安利魚蛋粉 (已結業)

我比多一個選擇大家啦...撈米粉!豉油撈麪其實已經好正，但我覺得仲係咸左少少，因為啲麪本身有咸味，加上豉油自然咸上加咸。所以可以試下撈米粉，味道我覺得啱啱好。

安利可算是筲箕灣最出名的食店之一,因為好吃的有太多了,而且味道獨特,可算是上品。值得推介的有:撈粗(撈粗麵)魚旦魚片頭切腩湯河它的切腩絕不比大利清湯腩遜色,但建議湯河或麵一定要有腩汁,味道會好上十倍,加一點其秘制辣醬,十分野味,而魚旦和片頭肉質也很美味.值得注的是,除了粉麵菜式,它的西多士和鮮油奶多更是一絕,但切記鮮油奶多絕不能外賣,牛油溶了感覺差很遠! 可惜此兩款甜品也較肥,女士們要小心~~

其實安利d辣椒油好正, 正宗潮式辣椒油, 夠曬香同有少少鮮味...不過都算辣, 唔食得辣嘅朋友唔好落咁多....另外, 我覺得大家要試吓炸魚皮!!! 用新鮮門鱔...鮮味有口感..送啤酒一流...雖然叫魚蛋河有兩件附送..但點鬼夠喉呀...所以大家一定要試呀下...依間嘢,我由細食到大,由大排當食到入舖...連「亞倫」同「亞叻」都駕車入嚟食...

佢d魚蛋係幾好食,冇落一般魚蛋用個d(我唔識叫乜)所以比較林身亦因而比較鮮味而且佢d碎骨處理得幾好,試過食間魚蛋都係咁樣林身但食到碎骨影響口感,切腩都ok啦.但要我再次山長水遠專誠去食既又未有咁既吸引力.

慕名而來, 見有幾間安利都係在天后廟附近, 我相信在廟旁同對面果兩間係正貨, 因呢兩間都貼了同一張嚴正聲明. 最終選了廟對面果間,比較大,比較新, 又貼左名人榜.:-D我點左切腩片頭河,BF食切腩片頭撈粗. 切腩唔係好肥, 一D都唔韌, 好味. 魚片okay啦, 唔覺好特别, 可能係我唔識欣賞, 因為我BF話好好味. 河粉粗麵都唔係特别好食. 湯底唔好味,只試左一啖, 唔似得清湯腩果D可以連湯都飲埋.不過我好surprised, 佢竟然收7p.m. 我都未見過茶餐廳收7p.m. 我諗我食果間一定係正店, 仲應該係好好賺添:-D

今日兩點幾o黎食晏；可能因為長假期，又或者因為最近淋紅油o既新聞，東大街呢幾間粉麵舖好似少人排隊o左。兩個人，去o既係嚮天后廟隔籬果間安利(聽聞呢間係3間安利裡面最老字號果間，好似唔同老細)。都要等位，不過大約等o左5分鐘就有位。叫o左個$16魚蛋粗同$22切腩片頭幼麵。魚蛋係期望中o既彈牙，唔錯！片頭就好似王林記正DD～但其實兩間o既魚蛋同魚片都好正。切腩就略賺唔夠肥，韌o左D；麵身亦夠爽，辣椒油夠香辣。同王林記一樣，愛吃魚蛋魚片者必試！

經公司同事的推介，便到東大街嘗試同事們口中，味道可比美香港仔"謝記"的魚蛋粉。第一次去時不好找，位置在東大街尾天后廟旁邊。地方不大，中午要等位，後來我選擇黃昏才去。粉和湯一般，但魚片非常可口，有魚味而口感好，不會過淋或過實。終於忍不住買了一條回家送啤酒！HK$16.- 單拼粉麵HK$25.- 一條炸魚片外賣後記：過往一年在天后廟付近，多了兩三家以安利為名的食店-茶餐廳...。不知道幕後是否一個老細。