影片
开饭介绍
主要提供海鮮、點心、火鍋美食及各式粵菜予顧客，讓顧客在舒適的環境下享受佳餚及共聚快樂的時光。
继续阅读
营业时间
星期一至日
08:00 - 23:00
以上资料只供参考，请与餐厅确认详情
又到了大閘蟹當旺的季節~同朋友一齊去食依間~任食大閘蟹放題!富臨晚市原價: HKD468/位,電話訂仲有得減HKD40✌🏻HKD428一位，我地主攻任食大閘蟹，也叫了ROUND無限追加自取京式片皮鴨，多款甜品及主食任點任食，豆腐花係百福,豆腐花幾滑~清蒸、花雕蒸、油鹽焗3款口味大閘蟹任點,各有特色,大閘蟹膏多而香甜,質量不錯,.另外有SET每位一客的單品~原盅螺頭花膠湯,補補身又有美顏潤膚功效~特別夜訓捱夜人士，要飲多D呢和味鮑魚伴秋葵,鮑魚味濃郁而帶鮮~秋葵營養健康~8年太雕醉蟹一隻,口感比較棉厚,蟹黃也十分飽滿~.這家餐廳座位都算舒服,如果和朋友行到累來食中菜野和聊天也不錯喔看到其他款式其實都吸引，找天要再來食呢🌈
继续阅读
收銀員態度極差付款有0.5蚊尾數 我還沒有拿出來 她已經找完錢 我話我有五毫子 然後叫她給1蚊我 她完全無視我？？？（唔存在她聽唔到我請求或者她很忙的情況.因為她見到我而且完全無動於衷，我都沒拿完錢已經找完錢給我 我同她講我有散紙 她選擇無視我？）落左六個點心 只來左四個！！！ 等左一個鐘 都唔見有另外兩個上來 叫人去check才知道沒有落到order？！失望至極，我們落order用紅筆mark 正常人沒理由見唔到 本身開開心心同屋企人去飲茶 覺得真係掃興 而且去得早 不存在人太多忙唔過來的情況 唔知點解會咁樣 真係好失望 唔明返工咩心態 一個人影響曬整體的形象 而且D嘢食已經唔係話好食啦 感覺以後唔會再幫襯 都唔會建議其他人去
继续阅读
限聚令之後唯有回家食，今日有客到，我廚藝一般般，就靠富臨的外賣自取救命！47折，最平的$38就有一個餸，大部分都是within $50有找！有酒樓的水準，又是茶餐廳的價錢，平靚正！-清遠雞 $38 果然是超筍推介，$38就有半隻雞（$68有一隻），香滑好食又啖啖肉，加上蒸豉油及油蔥汁，就是那種夠香夠惹味的味道！-蓮藕花生燉豬手 $39 應該是用南乳醬炆的，豬手炆得好入味稔稔地。又有好多蓮藕及花生，有水準！-大澳香蝦骨 $44好特別的味道，豬肉不膩又香，爸爸不客氣吃光了。-黑椒牛柳粒 $57朋友喜歡牛肉，這個牛柳粒炒得香黑椒味，牛柳大大粒，牛肉都是嫩的，薯粒更是吸叫了黑椒的精華，特別好食。.生炒糯米飯當主食，馬拉糕當甜品啦，都好正，糯米飯好耐無食啦，就是那種好懷舊的香黏，馬拉糕都是那種原味道。.見到有點心外賣，一個蒸飯都是$18，下次lunch 買來食先！
继续阅读
幫襯富臨次數唔算好多，但係有幾樣點心都係值得去試下。1/腸粉好似考試噉呢都有評分準則。腸粉嘅評分準則主要有兩樣，第一就係要鮮味，第二就係要口感夠滑。a/鮮味?雖然呢道腸粉都有用到大量嘅味精，但係都感受到肉嘅鮮味，最起碼見到肉，唔同有啲酒樓嘅腸粉根本就見唔到肉，我又唔係叫齋腸，見唔到肉就唔合理。值得一提嘅係肉嘅鮮味滲透咗喺腸粉嘅表皮，一入口嘅話都感受到，不但有米香味，仲有肉嘅鮮味。b/口感滑?呢度腸粉嘅米漿比例比較恰當，我試過有啲酒樓嘅腸粉，米漿裏邊粉太多，口感唔夠滑。但呢度腸粉就唔會有口感太膩嘅感覺，要知道有啲酒樓嘅腸粉做到好似糯米糕噉，一入口就會將住你啲牙。我個人喜歡食一啲比口感比較滑嘅腸粉，呢度菜就幾啱我口味。你唔好見佢幾多油，真正嘅好食嘅腸粉係需要有啲油係表面。2/豉汁鳳爪試咗鳳爪系一道非常廣告嘅才每一間餐廳同酒樓都做得好好食。我個人比較嘴刁。a/火候如果豉汁鳳爪做得唔夠火候嘅話，鳳爪就會唔夠軟熟，一入口就會咬到佢d筋，而且啲甘亦都好難咬攝住啲牙喇。呢間酒樓食嘅豉汁鳳爪，火候夠，入口即溶。b/ 豉汁味道呢度菜最講究噉就係豉汁個醬汁，如果整得太甜又或者太鹹嘅話，就會破壞左成道菜。呢間酒樓嘅豉汁鳳爪咁味道整得唔錯，糖同埋豉油嘅分量用得啱啱好。3/燒賣 要知道燒賣整得好食嘅話就係一道招牌菜，整得唔好食嘅話就同一個肉丸冇分別。a/蝦嘅分量有啲酒樓偷功減料，根本就冇放到蝦，只係用粉代替，噉樣嘅話，同一個肉丸冇分別。但係呢間酒樓嘅燒賣，起碼見到同食到較為完整嘅蝦，燒賣嘅質素令人較為滿意。b/蟹籽嘅份量有啲酒樓根本就唔會放蟹籽，但係從圖片見得到呢間酒樓嘅燒賣起馬見到蟹籽。c/賣相賣相我真係覺得可以有所改善。雖然味道唔錯，但係每個燒賣應該要統一一下規格，從圖片可以見到燒賣皮都已經被蒸到融曬，而且有啲燒賣皮根本包唔住啲蝦肉，廚師整每一個燒賣嘅形狀亦都不一樣。
继续阅读
平時嚟富臨飲茶就飲得多，今晚同屋企人，有老有嫩嚟天水圍晚飯，慶祝父親節。炎炎夏日，叫個海皇冬瓜盅，好多料，無味精...飲咗幾碗都唔口渴，走地雞配蒜蓉蟶子皇，隻雞超正，勁入味👍🏻蟶子加埋蒜蓉粉絲，好新鮮。蔥爆牛仔骨，甜甜辣辣咁，個味好夾，唔同平時出面食開嘅味道，泰皇蝦球炒通菜，辣辣地好好味😋 最特別係薑蔥焗桶蠔，望落仲以為係魚雲煲，大大隻食落口又juice, 無諗過薑蔥配蠔係咁好食😍😍😍好鍾意呢個場好大坐得好舒服，完全無壓迫感，婚宴擺酒好正呀！
继续阅读