安利大排檔 (已結業)

安利大排檔簡直難食，碗湯味精勁到飲番3碗水都唔掂。魚蛋魚味唔夠，麵質又一般，辣椒油唔夠香唔夠辣，而且撈麵仲要係個麵料本身有色素而唔係撈上去D色。另外裹面衛生又唔好，地下長期濕，愈入愈多烏蠅。同對面大間果間安利根本冇得比。

經過筲箕灣嘅東大街， 好友就介紹咗呢間《安利大排檔》， 話算係喺筲箕灣比較出名嘅魚蛋粉， 一場嚟到， 竟然畀好耐冇食嘅炸醬麵所吸引。 呢個炸醬麵色澤鮮豔， 食落甜甜酸酸， 不過個人就覺得茄汁味太多。肉絲方面採用瘦肉， 食落唔覺得肥膩。而生麵鹼水味亦唔多， 食完成碗麵都唔會確喉。另外仲嗌咗個鮮油占多， 多士採用咗飛邊嘅厚多士， 麵包夠鬆軟。牛油份量十足， 配埋果jam， 令人就算有罪惡感， 都奮不顧身咁大口大口吃下。總括而言，味道不錯， 價錢成正比。

農曆大年初一，周圍啲鋪頭都無幾多間開，但係每一年落東大街總會搵到食，今年嘅安利唔算好多人等，大約只需要等十分八分鐘，過年加價心裏面早有準備，每一個 item 都加三蚊，無論你係嗌百幾蚊一碗嘅淨腩，又或者係十蚊雞嘅多士，一律都係加三蚊。嗌咗個鮮油占多同埋炸醬麵，安利以一間粉麵店黎講，個鮮油占多算做得好好，我覺得好過好多茶餐廳添，而個炸醬麵顏色雖然螢光咗少少，但係味道總算唔錯，又唔會話太過油。

今日去開港島行山，行完就更係去筲箕灣搵安利大排檔食下午茶，去到都要等位，等左20分鐘左右就入得。一坐底就叫左切腩河粉，淨片頭魚旦，紫菜墨魚河，炸雲吞片頭超彈牙，又有魚味，正！（由於太肚餓，冇影相就食晒，切叫）牛腩河都好正，牛腩都好入味，湯底好清，唔咸炸雲吞有驚喜，外面脆脆的，雲吞足料紫菜墨魚就一般，紫菜就有鮮味，但墨魚丸就強差人意今次有點可惜食唔到炸魚皮， 一早賣晒了。咁都好既，留返藉口下次再去食過，哈哈！

昨日星期六, 感冒睇完醫生, 諗住食D粉麵後食藥, 不過真係好多人, 就外賣算數啦.叫左個魚蛋米.常言道, 聞名畢如見麵, 食過至知, 打開盒, 食粒魚蛋, 都係咁, 好重口味, 似食調味粉多D, 湯唔洗講啦, 都係牛骨底加雞粉, 但想講下個米粉, 點解浸到返屋企, 超過15分鐘, 米粉都係咁硬呢? 心諗, 好在外賣, 若果堂食, 真係硬倒落喉嚨.其實講安利, 無可能無食過, 不過一年不如一年, 常年未裝修(天后廟側)時係幾好, 而家水準已食不回. 唔明白呢到D食家成日讚佢點彈牙, 香口等等, 真係比較落, 心照.最後係咁意食一半, 唔食了, 食了畢如聞名算了

專程去筲箕灣覓食，當然要跟大家介紹去安利試下，果然有水準。叫左招牌片頭面及切腩撈粗，面底彈牙，一食就唔停得口，撈粗用豉油撈，又幾好味，切腩夠淋，但係感覺無驚喜。本來話已經有d飽的囡囡(因為已試左幾檔美食)，最終連撈粗碗湯都飲埋，仲要買多件魚片外賣做儲備。因為係晚上接近收檔去，完全唔使等位

假日去港島登山，特地和男友來到筲箕灣吃個豐富的brunch 才出發我們都第一次來筲箕灣，不知道有什麼餐廳推介，在openrice搜尋下發現安利魚旦非常受歡迎，本想到此餐廳一試，可是太多人在排隊了，於是決定退而求其次，選擇安利大排檔（由於我見餐牌上的食物跟安利魚旦無大差異）安利魚旦和安利大牌檔最大的差異是店鋪環境，前者的裝潢像新式的冰室，華麗極至，可是，後者的店舖比較舊式，像很多年未有裝修，主打老字號本人認為此兩間店鋪出自同一個家族，可能是兄弟店，老字號店舖應該有多年歷史，鋪的範圍較窄，相反，新店的範圍較大。餐牌墨丸牛丸河這裡的墨丸真的很好吃，墨丸是手打的，質感很好，不太軟或太硬，又彈牙，有濃郁的墨魚味道牛丸的味道也不錯，牛的味道配上黑椒真的好吃，黑椒能帶出牛的味道，再帶有少許辣，至於質感方面，牛丸十分彈牙，亦容易咀嚼，真的很不錯！此碗河粉比平常見的河粉幼，所以一般人未必夠食，若果飽肚度不足，這裡也可以加麵底此碗河粉還配上少量白菜，菜尚算新鮮，不但會增加飽肚感，而且也挺健康呢！鮮油奶多士香港可以食到鮮油奶多士的地方不多，而且此多士也是本店招牌之一，所以不妨一試。此多士的做法很簡單，只需把

今日走佢去筲箕灣買野順便食個早餐見到安利好多人好出名決定入去食下叫左個炆牛腩粗同雲吞河個粗麵真係好好食唔咸唔甜剛剛好我唔小心成碗食晒可能太肚餓但都要好食先得既我個化骨龍連湯都飲埋碗雲吞河可能真係好好飲

假日走進筲箕灣東大街搵食，真係處處人龍可見，衆所周知東大街又豈止一間粉麵店，但每趟想起食魚蛋粉，又真係情有獨鐘這一間。這天中午也和朋友一起加入等食大隊，艷陽高照🌞🌞，燙熱的空氣令人透不過氣，幸好等不夠三分鐘我們便可入坐。我通常會吃魚蛋粉和至愛嘅鮮油多，朋友叫了墨丸雲吞河，牛腩河、炸醬撈粗和炸魚皮。一碗一碗的放滿枱上，香味已隨著冷空氣撲鼻而來，我先喝一口玻璃樽裝的麥精開開胃，再把小量醋和數滴辣椒油加入魚蛋粉內，河粉幼滑溜口加埋酸辣香多重味覺的湯底，再咬埋軟軟彈彈嘅魚蛋，嘩😋真係我國偉大的麵食文化！簿脆香口的炸魚皮是吃湯河的最佳拍擋，不浸湯吃也一樣可口。朋友食嘅腩河不時傳來陣陣濃香味，因我介吃牛多年而未能親自一試，而墨丸有𡁻頭又有墨魚香味，雲呑涵肉有豬有蝦同胡椒辣香味十分配合，不是一般以大粒取勝的做法，而炸醬麵嘅肉絲不是乾身冇肉味那種，但覺得辣味偏甜。到差不多吃完時，我才叫了件鮮油多為我哋呢餐劃上完美的句號😊，不過件牛油可以再厚D大件D呢，就真係冇得彈啦👍🏻。炎炎夏日吃完了這滿足的午餐，要延續假日心情，我回家開冷氣煲劇就係消暑良方呢😉。

安利魚蛋河，我細細個就聽過佢個名啦，難得今日渣車經過筲箕灣，就當然去試下啦，好好彩去到剛剛有張枱，我女朋友就叫左碗凈魚片頭，而我就叫左碗魚蛋河，魚片頭好香，炸過之後，好香口，而且魚蛋都好彈牙，河粉又好滑，湯底都ok!現在有魚味嘅魚蛋河都幾難搵啦！會再去！

黎度筲箕灣就緊係要去食安利啦 ummm....都有一段日子無來喇 都係叫返魚片頭河粉 一支樽裝維他奶(麥精) 鮮油多。 魚片頭河粉 有三舊魚片頭 也是有三塊很厚很彈牙的魚片 食得出魚片頭有炸過 也很有魚片頭的味道 河粉煮得幾好 很滑 唔會一舊舊 生菜雖然得一條 但浸埋湯 又幾入味喎 仲有魚皮啊 唔好睇佢得一條 以為好快腍 成碗麵上左枱幾分鐘之後我先開始食 魚皮仲係好脆的 嘿嘿 有驚喜到 另外 雖然樽裝維他奶同普通的應該無什麼大不同 但感覺上還是覺得樽裝比較好飲的 而且還是凍的 嘿嘿 最後都有叫了鮮油多 麵包很脆得軟熟又帶點熱 很驚喜 塊牛油是凍的 吃起來有點油開始溜了出來 真係好好味啊 要trytry：）

久仰安利大排檔好耐啦~終於有機會一試!!之前做左資料搜集,所以揀左最多人食0既片頭切腩撈面!!!片頭堅好食!!!好有鮮味!!!其他地方食唔到!!!食完好想買打返屋企!!!D面撈過D黑醬油,老香港風味,唔係到到有哩種食法!!!切腩就中規中矩,無片頭咁突出, 整體份量略嫌略少,可能片頭同面太好食0既關係好想食多幾舊幾啖.咁0既價錢咁0既質素可接受,不過鋪面衛生有待改善,食時有一陣陣異味...........

My initial intentions were to go to the 安利 across the street, but this one had a shorter line up and at that very moment was short on patience. So gonna give this one a try.  To my delight the noodles here were fantastic. I had the dry noodles with brisket, fish balls and wontons. I really loved it!! The noodles were perfectly sauced with a, I think, soy sauce oyster sauce mix of sort. Noodles were perfectly al dente and had a good elasticity to them. All great features to a perfect bowl of nood

今日行開嚟筲箕灣依頭，之前聽聞過係東大街有間叫安利嘅魚蛋粉好食，咁就行左去東大街到食，原先諗住去新個間，不過排晒長龍，咁又趕時間去第二到，咁就去左舊個間食。咁就叫左碗炆腩粗，個湯其實ok，不過啲麵就麻麻地，雖然係好彈牙，不過就好大陣鹼水味，啲牛腩都好食，唔會太硬，啲牛筋都好爽口。成碗野其實基本上ok嘅，係差在啲麵有好大陣鹼水味

係呢區住既人,都會試過安利.呢度出名既,係腩類食物,另外片頭撈粗亦是名物撈粗以甜豉油等等撈好,不用自己動手,甜中帶醬油香,不會太咸和太甜,比起一般用蠔油撈更美味.魚片頭十分爽口,而且魚味亦濃,但係咸度亦高,感覺上用了不少味精.整體上味道不差,但專程前往就不必了