宇治初時@自家創作料理

营业中

休息中

呢間鯛魚濃湯粉絲已經係葵廣必食人氣店鋪！見到好多人介紹，人流又超多，Bellyjai即刻黎試試佢。佢地係用自己研究幾年、需要慢煮六小時嘅宇治酸辣醬加上濃湯🌶️🌶️製造出令人一試難忘嘅味道🤤食完辣辣嘅粉絲後即刻去隔離飲番杯桃膠飲品解辣🍼簡直係完美嘅一餐❗️————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣▪️宇治鯛魚濃湯粉絲 $50有唔同辣度選擇，我地叫左三個辣椒嘅人類辣🌶️🌶️🌶️即使好重辣味都蓋唔住鯛魚濃湯嘅香味🐟加上辣椒醬嘅酸辣感，好開胃！而上面仲鋪住大大塊嘅無骨鯛魚片，唔鞋之餘仲要幾彈牙，粉絲都好索湯嘅味道🥹加上娃娃菜食到最後可以連湯都飲埋添，大大推薦❗️

呢間店舖嘅粉絲經常有人推介，今日特登去咗嘗試。嗌咗鯛魚湯粉絲，中辣。發現其實嗌淡味道會比較好啲，因為可以食得出鯛魚湯，嗌咗中辣個辣冚咗鯛魚湯，不過都好好食。湯底好香有少少蕃茄忌廉味道，魚片都有好多塊，不過會有少少骨。成個湯底好好飲，幾乎可以飲晒，雖然影相唔係幾靚仔，不過拎到嘅時候賣相都唔錯，飲第一啖湯真係有啲驚艷，明白點解太多人都讚好。不過就覺得價錢有少少進取，因為店舖冇乜位置比客人食嘢，拎住喺手食好論盡，同埋有啲熱，覺得外賣嚟講價錢可以平番少少

不嬲都鐘意去葵涌廣場掃街😋，帶住檸茶少左去，拍拖仔😍睇完焚城就過黎掃一掃先，之前睇介紹已經想黎“宇治初时”啦。🌈鯛魚・濃湯粉絲呢個係佢地既招牌，濃湯湯底用左自家研發‘’宇治醬”，宇治醬一共分左4個辣度（小天使，天使，人類，魔鬼），我咁鐘意食辣🌶梗係揀人類啦，湯底有啲似喇沙湯底帶少少酸，粉絲吸曬湯嘅精華👍，魚肉無骨嫩滑。🌈櫻花蝦・蝦濃湯粉絲除左3隻大蝦🦐外，仲有滿滿既櫻花蝦，爸爸揀左天使😇，湯底既creamy濃郁感更明顯，啲蝦已經剝曬殼，蝦頭有小小蝦膏，真係無得頂。🌈宇治酸辣凉拌鱼皮鱼皮口感爽脆，加上特制既酱汁，青瓜絲，好清新無腥味，非常惹味。最最最最特別係餐牌上有一個“❓️”極尚濃湯粉絲，細問之下原來係跟季節轉款，依家用既係“藥膳濃湯”，爸爸話下次過黎再試。📍宇治初時📌葵芳葵富路7-11號葵湧廣場2樓2020號舖#宇治初時 #葵廣掃街 #葵廣小食 #葵廣必食 #香港小店 #香港小食 #葵廣 #葵芳 #葵涌 #葵涌廣場 #香港食好嘢 #葵芳餐廳 #葵芳食好嘢 #葵芳必食 #葵芳好去處 #葵芳美食地圖 #餐廳推介#假日好去處 #ilovefood #hkfood #美食推介 #美食日記 

呢個舖頭好岀名排隊落單個時見佢一路接單都接唔停平時都係食開個魚皮今次就試吓佢個鯛魚濃湯粉絲個湯底好creamy同好特別係用佢地自己整既醬做湯底另外粉絲都好特別 唔係幼身既粉絲食落係好彈牙 偏韓式粉絲既質地我成碗連埋湯一次過清晒正！

上次黎過賣曬 今次預早留定!!! 去到外賣已經包好 一拎就走得luuuu~櫻花蝦湯粉$55 (天使辣)外賣分左湯 湯唔係滾燙 係溫熱 好濃厚既味道 唔辣 酸酸地 感覺唔太似蝦湯 反而有D似喇沙 有啲失望! 🥹粉絲粗身 軟硬度適中 好掛汁! 蝦已經去左殼 (加分!) 肉質彈牙 仲有豆腐粒娃娃菜等等配料 成件事好足料 每一啖口感都好豐富 係心機之作下次可以試埋鯛魚濃湯粉絲🙋🏻‍♀️

暫時未有機會試這裏出名的粉絲，先試左個涼拌魚皮先！ 嘩！ 個魚皮真係不得了，個醬味道十分複雜，十分惹味🤤🤤🤤 仲要好多，比得一D都唔吝嗇！魚皮仲要舊舊都好大好粗條，不是碎濕濕幼條那種，又爽脆！絕對有下次👍🏻😋

其實就唔係唔好食，但係真係畀人吹大咗。＊鯛魚濃湯粉絲好明顯啲魚就係水煮魚、酸菜魚嗰啲魚，同我認知嘅鯛魚係完全唔同嘅嘢。咁我就當你講緊「鯛魚濃湯」係一樣嘢，即係啲湯有鯛魚啦，但又唔係喎。我諗唯一中嘅就係個「濃」字，就好似一個忌廉湯底咁，但係冇魚味嘅。所以我睇唔到呢碗嘢同鯛魚嘅關係，就好似粟米斑塊同斑無關一樣。認真問，算唔算唔符合商品說明條例？味道嚟講，唔差嘅，有少少好似酸菜咁吊下味，但就同想像中完全唔一樣，因為真係無任何魚味。份量都可以，成10嚿魚都有，叫做符合返$50嘅價值。食完好口渴，起敏感，完全反映到佢嘅味精有幾重手。簡單講，勸大家可以唔使試：）

第二次經過呢間小店，第一次係週末去，一早已經售罄。難得平日去見到仲有，唔叫對唔住自己。見到佢寫住濃湯櫻花蝦，俾佢吸引左，行過咗都心思思行返轉頭買，可能期望太高真係好失望。一拎餐，第一時間試咗個湯，不得了，懷疑佢係用沙律醬溝出嚟。因為個湯底係酸嘅。。。上網睇Foodie，佢話用椰奶溝出嚟，但完全唔係椰奶味，因為本身自己唔食椰子，所以對呢個味會好敏感，感覺唔係椰奶係沙律醬。但係佢又好成功咁樣做到個樣好吸引。唔知點解間嘢可以吸引咁多人排隊，完全係浪費quota食呢碗嘢。

回頭度🍪9/10｜人均消費💰$50-👍🏻鯛魚濃湯粉絲 $50即叫即煮熱辣辣🔥當日等咗二十分鐘就有得食湯頭杰身 好重鯛魚味 仲有奶香🤤粉絲都比夠粗身 非常掛湯🍜鯛魚片份量都好多🐟又夠嫩滑仲有娃娃菜 整體質素好高一定會再會訪🥰-味道🌕🌕🌕🌕🌗抵食🌕🌕🌕🌗🌑

今日好早12點幾就已經排隊去呢一間人氣小店，終於都試到啦，味道真係好好，自己最鍾意食鯛魚濃湯，有辣度可以選擇，唔食辣嘅我就揀咗唔辣，個湯同埋啲魚真係好入味，尤其是個魚係好滑身好爽口，呢個價錢同呢個質素真係好高質，唔怪得成日都排晒長龍啦😆

叫咗鯛魚湯粉絲本身想叫一碗櫻花蝦 一碗鯛魚湯但櫻花蝦粉絲賣晒湯底啲人話好正可能我期望過高 覺得好失望🥲完全唔值$50唔明點解咁多人排隊我就覺得都 完全唔值排25分鐘鯛魚片好似脆肉鯇咁樣。。。。。。。。。。湯底係味精加椰奶粉絲又唔係爽 又唔係煙韌啲娃娃菜又勁少 碎濕濕咁總之完全唔可以稱得上為好食然後可能太好生意好多人食但係得一張圓枱仔放到最多四碗粉絲 要輪流食但唯一要讚嘅係點菜同叫Number嘅 兩位女仔好nice好禮貌

上回光顧, 接近 15:00 來到, 除了鯛魚濃湯粉絲和小食外, 其他麵類均已售罄。是次沒有刻意早到, 也是在差不多的時間來到, 多了櫻花蝦。蝦濃湯粉絲可選擇, 一於試這款和上次忘了試的宇治涼拌魚皮。1) 櫻花蝦。蝦濃湯粉絲 (宇治醬 - 天使) $552) 宇治涼拌魚皮 (大 - 天使) (兩食價, 原價$50) $40宇治涼拌魚皮可選擇辣度, 我選了天使辣。魚皮份量不少, 約有5至6大件, 索滿醬汁, 味道濃郁, 入口爽脆, 令人驚艷, 伴有大量清爽青瓜絲和配料, 口感豐富, 非常惹味。櫻花蝦。蝦濃湯粉絲賣相一般, 櫻花蝦份量少, 與剛來的食客比較, 同一款麵食, 櫻花蝦的份量竟多我的2至3倍, 莫非櫻花蝦也可以追加? 呷一口湯, 濃稠 creamy, 天使辣度輕微, 粉絲Q彈, 掛上濃湯, 惹味開胃。蝦有3隻, 已細心去殼, 蝦肉爽身, 唯吸吮蝦頭, 汁呈苦味, 有點打折。

去葵廣見到咁多人買，當然唔好執輸，果然係無錯㗎叫咗個套餐鯛魚濃湯粉絲 & 涼拌魚皮 $90鯛魚濃湯粉絲先湯啖湯味道濃厚，鯛魚鮮甜嫩滑，要小心有骨涼拌魚皮好特別嘅調味配方，大大塊魚皮，好有滿足感食完覺得太好味，決定打包一份返去俾屋企人食

難得星期一放假，同屋企人一齊去葵廣掃街。相離上一次嚟葵廣已經有好幾年，今次揀左幾間未食過嘅人氣小店，特別喺呢間好多好評，仲要長期排隊等好耐嘅湯粉店。為免人多，所以我地準時12點嚟到小店落柯打，原以為排頭位嘅我地，原來已經係第6張walk-in單🙉 餐廳其實可以以電話或者外賣平台落單，結果我地等左9個幾字先食到🤦櫻花蝦湯粉$55 (天使辣)湯嘅溫度只係溫熱，好處係粉絲唔會焗到過淋。個湯唔會好濃蝦味，反而酸酸地、唔辣、飲落好正。身為配料嘅基圍蝦已經去左殼、肉質彈牙；仲有豆腐粒、娃娃菜、菜脯粒、細細嘅酸菜粒。我地將成個湯飲哂，都唔覺得好口渴🤤到左1點左右，小店門外企滿哂人，所以呢個位特別焗同熱。其實落單果陣職員會講等幾耐先出到餐，當日佢同我講9個字，最後拎餐果陣其實真係咁上下時間，所以建議大家可以離開小店四圍行完先番或者提早電話落單。小店可以八達通付款。

葵芳廣場係咪個掃街嘅好地方，近幾次泥都見到呢間鋪頭排哂長龍，閒閒地都要一個鐘🙈今次早左泥到呢度，聽到排半個鐘左右，就買左兩碗試下😋櫻花蝦濃湯粉絲雖然睇落同鯛魚湯係同一個湯底，但食落比鯛魚湯濃味啲😆粉絲屬於粗身粉絲，索湯程度一流，內含3隻已經剝左殼嘅蝦，方便葵廣呢啲掃街式嘅食法🤫湯底有啲豆腐粒，又有啲量嘅蒜，每一啖口感都好豐富🦐鯛魚濃湯粉絲鯛魚粉絲口感相對無咁豐富，但鯛魚份量好充足🐠另外湯底亦都好濃厚，食食下會忍唔住飲左好多湯🤣不過拎住碗熱辣辣嘅野搵位食就有啲危險，所以你定要拎到實一實🙊