密密燒

营业中

休息中

呢間嘢其實本身係唔錯，燈光嘅光暗度，座位啊都幾好，細舖嚟講唔算太迫，環境各方面係唔錯嘅，嘢食方便就強烈建議早啲拎出嚟解凍，因為試過嗌咗嗰樣嘢拎到過嚟，仲有啲冰喺面頭，呢個感覺真係唔太好，事前功夫如果可以早啲準備，成件事就會唔同晒。thanks

真係好少寫食評，但係今次真係一肚氣唔可以唔寫，唔想再有下一個受害者受害！平時都鍾意上下大陸消費，去深圳食吓串燒，今次諗住留港支持吓本地嘅小店，之前見IG出嗰啲片推介呢間，book mark咗呢間串燒，男朋友早幾日就帶咗我去食。先唔講間舖頭一啲都唔近地鐵站，要行上觀塘嘅山上邊，沿途非常多企街。。都唔緊要嘅。。我哋一心都係諗住嚟支持吓本地嘅小店，去到望入去舖頭環境極度昏暗，連燈都唔開多盞😑去到係用QR code點嘢食，食物選擇好少！飲品先係最大最大嘅伏，全部都係不知名嘅飲品，非常cheap !!隻啤酒飲到我哋勁唔舒服（食完第二日我地相繼病倒。。）嘢食全部都係冇味㗎，最好食係嗰個台灣腸，我$250一位嘅價錢過嚟食台灣腸？ ？ ？ ？牛肉完全冇牛味，超級超級韌，直程係咬完都吞唔到落去。。所有嘢食都係冇味㗎。。佢嗰啲調料同埋燒汁都係冇味㗎，總括嚟講。。我文筆唔好。。就係一個字難食！非常難食！我同男朋友都一致認為就算免費請我哋再去都一定唔會再食！！一次貼錢買難受嘅經歷，希望大家可以睇到我呢個食評避開呢一間咁嘅餐廳！！

第一次去摸左門釘，之後就book左位食😅💵任食串燒放題，$250/1人，冇加一餐廳格局有四至六人枱，都有啲二人位，適合唔同場合。入到去職員好快介紹左點用部串燒機。串燒係手機落單，飲品就出水吧自助，飲品種類選擇都算多，最正係唔同嘅冷泡茶🤓。🍖串燒就正常選擇，牛，雞，豬（大推），羊，鴨，海鮮，腸同丸，菜選擇就偏少。串燒本身就冇預先調味，而餐廳有提供燒烤醬，孜然粉等等。肉類水準都不錯，不過當然質素就冇出面串燒店嗰啲咁好架啦，無論係肉質定火候。望住啲串燒轉下轉下咁，係幾有趣嘅體驗。仲可以食住瓜子（免費嘅）同朋友吹水，二百五十唔加一黎講都算抵食，推薦大家試下！🙌🏻🙌🏻

友人話想試試這間串燒店，地點較難搵，最好在觀塘地鐵站出口行過去，會近d。餐廳燈光有d暗炎，可能想營造氣氛。我地用QR code點餐，食物選擇有點少，特別是蔬菜類。我們選了聖女茄，但是十分不新鮮，有點流水感覺，味道是怪怪的。另外，秋葵也是怪味，不新鮮，接近爛的狀況。另外，肉類方面都可以，雞翼不錯，朋友說豬頸肉燒得脆脆的，不錯。丸類也是不太滿意，也是有點變質味道。但是菠蘿是用罐頭的，所以不錯，夠甜。豆卜是唯一推介的，燒後十分脆，正！

落嚟這家店，首先係被這環保概念吸引。店家用可回收嘅鐵籤代替啲一次性竹籤，仲有飲品都唔會俾飲筒，係咁講就贏晒半截。坐低之後，職員就熱情拎串菇同腸仔嚟講解點燒，真係服務周到得滯。食物上嚟，嗰啲肉類選擇多到讓人眼訓開，啖啖肉真係贏晒。驚喜其中之一就係羊肉，平時個騷味會滲返嚟，但喺這裏做得好好，即喫得出嘅新鮮，連平時唔食羊肉嘅我都頂唔順吖。但係，蔬菜種類就稍嫌唔夠，希望下次可以有多啲新鮮嘅選擇。整體來講，食物質素同選擇尚算可以，但當中最正係個自動轉動嘅串燒機概念。懶人嘅我就最鐘意，唔洗喊得汗流浹背，就可以享受到好嘅燒烤樂趣。尤其係等串燒轉嘅時候，可以打下牙緊瓜子，咪係食飯時下嘅小確幸囉。下次想食串燒，呢度會再考慮㗎！😉👌🏼🍖

這是一個小店，目測可以座28人，六張四人枱，兩張二人枱。收費是成人$250，三至11歲小童$150。建議打電話訂位。坐下的時候會有QR code給你數點菜。燒烤爐是自轉式，有12個空位可以給你放串串。上面有一個架可以放。餸菜方面肉類方面雞豬牛羊鴨也有，有不同款式，質素不過不失。飲品方面有啤酒和汽水，種類是外面不想找到的款式，我私人推介青檸梳打和椰子水。環境也很乾淨度帶小朋友來也可以放心。駕駛人士在後面街也有錶位可以使用

完全中伏，昨晚想食串燒，諗起觀塘區佢開業多年嘅串串燒餐廳，所以打電話去問有冇位，$250免+1 ，7時入座，去到一個禮拜冇嘅肥仔帶我哋入座，掃QR code點食物，發現Menu只提供有限食物，叫咗嘅肉類全部都有冰喺表層。每張枱都有燒烤醬，但是溝到很淡味， 飲品方面只提供幾款，但完全不知是什麼牌子，一定是最便宜的飲品。識咁多間串燒未試過依家咁差勁，大家如果真心想食串燒，呢一間唔係一個好選擇，除非你冇要求。

第一次去食！無下次！所有野都係得一種味！ 就係雪藏味！啲肉攞出黎係雪到冰咁，放落去燒慢慢溶雪～野食無味～落啲粉又麻麻地醃下都起碼有味先，款色就真係唔多鴨胸食左舊有陣臭味，即刻吐返出黎，完全入唔到口，我覺得肉類係個鯖魚比較入到口唯一有樣野好，就係冷氣夠，抽風好食到最後真係難食到唔想再食食淨左幾串，老細話我哂曬啲野，下次食唔哂唔好叫咁多我認我係唔啱，但放心真係無下次，所以唔會再食唔哂我用openrice咁耐第一次打評價太耐無試過食得咁差，所以要report下

復活節放假特登過黎觀塘試下呢間位於康寧道斜路上噶燒烤，可以燒足2個半鐘，有牛肩肉、豬頸肉、雞翼、雞軟骨、雞腎、羊肉同鴨肉，肉食種類多；蔬菜方面有菠蘿、大啡菇、甜薯等；啤酒可樂任飲；係三五知己坐低傾計聽英文歌的好地方。

睇張相啖啖肉，食得好滿足。肉本身無醃製，係原味，經過燒烤完，自已加少少調味料都已經好夠味😋😋仲可以因應自己食唔食辣去到加👍🏼雖然係自動轉和燒，一班朋友可以傾下計，不過自己都要留意住時間，我一時無留意就燒過時，D肉燒得太耐，就會好似食緊擦子膠😂😂

位於觀塘一個不算顯眼的位置。店舖不算很大，不過很適合一班朋友到場燒烤、聊天。Scan QR code 點菜，自助酒水。上菜時，店員會主動介紹食物。請一次多點一些，不然會沒位放阿⋯食物沒有預先作其他調味，顧客可於燒完後灑上不同的調味料。烤肉機是自動的，顧客可以一邊輕鬆烤肉，一邊聊天。比起其他的烤肉店，店家可能沒有賺很多，主要的是想要讓人們有親切和居酒屋的感覺。縱然今天我有點失禮，但店家依然的包容。萬分感謝還有抱歉。大家如果到場，可以主動給加一服務費/貼士。

呢間係朋友介紹，話食過兩次，好抵食。我之前未試過串燒放題，發覺現在有個自動轉爐幫手將串燒自轉，吾自己整，好方便喎！😍我地只係得閑搞兩下，就可以等食拉。串燒種類都幾多，肉有豬，牛，雞，羊，魚有青魚，多春魚，仲有d蔬菜。成晚食得最多係牛。有好幾款牛，雖然食食下吾係好食得出分別，但款款都好好味，每一串的肉好大大粒，好有份量。另外兩種魚都好食。蔬菜我就好鐘意大啡茹同秋葵，食多幾串，真係值回票價。飲品都係任食，但無糖飲品就得烏龍茶，比較少。

🟠 串燒放題（$250/1人）一坐低左，職員就會介紹點樣使用燒串燒。串燒係放係轉轉既串燒機到燒，基本上放左上去到熟之前都唔使再郁。而點串燒就係電話到點，一次要點哂一次過既份量，盡量避免一次點少少咁。每次點完，職只就會成盆咁拎黎😎飲品就環自己出去拎，都多飲品種類選擇。串燒有得揀牛、豬，雞，羊、鴨唔同部位既肉同魚，亦有不同既腸同丸，蔬菜方面就有菇、三色椒、秋葵同菠蘿等等。個人認為蔬菜既選擇比較少d🙈串燒都質素都算幾好，職員講全部肉佢地都無調味，咁可以食到肉本身既味，不過餐廳會有燒烤醬，孜然辣粉等俾你自己調味。不過味道就未到出面串燒店一串串食個d咁好味🫠但呢個價錢可以任食，而且2.5小時同朋友一路食一路傾計黎講，都算幾好性價比👍🏻

咁樣燒嘢食真係好正冬天又唔使吹風夏天又有冷氣嘆食過幾次環境衛生食物質素絕對係對得住個價錢$250 任食任飲兩個半鐘仲要唔收加一用手機落單餐牌上註明食物嘅來源地大家可以安心選擇自己鍾意食嘅食物記憶中食過咁多次都無漏過單可惜無我鍾意嘅醬汁提供每次都會帶備泰式海鮮醬同蜜糖去自用之前屋企附近間麵包舖仲買到「迷你豬仔包」會攞埋去烘之後夾住啲燒豬腩肉食真係超級正菠蘿都係新鮮提供邊食燒肉邊食菠蘿確係人生一大享受

一間舖頭既乾淨程度其實反映左老細對舖頭有幾重視係一間串燒舖，但入到去個人唔會油笠笠，啲枱櫈唔會笠痴痴一有人走staff就會係咁省個爐，省到勁乾淨廁所又極乾淨感覺真係好好牛肉粒juicy 燒聖女茄最正冇熟食提供只得串燒自助飲品櫃三款粉可自由加最特別係有燒蒜頭🧄其實上面個架係擺熟左既野食但太想快啲食所以先擺啲生肉係上面熱住先