家上海 (形點 I)

营业中

休息中

星期日和家人一同午膳，叫了五道餸，麻香雞絲粉皮、松鼠桂魚、金牌小籠包（六件）、乾煸四季豆、滬式醬油新牛鬆炒飯及生煎包。幸好午市沒人排隊，平日見好多人排隊，不過今次食，覺得食物比過去難食.松鼠桂魚好腥連炸魚及濃尾醬汁都未能蓋過腥味，可想而知條魚新鮮極有限😟金牌小籠包（六件) 好食的麻香雞絲粉皮比較細碟，味道可以滬式醬油新牛鬆炒飯太油，味道太重乾煸四季豆不過不失.最後叫了一份生煎包，沒有拍照。底部好燶，但包卻未熟透，只食了肉饀便不要了。.樓底雖高，但有很多射燈，實在太熱了🥵.整體評價其實每次食完後喉嚨都會感到乾癟，除非家人想食，平日都不會去食，但這次的食物質素中下，實在不想再幫襯呢….

今次帶大家黎試下元朗yoho排隊上海菜家上海每次行過都會有人排隊，今次終於有機會入去試試佢咩料眼闊肚窄既我嗌左女多野！有烤麩，酸辣湯，蔥油淋子雞，小籠包，螞蟻上樹！烤麩好入味好香，好好食酸辣湯調味剛剛好，酸辣都好適中正呀蔥油淋子雞略嫌不夠味，比較清淡，但係雞肉煮得幾嫩滑，唔差小籠包又係好出色，外皮煙韌，肉同湯汁好正，唔會死鹹，肉都新鮮，冇雪藏味最後講講個螞蟻上樹，粉絲色澤好靚，味道都好食，但略嫌材料比較單調，唔夠多

今日星期五收工咗之後同屋企人慶祝生日，一直都諗唔到食咩 原本諗住食老掌櫃。但係去到之後發現好full又冇片皮鴨食因為冇預訂，所以就去咗呢間家上海 發現都幾多人排隊 我六點去到發現七點先有得食 入到去加上佢原本諗住嗌片皮鴨，但係原來佢都冇買不過唔緊要我就嗌咗佢最新推出嘅蟹粉小籠包同埋原味小籠包一個上海粗炒同埋炒年糕同埋一個燴豆腐嘅豆腐做得好出色外皮雖然唔脆，但係好入味啲豆腐又好滑 然後嗌咗一個水晶肉 個水晶肉做得幾好食，喺出邊好少地方有得食，然後最後叫咗個甜品係山水豆腐花，雖然要$68一桶，但係都算係OK嘅不過唔稱得上物有所值我自己就唔會再嗌，因為有啲貴 。 講返佢啲食物佢嘅蟹粉小籠包真係有啲蟹肉喺度 但我比較鍾意佢嘅粗炒同炒年糕 佢嘅炒年糕一啲都唔油 下次嚟嘅時候可以再嗌下佢嘅牛肉麵可以啊

今日喺YOHO食飯周圍都好多人，我見到家上海永遠都咁多人，我就去咗攞張飛先諗住同屋企人一齊食。終於等咗一個半鐘之後就有得入去食，首先當然叫咗佢最招牌嘅小籠包！見住啲師傅即刻整都覺得好新鮮一送到嚟嘅時候熱辣辣一咬入去啲汁爆曬出嚟真係好好味！然之後仲嗌咗一個紅油抄手炒飯齋菜炒年糕擔擔面紅水晶肉。要讚一讚佢所有食物都好熱，同埋嗰個水晶肉唔係周圍都有得賣，通常以前我永遠都會喺鼎泰豐度食，但之後鼎泰豐都冇咗，竟然俾我搵得返香港仲有地方買呢啲水晶肉！再講佢個炒年糕唔算太油膩，我一個人都食得晒半碟😍係一個位有少少失望佢啲冷氣唔係好夠凍同埋有限時，下次希望唔使等位等咁耐嘅話我都有機會再嚟食試吓佢嘅甜品都好😁

今日午餐去咗家上海，整體用餐體驗都好滿意。其實經過呢間店好多次，每次都見到好多人等位，今日終於黎食！我哋叫咗雞絲粉皮、牛肉餅、蘿蔔糕、小籠包同排骨麵等，每款菜式都有唔同驚喜。牛肉餅最為出色，熱辣辣上桌，外皮薄脆鬆化，入面肉汁豐富，咬落去感覺非常juicy，口感一流。小籠包嘅表現同樣令人滿意，個皮唔會太厚，入面仲保留住豐富嘅湯汁，每一啖都係鮮味十足。至於蘿蔔糕，入面嘅蘿蔔絲味道濃郁，質感爽口，幾好味。排骨麵嘅排骨肉嫩滑，麵條彈牙，湯底清甜，非常滿足。除咗食物質素高之外，餐廳嘅環境都值得一提，空間寬敞，坐得幾舒服，非常適合慢慢享受一餐。服務方面都唔錯，侍應態度親切，點菜同上菜速度都好快。雖然餐廳有1.5小時嘅用餐限時，但今日人流唔多，我哋食夠鐘都冇被趕走，食得幾放鬆。總括嚟講，家上海無論係食物質素定環境，都係值得推介嘅，尤其適合鍾意食上海菜嘅朋友。如果你想喺舒適環境下享受上海菜，不妨考慮嚟呢度試下。

外賣了壽包給家人慶祝，師傅做的壽包很有心機，精美，服務態度好細心，張經理教我點樣儲存壽包係最好👍👍👍雖然未試過門市吃他們的上海菜，有機會一定會試，會介紹朋友

不論假日還是平日的晚市都要等位，足夠證明是有質素有棒場客。而餐廳內亦有落地玻璃，空間感十足！今晚一家人一齊食飯，可以叫更多Item Share ：麻香雞絲粉皮：粉皮晶凝通透，食落質感彈性；配合著麻醬味極濃，很開胃的前菜。金牌小籠包：一籠6隻，每人一隻唔洗爭！皮薄，但不易穿，而且內有熱辣辣肉汁，新鮮蒸好即刻出爐！上海粗炒：經典上海菜！唯略油，而且麵質較硬。但整體份量及色香味是很不錯。鐵板灌湯生煎包：有四隻，用鐵版奉上。正常生煎包味道，內𥚃亦是十分新鮮的豬肉！ 而生煎包底部是用鐵板保留了温度，且吃落有點脆。張大千紅燒獅子頭：兩個大大舊獅子頭，汁濃味配白飯一流。整體用餐一流， 見到午餐Menu會更平，下次有機會再食。

第一次試家上海。5:15已派第一張飛，但冇入，至6:15再walk in ，啱啱最後兩三張吉枱，限時食90分鐘。餐牌很多選擇，今次選擇家上海的原因是有素食及植物肉款式，都有很多款式，啱晒同行食素的人。我們四人叫了四個麵加幾個餸，價錢視乎款式而定。不算便宜但也算值得。至於最不滿的便是冷氣，入口好少少，再入中間近廚房的幾張大枱好熱，多人枱食飯的要預咗不夠冷氣。我們四人是坐再入些的六人枱，𥚃面加了個移動冷氣，有人覺得可以，但我自己覺得還是熱，自備小風扇又好些。 整體來講不錯，下次會再幫襯，試其他款式。

家上海位於Yoho Mall 形點商場，主打上海菜，喺商場最旺食肆之一，經常要等位。星期一至星期五2-5pm設有六款下午茶套餐$7️⃣8️⃣免茶芥，但要加一未夠2pm門外已經有人排隊準備食下午茶😆🥢四喜烤麩上海風味，醬油偏甜。四喜烤麩要先炸再炆煮，工序頗為繁複，出街食就最好😆🥢排骨菜飯香脆炸豬排，外脆肉嫩，菜飯是炒過的小棠菜粒和米飯，充滿香氣，但比較油膩，不夠乾身。是日消費$8️⃣5️⃣已加一

家上海食物質素往往可保持水準。 今晚要讚一讚敬業樂業的經理/部長戴眼鏡先生。 好耐無感受到一間餐廳有誠意態度既員工。他真是以身作則。態度又好、成日周圍望下每張枱食客有冇特別需要。 埋單時，都會特登記一記你貴姓，再同你講拜拜。咁好既員工，公司唔該表揚下。 真心值得欣賞！

過往食雲吞雞都會有侍應幫忙分好，今日個侍應放低後就雙手放後企一旁，眼見滾緊既雲吞雞，咁惟有自己起身分…侍應見到當見唔到，之後行過見到我地添加，好似老師巡學生考試咁，其實，咁點解仲收我加一服務費？

六點半多拿飛等位, 大約等十張枱, 由於食飯限90分鐘, 所以都唔洗等太耐就有位, 入座後服務員問我哋要乜嘢茶, 有普洱鐵觀音香片龍井同人參烏龍, 我揀左人參烏龍, 茶都夠熱飲落有少少苦味😅, 等左一陣水晶肴肉送上, 有d醋可以点, 由於是冷盤, 所以食落幾舒服亦唔油😽 然後送來紫薯腿茸上湯白菜仔, 紫薯唔係好甜, 有d蒜子食落好香😋 白菜仔浸左d湯幾好味😍 然後送來蓮香蜜餞火方, 再送來宋嫂魚羹, 先食魚羹, 店員幫手分配, 食落夠熱, 有d木耳有d芫茜, 亦食到有d魚肉, 每啖都食到好足料, 食落有d似食緊碗仔翅同蛇羹😆 二個人每人可以有兩碗多少少👍🥰 然後食蓮香蜜餞火方, 個包好軟熟, 夾住入面的金華火腿好香好味亦唔油, 最後食雪菜黃魚煨麵反而有少少失望, 碗麵份量唔少, 食落幾香魚味👍🤩, 不過黃魚整得太細粒, 食落感覺無敢好🤔 如果魚大塊d會更好食, 之後埋單610元, 查實真係唔平🤣 中價位, 不過服務同地方係不錯😸

入元朗行街，試咗間上海菜非常好食。誠意推薦俾大家。我哋order咗🍵茶水💰13🥬前菜💰15🐥脆香樟茶鴨（半隻）💰178呢款菜以鴨為主角，外皮烤得金黃酥脆，一口咬落去，香氣四溢。脆皮之下嘅鴨肉肥美多汁，入口即化，真係好滋味。樟茶嘅獨特風味融入鴨肉入面，散發淡淡嘅木香，令味道更加豐富。🐥麻香雞絲粉皮💰68粉皮嘅質感軟滑，配以麻辣雞絲，味道豐富。啲雞絲鮮嫩多汁，夾雜住香辣麻醬，帶嚟一種辣而不燙嘅風味。食落去，辣味同麻味夾雜，令人上癮。加埋啲脆口嘅蔬菜同香菜，增添咗層次感同口感。🔥蓮香蜜餞火方（四件）💰138係一個非常特別嘅小吃。佢嘅外觀金黃酥脆，一口咬落去，層次感十足。蓮蓉嘅香甜味道同餞皮嘅鬆脆口感完美結合，令人愛不釋手。呢個小吃嘅特別之處喺於蓮香味道，帶嚟一種清新嘅蓮花香氣，令人感覺好舒服。而且佢唔會太甜，適合唔喜歡太甜食物嘅人享用。🍌高力豆沙香蕉(四件）💰60呢個絕對係一款口感豐富嘅點心。香蕉嘅甜味同高力豆沙嘅濃郁味道完美融合，帶嚟一種迷人嘅滋味。高力豆沙餡軟滑細膩，配合著軟熟嘅香蕉，每一口都帶來滿滿的滿足感。不論係蒸或者炸，高力豆沙香蕉都保持著其鮮美的口感。食落去，豆沙的香甜味道與香蕉

呢間好似好多年前，在這個商場新開時，就已經喺度，估唔到隔咗咁多年，冇10年都8年，它竟然屹立至今，相信一定有返咁上下功夫。未睇埋單幾錢之前，有好多味餸你一路食都覺得好正，不過買單發現都要千幾接近$2000 ，九個人吃，三個家庭，即是每個大人要差不多$300人頭費用， 確實不便宜。呢個腌篤鮮湯，就真係鹹咗啲，先唔論佢有冇味精，始終因為底下那些是金華鹹火腿，另外有些豬腩肉，加了些白竹，因此湯底味道難免還是有點鹹，大人喝都還可以，細蚊仔飲的話，好像太鹹太濃，不過味道還是可以接受的。花雕豬手、鮑魚，鮑魚細細塊，彈牙得來相當入味；豬手亦都入味，骨膠原補充，彈牙得來有肉，質素一流。蜜汁火方，我之前可能只見過這個字眼，從來未試過，原來是一個好像台式刈包，中間夾一層不算太鹹的中華火腿，然之後旁邊有一大碗蓮子煮成的蜜糖汁，通常這些汁都不會太過濃甜，但是這個包浸在帶甜味的蜜糖裏邊，帶點蓮香亦都帶點兒香氣，味道新穎。淋子雞，雞肉夠滑，不會顯得太過老，味道帶點煙燻，帶點豉油雞的香氣，雖然不算太大，但亦都不算太差。煎小籠包亦都是另一驚喜之作，外皮非常薄身，放在煎鑊之上，原來內裏爆汁，肉質非常多，不會比普通小籠包

家上海晚市長期好多人幫襯今次趁晏晝食個下午茶🥢下午茶餐A薺菜肉絲炒年糕朋友食完個擔擔麵，我個炒年糕先到，等左咁耐，以為係熱辣辣炒出嚟，但係原來係暖，而且肉絲少得可憐，味道比偏淡👎🏻清滋小排骨有5粒糖醋骨，甜酸汁味道幾好，作為冷盤幾開胃🥢下午茶套餐D上海擔擔麵🍜新鮮熱辣湯底有花生醬味，正常水準金牌小籠包四件小籠包裏便好多湯汁，最好食💰埋單$171