安金稻朝鮮拌飯

营业中

休息中

今日係Airside行完街去左隔離商場搵嘢食揀左呢間叫安金稻既韓國菜應該係新開 之前都未聽過～店員安排入座時簡單介紹左要自助落單同付款同埋自助區嘅野食可以自己出去攞原來泡菜同海帶湯係任食👍🏻👍🏻嗌左個石鍋牛肉醬拌飯賣相同味道都唔錯不過就比較濃味 但只售46蚊 無野可挑剔！底部有飯焦😋😋幾驚喜46蚊都做到呢個效果 好香口👍🏻臨走前見到有個婆婆自己入左黎食野唔識點樣落單仲要俾埋錢個女店員好有耐性幫婆婆 似乎見慣不怪咁😂仲額外教埋婆婆個8達通app可以查餘額 頓時覺得幾窩心！結論係 今日係幾不錯既體驗👍🏻👍🏻

1月11日揾食肥華和靚媽到此店食，經濟實惠韓式食品做午餐，肥華柯打咗個$42蚊一客嘅,，(燒汁牛肉鍋)而靚媽就點咗個$43蚊一客嘅(大醬排骨鍋)兩客食品祇要另加$8蚊就可以在一小時内，任食此店嘅，珍珠米白飯和韓式辣泡菜外，更可以無限添飲海帶湯，肥華和靚媽呢餐午飯，祇喺用咗$1O1蚊就食到兩款味道非常OK嘅韓式食品，再加白飯，泡菜，海帶湯放題，個 性價比真喺抵到冇朋友。不過此店喺不收現金，由點菜到結賬都要客人用自己嘅，手提智能電話操作，咁就對一啲好似，揾食肥華呢類 outdate花甲老翁就做成不便，希望此店能改善一吓呢個措施，就能做福年長消費者嘞！👍👍👍👍👍😘😘😘😘😘

安金稻朝鮮拌飯 (新蒲崗)📍新蒲崗太子道東638號Mikiki 1樓119號舖🔶大醬排骨鍋 $43排骨大約有6小舊肉質軟林🤤🤤排骨係半肥瘦醬油都幾入味仲有4-5舊薯仔🥔好抵食～～7.0/10🔷白飯（無限續加） $8店員會幫手上第一碗之後出去自己裝白飯仲有海帶海、泡菜任拎味道正常～～6.7/10🔶石鍋豚肉醬拌飯 $46配料紫菜、芽菜、豚肉碎麻油味好香😻飯焦就好少🙈🙈味道吾錯～性價比之選7.0/10

安金稻開左一兩個月，一直都想去試，但次次經過都見人龍，唯有等下先。今日閒日經過，見到有位，終於第一次試到， 整體唔錯。今日十二點前去到，唔駛排隊直接入座。餐廳味道服務都幾好，兩個人叫左大醬排骨鍋和辣牛肉湯。大醬排骨有成8舊肉，仲跟一個爐頭熱住上，辣牛肉湯個石鍋入面有豆腐和粉絲，又係燒到熱辣辣先上枱，白飯、泡菜、紫菜湯任添，咁嘅陣容唔駛$100，性價比好高，快餐店都做唔到啦。我地食得好滿意，下次見到有位定會再試。

早排係公司附近開左間姓價比幾好既餐廳見佢餐牌上面啲嘢都係40-50蚊左右今日早放飯 見未係太多人排隊 終於可以試下！！坐低掃code落單 順便比埋錢 都幾方便但係無apple pay 比信用卡要入卡資料🥲希望遲啲會有埋apple pay啦 會仲方便海帶湯同泡菜係免費任食🫣 自己係出面攞唔洗特別加錢黎講 兩樣既質素都好高唔會話唔洗錢就好難食😂嗌左個大醬湯 $35 加 $8有埋飯 飯仲要係無限添加 雖然我食一碗就飽其實😂😂大醬湯都幾足料 有啲薯仔豆腐金菇 好抵食🫢同埋石鍋上 好夠熱！

行過Mikiki一樓見到好多人排隊，發現呢間新餐廳叫安金稻，食韓國嘢，睇睇個餐牌，平均四五十蚊有交易，自助形式，要Walk in排隊入座自己scan QR code落單落單時已經要付款，食完嘢拍吓pat pat走得唔使再埋單！佢賣點係白飯海帶湯和泡菜任食，所以即刻試吓啦，我哋點咗石鍋牛肉拌飯，賣相幾好，色彩鮮艷，仲熱辣辣嘅，D配料幾足，略嫌見唔到乜牛肉，得D肉醬𥚃面有幾粒仔牛。不過我覺得都好食過平時food court韓國舖嗰個鍋飯嘅。加上佢只賣$4x ，性價比大勝！ 佢仲有啲小菜，譬如牛肉鍋豬骨鍋，明爐上，不包白飯，要加$8就可1小時無限添飯！我哋點咗個豬骨鍋，好味，肉質炆得好腍，D汁用來伴白飯一流👍仲追加咗一個鐵板豆腐，只係$28 ，賣相真係好吸引，佢係成磚百福豆腐放在鐵板上，鋪滿辣辣地嘅韓式辣醬，好惹味！海帶湯比較淡；泡菜好食，唔太辣！味道性價比encore 指數

最近新開帶老爸黎一試門口沒有取票機只能排隊等候入座最後等左45個鐘才有位入坐後要scan QR 手機點餐然後手機俾埋 $聽到坐附近比較吾習慣呢種方式下單人基本難易處理座位都算多不過就每枱都坐得好貼前面的櫃台自助取水、泡菜、湯秘醬茄子樂天檸七色香味俱全呢款小吃可以配上幾碗白米石鍋豚肉醬拌飯如再帶一點辣會更加有韓國風味大醬排骨鍋一小時無限添白飯無須加配肉骨易分離又入味不過只有餸要另外再加錢配飯呢個可以配上幾碗白飯

住附近， 媽媽鍾意食韓國石頭飯，今天專登帶佢去Mikiki食午餐。12點左右去到，要排隊等了半個鐘才有位。入坐後，原來係要scan QR 手機點餐，仲要手機俾埋$ ，才能落單，唔係好習慣，老人家更加冇可能自己去食。落完order, 諗住斟杯熱水俾媽媽，老人家唔飲冷飲，我地坐最入位置，見後面有個廚房出餐位附近的櫃台有放了已經斟好了的，就自己走去攞。有個似係女主管見到就有D唔好語氣，同我講佢地這邊係茶木，不同店，唔應該在她這邊攞。OKAY  !  我點知道你兩店後面互通，原來一杯水都唔可以攞黎飲，原來你D水係唔同D。之後行返埋位，拌飯店這邊的似係男主管叫我自己去店前面的櫃台自助取水，有D責怪我去左隔離。OKAY  !  我點知道你兩店後面互通。order 左石頭飯和拌飯，拌飯還可，石頭飯太爛唔好食，而且肉類只是肉醬，唔正宗。冇下次 !