合符性價比。南瓜湯一向好飲，加上運氣，也許間唔中可以食番以前嘅味道。

今次入元朗揾好嘢食，兒甥女鍾意食海南雞即上openrice搵，見到呢間食評都好吸引，所以就要試吓喇我哋一行四人，大約七點四十左右到，等咗大約二十分鐘可以入座，喺店外等嘅時候見到有好多人買外賣，咁應該好好味我哋喺等嘅時候，已經睇咗餐牌，決定食四人餐，海南雞/口水雞+八選三小菜+蠔油時菜+無味精靚湯x4 +油飯x4 $288先嚟冇味精靚湯南瓜紅蘿蔔雞腳湯，真係真材實料無骨海南雞～好滑糖醋排骨～好似食緊薑醋咁，排骨肉質煙煙韌韌咖哩牛肉可加$5轉牛腩魚香煎肉餅～外脆內軟送飯一流份量足嘅時菜套餐可以有升級優惠價$25～炸蝦餅差不多食到尾聲，我諗嗰位男士喺老闆，佢問我哋要唔要飲多一碗湯，個湯真係好好味，但真係太飽啦，如果唔係我哋真係唔客氣㗎，多謝老闆

今日出完九龍搭車返屋企嗰頭先食晏臨落巴士忽然醒起去食雞飯入到舖坐低叫咗個42蚊(一係42一係52，中同大，無骨海南口水同價）首先上咗碗例水,呢碗好似木瓜煲雞腳，每碗一隻腳，味道唔錯幾甜，有湯飲有腳指「損」之後主角上枱，無骨海南雞飯，鷄皮滑，有鮮味，飯唔乾身，不俗最後，加咗杯豆漿，味道一般埋單42+5，不過不失

《孖寶去骨海南雞》 #元朗📍元朗又新街27號地下1號舖-🔹招牌海南雞飯套餐 $62 跟無味精湯及油菜一碟去骨海南雞 啖啖肉 雞肉勁嫩🤤🤤好味呀記得跟油飯呀 十分推薦***-🔹招牌口水雞飯套餐 $62 跟無味精湯及油菜一碟嗌左中辣 岩岩好 雞肉一樣係勁嫩 啖啖肉無辣不歡嘅可以揀口水雞食呀個湯都係足料好飲嘅 真。無味精❤️好鮮甜 好飲呀套餐再跟一碟油菜 食哂真係好飽-另外都好多人嗌二人餐 仲有多個餸嗌instagram: 90sfoodieshare

呢間在又新街的去骨海南雞店我光顧過好多次，發覺每次無論午市晚市什麼市去佢都能保持一定水準，實在不錯！👍 我每次去都吃佢的大size的去骨海南雞飯套餐（$52）連湯及飲品，佢有中size 套餐平十元$42，我有問過中size 和大size 的分別，我本以為只是油飯的大小，點知阿姐答話原來雞件都份量也不同，有次我見到朋友點中size , 除了飯少一大圈，雞也少了，結論係我覺得大套餐抵食啲，同够我食😂佢的油飯做得岀色，是我喜歡的味道😋雞油滲透入飯粒雞油味濃！而且姜黃和香茅都落得很重手，薑黃粉把飯粒染得鮮黃，而且又很香的香茅味，就咁食飯都好有味，不同坊間一些海南雞飯的薑黃飯很淺色和感覺沒有味道，可能甚至有啲人鍾意食海南雞配白飯，但是我覺得海南雞就是要配薑黃飯才對味啊！我個人就係重口味😝這裏的雞油薑黃飯很合我胃口😊😋 講返佢d去骨海南雞，雖然不是超水準級，但絕對合格有餘，首先份量算闊綽，切工整齊賣相不錯，雞肉肉質鮮嫩，而且無骨啖啖肉，雞皮應該有先經冰水處理浸泡有彈性，而且不肥膩，配上三款不同口味的醬汁，包括甜醬油，薑蔥油和甜辣醬，每點一種醬汁有不同的感受，甜醬油味道較甜我不太喜歡，薑蔥油有港式味

夜晚就十點，去左食碟海南雞飯過下癮。孖寶海南雞係我次次去都有客，差唔多坐滿的，好多街坊都會黎食下，所以會見鋪頭職員同客吹下水一入到去未嗌野就會立馬比碗湯你飲。正宗嘅海南雞飯一定要配碗湯佢個湯相當不錯！其實係加左南瓜嘅花生雞腳湯。加左南瓜好清甜！又有花生嘅香味，香濃好飲！坐低嗌左去骨海南雞飯同去骨口水雞飯。佢地有分中size或大size, 大size貴10蚊。自己女仔食，中size足夠了。海南雞飯係配三種醬，飯可選白/油飯。口水雞飯同海南雞一樣，只係醬汁唔同。略嫌油飯唔夠香，不過油份是剛好的。雞食落夠滑，但我認為皮夠厚，皮有點肥。口水雞嘅汁好辣！已經揀左小辣，但越食越辣，之前朋友都食到滿頭汗。質素ok的，無論做午飯定宵夜都不錯

自從之前同老婆去過呢間餐廳，當日食左個海南鷄餐，味道都唔錯。於是今日又再次來幫襯，今日叫左另外一個餐，就是口水雞餐(少辣)，配油飯，附送碗南瓜鷄湯，另外再加$4叫多杯凍咖啡，合共盛惠$56。口水雞分量十足，口感好滑好嫩口，配汁少少辣加少少酸，味道配搭得好。另外有少量芽菜做底，芽菜雖然無味，但是浸上少少辣汁就味道完全唔同晒，濕濕地又辣辣地，味道好夾。油飯味香，唔會太油，一啖油飯配一啖雞有點不想停的感覺，越食越想食。而個湯飲到鷄味仲有好甜嘅南瓜味，用料十足，無味精，好好飲。而杯凍咖啡味道也不錯，大大杯又好夠咖啡味。但是因為坐位有點窄，不可以坐得太耐慢慢嘆。

幾年前朋友介紹話呢間餐廳的口水鷄飯同海南鷄飯都好正，我同老公試過之後時不時都會再嚟幫襯，今次我就叫左個大嘅口水鷄飯配油飯($52)外加凍奶茶(加$4)。送嘅紅蘿蔔粟米南瓜鷄腳湯依然精彩，飲落南瓜味香甜濃郁，用料足，呢度嘅例湯都算係我幫襯過嘅食市之中數一數二。口水鷄飯賣相好吸引，見到鷄皮同鷄肉之間有透明啫喱狀嘅膠原蛋白就知D鷄肉有幾嫩滑。個醬汁食落酸酸辣辣仲有好香口嘅乾蔥味，加埋鷄肉下面爽口嘅芽菜，真係好開胃好好送飯。今餐仲留意到侍應身上嘅圍裙大大隻字寫住不含味精，證明真係用料充足，用心烹調。幾年嚟多次幫襯水準依然，值得一讚！

自從朋友幾年前介紹呢間餐廳，我同老婆久唔久都會嚟幫襯。呢日我哋重臨舊地，我就要左個海南鷄飯(大)配凍檸茶。餐廳通常會先送上一碗南瓜鷄湯，個湯飲到鷄味仲有好甜嘅南瓜味，用料足，好好飲。海南鷄飯嘅鷄肉好嫩滑，鷄味濃，油飯份量足亦唔會太油，通常都會配有三個醬(薑蓉、甜豉油、甜酸醬)點鷄食，三個醬都同鷄肉好夾。無論係個飯或湯都無味精，好食但唔會口乾，呢度好食得嚟無味精又唔貴，所以我同老婆每次想食海南鷄飯都會嚟呢間。

星期日下晝再次嚟到呢間朋友介紹的餐廳食海南鷄飯，要左個大嘅海南鷄飯配油飯外加凍豆漿。個飯跟一碗南瓜鷄腳湯，如果好彩湯入面會跟一隻鷄腳。個湯飲落好好味，南瓜味濃，用料足，飲落無味精。海南鷄飯賣相好吸引，嫩滑嘅鷄肉下面配有芽菜。鷄肉食落有鷄味，肉質好嫩滑，油飯夠味得嚟又唔會太濕或太油，個餐會帶有三個醬畀你點嚟食，分別係薑蓉、甜豉油同甜酸醬，三個醬都同鷄肉好夾，我通常會食勻三個醬。個餐食落唔覺有味精，食完唔會口乾。總括嚟講50幾蚊可以食到咁優質嘅海南鷄飯我就好滿意了！

因公務走入元朗，辦完要辦的事，已值黃昏時分，小人懶得回到港島區才找吃的，索性在附近覓食。踫巧見到一間喚做孖寶去骨海南雞飯的店子，本海南雞控怎可能抵受得住這個誘惑，一於在此吃個晚餐才直接打道回府。海南雞飯餐份量頗足，海南雞、雞油飯、餐湯、油菜，應該有的都有。餐湯是雞腳南瓜湯，清甜無味精，滋潤不嗆喉。雞油飯真的是滿滿的雞油香，非常的好吃。而主角海南雞雞皮爽滑，肉質嫩口，和以伴著的甜豉油、甜辣醬及蔥茸，令人不禁一口一口的食個不停；兼且已經去骨，實在方便懶人一族。雖然只是半隻海南雞，一人前的份量絕對足夠矣。