富東閣海鮮酒家

营业中

休息中

1月1日，起身唔知食乜好，諗諗吓不如飲個茶，食飽啲當埋中午。富東閣向到保持水準，所以都唔使諗，直接就去富東閣。11:30去到，唔使點等位，好快就有得坐。兩個人，點咗個點心拼盤。（見圖）$98 ，有六款點心，每款有兩舊。兩個人食其實都OK嘅。但係抵唔抵就見仁見智。因為分開點，每款都會數量多返啲。另外重點咗腸粉雙拼，蝦腸拼叉燒腸。味道係OK嘅。但係就有啲凍。整體質素係OK，想飲茶仍然會再去。

見午餐精選點心$19.8都幾抵食所以試試雖然燒賣叉燒包同春卷味道還可以但其他的就水準以下點心唔係咁平都唔建議去食咩鐘數都要搭枱就真係要有心理準備細細碗叉燒飯都要$37就真係免了職員服務一般

平時間唔中都會黎食小菜，今日兩條友試下火鍋，$228位，湯底$38，醬料區得沙爹醬、生熟蒜、辣椒粒，基本既芫荽、蔥要加$10。點了沙爹湯底，味淡，然後自己去醬料區度攞咗一碗沙爹醬加落去🤣。第一轉點咗肥牛、滑牛、豬頸肉、鯇魚骨腩、蕃茄。黎到真係嚇一跳，起碼四人份量，想點第二轉都有啲果困難，又要人唔好浪費食物，但兩個人又比咁大份🙃第二轉點皇帝菜、水餃、蕃茄、芋絲、生筋，今次响張點菜紙度寫明水餃要四隻、其他唔駛比咁多😆幸好執料果位廚房員工係識字既。最後其實肉類係食唔晒，鯇魚骨腩係伏，最好食係皇帝菜，起碼無渣。兩個半鐘係足夠時間，當晚8:30埋單，已經見到啲員工已經開始清場。今晚埋單每人$250，相信呢個價錢响第二度可以食得更好，衛生亦都麻麻，員工木口木面。

睇落好似一般嘅茶樓服務同環境，都係舊式屋邨風味嘅格局，坐滿嘅都係街坊。但神奇嘅係，呢度點心質素超班！真係好有驚喜。點心一律即叫即蒸，份量足就一定嘅，價錢都好合理，下午茶仲勁抵。當中好大部份點心，比如：招牌菜苗餃（呢個真係去幾多次都會叫😍）呢類點心都係自家廚房手造，好難得！淨係講呢種傳統手藝，已經非常值得一去再去💯💯💯晚市小菜都係行平靚正路線，每碟都極大份，炒嘢有鑊氣，燒味部嘅幾款招牌都推薦👍🏻👍🏻👍🏻

母親節頌親恩，今日我哋嚟到沙田嘅富東閣海鮮酒家度食晚餐。入到嚟我哋即刻叫咗個自選百搭餐，自選百搭餐係供四至六人用，但係我哋得三個人，不理了，因為母親節頌親恩，三個人食六個人嘅嘢。入邊菜單有六款選擇，包括有：明爐燒味、湯羹、鮮活海鮮、小炒、肉食、時菜，最搞笑係唔夠5分鐘，佢哋已經上晒所有嘅菜式😂😂明爐燒味方面，我哋揀咗佢哋招牌嘅片皮鴨嚟食，聽講單叫呢個片皮鴨都係只需160幾蚊，咁呢度嘅片皮鴨係比較凍，好明顯係已經預先整定，不過最緊要就係味道，佢嘅味道同坊間嘅片皮鴨差唔多，勝在佢啲肉係比較厚身，食落就有口感。值得一提嘅就係佢哋嘅湯羹，我哋揀咗冬瓜盅嚟飲，佢哋嘅冬瓜盅係用咗唔同嘅海鮮嚟配搭而成，所以係非常之有鮮味嘅。整體而言，成個套餐我哋用咗九百幾蚊，三個人食，雖然好似有啲貴，但係如果除返開正常嘅6位，其實係好平😂👍🏿

火鍋八人送二人吸引，一行九人， 8:30pm去打邊爐一坐低叫湯底， 一個要蕃茄薯仔湯， 一個要豬骨湯， 竟然話賣晒， 眼見只有五枱唔夠係度打邊爐， 咁普通既湯底都無， 有問題， 然後再揀左沙嗲湯， 蕃茄薯仔湯一黎又伏， 個湯底仲清過平時d例湯， 然後等左10分鐘黎左送既每人2串蝦， 仲郁， 但其他配料追過但話執緊， 都要等差唔多20分鐘先到， 一大盆所有好似垃圾崗，肉，丸，蠔都混埋一齊， 最普通既丸都臭， 但都收$208一位， 呢間係地獄火鍋， 如果要挑戰可以一試～

看了食評來了後悔唔去食龍華，龍華起碼乳鴿好食。叫了片皮鸭，包个陣皮就厚，果碟仔鴨片只有半隻，鴨肶果d都無左，又唔好食。魚普普通通，再叫其他的就更唔好食了。甘的價錢就有點唔值。唔建議來吃。

今次鼠尾草嚟到呢間街坊酒樓，呢度最出名嘅莫過於幾年前已經好多人講嘅片皮鴨。頭先係臨近新年嘅時候，片皮鴨仍然大量供應，唔驚冇貨，呢度片皮鴨有得揀二食，即係食完皮之後仲攞啲剩低嘅鴨肉炒其他菜食，鼠尾草就揀咗醬炒，蔥蒜嘅香味同埋醬汁嘅香味真係好夾，好惹味，不過因為係純鴨肉嘅部份，所以就會有啲乾。而呢度嘅片皮鴨質素都唔錯，唯一可以批評嘅係包片皮鴨嘅餅皮有啲厚，食得比較飽，而且配菜嘅蔥白同埋青瓜份量都唔太夠。另外仲嗌咗一碟炒菜，蒜蓉炒又幾有驚喜，簡單嘅調味，不過炒出嚟好香。

啱啱去咗富東閣大快朵頤，實要同大家分享下！🥢👏🦆 今次真係攞份量同味道做勁添！先來個皮鴨嘛，個皮脆到夠哂嘴又唔油膩，啖啖肉咬落去好有彈性，夾青瓜同埋蔥，清新得黎又解膩。再嚟就係冰鎮咕嚕肉，外層嘅脆加上肉質嘅嫩滑，嗰個酥脆啊，持續到最後一啖都唔會變腍，酸甜跟唔係嗰種會膩口嘅，真係夠雞食！🐖🍯仲有呢，蟹籽燒賣皇同鮮蝦菜苗餃紮實，燒賣juicy爆破，餃子裏頭菜苗足料，只係有啲菠菜老陣，但總體算係正！然後乾炒牛河嗰脆脆口感，牛肉一啖比一啖足，豉油拌得啱啱好。江湖有言：食得夠脆，從此人生無敵，哈哈！海蜇頭夠晒爽口，啲蜇頭嗰種Q彈鹹香，就算係普通飯堂都有驚喜，整親個豐富午市都係超值嘅！整體嚟講，富東閣將普羅美食發揮到極致，每次去都有新鮮感。戥朋友分享下，重溫經典又試下新口味，食得開心最緊要！🍽️👍👍

心血來潮想食片皮鴨，留下圍方美x鴨子又貴又唔好食，搭幾個站黎富東閣買外賣返去，叫左個片皮鴨+海皇豆腐羹+羅漢齋伊麵，每樣都好好食，全部先$450，隻鴨返深圳食半隻都$150，呢度好抵食又唔差，d皮會用紙隔開方面拿出來都好細心，海皇羹好足料，麵唔算好多料但超大份，我兩大一小食左三餐雖然環境一般，係街坊酒樓，但勝在夠人情味，平時假日飲茶點心都唔差，點心唔係出面集團式咁精緻但食落口最緊要味道，以價錢黎講我覺得對得住，侍應亞叔都好好，值得咁遠再黎

12月15日有相識四十多年好友做東，讌請揾食肥華及兩位識於微時嘅老朋友，在此店食晚飯，敘舊，隊啤，吹水，嚟得此店食飯就一定要食此店招牌名物，片皮鴨，不負所望今餐此店呢份片皮鴨，亦算OK，而隨鴨而上的個籠，包鴨，簿餅皮，每塊都有一張大蒸籠紙相隔，方便顧客包鴨點醬進食，更顯此店細心，此點值得一讚，而今晚其他小菜，味道亦恰如屋邨街坊酒楼水準，比上足比下有餘，而價錢亦係合理屋邨街坊價，值得此店成為沙田，人氣爆場酒楼👍👍👍

以前讀書偶爾都會嚟食，最近朋友話想食小菜，🌟つ•̀ω•́)つ即刻就諗到佢！富東閣係片皮鴨關注組都算赫赫有名💥，近期做緊限定超值優惠價，我哋就叫咗片皮鴨夏日二重奏同埋三餸小菜套餐，整體味道尚可，勝在CP值夠高✅！🧚🏻‍♀️~~~~~~~~~~~~~~~~~~~~~~~~🧚🏻‍♀️🔸招牌扁皮鴨｜嬤嬤皮｜青瓜絲｜醬料片皮鴨厚肉油脂少，🦆鴨肉味濃但唔帶羶味，肉質亦唔會乾柴。不過鴨皮略嫌腍身，感覺比以前退步咗😢但勝在cp值高，份量絕對足夠，最後我地甚至淨咗一堆扁皮鴨無嬤嬤皮包😂 （btw嬤嬤皮之間有蒸籠紙隔開👍🏻讚喔！🔸海皇冬瓜盅蟹柳｜蝦仁｜瑤柱絲｜火腿茸｜豬肉粒｜草菇(≧∀≦)ゞ湯底清甜，非常足料。🧊飲落去極為消暑，食到好滿足啊！🔸黑椒牛柳粒牛柳粒火候掌握得比較好，😋肉質軟腍，薯仔亦明顯有炸過，外皮帶有少少脆身，🍯加上蜜糖調味，整體表現尚可！🔸椒鹽豆腐推薦大家一試！呢個小菜師傅做得相當有水準🤩！外皮炸粉非常香脆，包裹著滑嫩嘅豆腐，口感一流🫦！而且椒鹽份量控制得啱啱好，整體非常香口。🫵🏻推薦！🔹魚香茄子店員一鍋魚香茄子咁上台，香噴噴熱辣辣，夠嗮鑊氣🔥！非常惹味！可惜略嫌油咗少少🙈至於環境及服務方面，富東

👩🏻‍🍳一個人系列 —— 「開心嘆早茶」 🫖 。小編嚟開沙田，想揾個地方食早餐，發現可以飲茶🤩 未試過一個人飲茶，原來會搭個枱；一個平日嘅朝早，都幾多人，不斷有人入座 （09:00-10:00）。舊式茶樓，原來都有一籠幾樣嘅點心，啱晒一個人食：🟤「皮蛋瘦肉粥」$19🟢「五式精美點心」$25⋯⋯粥都幾大碗，又夠thick；五式點心入面嘅食物，雖然唔係每樣都係小編嘅favourite ，但都好過得一款！埋單係$58，「茶介」應該係$10左右。同兩個準備上唱歌班嘅姨姨搭枱，佢哋飲得好開心：「第日再嚟！」「啲嘢（食物）靚！靚過富臨啊！」「好食！」「佢（富東）都捱咗成個疫情丫！」。📍 富東閣海鮮酒家 (沙田)沙田瀝源街6號瀝源廣場1樓5號舖。大食時間：Nov 2023好味指數：🌕🌕🌕🌕🌑回味指數：🌕🌕🌕🌕🌑舒適指數：🌕🌕🌕🌕🌑

諗住咁多人讚依度既片皮鴨，今晚帶屋企人黎試下，點知嬲足成晚，真係冇諗過個價錢唔係特別平既片皮鴨，可以令我畢生難忘，係難食到畢生難忘，片皮鴨靭到咬唔開，成隻鴨係凍，仲有d位係生，真係唔明點解會有人話好食？我人生真係未食過咁難食既片皮鴨，唔好同我講一分錢一分貨，佢係10分錢零分貨。另外加左$38叫左片皮鴨2食，涼瓜炆鴨件，隻鴨真係完全冇味，成碟餸好油，食到背脊骨落。生菜🥬鯪魚豆腐煲$98:算係最正常味道。3個大人3個餸食左$438，真心覺得點解食垃圾要俾依個價錢？

好耐無打邊鍋，一諗起富東閣有火鍋放題，想打去訂枱話無位，要walk in排隊。去到仲有一張枱，太興奮啦，未看價錢就衝入去...😝$248 一位，湯底另計（$38/$68/$98)，比一般中式酒樓火鍋放題貴（還是太耐無食唔知價🤣🤣）我們揀了芫茜皮蛋湯底（$38)呢種鍋夠傳熱又夠大，非常好每位敬送2隻海蝦，啲腳仔仲郁吓郁吓，新鮮、鮮甜、脆口唔知道第一輪係咪特別大盤，令你感覺好抵食😋二人份量，有7-8隻生蠔、大疊肥牛、象拔蚌好和花姿片都多片，皇帝菜份量都非常好。還有叫了鯇魚片，雖不是脆鯇，但提供了不同部位的鯇魚片、腩，還附了小半的鯇魚頭，好棒☺️最重點是：食材樣樣都鮮、鮮、鮮。這個急凍蠔，食落感覺好飽滿、好味，100分👍🏻食完第一轉已經好飽，但都力攻第二輪，看似份量無咁澎湃，但啲粉絲都好多。水餃好足料，除了肉肉，還有本耳，咬口有些脆口，味道很好，加上包得好，煮好沒有穿破。魚皮較細碎，加上太飽，所以只食了2、3片。響鈴質感很好，食落口有種飽滿的腐竹味，和響鈴溢中適度的油香，唔是嗰種單單的油膩感👍🏻值得一提，是龍口粉絲😳唔知道來貨點喺邊，但唔似街市買到嘅，好好食😍食住一餐鮮味十足的邊爐鍋，又可以看