家嫂一家大小

营业中

休息中

衣家隨意搵間放題都差唔多$300一位，呢度$4XX不過無限時，而且食物質素又真係高幾班，一班人想食吓野傾吓計唔洗趕頭趕命，真係揀呢間似乎更實際，而且呢間不限時火鍋放題真係好多野比你揀。小食都有15款，以下係其中3款︰蜜糖芥末醬燒青茄、辣酒煮花螺、香辣小菇。飲品方面除咗有罐裝紙包裝嗰D大路野之外，佢仲有D手沖野，都幾正。佢呢度係先食日式刺身，然後到雞煲，之後先至正式打邊爐。打邊爐D配料又多又新鮮，最正係連D海鮮都係任叫任食。我地差唔多樣樣都叫晒(好似只係無叫午餐肉、烏冬同出前一丁)，樣樣都唔錯。可以由黃昏6點食到晚上10點30分，開開心心無壓力。

今次同屋企人一齊嚟再食家嫂，水準依然👍前菜同之前有少少唔同，有幾樣都幾好食，款式比以前多，試咗幾款，招牌炒蜆，冇影晒出嚟。秘製香脆花生，呢個花生我幾鍾意食，夠香脆又辣辣地。呢個皮蛋，上高有啲酸薑蓉、酸蘿蔔，配埋一齊味道唔錯。明太子螺肉，上面有啲芥辣沙律醬配起嚟味道都幾好，好開胃。燒鰻魚，都算肥厚。鹽燒雞中翼，燒得幾靚幾香口。松露蝦多士，賣相都幾好，不過上面嘅沙律醬多咗啲。椒鹽白飯魚，呢個略嫌唔夠香口。刺身拼盤，每一款都好冰凍、好新鮮，要留意嘅係佢有新鮮嘅沙律菜半碟，可以食埋。食完小食同刺身之後，就輪到雞煲。屋企人就嫌啲雞嚡咗啲、同埋切碎得滯，所以我係食得最多雞嘅一個😂。我覺得味道幾好。上咗個海鮮火鍋拼盤，全部海鮮都幾靚就幾新鮮，鮑魚仲係郁嘅。蟹係最鮮甜就最好食嘅😋薄切肥牛，食到呢度其實已經好飽，比平時食火鍋今次食嘅牛肉算係最少。家嫂當然仲有好多自己煲嘅飲品、7:30後有紅白酒、日本清酒任飲，冇影晒出嚟。總之，家嫂嘅任食雞煲火鍋，係我最讚賞嘅，而我亦會推介俾我嘅朋友。四百幾蚊、又咁多嘢食、食物質素同環境都好好，而且服務都好好，所以每次嚟都見到好多人。今次帶埋屋企人嚟佢哋都好滿意😊

一上到去感覺坐位舒適，環境企理。坐下後有職員過來詢問是飲茶還是放題，我同朋友一早傾好咗是來食放題的，所以我同職員講是放題，之後她就遞上放題的點心餐牌和火鍋餐牌，並問我哋要唔要先叫啲點心食住先再介紹埋出面飲品區同調味料區。飲品除特別嗰幾款外，全部都可以在雪櫃自取，而特別嗰幾款就可以叫職員幫手落單。（不需另外收費）我記得來招呼我們的服務員一來自我介紹，之後再介紹一次佢哋成個用餐過程，先上刺身後會轉雞煲最後會轉火鍋，刺身就每枱只有一份，而雞煲同火鍋都可以無限添食，即妳可以食完雞煲再加雞煲唔轉火鍋，但就唔可以雞煲、火鍋、雞煲、火鍋咁轉來轉去，啲刺身好新鮮，特別推薦蝦刺身，又大隻又鮮甜，到火鍋時有海鮮拼盤，裡面有鮑魚、蠔、聖子、花甲...我哋淨係海鮮都叫了三轉，真係食海鮮都食到飽，仲有牛同豬，由於佢嘅海鮮實在太出色，所以牛同豬就變得平凡不過了！由於放題是不限時，所以好適合一班朋友邊食邊傾今次朋友真係無介紹錯朋友話有折所以最後每位比佢寫出來個價錢更平

同事farewell, 一行12人，比左半開放房，逼逼地。魚生係ok既。雞煲就唔得，冇肉既，全部骨，好似大陸甘。啤酒係貴啤，神泡，可以。ice cream 係 korea 普通野，唔係大牌。但火鍋D牛就好差，係快餐店級，類似合成既，即係塊肉一半紅，一半白。間野9點半就last order，以火鍋來講，好少見。 10點半就叫你走，10點9就勁追你走，so bad。 真心唔推薦，市面上平過佢，好過佢既有得選擇。埋單一人平均4百中。以呢個牛既質數，唔值。

火鍋放題加埋一大約450蚊一位，價錢略高，不過物有所值，因為冇限時間兼且任飲任食嘅各樣嘢質素都算高。醬料枱又睇得又打得，你諗到同諗唔到嘅醬都有見到。除咗一般嘅罐裝飲品之外，佢仲有杯裝飲品包括茅根竹蔗嘅傳統火鍋飲品，到台式水果茶等，另外就係asahi罐裝生啤任飲都算走在時間尖端。一開波嚟個刺身然後再食雞煲之後就有個海鮮盤開始打邊爐，如果細食嘅朋友已經打爆咗，當然仲有其他配料啦。佢啲海鮮仲係可以refill，超勁。差啲唔記得佢仲有好多款餐前小食又係任叫任食嘅，當然如果你細食嘅話呢一部分就唔好亂嚟。

呢間火鍋放題真係堅，雖然要四百中一位，無張限時，可以食到佢收工，真係物有所值，五人以上有架超級無敵刺身船跟餐餸嘅，要兩個侍應一個搬頭一個搬尾咁托過嚟，誇張到爆。架刺生船最勁就係有海膽。餐前小食都有15種畀你揀，當然我哋梗係係咁已食少少啦，留返個肚食後面啲海鮮，因為佢連海鮮都係飲叫嘅，唔似其他地方只係出一盤。小食之後打邊爐之前仲有個雞煲畀你食，我啲friend係咁食，而我就一件都冇食過，留返個肚。佢啲海鮮有鮑魚、龍躉片、貴妃蚌、珊瑚蚌等，豐富到痴咗線。佢啲煲都幾靚㗎。另外佢啲飲品都唔惹少，除咗罐裝飲品之外，仲有呢啲杯裝飲品，超多款任你揀。

一星期前已訂今晚放題歡送親友, 今早還向店舖確認到店時間, 一直沒有問題；11點多才收店舖經Whatsapp通知, 因店舖爆水管漏水店舖水浸, 需要停業一天, 只通知可保留訂金或退款, 但沒有安排客人轉到其他分店！本人主動要求轉到其他分店但完全沒有人回應, 沒有人跟進；唯有自行打電話到其他分店但已全部爆滿, 令到大失預算,！食店危急處理安排完全欠奉, 沒有理會客戶體驗, 服務水平低劣！最後急忙通知所朋友取消, 大為掃興！

*要分享這不快經歷給人参考*我們一行13人，已一早預約7/9晚餐放題做生日飯，由於我們要就家人收工，所以留座時間是7點(晚市時段5:00~9:30)一開始同午市一樣有壽司船→雞煲→任飲清酒要7:30才開始→最後上任食火煱，點知好奇怪，只係上2盆海鮮盆(海鮮有鮑魚，聖子，蜆，魷魚圈，蚌，魚片，急凍蠔..)牛肉和菜盆各一份。由於我巳經係尖沙咀分店食過2次(中午放題).所以知道海鮮是可以任叫的，但係當我地order鮑魚和聖子時，職員竟然話：冇晒啦！唔係掛，我地2盆海鮮份量，按人頭都唔夠分啦！你地唔係先按人頭數量留貨咩？點會冇呢？問極職員都話賣晒……由於是生日飯，不想爭辯，(心諗：記然係咁，按$500位計，外面仍有好多選擇，這間不再有下次。)*要分享這不快經歷給人参考*

疫情後期食覺得好好！侍應有禮食物質素中規中矩。但今次去完真心唔會再幫襯！大佬！滑牛打邊爐夠膽收$4xx! 貝殼類海鮮大部分有沙！四人枱坐得好迫！仲有坐到最入係收唔到電話！同枱朋友分別唔同台都係收唔到。食既途中不斷埋枱話要上下一樣要夾起曬落骨碟問題係每樣野放落枱唔夠5分鐘要收起！刺身船落枱唔夠10分鐘又話要收夾落骨碟keep唔到凍！到上雞煲象徵式滾兩野5分鐘又要夾起落大碗！凍曬都唔好食！….成餐飯就係趕收工咁！蝦多士叫極唔到！冇下次！仲好意思收人$500個頭！不如執咗佢啦！

8月31號原本打算開開心心陪爹哋媽咪食一個好多嘢食嘅放題，點知一開始嘅前菜蝦多士及炸矮瓜已經要叫好幾次先至送來，一直麻煩侍應們，他們都好有耐性，已經在他們的手機系統上幫我們落單，但是食品遲遲沒有出來。吃火鍋的時候最生氣，北寄貝及貴妃蚌，全部都有沙，一直希望多點一碟牛肉，叫了三次等了一個鐘頭也沒有來，他們雖然是寫無限是任點任食放題，但是根本他們內部就是在控制食物的數量，只是一碟牛肉都可以不送出來，之後再叫蟹，都要等半個鐘，希望跟他們的管理層溝通，餐廳侍應說沒有經理在場，雲吞、手工丸及炸枝竹都很難吃。如果不能大方把客人要求的食物送上來，倒不如不要叫自己做任點任食放題餐廳

香港人不嬲鐘意打邊爐🥰依一間任食火鍋一定令你開心難忘🌞肚皮大滿足😌PART 1 小食🍿：打邊爐之前 小食嘅數量已經令人目不暇給 仲要可以無限order 🥰🥰🥰當中小編私心推介黑松露蝦多士同酸薑皮蛋🫚PART 2刺身船 🍣: 刺身船真係好浮誇 一張大枱都放唔晒 😏三文魚，海膽，八爪魚油甘魚都有 🥳仲要全部都勁新鮮 😆打卡一流 PART 3雞煲 🐔: 雞煲好入味 仲有蜆肉喺入邊 ☺️不過唔建議食完再加雞 😙因為好戲在後頭 🤩PART 4 火鍋 🥘： 打邊爐最緊要係個爐 🍲佢個鍋真係好靚而且夠大 🤩可以一次過放好多食物落去 火鍋同樣主打海鮮🦞，每一款海鮮都好新鮮仲識郁 🫣鮮味十足！依家仲可以訂位時預留埋每日限量花膠湯底 食完皮膚即刻Q彈Q彈🏋🏻Ps. 餐廳仲有提供紅酒白酒清酒任飲，但由餐車送出，所以要留意住佢幾時出車 ⛸️😋: ⭐️⭐️⭐️⭐️💰:⭐️⭐️⭐️⭐️家嫂一家大小 尖沙咀堪富利士道8號格蘭中心3樓

一次唔錯的gathering, 第二次係度食dinner 。 沒有前面講的咁伏。1. 青蟹好新鮮， 推介2. 刺身/魚子醬okay，但只有1st round3. 呢個價位， 有咁的食物水準都okay，坐得舒服😌好啱朋友吹水刺身船5人以上現有，好啱打卡。沒有menu，第一round 什麼都上一D，啱食再落order。 可能有人覺得唔慣，先俾差評

當日和朋友三人一起去吃，甫坐下已覺得前面送贈的小菜算得上不錯，並非一些放題要來塞你肚的差劣食物。看看菜單原來他們是有做點心的，難怪師傅有水平。雞煲還不錯，起碼不是某些放題那種除了雞和醬什麼都沒有的雞煲。自製飲料選擇頗多，有四至五種特調，雖然算不上特別好飲但有水果之類，算是加分項。啤酒有Asahi super dry，而且完全雪係冰入面！非常棒。刺身船亦漂亮！師傅審美很好。海鮮種類不錯，有挺大的九孔、蟶子、扇貝等等，新鮮程度亦上佳，有隻九孔竟然還在動...... 不過服務方面的確有所欠缺，作為放題竟然無人告訴我有什麼東西可重複叫，菜單亦無寫，直到我主動詢問。中午食三百幾算好抵，晚市四百幾算OK

任食火鍋又多咗一個選擇。位於尖沙咀嘅家嫂一家大細火鍋放題，可以滿足你三個願望，打卡、雞煲同埋任食邊爐。舖頭主打冇限時任食火鍋。同過朋友和同過同屋企人嚟食，其實食物質素唔差，選擇好豐富。而且冇限時，最早五點入座可以食到10點，好適合同朋友聚會傾偈。 訂座五位或以上就會有刺身船，第一次食嘅時候，真係覺得好震撼。成張枱咁長嘅海鮮船，要兩個人先抬到出嚟，上面有各種刺身同海鮮，按人頭分配。刺身基本上食過幾次，質素都好穩定。會有唔同嘅時令海鮮，每次都有新意。一開始入座嘅時候會有數款小食提供，蝦多士同埋紅糖糍粑就係我嘅最愛。小食食得差唔多，就可以叫店員上刺身。刺身只有一轉，冇得refill，食完刺身就會上雞煲。雞煲可以揀辣度，但未算好吸引，味道中規中矩，如果細食嘅朋友建議可以省略雞煲嘅環節，直接上火鍋。火鍋有唔同嘅湯底選擇，第一次食建議揀花膠雞湯鍋。湯底濃郁，會有黏口嘅感覺，用嚟打邊爐都好夾。店員會先上一盤海鮮、蔬菜盤、餃子手打丸拼盤同埋炸魚皮枝竹。海鮮種類繁多，鮑魚、蝦、貴妃蚌、魷魚、蠔、珊瑚蚌等等…… 所有枱上嘅食物都可以任意refill。而夜晚7:30後，更加可以Order蟹。肉類方便，都有提

之前都有食開 覺得員工工作態度唔錯 又有禮貌 無諗過今次伏到咁樣 上次小食係刺生之前已經叫加皮蛋同炒蜆 到完左雞煲吹單先到到上雞煲 叫左多豬皮 到食完雞煲先上豬皮🙂再之後叫人 個侍應係唔知去左邊 叫好耐都無應 我好似差作錢咁 黑我面🙂‍↔️叫加鮑魚3隻 蜆同蚌1隻 到食完咁制都無上 先話無🙂埋單就識行到過黎收錢 其餘時間唔見人大佬我唔係walkin 我提早book檯架 你安排坐位無人做野 做咩要人坐果度呀 果度半價收費架？