客家好廚 (已結業)

今日放假落去飲茶。 叫左八样野食，雖然好快黎到，但係d食物凍既。 第一碟既叉燒蘇，又硬又凍，好似未煮熟咁。 之後黎既五柳炸雲吞，样子唔錯，食落口又幾好味。 之後再叫左個炒河粉，好碎好多油。 最後既鳳爪，一般啦，可以接受既。

6月14日晚9點到達,與家人特登去到天慈幫稱佢哋.當時僅有四五張枱坐咗人.個場勁冷清.坐低先知,此店以父親節為由.收起晒所有平時D菜牌.show出嚟果D全部以父親節為由,樣樣收貴幾廿蚊.貴唔緊要,D質素差咗好多. 叫個涼瓜豆腐煲.涼瓜僅僅有四件.豆腐三件,面頭全部係咸菜.仲有3分之一都係湯.石斑鹽雞孖寶$238 都叫幾好.埋單$606即時O咗咀. 兩個大人,一個細路6歲,一個10歲,4人茶位與加一已佔$100.勁唔抵食囉!亦唔會再幫稱. 

在 operice 找了一間居然有咁好評既屋村酒樓，那就要試試看 訂了台 19:00 到，我大概 19:20 才到，原先分配左比我張台已經比左人 ~ 但酒樓又唔打比我，算吧喇屋村酒樓可能被人放 plane 多.... 去到叫普x茶, 嘩黑過墨汁，叫阿姐比多壺水我，侍應姐姐見我台上已有四壺八怪之下問我因由，我指普x大過黑喇，阿姐聽了後同我講「下次叫開淡普嘛」，跟住就走去開水 唔錯唔錯，不過後來走親過來都同我講一次 好入正題.......... 我們叫你1) 半隻 鹽焗雞2) 梅菜扣肉3) 豉汁蒸黃立倉4) 啫啫吊桶5) 腐乳炒通菜6) 四個砵飯+兩個正常白飯多謝 $491「半隻鹽焗雞」- 有雞味、肉爽、不是豆腐肉般，雞已經夠味不用點沙彊也夠鹹呢「梅菜扣肉」- 超好食，堅扒 ，肉跟肥膏軟硬剛好，梅菜送飯一流無沙。「豉汁蒸黃立倉」 - 豆豉蓉布滿在條魚上，那豉油魚汁又是送飯的一大功臣「啫啫吊桶」- 或許吊桶貴，這個啫啫的配料多個主菜呢「腐乳炒通菜」- 送上枱時侍應跟我們說不好意思廚房炒錯左, 問我們 蝦醬通菜 有冇問題，我們說也可以......但是食了幾條之後, 我頂.....

各位見本少爺好像經常大魚大肉，但平日我與家人吃飯倒是非常清淡。是日與抱危疾在身的老豆飲茶，光臨「客家好廚」。眼見牆身貼滿蔡瀾的推介，應有不少好吃的菜餚吧。由於家父現在要吃得非常清淡，母親又是吃素之人，是日的選擇都清淡得很。雞包仔 -老豆至愛蒸素餃 - 媽咪至愛鮮蝦菜苗餃 - 本少爺至愛齋腸粉 - 完全沒有要求醬料

啱啱嗰個星期六有舊朋友約埋一齊晚飯，即上Open Rice 吓有乜好嘢，見到「客家好廚」D食評好似幾吸引，就去討試吓啦。我依足推介點菜，嘩！果然真係唔錯 除咗梅菜扣肉喊咗少少之外，其餘全部都好野味 例湯夠火爐又感覺唔到有味精，一字記之『好』 不過我自己試點咗個咕嚕肉就唔香趣吃啦，希望佢哋可以改善吓呢嗰菜啦！仲有服務都唔錯，一定要再去

上年父親節食過:清蒸籮白丸,梅菜炆扣肉,客家咸雞…印象最深:梅菜炆扣肉,d梅菜好香又夠味,係我從來未食過嘅味,但美中不足係油多左d.但都能令我回味無窮,必食!!

新春請屋企友人吃飯就腳去客家好廚打電話去預book左7點所以唔使等位蔡蘭介紹過呢度既客家菜所以間中都有人慕名而來其實呢度d野都幾好食屋村酒樓算係咁今晚本來想試多d呢度既特式菜所以無諗住揀抵d既晚飯套餐散叫左幾樣之後原來佢地想叫果d都只係套餐裡面果d............................但又落左單無得改了....落單時職員又無建議我地揀較抵既套餐喎所以變相我地係食貴左既!豬耳好爽客家菜出既潮州鹵味都ok啵好鍾意呢個豬排骨好味醬+有軟骨既肉排有幾件大大件好有肉嫁涼瓜好爽脆甘甘地好味斑腩個炸粉唔厚薄薄地既炸粉包住好肉滑魚柳自家醬既雞粒茄子煲唔使成日都食魚香茄子咁悶紫色茄子大大棵口感實在唔似係其他地方食到既燜得過稔魚湯菜鍋魚肚多晚飯送糖水有紅豆沙和紫米露哈哈...所有人都揀紫米露紫米露裡加了粟米唔結總括而言, 客家好廚食物算做得唔錯無論係飲茶或晚飯佢係咁多間接手既酒樓中我覺得較為滿意既一間唯不太滿意落單職員唔提議我地揀d抵食既以及較入面既座位沒有中檯差d要坐係打開既門口位食風所以服務係最低分

身為客家人，在香港有正宗客家風味的酒家已不多，不像以前有東江樓，醉瓊樓等等。甚至泉章居也比以前差了很多。這晚我們嘗到了一些正宗的，而且在家裡都一般不會吃到。鹽焗雞的雞味頗濃，口感不太像冰鮮。自家曬鹹魚啄肉甫帶濃濃的鹹蝦羔味，送飯一流。清蒸籮白丸以前在過年常常在家吃得到，這裡的下粉下得比較多。三菇六椒石頭田雞只得三數件田雞，未知田雞來貨是否很貴；但有點搵笨!叔婆煎炆釀豆腐，不過不失；應該有其他更好吃的。這個價錢，應該可以在天水圍找到更好的吧？

一路都好想好想黎呢到食....因為真係搵唔到一間食客家小菜既地方...試左幾個叫做招牌菜既野食..比想像中好..但都搵唔返細細個食過果種味道...不過都值得一試既..今次冇影過相..因為成家大細食完就走..太多人..影相變得好怪相!!

雖然今晚人客不多，坐近門口還有點寒意，但不減廚師一份送暖的熱誠。先來個手本名菜，(1)梅菜炆扣肉，鹹甜味適中的梅菜，盛托了今次較瘦的五花肉，添了一份這個菜少有的健康。跟著來是(2)鹽焗雞和三個灼熱驅寒的煲仔菜，分別是(3)涼瓜班腩煲、(4)蒜子火腩大鱔煲和(5)茄子牛仔骨煲。(2)雞是嫩嫩的，肉多皮薄帶咸香，肥羔少，沾上沙姜吃一流；(3)涼瓜爽脆味甘苦，班腩外脆內軟，令人十分開胃；(4)最有印象的膳片，厚且爽靱，味鮮而濃，吃得出是一等一肥美和新鮮；(5)至於茄子及牛仔骨，石窩溫度較保持得好，夠香嫩但油偏多。四人吃這頓豐富的晚餐用上$395，除了茶介每位$8及白飯每碗$8，以天水圍水平來說不夠化算外，都覺得蠻滿意及物有所值。

天水圍去飲茶，下午茶$3/茶錢，客家好廚是好選擇。2個人叫左:味菜肉絲炒麵: $25，肉絲很少，味菜味道，唔太咸唔太甜，炒麵香脆。合格。叉燒腸: $8.8 好食喎，好多叉燒，皮又薄，好豐富的叉燒腸蘿蔔糕:$5.8 平時食過好多次，但今日食左半件冇食，因為唔夠熱煎腐皮卷:$5.8 今次唔夠香口，唔夠脆鯪魚球: $5.8 唔腥，幾彈口，埋單$63/2人午市，開飯首選。

歡樂的時光飛逝，很快與老公結婚已經一個月了~ 　婚後的生活當然開心，不過也懶了不少。不想特地出外搵食，不如留在天水圍，一嚐聞名已久的客家好廚吧。雖然是二口子的紀念，不過中菜始終多些人好叫菜，於是拉了老爺奶奶湊成四人宴。是晚點了一個海鮮套餐，再散叫一些菜式，吃得非常豐富呢：　乳豬燒味拼盤-乳豬皮香肉嫩但不夠熱；叉燒蜜味鬆化但好肥，是愛肥的我也嫌棄的肥膩；油雞及燒雞也是不過不失的水準，來客家菜館真不該花心點這港式拼盤的!　　煲仔紅燒雞煲翅-比潮館所吃的更淡而無味，不相干的芽菜卻是不合比例的多，以$48一盅原價絕對是物非所值!　頭抽蒸鮮鮑魚-就是看中這碟鮑魚才點的海鮮餐，份量超足共有一打，身量不大但也不小，簡單以頭抽蒸起已經鮮味非常，還帶一點陳皮香，滿意收貨!　東江鹽焗雞-多人盛讚的鹽焗雞，確是鮮香嫩口、蠻不錯的，不過其實在鄉間吃到的走地雞，可以再出色許多呢!　梅菜炆扣肉-老公早前來幫襯過，對扣肉有極佳評價；今回一試，味道果真令人折服：半肥瘦的扣肉甘腴鬆化，幾乎入口即融，然後脂香緊扣舌頭，纏繞良久，食到此方領悟扣肉之所以稱之為扣肉，原來是可以如此扣人心弦!墊底的梅菜其實也甜香入味，送飯一流，

My dad, my sister and I had an afternoon tea at this restaurant yesterday. Well, I am a vegetarian so the food I am going to talk about did not contain any meat or meat-related stuff. The lotus paste buns tasted ok. The temperature of them was so HIGH, meaning they were freshly steamed. I liked it.The sweet red bean soup was fair. Also, the temperature was high and I liked it. Actually I somehow like food of high temperature.The sweet olive jello tasted well when it just entered my mouth. But 1

不經不覺在OR寫食評已有三年了，我不是識食之人，食評也寫得不好，但用心去寫，本著跟大家分享飲食經驗為主旨，也堅持寫了八百個了。第八百個食評，就介紹一間我喜愛的客家菜館。上一回講到，各方對鹽焗雞和梅菜扣肉讚不絕口，可是胃納有限，未有空間品嚐其冬瓜封等名菜。大家都不介意長途跋涉再入天水圍一趟，為的就是美味的食物。幾個月後，大家兌現承諾，再戰客家好廚。基本上有了共識，鹽焗雞和梅菜扣肉一定要encore，然後再考慮吃什麼其他東西。例湯是發財好市大利湯。真係不得不讚這裡的湯，清潤舒喉，可以肯定是沒有半點味精的。湯吸收了蠔鼓及豬脷的精華，味道也很濃郁，似是老媽子煲的足料的老火湯。份量又多，六條友每人可以分到兩碗，六十八蚊認真抵飲。客家咸雞水準依然，用鹽水恰到好處地把雞浸煮，致使雞肉嫩滑，亦能保持飲質的鮮味。真的是點不點沙薑也可令人滿意的一道菜。又係膽固醇萬歲既時候，梅菜扣肉一上台，大家已經爭著吃。扣肉一樣是甘香鬆化，肥肉近乎不用咬，入口溶化，瘦肉也沒有一絲韌的感覺，絕對是烹調有法。可是，今次的扣肉太瘦，肥瘦比例約5:5，稍為失望。墊底的梅菜都不會太咸，恰如其分。炸大腸是要彈的一味。份量雖比預期中多

星期日，2:30pm去到，通常可以直入，今次要等位，不過都好快有位，去到個位近門口，一股熱氣湧入，心想飲茶起碼坐一個小時以上，怕熱的我肯定出汗，走返去個知客到，話唔座再等過，好快又有位，不過要搭枱(閒日好多時都可以唔駛搭枱的)。呢間客家好廚，晩飯食物和飲茶點心質素都算平均，但地點係天慈，位置唔算方便，所以人流有限，相對是飲茶唔駛等位等太耐，但要搭枱的。如果換個"旺"地點，相信唔會咁易有位啦。今日是星期日，但仍然有下午茶特價，當然比起平日的下午茶有點兒起價，但假日來說，也算便宜。茶芥$5/位，是平日正價茶錢，平時下午茶錢，只收$3的。叫左:香妃切雞湯檬粉--$15--香妃雞幾滑，有輕輕雞味，薑茸好咸，味精多，湯底相信有味精底。檬粉份量適中。鹵水蛋，鹵水什湯檬粉--$15。碗粉上枱，有2個問號?有"脷"，但我唔知豬定牛，食左之後，介定是豬脷，唔硬，冇咩味道。另有一件肉，又係唔知咩肉，肥肉連皮+少少肉，食完都唔知咩肉?另有紅腸4件，唔好食。鹵蛋唔入味。呢碗"什"檬，可以不試。羅漢斎粉飽(小點)--$7.8--入邊羅漢斎料唔多，外皮粉飽合格，唔會太硬，但又唔算好滑。豉油分開上。不過不失。其實都