安平燒肉

营业中

休息中

生日繼續食🤣 食左自助餐, BBQ, 之後話要食燒肉同炸雞～ 咁就同佢食左燒肉先近近地係屋企附近商場～環境都ok!! 最開心係可以周圍拎野食!! 爸爸就負責叫牛同埋燒!! 個日本A4+和牛好食喎! 果然一分錢一分貨呀囡同我爭食! 話好好味, 清得勁快, 爸爸都未燒得切佢就清晒😂😂脂肪分布均勻又切到細細塊, 小朋友食都完全冇問題!!醬燒一口和牛就等我食啦~~ 有口感, 有少少脂肪係面, 燒完好香! 但醬燒我就無比小朋友食啦!! 反而叫左個和牛壽喜燒!! 幾好～用壽喜燒汁慢慢煮再拎左大量生菜🥬擺落去煲🤣仲係牛~ 厚切檸檬牛舌 好彈牙!! 有埋榨檸檬汁工具😂 儀式感十足! 味道啱啱好, 唔會太油膩~ 但就食唔到太多舊～ 好飽下！

「抵食又高質」🙌🏻 120分鐘任食燒肉，升級日本A4+和牛！海鮮都無得輸，CP值高💥🤤坐底就送花膠雞湯。⸻🥩日澳和牛放題最愛 日本A4+醬燒一口和牛丁！肉香撲鼻，一咬落去啖啖牛脂香，加埋自家醬汁，完全停唔到口～壺漬特調牛肋肉，油脂爆香；澳洲M8和牛肩胛肉香濃郁又多汁，食到最後都唔會膩。⸻🦐🐚海鮮陣容灸烤生蠔（鹽蔥/鹽蒜）真心正，鹽香配生蠔鮮味，成個口腔都有海味🌊黃油蒜烤帆立貝＋威士忌釀鮑魚都好香，尤其係鮑魚帶少少煙燻甜味，好特別🧡再加埋一夜干同霸王蝦👍🏻正⸻💎一定要試💥 極．厚切檸檬牛舌：真係極厚！爽脆彈牙＋檸檬清香，沙漏計時一邊烤一邊期待，超有feel！🔥 日本A4+和牛壽喜燒：甜鹹醬汁包住牛肩胛肉，入口即融。🐟 炭烤白鱔：入口即化～好少喺燒肉店見到，必食！⸻🍚配料狂人請注意！安平櫻花蝦飯可以自由加蔥、海苔、滷水汁，每個人都可以整自己專屬「靈魂拌飯」🍚✨仲有 12款醬汁專區，推薦 黃金醬、薑味可樂醬、五味醬、香辣烤肉辣椒粉，點邊樣都match！⸻🍻酒鬼小確幸呢幾款和牛餐都包啤酒任飲（有兩款🍺）！SRF極黑牛套餐加 $68 都可以啤酒無限飲，配肉一流！🍧最後仲有台式芋圓甜品、雪糕等等～

V小妹前幾日終於舉行左畢業禮喇🎓當晚梗係要去慶祝一番啦🍻今次我地去左安平燒肉食佢全新餐牌「日本A4+和牛饕宴」🥩120分鐘真係食到抱住個肚走~CP值超高✨有多款頂級的肉類🥩同海鮮🦐仲有唔同飲品同甜品可以食而且「日本A4+和牛饕宴」同「澳洲M8和牛宴」仲可以包兩款啤酒無限續杯🍻真係岩曬Daddy C.—------------------------------- 𝗪𝗛𝗔𝗧 𝗪𝗘 𝗢𝗥𝗗𝗘𝗥 - 🆕「極．厚切檸檬牛舌」🐂✨必食推介✨份量十足嘅牛舌原條上，用沙漏控制燒烤時間，牛舌爽彈嘅口感而且充滿檸檬青香，非常開胃🆕日本A4+和牛壽喜燒 🐂✨必食推介✨使用牛肩胛肉眼，油花豐富而且均衡壽喜燒獨特嘅醬汁令肉質擁香濃嘅日式甜鹹口味🆕 日本A4+和牛🐂 ✨必食推介✨極力推薦牛味極香嘅兩款優質和牛肉質程大理石花紋，口感細膩，入口即化🆕 灸烤霸王蝦 (鹽蔥/黑蒜油)🆕 日本A4+醬燒一口和牛丁🆕 壺漬特調牛肋肉🆕 灸烤生蠔(鹽蔥/鹽蒜)🆕 安平慢熬清雞湯✅ 威士忌釀鮑魚✅ 黃油蒜烤帆立貝✅ 蘭王蛋月見牛✅ 澳洲M8和牛肩胛✅ 安格斯牛小排🍚安平櫻花蝦飯V小妹一見到有紫菜飯，二話不說就整咗一大碗其實仲有

🌟🌟安平推出 全新Menu ～120分鐘日本A4+和牛饗宴🐮❣️燒肉迷唔好錯過啦😍😍除咗可以任食日本和牛，全新餐牌仲有海鮮、壽喜燒👍🏻燒肉竟然有壽喜燒食，非常驚喜👍🏻「極．厚切檸檬牛舌」會附有刀叉和沙漏，親手喺砧板上面切牛舌，儀式感滿滿。揀咗日本A4+和牛饕宴，仲可以任食澳洲M8和牛宴、SRF極黑牛餐套餐內所有食物，非常豐富呀～真正的食到飽😋 肉類方面，食咗幾款：日本A4+和牛、蘭王蛋月見牛、極.厚切檸檬牛舌、台灣醬燒牛腹肉、壺漬特調牛肋肉。海鮮有：炙烤生蠔（鹽蔥）、黃油蒜烤帆立貝、炙烤霸王蝦、培根帶子串。日本A4+和牛花紋分佈平均，肉味濃郁，除此之外，仲可以任食日本A4+和牛壽喜燒，有一個細細嘅爐，火候唔算大，將啲和牛放入個鍋度，等佢慢慢煮熟。厚切檸檬牛舌嘅肉質爽口。蘭王蛋月見牛，攪勻個蛋黃後再燒，味道都唔錯👍🏻飲啤酒🍻唔少得下酒菜，台灣直送嘅西門町香烤鴨舌，蜜烤豬肉乾、黑金墨魚香腸、火烤魚干佐蛋黃醬。

喺將軍澳安平燒肉食咗個M5和牛餐，真係不得了！佢哋推出咗限定嘅威士忌烤肉醬系列，真係好有特色！😋🌟 威士忌烤肉醬 - 台灣潮流新滋味！呢個系列嘅醬料係台灣現時最流行嘅，用威士忌、糖、香料同其他調味料調製而成，味道獨特，結合咗威士忌嘅濃郁香氣同其他調味料嘅酸甜，可以將肉嘅鮮味提升到另一個層次！🤤🥩 M5和牛餐 - 多重威士忌滋味享受！今次我揀嘅係M5和牛餐，可以試到多款用威士忌烤肉醬烹調嘅美食，包括：威士忌烤鳳梨內裙柳（M5和牛餐限定）：鳳梨嘅酸甜同威士忌烤肉醬嘅濃郁簡直係天生一對，再加上M5和牛嘅嫩滑，真係好好味！🍍🥩威士忌醬烤鮑魚（SRF餐或以上）：鮑魚新鮮彈牙，配上威士忌烤肉醬，味道更上一層樓！威士忌烤芝麻牛舌片（安格斯餐或以上）：牛舌片薄嫩爽口，芝麻香氣同威士忌烤肉醬嘅味道好夾！👅威士忌冬瓜茶（安格斯餐或以上，18歲以上先可以飲）：冬瓜茶清甜解渴，帶有淡淡嘅威士忌香氣，好特別！🍹威士忌烤九層塔雞軟骨（原住民餐或以上）：雞軟骨爽脆有嚼勁，九層塔嘅香氣同威士忌烤肉醬嘅味道好match！威士忌烤辣味雞肉片（原住民餐或以上）：雞肉片鮮嫩多汁，辣味同威士忌烤肉醬嘅味道互相輝映，好惹味！🌶️🍗

最近留意到安平燒肉出咗新Menu，同老公book咗枱一齊去燒肉🥰😋除咗燒肉爐，仲會配埋壽喜燒鍋同埋一set for牛舌既餐具，好有儀式感🥰我哋揀咗120分鐘日本A4+和牛饗宴💕日本A4+醬燒一口和牛丁肉質好細嫩，油脂分布平均，牛肉預先加咗醬汁，醬汁同牛肉嘅香味好濃好好食💕日本A4+和牛牛肉片既雪花紋非常靚，細緻又平均，牛肉入口非常香油香同肉味，令人欲罷不能😍澳洲M8和牛肩胛滿滿既濃郁肉香，入口鬆化，令人回味無窮😍特別推介😍日本A4+和牛壽喜燒肉質好柔嫩，同壽喜燒既醬汁非常夾，呢個組合真係超級好食，大推😍😍😍極．厚切檸檬牛舌好有儀式感既一道菜，附上刀叉，專用嘅砧板同沙漏，仲有埋檸檬汁夾，成個菜式好特別✨蘭王蛋月見牛燒之前要將蛋黃撈勻，蛋黃顏色勁濃郁😍牛肉好嫩滑仲有陣陣蛋香味💓好正🩷除咗和牛點少得海鮮，呢度海鮮嘅選擇都好多，安平赤魚一夜干、威士忌釀鮑魚、黃油蒜烤帆立貝等等，海鮮都好新鮮，即烤即食好正😋仲有灸烤霸王蝦，無論鹽蔥或者黑蒜油味都好鮮甜，夠晒大隻肉質爽口彈牙😋自助區仲有提供櫻花蝦海苔滷水汁等等嘅撈飯材料😍用嚟配牛肉食真係好正😍另外十二味醬專區中有超多醬汁揀，尤其是招牌黃金醬和薑味可

好耐冇食燒肉，我地就揀咗120分鐘日本A4+和牛饗宴✨肉類🥩日本A4+醬燒一口和牛丁日本A4+和牛厚切檸檬牛舌澳洲 M8和牛肩胛A4+和本牛肩胛肉眼✨我個人比較喜歡日本A4和牛，油花豐富，入口即化！澳洲 M8和牛肩胛，肉味香濃，肉汁豐富！仲有用黎整壽喜燒 A4+和本牛肩胛肉眼亦好高質，肉質柔嫩及油脂比例平均，加上壽喜燒汁好好吃！海鮮盛宴🐟🦐🦪威士忌鮑魚灸烤生蠔（鹽蔥/鹽蒜）鹽蔥燒巨蝦/黑蒜油燒巨蝦鰻魚✨個人推介仲有鹽蔥/黑蒜開邊巨蝦：蝦肉質彈牙，蝦味道鮮甜，而特製的黑蒜油好濃郁，蝦醬同黑蒜頭好match!生蠔🦪肥美飽滿💕而烤鰻魚配上特製醬汁，燒到外脆外軟👍仲有十二味醬專區、飲品，小食，蔬菜、雪糕自助區！安平櫻花蝦飯亦好吸引： 有櫻花蝦、蔥、海苔同秘製滷水汁等可以隨心配搭！

突然好想食燒肉，即刻諗起之前食過嘅安平燒肉😏呢晚去到見到原來而家安平燒肉推出咗全新餐牌，我地就揀咗食120分鐘日本A4+和牛饗宴😍🐮日本A4+醬燒一口和牛丁切成細細粒嘅一口和牛肉質細膩，脂肪分布均勻，用特製醬汁燒過後食落好香🐮壺漬特調牛肋肉牛肋肉食落啖啖油脂香，口感豐富🐮日本A4+和牛和牛滿佈大理石花紋，食落口感細膩，牛味香濃🐮日本A4+和牛壽喜燒和牛肩胛肉眼肉質柔嫩，油花豐富，連埋特製醬汁煮熟後，獨特嘅鹹甜味道非常有風味🐮極．厚切檸檬牛舌牛舌搭配檸檬真係絕配，食落爽口，係原條牛舌上再有埋沙漏，好有儀式感🐮澳洲M8和牛肩胛和牛肩胛肉味香濃，肉汁豐富🦪灸烤生蠔 (鹽蒜)生蠔肥美飽滿，面層滿佈蒜味鹽醬，有提鮮作用🐚黃油蒜烤帆立貝燒熟後好香牛油和蒜味，食落好有風味🦐灸烤霸王蝦 (鹽蔥)灸烤霸王蝦味道鮮甜，肉質彈牙，配埋鹽蔥食落好惹味🌸安平櫻花蝦飯有櫻花蝦、蔥、海苔同埋秘製滷水汁等可以自由配搭，可以自由調配出獨一無二嘅拌飯🥣十二味醬專區超多款醬汁可以選擇，我地揀咗幾款嚟試✨招牌黃金醬新鮮蔬菜汁配上台灣麻醬，味道清新，帶有蔬菜嘅甜味✨薑味可樂醬可樂嘅甜味與薑嘅辛辣，甜中帶辣，呢款同肉類好夾🍻 啤

💡全新Menu 120分鐘日本A4+和牛饗宴 朋友同我都係食肉獸，搵一間任食燒肉就岩曬啦。而安平燒肉就有全新menu，全新體驗，以一個好抵食價錢享受高品質的肉類和海鮮。🐂日本A4+和牛兩款的優質和牛大理石花紋，好香牛味，輕輕一燒，唔洗加調味料都充滿牛香味。🐂日本A4+和牛壽喜燒估唔到呢個連壽喜燒都有得食，肉質柔嫩的牛肩胛肉眼，油花豐富，加埋甜甜的湯底，好入味。🐓安平慢熬清雞湯用上精選食材熬製而成的清雞湯，鮮美清淡，口感滋味。🐂極．厚切檸檬牛舌新鮮的牛舌，好厚肉，燒一陣就搞點，仲會附有刀叉和沙漏，製造儀式感，食個陣再加埋個檸檬汁，彈牙得黎夠清香。🦐🐟海鮮類有好多選擇 其中炭燒白鱔，好值得推介，白鱔外焦內嫩，肉質滑順，入口即化。霸王蝦好大隻，估唔到燒完仲係好彈牙，帆立貝都係好大隻，食落好爽口，不過記得要燒耐少少。🌸 安平櫻花蝦飯呢個大推，有櫻花蝦、香蔥、海苔或秘製的滷水汁可供配搭，按個人嘉好走添加，真係好好味，忍唔住食左幾碗🤣🥣 十二味醬專區醬汁有好多選擇，多達12款，自己就最愛招牌黃金醬，安平辣椒醬，薑味可樂醬，泰式海鮮醬，岩曬食肉同海鮮，夠曬惹味。🍻 啤酒喝到飽而家只要食日本A4+和牛

今次用OpenRice買一送一套票試吓新出嘅A4+和牛餐，19:30前離座人均$300以下，食物同服務質素保持一貫良好，特別推介厚切檸檬牛舌同炙燒霸王蝦👍🏻 唯一係器皿略嫌太多同大件，我哋兩個人坐大枱尚算可以，如果坐四人或以上，真係會非常擠迫。120分鐘實在太趕，呢個價錢可以接受，如果正價希望可以俾長啲時間。另外好開心見到中午$85餐回歸咗，之前知道要取消真係好失望，希望唔會再取消🙏🏻

<< 去到邊食到邊 📣 食肉獸食到飽 🍖🍽️>>食肉獸又黎啦! 知道安平燒肉 @anpinggrill.hk 又出新野 📌9秒9要衝去啦 🚀今次係本🌟 A4+和牛饗宴特別推介 🔱牛魔王真係開心到癲左啊 😍🎉🆕 日本A4+和牛：兩款的優質和牛大理石花紋✨、細膩的口感和鮮美濃郁的風味 🤤🆕 日本A4+和牛壽喜燒：肉質柔嫩的牛肩胛肉眼，油花豐富，與特製的醬汁一同煮熟，擁有獨特的甜鹹口味 🍲🆕 安平慢熬清雞湯（用蠟燭保溫上台跟精緻小茶碗）：精選食材熬製而成的清雞湯，鮮美清淡，為您的味蕾帶來一份溫暖的呵護 ☕💖🆕 極．厚切檸檬牛舌［🔱推介］：新鮮的牛舌，搭配檸檬的清香🍋，烤過後帶來清爽的口感，會原條牛舌上再配有沙漏，儀式感滿滿 ⏳✨🆕 炭烤白鱔［🔱推介］：烤製後的白鱔外焦內嫩，肉質滑順，入口即化。白鱔的油脂使其口感更加豐富 😋🆕 灸烤霸王蝦 (鹽蔥)：烤製後，蝦的鮮甜味和肉質的彈性，配上鹽蔥的調味，是海鮮愛好者的美味選擇 🦐💥🆕 灸烤霸王蝦 (黑蒜油)：特製的黑蒜油，味道濃郁，巨蝦肉質鮮嫩，帶有自然的海鮮鮮味，與黑蒜的甜味相互融合，形成獨特的味道層次 🌊🖤我全部都食

阿女好鍾意食牛肉，今晚晚餐揀咗安平燒肉🥩（PopCorn店）！呢間店食物種類好多，肉類，飲品，小食都好多款。揀咗Ｍ5和牛餐 有頂級嘅M5和牛🐮，仲有好多質素唔錯嘅牛肉同海鮮🦐🐙🐠～ M5和牛肉質鮮嫩，脂肪分布均勻，配上威士忌燒肉醬，好夾！適合慶祝特別嘅日子，或者約埋朋友一齊去。👩🏻👨🏻成人價錢 $418（19:30前結帳 $358；21:00後入座 $388） 👧🏻👦🏻身高90cm以上、130cm以下小童 $198 ⭐️星期五六日、公眾假期及其前夕、特別日子+$20威士忌烤肉醬系列 台灣現時最流行、風味獨特嘅醬料，通常用於烤肉：主要成分包括威士忌、糖、香料同其他調味料。🩷威士忌烤鳳梨🍍內群柳 （🔱推） ❤️威士忌醬烤鮑魚（🔱推） 🧡威士忌烤芝麻牛舌片 👅💚威士忌冬瓜茶 💛威士忌烤九層塔雞軟骨 （推） 💙威士忌烤辣味雞肉片 💜威士忌烤黑椒豬頸肉 總括嚟講，安平燒肉真係一個食燒肉嘅好去處！阿女食到好滿足，下次會再去！👍

係其他分店一直都有食開和牛放題，平均一個月都會食2次，屋企人生日又見到OpenRice有優惠，諗都唔諗就買咗喺將軍澳 食M5和牛放題。呢邊唔熟位置比較難搵，不過問題唔大，點樣服務態度都好好，佢協助我去到餐廳，最大問題係除咗牛小排之外其他牛都係韌到食唔到，唔知點解威士忌醬烤鳳梨內群柳我上網睇見到鮮紅色有啲青紅椒菠蘿喺面頭，好吸引我食慾，但係自己嗰件就灰灰黑黑，叫兩次都係一模一樣。真係圖片只供參考，其他想食嘅都售罄。對佢哋超級失望。

係其他分店一直都有食開和牛放題，平均一個月都會食2次，屋企人生日又見到OpenRice有優惠，諗都唔諗就買咗喺將軍澳食M5和牛放題。呢邊唔熟位置比較難搵，不過問題唔大。最大問題係除咗牛小排之外其他牛都係韌到食唔到🥲想食既售罄🥲比大家參考一下見到個期間限定係咩，佢話全部買晒淨返得一款😨仲要同網上面睇嘅差天共地😞見到喺燒爐裏便鮮紅色嘅肉，同期間限定嘅威士忌醬烤鳳梨內裙柳，完全係兩隻顏色，除咗M5澳洲和牛都係靭到食唔到之外，SRF極黑一口和牛灰灰黑黑的顏色令到唔敢食🙁唔知係唔係因為上網買還是因為食5點嗰轉，所以質素變到係咁，如果咁就完全唔需要選擇M5和牛餐食了唯一一讚係員工服務態度好好👍🏻不過都已經失望到極點😞

香港少有仍然keep到服務質素嘅台式燒肉店，最欣賞呢度嘅60分鐘自選午餐，$85位最低消費可以揀自己鍾意嘅嘢食，胃口細都唔怕浪費。價錢親民，食物質素高，特別表揚員工Matthew，態度親切，有禮貌，而且會記得客人嘅喜好，服務貼心，會令人想再次幫襯👍🏻