家傳滬曉

营业中

休息中

因為訂了位置所以不用等(早已在多個星期前訂)先來4碟前菜但大家因肚餓關係食咗d先影銀絲卷未夠一絲絲但不太差小籠包唔錯多汁之後等咗半個鐘都有仲未見套餐其他菜就催侍應快d上跟住連後加的2籠小籠包到了還未見其他菜水餃沒有食但其他人都說不錯翅就係套餐的得6碗湯都夠鮮炒東星還好荷蘭豆炒蝦仁 蝦係雪蝦冇味都較油不太好還有糖醋魚/ 填鴨同糖水由8點食到10點似足去飲咁耐

今天入大埔去探朋友的BABY 晚上朋友請食飯一起試試這間新開的餐廳 看看好不好吃朋友訂了台 一到就有位子囉 裝潢很新侍應們很有禮貌 悉心的為朋友的BABY安排椅子我們各自有餐牌內選了自己想吃的 就成為今晚的菜單淆肉:: 擺盆很美 涼涼的淆肉 看起來好像糕點喔吃起來 上面的就像是JELLY 下面就是綿綿的肉件菠菜燴什菇:: 什菇沾了菠菜的上湯味 好香喔!!牛柳粒炒年糕:: 很大的盆子 只有中間一個小窩份量少得可怕 牛柳不太像牛 年糕切成很小一顆 沒有口感干煸四季豆:: 好香好濃的調味 但不會太咸 好好吃喔!!小籠飽:: 皮薄薄的, 每顆小籠飽裡面都充滿湯汁~ 而且不會太油 不會太咸 好吃耶~~~片皮鴨(1食):: 師傅在旁即場為我們切片皮鴨 排得美美的只是味道一般 皮沒有很脆 肉有點乾 沒有肉汁炒鴨絲(2食):: 平常2食的炒鴨絲都是比較油和咸的但這邊的炒鴨絲不會太油也不會太咸 拌芽菜一起炒 好香!!蛋白炒飯:: 味道不錯的蛋白炒飯 GOOD !!!新開的店裝潢都是比較好 而且侍應生服務不錯 讚賞!!!

大埔自一田開業之後，都同時有些大型連鎖餐廳加入。家傳滬曉也殺入大埔，實行在這區分一杯羹。由於阿婆住大埔，很自然地會去開餐，仲入埋會。入會係幾抵嘅，雖然要俾會費$980，但入會即送$400現金voucher，以後用餐都有折。仲送本優惠冊，都好多優惠嘅！上星期六，我都入大埔，所以就有得一試。整體水準不錯，在大埔要找間像樣的酒家是很難的，但家傳滬曉食物質素較好，環境及服務都較其他酒家好。眾多食物之中，麵食類最不推介，因佢地所用嘅麵質地唔靚，好淋，一點都不彈牙。其後包類及鍋貼就不錯。

話說朋友H黎緊生日,而呢間野新開張未食過~~所以我地3個人走左去呢度開飯喇!!由於朋友L唔使返工~~大約7點15已經去攞位LU!都要等成7張枱,鬼死咁墟HUM!!等到7點45先有位~~拿拿聲衝入去嗌野食!我地雖然得3個人, 但叫左5樣野!!雞絲粉皮 : 搞笑地個汁竟然辣辣地架BOR!! 不過粉皮好厚!!又痴埋一舊咁, 唔似得其他鋪做到透明好薄既效果!紅油抄手 : 今次又係辣野! 雖然望落D辣油好似好勁咁, 不過食落又唔覺好辣喎! 入面係菜肉雲吞餡,味道都OK!擔擔麵 : 仍然都係辣野!!XD 但好香花生味~麵唔會煮到一PAT咁,夠煙韌!小籠包 : 最期待既ITEM!! 果然冇令人失望!! 一咬開少少, 好多肉汁已經流哂出黎!! 皮都好薄!! 入面D餡好滑口, 冇根冇渣! 正呀!!上海粗炒 : 同其他鋪食既都係差唔多, 不過佢D粗炒斷開哂, 碎濕濕咁好難夾....配菜仲多過d粗炒..整體味道唔錯, 可以再幫襯!!我地食完正餐之後, 由於朋友L神秘地買左蛋糕,就係個度食埋~~不過要收30切餅費!!都理解既~~始終咁樣變相我地HOLD人張枱成晚~俾多30蚊都可以接受既!最後我地坐到成為

入大埔買東西, 由朝到下午都冇食過野, 拿拿聲搵間坐得舒服的食店醫肚先~ 由門口望入去, 已見裝修雅致~ 內進坐低, 更覺憩靜舒適~ 冇諗住一個人來, 侍應都會問我飲咩茶, 冇諗到專開壺茶給我, 相信與朋友慢慢嘆茶傾計, 必會坐足大半天~當侍應放低碗時, 真係會"嘩"一聲, 個碗口應該是大過我的臉, 很大碗啊~ 湯: 我點了少辣, 的確不辣, 花生/蔴醬味不重, 最精彩的是湯裡有很多很多蝦皮&榨菜粒, 蝦皮多到像在整碗湯中游水, 蝦皮&榨菜粒令湯更香, 更令湯不膩~ 麵: 不會太腍, 吸了湯汁, 這麼大碗我都能整碗完成~ 排骨(豬扒): 見到豬扒是另上, 已經覺得很細心, 大多其他上海食店都是把豬扒放在湯麵上, 今次終能吃到豬扒的香口, 肉雖不是很嫩滑, 但幸好都不"鞋"~ 在另一張菜牌上, 是專介紹蟹粉點心/菜式, 例如蟹粉小籠包, 蟹粉菜餃, .........等等~ 所以都想點其中一樣來嘗嘗~就是被菜牌上可愛的相片吸引, 便點了這個蟹將軍~ 外皮超超超級脆口, 比平時酒樓吃到的春卷或咸水角都要更脆口, (建議不要上枱便立即夾來吃, 因會烘親咀仔), 內裡雖不知是否這季當造的大閘蟹