安哥火鍋

营业中

休息中

海鮮現宰現殺的火鍋，所以上菜會比較慢。龍蝦超大一隻，肉超多，彈撲撲。龍蝦被剪切成幾塊，even鉗子都被剪開了幾道縫，所以很好剝，用筷子和匙羹就能食到全部肉。鮑魚端上來還在蠕動。肥牛美味，鮮嫩多汁，好有牛味。有生以來吃過最難吃的蕃茄薯仔鍋底，沒有想到如此尋常的鍋底都會中伏。完全沒有蕃茄味，有生自來水味，薯仔也只有小小的6塊。蕃茄薯仔跟海鮮真的完全不搭，下次一定會揀粥底or蒸焗鍋底搭海鮮。🌟🌟套餐B：波士頓龍蝦/法國麵包蟹，蘇格蘭蟶子，日本大元貝，生劏沙巴龍躉片，鹿兒島黑豚肉，手切肥牛，農場蔬菜藍 $268＋醬料$10湯底：沙嗲/粥底/蕃茄薯仔/芫茜皮蛋/蒸焗估唔到$278食火鍋都唔飽。上菜順序奇特，等左好耐先來了兩片豬腩片，然后端上來了菜籃。這... 我竟不知是該吃還是不該吃，就著生自來水味的鍋底吃了清水煮菜幫子。除了老闆娘服務態度熱情，爺爺店員當看不見我，阿姐耳背溝通唔到，我進店半天都沒人理我。全部店員都未戴口罩，好驚......上菜又奇慢，電磁爐煮到一半壞掉，環境麻麻，整體體驗較差。

黎安哥火鍋已經食過好多次啦 每年冬天都食大概食咗三年左右 水準一直保持到今次嚟到一如以往食高級版嘅海鮮餐 價錢$268唔使加一淨係加$10醬料費 有龍蝦 膏蟹扇貝 鮑魚 蟶子 牛肉 龍躉片 豬肉 蔬菜籃 湯底有得揀唔同嘅味或者係粥底 我食開都一定係揀蒸鍋加粥底 所有嘅海鮮精華一滴不留咁享受 😊今次來覺得肉類比較一般 唔算10分之好食 海鮮就一如以往咁新鮮 上枱嘅時候仲識得郁膏蟹係頂角嘅 十分多肉 龍蝦非常新鮮彈牙 最美嘅海鮮粥連埋龍蝦頭一齊煲 非常鮮甜溫馨小提示 記得定時睇吓水會唔會煲乾 上次試過煲燶咗冇晒啲海鮮精華

坐低先知冇得揀本身有A B兩個餐揀尼到話冇哂A 叫左兩人B餐焗住要食貴既268+10醬汁費唔係任食 餐牌睇落去吸引份量少到媽媽都認唔到全部半隻或單件 魚片每人應該有2.5小塊坐低十五分鐘都未有爐係新鮮 尼到隻龍蝦仲識郁不過細隻少肉 埋單每人$300六隻字 「食完仲好肚餓」下面所示你冇睇錯係2人份量 唔會有refill

平日晚上嚟到安哥火煱，有龍蝦、海蝦、鮮蟹、元貝等，價值一位都係$268，非常便宜。餐廳食材整體上都非常新鮮，以肉蟹令我印象深刻。蟹肉又厚又多汁，蟹糕多得嚟又鮮味，真係無得頂。老闆娘非常體貼，當她發覺今天的聖子來貨不夠新鮮，隨即通知我們，並提供其他選擇。最後，我們選擇了海蝦，啖啖蝦肉又多糕。真係巴滿足吖！除此之外，餐廳在每張枱都有一個細小的時間表，告訴客人每種食材所需要的時間。即使你忘記店員的提示都不要緊呀。

朋友介紹，驚冇位預早兩星期訂枱， 三個人 點咗 $198餐， 另加兩隻蟶子每隻時價$32， 由於蟹係每人半邊計 ，所以加40蚊要多半隻， 變成兩隻全蟹 ，老闆話肉蟹賣曬轉膏蟹畀我哋，正呀！ 食材係一樣一樣上， 有一個牌 寫明每樣食物要蒸幾多分鐘， 線上牛肉感覺新鮮， 味道正常， 開始上海鮮， 每人兩隻蝦， 啲蝦仲係喐緊㗎， 蒸熟之後覺得好有鮮味，食到係新鮮貨， 然後鮑魚 扇貝， 每樣都好有水準， 膏蟹放到最後先至， 嘩啲糕好好味呀 ，食到啲蟹真係好有鮮味，非常新鮮，正， 最後用啲湯底加埋啲米變成一鍋 海鮮粥 ，嗰個粥正到不得了， 呢個價錢食到咁嘅質素 ，真係超值，會再encore !

朋友話想食蒸鍋或者粥底火鍋本身搵左一間連鎖野但打去問過 又限時又指定時間平日放工去食有啲難就突然醒起早兩年食過一間太子附近嘅但有啲唔就腳 唔記得個名搵左一輪先搵得番呢間唔算多食評嘅火鍋呢度真係勁抵 有兩個價嘅餐 分198定268我地揀左268嗰種有龍蝦，面包蟹，蟶子，元貝另外仲有兩種價錢都一定有嘅：鮑魚，豚肉，龍躉片，手切牛睇住老闆喺魚缸即撈即劏海鮮 真係好新鮮我地揀左粥底 每款海鮮上枱時 職員都會教我地要煮幾耐呢個價錢食到咁多野真係好抵重點係佢冇限時我地由6點半食到11點講到口都乾都未俾人趕絕對會再嚟 但就唔會飲咁多野因為個廁所都幾dirty 唔係勁急都唔想去

此間餐飯態度奇差，訂了座到達後沒有位置就算數中，完全沒有理會及處理。原本專登慶祝父親節，怎料敗興而返。大家下次去要小心呀，隨時無位就唔理你，白行一趟㗎啦。以後唔好再考慮如此惡劣的餐廳

員工親切友善，一開始叫錯了火鍋，老闆也願意更換回蒸鍋，非常抵讚！環境算街坊，但以火鍋而言相當企理。食材新鮮，每一款海鮮都肉質爽甜，無可挑剔😋海鮮質素也很高，以香港人咁有食海鮮經驗，品質好壞一入口就知，但這家好食到豉油都不需要。蟹上桌時還會動！份量很足，以此價錢絕對抵食。套餐分$198和$268兩種。麵包蟹、龍蝦、蟶子都十分出色。而肉蟹、龍躉都很鮮甜，連牛肉都高質。最後的粥底鮮甜無比，我們明明已飽到上心口，依然每人吃了兩碗。👍🏻👍🏻👍🏻

地點非常不就腳，環景不要有期待（好多消防員去，好麻甩，好嘈）好似得一兩個員工，比較冷漠果種，熟客為主，有小昆蟲飛😂😂😂（一兩粒）靚過大排擋少少，冷氣夠，廁所好濕（我接受到）但點解會去第二次，原因好簡單，食物新鮮👏👏👏海鮮最怕唔新鮮，呢間嘢外貌平平，估唔到內在貨真價實，不是海鮮價，我兩次都係食268一位的海鮮餐，不是任食，但真心正，酒水價錢亦相當合理，我兩次去都係320走，飲飽食醉！

今日去左試火焰米酒雞鍋，一試即愛上，好野味，香米酒味就唔洗講之後我地再用呢個鍋黎打邊爐，落蜆一流，果然無介紹錯涼涼地岩曬暖胃，下次要再食，唔夠喉。。。。。。。。

海鮮非常新鮮，龍蝦一上台啲仲係識得郁，全部都好有鮮味，老闆非常友善好人，成餐飯都食得好開心👏🏻👏🏻👏🏻唯獨是龍躉魚片冇乜味，需要點醬料，其他海鮮基本上唔需要點。

昨晚同事介紹去安哥食火鍋, 平均300元一個, 一路食一路都冇問題, 突然冷氣滴水, 正好跌入個煲內, D水仲彈堆入另一個粥底鍋內, 大家即時停手, 冇曬胃口。個老闆走出黎話"機器要壞都冇辦法呀", 然後走左去, 個店員姐姐話俾番個新湯底我地再打過, 但冷氣水一直仲流緊點打呀? 埋單找數收足錢, 咁嘅店仲去食?

在這裡一次過品嚐了喜愛的海鮮+火鍋: 龍蝦、麵包蟹、加拿大聖子、鮑魚、元貝、蜆、鮮魚片、肥牛、豚肉、蔬菜籃...有些平時打邊爐不曾試過的，原來加在一起如此美味，用十分飽足來形容恐怕不為過嘛！

天氣涼同朋友食飯，就想着去打邊爐，我哋今次揀咗安哥火鍋，地點有啲隔攝，响太子地鐵站大約要行10分鐘先至去到餐廳🚶🏻‍♀️我地點左個海鮮火鍋套餐，有鮑魚、貴妃蚌、象拔蚌、斑片、龍蝦同麵包蟹，款款海鮮都非常新鮮，味道鮮甜，啱晒鍾意食海鮮嘅我😋其實個套餐仲有肥牛，可以滿足埋我啲隻食肉獸🦁另外，佢哋自家煲嘅雪梨茶都非常好飲，清熱解渴，正👍🏻食咗咁多好嘢，每人都只係二百幾蚊💰今次真係冇行冤枉路，下次要再去encore👍🏻

食家同事最叻打邊爐，佢尤其對海鮮有研究。今次拉大隊去食海鮮火鍋，我非常期待！我地一行12人book 8點半，但成9點半先齊人上菜。老闆一啲都無黑面，仲當我地九點後入坐，送咗碟煮蜆比我地食！我地由8點幾坐到2 3點，都無趕我地走。聽說佢地每晚每檯只做一輪，所以我地先可以飲飽食醉到凌晨！我地叫咗個 B 餐，有波士頓龍蝦，法國麵包蟹，蘇格蘭聖子，日本大元貝，沙巴龍躉片，韓國鮮鮑魚，鹿兒島黑豚肉，本地肥牛同蔬菜籃。野食都擺到成檯都係！龍蝦、蟹、蟶子同元貝全部都大大隻！仲有我地食家首領睇住個時間幫我地煮， 確保唔會過熟！所有食材都非常新鮮，根本呢個價錢喺出面食唔到。湯底方面，我地叫咗粥底同蕃茄薯仔湯底。蕃茄係食家同事次次都叫，堅正嘅。今次我地多人，我建議加多個粥底，因為粥底配海鮮係一流嘅！最後緊係無做錯決定啦。臨尾個粥係充滿住蟹同龍蝦鮮味，濃郁到完全解析唔到，個個雙眼發光，個個嘩嘩！但切忌放肉類，尤其係牛，會破壞咗個粥底架。我地海鮮類就粥底，菜呀，肉呀就茄底。我地12人飲左12支啤酒，食到飽到上心口，加埋碗粥，滿足到呢～ 呢一餐人頭費嘅價錢，計埋酒水，每人只需$300 ，呢個價錢，點會唔 enc