宏 (已搬遷) 新店位置

晚飯後，跟朋友再來飯後甜點真是一件嘗心樂事。今次途經The One, 知道宏移師到這裡，朋友又是綠茶控，便提議上去試試。宏坐落於佐敦時我未試過，但覺得它可以搬上The One那麼大的鋪位，相信也有相當的實力。抺茶軟雪糕芭菲 ：大大杯，紅豆煮得頗綿起沙，小丸子也煙煙韌韌，主角綠茶軟雪糕茶味夠，甜度適中。抺茶卷：綠茶味尚可，但蛋糕不夠鬆軟，忌廉不夠幼清。宏始終比較港式，欠缺了日式風格，不過跟朋友一起談天說地，也是一個不錯的地方，頗舒適，空間感十足，價錢合理。

同閨蜜係尖咀食完飯十點幾時間尚早，心思思想食甜品，最後得返宏仲未關門。入座後拿拿聲落單，綠茶控嘅我地叫晒全抹茶甜品。總括而言價位貴左d 但好食嘅（唔會過甜）同埋service 好，起碼無因為我地阻住佢收工而服務水準變差。

請了半日假陪朋友買結婚禮物，約了The One等，好自然會揀The One裹面醫肚，本來打算食想食很耐Gram嘅pancake,但好可惜每日只有11:00, 15:00 & 18:00提供20份，當時13:00無理由排兩個鐘，唯有轉場，去了The one最多like嘅"宏"。叫了兩個set lunch share食, 一個燒鳕魚飯套餐，一個豚生姜燒定食，套餐加$10加個抹茶卷。燒鱈魚非常香脆，朋友食嘅時候無食魚皮，我還笑她最好食個皮唔食，她立即試吓，她都覺非常脆。至於豚生姜燒就一般，個汁無姜味，只像普通豉油調味醬汁，無乜特別。套餐配一杯紅茶，和蛋卷一起品嘗不錯。至於抹茶蛋卷，不太甜，有少許綠茶粉苦澀味不錯，抹茶控應該很喜歡，這間餐廳主打抹茶及甜品，用餐中鄰枱叫了香草牛奶軟雪糕芭菲，外貌非常吸引，下次可以再來食甜品。

一個人行街行到攰攰地，四點幾打算食個tea，點知俾個吞拿魚蓉飯吸引左，叫左個迷你三彩定食，當食個早飯啦。個定食有一碗幾有誠意嘅吞拿魚蓉飯，第一啖魚油嘅香氣配上日本米嘅煙un，已經食到想跳開心舞，奈何獨自一人，將開心嘅情緒壓抑下去；鰻魚飯就麻麻地，鰻魚竟然係乾乾地，有點失望；海藻麵質地滑滑地配上鰹魚湯少少昆布，好日式嘅味道。最後送上一杯茶包嘅茶同綠茶蛋糕卷，茶無咩特別，蛋糕有蛋味，但忌廉過於厚實，綠茶味唔夠濃。

芝麻蛋卷閒到好大陣芝麻嘅香味，而且個cream都幾滑，食落去個卷蛋有好香濃嘅芝麻味，整體嚟講個卷蛋都唔會太甜，味道唔錯！抹茶卷蛋食落都幾重茶味，食落充滿咗茶嘅甘味，但又未去到澀嘅程度，所以食完成件抹茶卷蛋都唔會覺得太甜.宏的抺茶芭菲份量算大, 抺茶軟雪糕伴以紅豆蓉, 白玉粉圓, 厥餅, 小脆餅, 抺茶啫喱 ,底層更有杏仁片和香脆的麵包粒, 令芭菲內容變得相當豐富，白玉煙韌有嚼勁, 脆餅有香濃牛油味, 厥餅則很滑溜和微甘

賣相已一點也不吸引，平均超過五十元一件甜品，卻越吃越提不起勁。抹茶雪糕，奶味過濃，只有微微抹茶味。抹茶水晶，味道不算甜，有彈性；但一點抹茶味也沒有，墨綠色究竟從可而來？抹茶布甸，甜到入心，雖然嚐到抹茶味也算滑溜，但甜味已侵佔了整個味蕾，令人整之沮喪。如果要甜度，何不食糖水抹茶曲奇，不知是存放了一段時間或製作方法令它的脆度減低；夠香但不夠脆。幸好牛油不算太多，不然也嘗不出這是抹茶曲奇。抹茶蛋糕是五款中最為可取，有抹茶味，又有一陣難以形容的香味。如果在忌廉中多加一點抹茶，它大有潛質成為全港抹茶控的至愛。正如黑芝麻小卷，有著陣陣的芝麻香味，才可配得上這徽號。廚師在設計甜品時，可能有著太多的框架，大部份的抹茶控是為了又香又濃的抹茶而來；苦中一點甜也是食甜品的樂趣。

平常不太吃綠茶味道的甜品，但這次和朋友都到專門吃綠茶的甜品店，起初也不太願意，因為這裏大部份都是綠茶味道的甜品。最後，我們點了北海道牛乳雪糕，綠茶味的雪糕, 綠茶雪糕窩夫和草莓雪糕窩夫。令我驚喜的是，這裏的綠茶比平常的好吃，綠茶不會苦澀，有濃濃的綠茶香味但卻不會過分濃郁，搭配香濃的牛奶，很Creamy

第一次來這間日西fusion 餐廳食下午茶，我喜歡魚，所以叫了一個白鰻魚定食一齊同朋友分享！一個定食有白飯及喬麥麵，又包沙拉及甜品，有埋茶送，都幾好哦！白鰻魚好香好有口感，不過就要小心骨仔，好肥美又可點4種不同口味，有：海鹽、蒲燒鰻魚汁（傳統的）、日本柚子醬油(微微酸酸的）及日本芥末和醬油（微微辣辣，好野味）不同特式不同感覺送了一塊小芝麻捲蛋（可選香草、抹茶味） 好香芝麻又滑滑的，唔會太甜，不錯哦錫蘭紅茶朋友就話普通

來到The One以抹茶甜品聞名的日式餐廳宏，老闆大內宏為定居香港多年的日本人。曾光顧過佐敦的本店和K11外賣店，最愛抹茶蛋卷，小的只需$15，倒是未試過其定食。門口有兩大個甜品櫃，售賣各式甜品如蛋卷、天使蛋糕及芝士蛋糕。餐廳環境寬敝簡潔，有標示註明這裡用日本新瀉米。每桌均有一個叫人鐘，坐在角落也不怕侍應看不到我們揮手。大鰻魚飯套餐 $180 每份定食均配海藻烏冬、小蛋卷、沙律及錫蘭紅茶，可以正價減$20轉特飲。小蛋卷有三款口味任選，包括抹茶、芝麻及香草。獨立提供兩瓶調味料，分別為日本山椒粉及七味粉，前者可加於鰻魚飯，後者則加於海藻烏冬。兩大片閃閃生煇的蒲燒鰻魚，肥美肉厚嫩滑，調味得宜，灑上少許微辣山椒粉更惹味，配軟熟綿滑的新瀉米；海藻烏冬以日本國內小麥粉加入低卡高纖的海藻製成，湯底清淡健康，昆布鹹香，非常喜歡！重口味的朋友可灑上七味粉；沙律則相對普通。選了最愛的抹茶小蛋卷，一貫的好吃，蛋糕鬆軟濕潤，抹茶忌廉味濃幼滑有回甘，下次試試竹炭芝麻味。套餐加$20轉宇治焙茶奶，抹茶奶喝得多，倒是第一次焙茶奶，茶香甘濃，唯偏甜和份量少了點。 鱈魚飯套餐 $140吃完鰻魚吃鱈魚，同樣配海藻烏冬、小

平日與友外出食飯, 食得最多係日式, 因為大家也愛食日本嘢, 早前我地又去食日本嘢, 今次去了位於The One 的宏食晚飯. 這裡的套餐選擇多, 而且仲配埋甜品. 最後我選了純日本白燒鰻魚定食. 平日食鰻魚食得多, 但白鰻魚真係無乜食過, 而且每日的數量有限, 決定試下. 套餐還包括沙律, 海藻烏冬, 小抹茶蛋卷和錫蘭紅茶. 也可以加錢轉其他飲品, 我選了熱宇治焙茶奶. 熱宇治焙茶奶. 定食上枱. 沙律的蔬菜幾新鮮爽脆. 而白燒鰻魚配有四款不同的醬汁, 客人可以因應自己的喜愛去點汁. 鰻魚唔算好厚身, 但勝在幾嫩滑, 唔會太乾. 我當然四款醬汁也試下, 各有特色. 海藻烏冬. 烏冬幾彈牙, 軟硬度適中. 再來小抹茶蛋卷. 入口有香濃帶甘味的抹茶味道, 夠香濃幼滑. 而蛋糕的蛋香味不錯. 一件小蛋卷對於愛食甜品的我當然唔夠喉, 所以要點甜品. 甜品選了抹茶軟雪糕芭菲. 賣相精緻. 軟雪糕的搽搽味夠香濃. 除了軟雪糕外, 仲有不少配料, 例如白玉, 紅豆, 啫喱等. 這一餐晚餐真的好豐富.

朋友外國回來 想食抺茶雪糕所以揀了一間有正餐又有甜品的餐廳但餐廳一定要滿人數先可以入座用餐時間有90分鐘位與位之間空間感少 都坐得迫餐牌有多款定食套餐仲有好多款甜品蛋糕同雪糕我地叫左兩個定食餐日本燒鯖魚飯套餐套餐入面仲有海藻烏冬同沙律再加蛋糕一件可揀抺茶、香草或者黑芝麻味會配一杯熱茶，都幾豐富鯖魚燒得好惹味外皮好香脆 魚肉好滑烏冬都好滑好淋豚生姜燒飯套餐豚肉幾煙韌抺茶蛋糕就普普通通定食都唔錯 但已經太飽食唔落甜品下次可以淨係黎食甜品 因為都有好多款

宏是一間主打抹茶甜品的日式食店，其實多年前還只有一間店時已經聽過其大名，不過一直都未有機會試。反而到了它開了分店的今日，適逄去開The One睇戲，就去試下。＊＊＊＊＊＊＊＊＊＊＊＊＊雖然宏主打抹茶甜品，但其實它都有飯麵提供，而且相比起甜品，晚餐都幾抵食。平日晚上都算幾多人。左: 日本草莓沙冰($89)草莓沙冰成杯粉紅色很少女，草莓味可以，但不算太濃。右: 宇治抹茶沙冰抹茶軟雪糕($98)抹茶沙冰上放了高高的抹茶軟雪糕，軟雪糕有很濃的抹茶味，但不會太苦澀，反而抹茶沙冰味道就偏淡。迷你三彩丼定食($148)三彩丼定食有饅魚飯、吞拿魚蓉飯和海藻烏冬，可以一次過試晒三款不同飯麵，啱晒心多多的我，另外定食亦奉送沙律、抹茶蛋卷和錫蘭紅茶，性價比高！每個定食都會跟七味粉和胡椒粉，食客可按個人喜好加在飯麵上。沙律菜辣鮮爽脆，加上醋汁酸香味十足，很開胃。為免烏冬變腍，先吃海藻烏冬。烏冬上放了很多海帶，烏冬屬扁幼身形，上面有一點點綠色的海藻，入口都帶點彈口，但味道跟普通烏冬分別不大。吞拿魚蓉飯雖然是迷你版，但都比想像中大碗，吞那魚蓉很軟滑，不過豉油略嫌太少，食到下面好像只吃到白飯。迷你鰻魚飯都有兩片鰻魚

一向對抺茶情有獨鍾，約好左朋友一齊去宏享受下抺茶滋味食甜品前先食個正餐先因為怕太飽我要左份三文魚冷麵三文魚幾新鮮，冷麵好爽口，冷冷涼涼零舍開胃男朋友點左一客白鰻魚定食，因為佢吾好甜品，所以要填飽個肚白鰻魚我好尖見，肉質比較淋，香口，幼湑除左飯仲跟多個小小碗的涼麵，好食又開胃每個餐一客卷蛋我就一定點抺茶味男朋友要芝麻味兩件都好好味我另外再點左客抹茶雪糕巴菲一層一層，好味抹茶又有口感最後加多件cheesecake Cheesecake 好濃好湑美中不足有d細件，幾啖俾我食晒

去左成個禮拜歐洲旅行，最想返香港食抹茶甜品，今晚就去宏以解相思之苦。鰻魚好似好吸引。定食都幾多選擇。宇治抹茶奶 ($40/熱)抹茶味超濃！雜錦天婦羅飯套餐+海藻烏冬 ($170)天婦羅放得精美，有蕃薯、蝦子、秋葵、茄子，炸粉衣薄脆，食材新鮮，用上日本新瀉米，全日供應。海藻烏冬都幾大碗，有好多海苔，清新美味，很健康。沙律新鮮爽脆。日本青森蘋果汁 ($40)好大杯，果味濃度高，青森蘋果果然好飲！純日本白燒鰻魚定食 (推廣價$210)坊間少有，可以食到鰻魚的真味，魚肉很有彈性，附上4款sauce，最鍾意寿司醬油加wasabi，貪新鮮的你會鍾意埋柚子醬汁。京都宇治抹茶軟雪糕芭菲 ($88/杯)很豐富，有抹茶軟雪糕、圓餅、厥餅、紅豆、白玉、杏仁餅、蛋糕，底有好多脆脆杏仁餅，所以要夾住抹茶軟雪糕一齊食，加倍滋味！抹茶日本蒟蒻芭菲 ($88/杯)爆滿，上次係紅磡店食過，超好美又有質素，今次要encore，有好多生果，藍苺、紅苺、草苺、西瓜、哈蜜瓜、蜜瓜，想食咩都有，抹茶蛋糕可以和抹茶雪糕一齊食，還有杏仁餅和蒟蒻，口感層次豐富，一次滿足多個願望。

今晚要睇show，所以要食個早飯。當晚6點入座，全店得小貓三四隻。餐廳光猛闊落，店員俾我大媽嘅感覺，但算有禮貌。餐廳有烏蠅，衛生麻麻。我同朋友一人一個餐，互相試下個主菜。套餐包括沙律，主食，烏冬，甜品同紅茶一杯。豚生姜燒飯套餐($130)。沙律平平無奇。飯偏細，但食埋個烏冬一定夠飽。豚肉好薄，好似鋪滿飯面但其實份量唔夠送飯。海藻烏冬清清地，唔係特別彈牙。大饅魚飯套餐($180)。條魚腥腥地，魚皮又唔脆，好一般嘅貨色。好彩佢俾咗啲七味粉同生椒粉先食到盒飯。抹茶小蛋卷。蛋糕綿滑，忌廉充滿綠茶味，做飯後甜品一流呀～黑芝麻小蛋卷。比抹茶卷更高分，因為食到有黑芝麻碎碎響忌廉入面。好香濃，好滿足~總結係，下次黎淨係食甜品好喇。