影片
以上资料只供参考，请与餐厅确认详情
在6月15号晚上大约6:30到葵涌广场富华冰室旧舖入座用膳，我张枱同埋我后面𠮶张枱都系同一时间入座，一位女侍应只系俾水、纸巾同埋筷子我哋后面𠮶张枱，冇俾我，于是我问佢拎杯水，佢竟然同我讲，落咗单先有水，我话后面𠮶张枱你都俾咗水，佢就话人哋落咗单，之后佢态度非常不悦地俾咗一杯水我，3分钟后，我发现后面𠮶张枱先叫佢过去落单，咁即系唔系落咗单先有水，再讲无论落唔落单先客人叫你俾杯水都应该要俾啦跟住我叫果位女侍应过来，佢问我系咪落单，我同佢讲后面𠮶张枱佢系俾咗水之后先落单的，再讲拎杯水系咪一定要落咗单先？问佢点解要咁样同我讲，佢仲喺度狡辩，因为佢嘅态度非常差，所以我最后决定唔喺呢间餐厅食饭我之后打去餐厅问富华冰室老板嘅联络方法，我直接同老板提出投诉，餐厅员工俾咗联络方法我亦都同我讲话有唔少客人投诉果位女侍应，果位女侍应咁嘅服务态度唔适合做服务性行业，如果富华冰室继续聘用佢只会令更多客人不满
继续阅读
呢间富华啲烧味出品都几稳定， 午餐四选一， 每次都会叫D餐， 叉烧烧鹅三拼， 70蚊包例汤和一杯饮品 。 唔知系唔系我生得靓，食咗几次都有鹅髀。 咁我就觉得好超值啰。葵涌广场有两间分店， 中国银行隔离𠮶间系新店 ，冇烧味饭，冇新鲜出炉嘅面包，吾使排队的。 相反最入面𠮶间系旧店就经常排队 。 出品包罗万有， 系一间有水准嘅茶餐厅。
继续阅读
做完运动经过葵芳，天气冻想揾个地方坐低食下野，周围都排晒队，想平平d食个扒餐，见88蚊一个扒餐，包餐包餐汤同饮品，于是坐低试下餐汤有我钟意的粟米忌廉汤，真系有粟米，大家都知依家个年代好难有餐厅真材实料，餐包都系热的！牛排份量大到一个点，虽然有少少筋，但系肉质绝对得著个价钱，无雪味咬得开，加份位系洋葱汁入面竟然有西芹洋葱，虽然平但系无将货就价，焗薯加左汁都几好食拒外卖晚市有8折，平时经过唔想煮都ok啊觉得会encore
继续阅读
今日嚟到葵涌富华、三个人叫咗三碟嘢食，分别有咸鱼煎肉饼，时菜炒牛肉，椒盐鲜鱿。上到枱时啲菜超大碟味道不过不失份量搭救。每个餐都跟白饭一碗同例汤一碗.大食嘅朋友，啱晒嚟呢度食嘢
继续阅读
次次嚟亲富华都会排晒长龙，呢间茶记真系好出名，喺葵广都有两间，听同事讲佢哋嘅烧味饭好出色，今次晏昼拣咗佢试一试。 份量都几好㖞，我拣咗小饭，啲肉都几多，味道都唔错，虽然价钱相对嚟讲贵咗少少，不过个质素都几好，唔怪得成日都咁多人排队啦🤣
继续阅读