影片
港铁天后站 A2 出口, 步行约2分钟
继续阅读
电话号码
23326200
67906894 (WhatsApp)
开饭介绍
这日式铁板烧餐厅供应不同价位的厨师发办，价钱丰俭由人。餐厅装潢结合西、日式风格，可眺望维港景色；若坐在吧台更可近距离观赏师傅制作菜式，增加视觉享受。
继续阅读
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
以上资料只供参考，请与餐厅确认详情
有关奖赏计划
在銅鑼灣天后電器道54號亨環天后24樓，天后地鐵站A出口走2分鐘就到，餐廳居高臨下俯瞰整個維多利亞港，巨幅富士山圖前，廚師正忙碌地準備午餐。👨🍳😋鐵板燒爐前完全沒有油煙，原來裝置了最聰明的抽油煙系統，從爐下抽走所有油煙，而不是向上抽風，這樣置身餐廳完全不覺煙 ，非常清新舒適，這裡是最好最友善的鐵板燒餐廳。🤩🤩坐在舒適的吧台前，店員恭敬奉上餐牌，熱茶🍵，介紹當天供應的美食。🤩🤩午餐優惠套餐1，前菜合桃小女子，合桃加小魚幹，香脆鮮香。2，季節刺身太刀魚（牙帶），深海池魚，油甘魚，新鮮爽爽的刺身，配綠介末醬油，特別鮮甜。3，南非鮑魚鮮活的鮑魚，廚師靈活的刀法料理後，稍作調味煎熟上盤，配明太子醬料，覺對是頂級美味，無與倫比。😋😋4，香煎鵝肝配自家製醬汁厚厚的鵝肝，煎至焦黃，放在烤脆麵包🍞上，淋上一些自家製酸甜醬 ，肥美柔軟，入口即化，兩片蜜柑和海藻，平衡油膩，錦上添花。💯5，美國🇺🇸頂級牛🐮肉煎牛🐮柳又是另一個焦點，七成熟的牛柳粒外香內嫩 ，只用少少黑椒，就是牛柳的最高境界。蒜片，醃昆布，洋蔥就是最好的配搭。😋😋6，櫻花蝦炒飯櫻花🌸蝦，雞🐔蛋，米飯🍚差不多是一比一的份量，煎香的櫻花蝦在炒飯裡跳動，這飯能不好吃嗎7，麵豉湯/漬物醃牛蒡和羅蔔是我的最愛，配麵豉湯也是一絕。🤗🤗8，日本🇯🇵脆脆醬銀牙特製的日本芝麻醬料放在炒好的銀牙上，普通的芽菜頓時升了好幾級。9，巨峰冰粉精瑩剔透的冰粉淋上巨峰葡萄汁，香甜清爽，鐵板燒的最佳尾聲。🥳🥳
继续阅读
環境5分：上電梯已經可以望到外面風景，非常興奮，天后頂樓餐廳個景冇得輸，裝修骨子，室內光猛，吧位對住個廚房，望住D師傅煮野一目了然，畀硬五分。衛生5分：地方企理乾淨，廚房衛生，一樣滿分。服務5分：服務員同師傅都一樣咁爽手，不停加熱茶同介紹食物，非常專業同好招呼，服務滿分。味道5分：1) 季節前菜三點有清甜嘅京都豆腐拼栗子，酸甜醒胃嘅蟹肉拼沖繩水雲，同香濃嘅慢煮鮟鱇魚肝拼鱈魚片。2) 刺身有四塊好香松露味又夠清潤嘅薄切鯛魚肉。3) 壽司兩件都調好曬味，完全唔使點豉油，右邊件大池魚壽司好肥美，左邊件鰈魚邊壽司好幼嫩軟滑，兩件都好惹味。4) 自家製漬物好清爽。5) 野生生猛龍蝦係澳洲龍蝦，由魚缸生勾勾拿出黎非常生猛，煮熟左食特別爽。6) 三文魚籽配北海道帆立貝刺生級嘅帶子燒到好香，加上超新鮮超彈口嘅三文魚籽好好食。7) 美國牛柳大大粒，好淋好有牛味仲好juicy。8) 鐵板炒飯睇住師傅生打D雞蛋炒，新鮮熱辣香噴噴，响面果D櫻花蝦非常香口同脆卜卜。9) 鐵板炒什菜好新鮮同爽。10) 季節濃魚湯係用鯛魚餚出，魚味非常之濃，熱辣辣非常好飲。11) 是日精選甜品係抹茶味布丁，個抹茶味又醇又厚又濃，中間果粒黑豆仲好甜。抵食5分：感謝祭限定大激賞鐵板燒套餐由原價每位$1150減到$800，有前菜，刺身，壽司，海鮮，靚牛，菜，飯，湯同甜品，豐富飽肚，抵食滿分。
继续阅读
生日飯 朋友話帶我去食鐡板燒「宴·鐡板燒」坐落於天后亨環頂樓呢度景色真係一流這天天朗氣清 藍天白雲望住維港海景食鐵板燒真係一件樂事餐廳有鐵板燒席前座位個人黎講食鐵板燒好鐘意坐師傅前面可以欣賞師傅的廚藝 這裡的師傅擁有多年經驗食材配搭方面花盡心思而每道菜上桌時都會詳細跟客人講解又會同客人互動令整個用餐體驗更加愉快深刻而且餐廳定時有推廣優惠宜家就做緊八折優惠$280呢個午餐價錢真係大癲另外仲可以優惠價錢追加刺身，和牛，鵝肝客人可以各取所需 我地就加左刺身刺身方面有3片師傅教我地先吃深海池魚池魚口感清新爽口然後是真鯛個人最鐘意來自日本九州既鯛魚配上白松露油、淡雪鹽及食用紫蘇花魚肉口感彈牙 而松露味好出最後就是經火灸過太刀魚 口感最實在 季節前菜是合桃小女子漬物即是魚乾加入芝麻合桃味道甘甜而帶鹹的開胃小吃另外有自家製漬物蘿蔔漬 口感爽脆 //南非鮑魚//鮑魚非常新鮮 未煮之前仍然生猛師傅只是以牛油烹調輕輕灑上黑椒 鮑魚口感爽彈入口味道已經好出伴碟配有咸鮮味十足的明太子醬沾上了明太子醬又是另一番風味個人黎講好喜歡另外有新鮮生菜配黑醋汁食完鮑魚可清清口感 //厚切牛柳//師傅會先問客人喜歡牛柳的熟度煎至個人自選5成熟 咬落有肉汁牛柳肉味濃 唔使調味已好好味喜歡也可以點少少鹽也很不錯//櫻花蝦炒飯//呢個真係大癲!海量櫻花蝦即炸 誠意十足櫻花蝦炒得香脆再打上三隻蛋炒飯米飯炒得乾身不油膩海量櫻花蝦令整個炒飯好香每啖飯都香口惹味 食得好滋味//鐵板炒雜菜//芽菜配上秘製日式醬汁惹味又多汁 //麵豉湯//師傅表示即叫即番滾果然係比一般餐廳更入味 //甜品: 自家製抹茶布甸//抹茶味好濃口感幼滑剛好中和了食完鐵板燒的飽膩感最後另加$30嘆緊即磨咖啡 看著海景整體整個用餐體驗無論是景觀，氣氛，味道，服務以至價錢都很出色留下一個好深既回憶
继续阅读
「宴·鐡板燒」坐落於天后亨環頂樓，遠眺維港海景，景觀相當一流，這裏的鐵板燒師傅擁有多年經驗，食材優質新鮮，配搭方面亦花盡心思，務求令道菜帶給客人視覺和味覺上驚喜，而且定時有推廣優惠 ，好似今日我和友人去食晚餐，原來午市和晚市做緊八折優惠，我哋選擇新鮮龍蝦牛柳套餐，都只係$800一位，非常抵食👍🌟感謝祭限定大激賞原價 $ 1150限定優惠每位 $ 800▪️季節前菜（3點）✨京都豆腐～配合清甜甘栗和芥末，清新美味✨鮟鱇魚乾～口感滑嫩細滑、入口即化✨柚子蕃茄～清新又清甜▪️白松露樱花鯛魚薄切鯛魚刺身比較淡口，配合淡雪鹽、白松露油，魚香味即時提升▪️深海池魚｜右口鰈魚邊壽司深海池魚，口感柔軟，魚味濃郁，而右口鰈魚邊經炙燒過魚油滿滿，相當肥美▪️自家製漬物這裏的漬物一共有六款，味道相當出色，個人最喜歡是苦瓜漬、蒜頭漬和蘿蔔漬，用不同的材料醃漬，作為開始鐵板燒前的小食相當不錯▪️野生生猛龍蝦（每位半隻）新鮮龍蝦即劏超級生猛，龍蝦新鮮爽口又彈牙，被濃濃的龍蝦膏醬汁包圍着，味道濃香非常惹味▪️三文魚籽配北海道帆立貝帆立貝超巨型，燒至生熟程度剛好，肉質鮮甜，配上帶甜香的醃漬三文魚籽、新鮮海苔、木魚清湯、味道超鮮味▪️美國牛柳厚燒｜薄燒薄燒牛肉質素極佳，五成熟入口鮮嫩，油花滿滿充滿牛香，包住香蒜和香蔥，真係滋味無窮，厚燒更加能食到牛油脂香，伴上海鹽、昆布鹽和香脆蒜片一齊食，牛嘅香氣和脂肪在口內爆發，真係超級好食▪️鐵板炒飯 櫻花蝦炒飯，用上日本珍珠米洋蔥粒、香蔥、日本雞蛋、醬油和香脆的櫻花蝦，炒飯炒得非常乾身，米飯和其他材料粒粒分明，飯粒帶點點牛油香，櫻花蝦味道香濃▪️鐵板炒什菜 ｜季節濃魚湯食炒飯配上充滿牛油香的炒雜菜和香濃魚味的魚湯 ，有飯、湯和菜，完美配搭▪️黑豆抹茶布甸最後甜品奉上濃香的抹茶布丁，口感香滑抹茶味濃郁，加上甜美的黑豆，非常唔錯▪️追加鵝肝 + $ 90見到隔籬枱點咗鵝肝厚身肥美，我哋又忍唔住追加咗，鵝肝外脆內軟，生熟程度剛好，配上黑醋醬汁和蜜柑，味道甜蜜和可以中和油膩感
继续阅读
[ 宴．鐵板燒 ]最近係網上見到天后站附近呢間鐵板燒居酒屋，晚市鐵板燒套餐有新鮮野生龍蝦、北海道帆立貝等，仲有刺身、壽司等每人先$800，性價比算高👍。✿ 感謝祭限定大激賞 $800/位前菜有3款季節前菜，當晚款式係醬油日本京都湯葉(日本豆皮)、日本水雲(海藻)配醋啫喱及靜岡縣番茄仔、汁煮黑海螺，開一開胃口😋。剌身🐟白松露櫻花鯛魚薄切來自日本九州嘅鯛魚，配上白松露油、淡雪鹽及食用紫蘇花，魚肉緊實彈牙，帶有微微鹹味。壽司🍣有深海池魚及鰈魚壽司，後者輕輕炙燒過，逼出魚油更香口。自家製漬物有牛篣、蘿蔔等，口感爽脆。鐵板燒（1）野生生猛龍蝦🦞師傅將原隻鮮活龍蝦即捉即劏拆肉，再以龍蝦膏、牛油等簡單調味煎香，龍蝦肉鮮甜爽彈😋。（2）三文魚籽配北海道帆立貝刺身級日本北海道帆立貝煎至半熟，表面放上醬漬三文魚籽，味道甜甜咸咸，底部有海苔汁更加帶出帆立貝鮮味👍。（3）美國牛柳/ 西班牙黑毛豬 🇺🇸🥩牛柳可選薄切或厚切。薄切牛柳夾住蔥同蒜片，而厚切牛柳煎至個人自選7成熟，咬落有肉汁，肉味較濃，點少少鹽都好夠味。（4）鐵板炒飯🔥🍚蛋炒飯米粒均勻，表面灑上經油爆嘅脆脆櫻花蝦，每啖飯都香口惹味😋。（5）鐵板炒什菜🥒銀芽配上醬油炸蒜粒，味道甜甜脆脆。吸物🥣季節濃魚湯熬煮至奶白色，熱辣辣飲零舍濃郁鮮甜。甜品🍮是日精選甜品係 自家製抹茶布甸，抹茶同埋奶味比例剛好，口感幼滑。總結🫦 晚市鐵板燒套餐有新鮮野生龍蝦等近10道菜式，每位先$800性價比算高。餐廳有鐵板燒席前座位可以欣賞師傅廚藝，位於大廈24樓可以飽覽維園景色。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿宴．鐵板燒 地址：天后電氣道54號亨環‧天后24樓電話：2332 6200 / WhatsApp 6790 6894✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
继续阅读