富嘉食堂 (已結業)

富嘉廚藝好。江湖無以後。聞風客人至。難敵九月九。問君為甚麼。熟客擠門口。衰嘢唔好提。今日送君走。環境甚乾淨。茶記式結構。中午正時候。服務街坊友。事實少幫襯。現在好內疚。小炒好味道。海鮮稱不朽。例湯五點前。湯渣有蓮藕。套餐包你飽。冷氣熱死狗。我本新人類。隔離曹國舅。星洲擅炒米。唔辣無人吼。叉燒都唔放。臨別同我鬥。好彩份量夠。食咗唔會瘦。次次都好食。呢勻打折扣。排骨有水準。唔叫是阿壽。朋友快快食。慎防隔離偷。落肚好實際。甚麼是朋友？粟米燴肉粒。選擇真太舊。出土老文物。餐單居然有。一吃令人笑。再吃唔使憂。回憶去年時。有志做特首。傾偈plan旅遊。資料好鬼厚。此去何時聚。記得將進酒。天若有情天亦老。炒埋一碟休講究。

探尋工廈隱藏版呢間食堂，真係一個驚喜！🤩 走入去，氣氛舒適得嚟有啲家庭式嘅感覺。我地點咗幾樣招牌菜，馳名嘅薑蔥生蠔煲一上桌就飄香四溢，生蠔肥美，薑蔥個味啱晒撈飯。炸乳鴿金黃香脆，肉質嫩滑，完美至極，啖啖肉咁誘人！😋豬油渣炒菜勁香，口感之好，豉汁蒸魚雲滑溜鮮甜，海鮮豆腐蒸蛋白更加係滑嫩得黎保持咗鮮嘅原味，簡直係絲滑極品。青瓜炒大腸爽口脆味，完美平衡咗豐富既菜單。蠔仔粥粒粒分明，既濃郁又唔膩，成碗吸晒我哋每個人嘅注意力。每道菜色香味俱全，令人滿足到唔想停口，每啖都有驚喜🌟。無論係和家人朋友聚會，抑或係一個人嚟享受個靜謐美食時光，都一流。記得帶埋近啲嚟體驗呢間隱藏版美食食堂嘅魅力啦！

同班朋友去完海洋公園，之後我地就去左香港仔嘅富嘉食堂！位於香港仔工廠大廈嘅富嘉食堂， 一入去已經全場爆滿，由於樓底都比較矮，所以所以呢度好嘈，根本傾唔到偈!我地叫左日式燒汁炒烏冬 $85椒鹽豆腐 $86豆腐食落有陣臭豆腐味，怪怪咁!雜菌浸魚肚 $96呢個魚肚好厚，好好食，呢個我強烈推薦薯仔牛柳粒 $138薯仔有炸過，牛柳都好好食豉椒炒蜆 $108 D蜆好細粒富嘉小炒王 $128另外仲買左菠蘿咕嚕肉，椒鹽鮮魷，每一碟餸都細細蝶,可以食好多款!

星期六早上和好友參觀薄扶林牧場後，感覺有點肚餓，那裡的Pizza Express要11:30am才開！記得有朋友向我提過香港仔有間在工業大廈的餐廳食嘢幾好，可以自備海鮮去煮！決定去試吓！因為早，並不是太多人，座位大、乾淨舒服！首先送上例湯！我們點了兩道菜，薑蔥蜆介魚腩煲和薑蔥生蠔煲！可樂是好的配搭！唯一有些遺憾是叫了兩樣很類似的菜式，下次要試吓他們的招牌菜！如果薑蔥生蠔煲再於多些薑就更好。眼闊肚窄，吃唔晒，兩人分了兩份晚上和家人分享！

星期到四；月半未遲聞風而來；遠近皆知食指大動；腸胃出師小吃其一；爽脆魚皮不腥不潺；處理新奇魚鮮稍淡；未勝預期其二鳳爪；考驗禮儀欠了火候；沙薑加持五星標準：骨肉分離石頭芥蘭；是席紅旗美味佳作；捨我其誰造法創新；減鹽最宜薯仔牛肉；跑贏細姨焦香帶脆；回甘不衰牛肉味燶；美美滋滋粟米濃羹；最是參差一人三碗；惜食不虧應該慳番；買個雪梨生意難做；行情見疲小店客滿；肯花心思。

朋友係香港仔地膽，嗰日出開香港仔，佢就話帶我去食好西，所幸，好西真係好西。魚皮我平時唔係幾食，但係朋友話呢度嘅薑蔥魚皮喺必食之選，咁我就試吓啦，點知真係食到停唔到口，佢嘅魚皮一啲都唔腥，唔會滑潺潺。估你都估唔到，魚皮嘅質感竟然係爽脆。加埋薑蔥同甜豉油一齊食，我話俾大家聽我係打包左一份返屋企嘅。（不過返屋企之後味道真係有距離，所以都係堂食好）金沙魷魚，個鹹蛋味非常之香，絕對唔係出邊嗰啲所謂金沙得少少鹹蛋就算。佢個鹹蛋仲唔知用咗咩方法令到佢係流沙嘅，coat咗喺炸魷魚嘅面度，就算熱氣都要繼續食。另外掛住食唔記得影相嘅係乳鴿同埋沙薑雞腳。乳鴿都炸得香脆，不過我本身對乳鴿一般，但係我啲朋友都食到舔舔脷。沙薑雞腳非常入味，選腳趾都在所不惜。其中一個招牌菜係蜜糖薯仔牛柳粒，呢個就相對頭兩個菜式較為失色，亦都同我食開嘅另一間小炒有距離。牛肉有啲銀，薯仔亦都唔脆。豆腐海皇羹就好一般，生粉多咗啲，材料唔太夠。本身朋友話呢度個石鍋芥蘭好好食，不過因為我唔太鍾意食芥蘭，而非常之鍾意食豆苗，就問店家可唔可以做石鍋豆苗，店家話可以。上菜嘅時候的確好香，但係豆苗都係適宜用蟹肉或者瑤柱扒多過石鍋，所以個味道唔係好夾

南區居民想食私房菜，咁就去富嘉工業大厦4樓揾富嘉食堂啦！包你揾到好食嘅嘢。👍👍招牌菜一定要點:爽脆薯仔粒夾埋鬆軟惹味的牛粒，香甜好味，餸飯一流。菜膽雞小唐菜炒得翠綠可口，可惜隻雞煮得過了火，有些少韌而且味道較淡。下次希望可以做得更好！海鮮什菜煲中規中矩，算是合格以上，因為鲜鱿比較韌了一點！時蔬扒豆腐呢味好嘢，豆腐够味道，外脆內嫩。good.蒜蓉炒什菜色，香，味俱全，值得推介。瑶柱蛋白炒飯飯香蛋白色澤迷人。good！

今餐我地食海鮮為主5個海鮮 一碟牛 一個菜 幾個小食。海鮮超新鮮，第一個菜係 鮑魚加 鮑魚汁蘿蔔，值得一試！個 蘿蔔好甜好入味完全冇渣 蝦，聖子極新鮮，離殼易食， 爽口彈牙。下次會返黎試下其它中式菜😬食堂好乾淨，新裝修，唔似出面街邊檔，待應好有禮貌，清潔好，手腳快。

無意中因為同事嘅farewell飯而發現係一間香港仔高質工廈飯堂Lunch time好多係香港仔嘅打工仔嘅蹤影唔講有啲似員工食堂🤣*❣️金沙鮮魷 $138表面沾滿鹹蛋黃碎🥚睇相都想再次encore 真心搞唔掂好吸引嘅一道餸 必推必推‼️‼️完全食唔停口 一發不可收拾係好趕飯嘅一味餸 食多一碟都仲可以🍚🍚🍚好難抗拒嘅一味餸🥰*❣️薯仔牛柳粒 $118粒粒都好嫩口💕無肥肉嘅出現啲牛柳粒都俾得多🐮🐮同薯仔嘅比例一樣的 好少何🥔*❣️菠蘿咕嚕肉 $88粒粒都整到好脆口🐷唔似出面有啲會偷工減料 唔會有炸粉粒出現 真係粒粒都係肉🐽*❣️椒鹽九肚魚 $118第一次接觸九肚魚🐟細細條方便入口仲要條條都充滿椒鹽嘅味道🧂脆卜卜 就算幾熱氣都要照食🔥完全係會食完一條再一條*❣️金銀蛋時菜 $88(?)最清淡嘅一味餸都俾足料嫁 皮蛋又多 菜又多下🥚🥬當嗌得咁多咁熱氣嘅餸 就要搵佢中和返*❣️富嘉小炒王 $118對小炒王反而無咩感覺食出黎係夠火喉 夠鑊氣小炒王裏面啲配菜都好足料

因為住這個地方附近的熟人帶領下先知道呢間一般人唔會搵到的食堂, 在工廈裡面的餐廳其實好多, 觀塘新埔崗葵涌長沙灣柴灣火炭一大堆, 水準飄忽.一座低見到牆壁上已經有很多小菜選擇, 不夠的話還有餐牌. 選擇了最熱門的椒鹽鮮魷, 鼓椒炒蜆, 果皮鮑魚, 炒尿蝦. 然後很快已經有完成品上桌.份量也對得起個價錢大大盤, 味道不俗火候夠. 員工都勤快俐落, 值得再去光臨的一間晚市餐廳.

疫情同老友好耐無聚，放寬6人即時約局。今次自己去老友度攞海鮮，帶去之前同事介紹過嘅「富嘉」。第1次嚟光顧，環境廳面企理，店員好客氣，對自帶海鮮光顧無任歡迎，好就試一試先。烹調方法，都擔心過佢依樣唔懂、無材料或整到浪費食材！但係基本我講到，佢都話ok！好，就睇下你整成點。以下海洋全部自㩦/ 烹煮方法菓皮蒸南非鮑魚金銀蒜粉絲蒸元貝豉椒炒聖子皇白灼鮮墨魚芝士牛油本地龍蝦/伊麵底（開邊）椒鹽大賴尿蝦清蒸 海青斑品嚐完味道不錯有水準、賣相ok、有鑊氣，炒多一碟青菜🥬，6名大漢滿載而歸。油料錢，我覺得合理，會再光顧！

叫車仔面 送一隻腳，好味到呢，真係唔敢再食，味道唔差但用曱甴做餸，食到想嘔 ，乾凈程度可以想像到，好彩叫網上外賣平台 有得退錢，但食到嘔真係送都唔要嘞 ，無下次。

依家香港越來越多樓上鋪而且選擇有越來越多唔同種類嘅食物都可以搵到連香港仔都開始推廣，樓上食肆而且質素都幾好架就好似呢一間附加食堂雖然規模唔大但係麻雀雖小五藏佢全呢度嘅招牌菜都唔少架例如生猛海鮮同埋番薯牛柳每日啲食物都超有水準完全可以推介俾大家試一試想自己帶海鮮比呢度做都得架佢哋都會收返一個合理嘅價錢而且做出嚟嘅味道又會比普通嘅酒家更加好所以都算係一試難忘大家都不妨可以去試吓重點就係價錢都唔算貴完全可以接受。

噚晚餐廳中間有枱客，不停嘈到全場都投訴。老闆夠guts為民請命叫佢哋静d，好野 👍👍👍1. 爽脆魚皮，少少辣， 剛剛好2. 薑蔥大蟹， 夠鑊氣，嘴舐舐3. 粉絲帶子，入曬味，冇得剩4. 蒸象拔蚌， 夠新鮮， 返尋味5. 新鮮海魚， 啱啱好，滑到漏6. 薯仔牛柳， 招牌菜，次次食愈來愈多後生仔嚟食， 好的食店👍大家都得識得搵. 雖然係工廠食堂， 但係地點方便 ，巴士小巴乜都齊。地鐵 黃竹坑站 就要行10分鐘， 食完飯就當 散下步 幫助消化啦。

十一道鮮味😍deluxe版豐富海鮮餐.超級開心啊是晚同一大班同事去食海鮮餐🦞🦀預先訂定新鮮海鮮，再拎去酒家煮😋兩圍枱食左超過100斤海鮮so crazy😱😱😱.🔺蒜蓉粉絲蒸扇貝🐚扇貝大大粒，蒜蓉同蔥粒超香，粉絲吸晒啲汁好入味呢😋🔺清蒸大蝦🦐唔係講笑隻隻蝦都好大隻，淨清蒸無加任何調味料，都食到好鮮甜既感覺，正呀❣️🔺上湯蒸大蜆蜆亦都好甜😍上湯本身都好鮮味，蒸完都仲有好多湯，雖然size幾mini但味道勝過一切😁🔺椒鹽鮮魷平日出街食鮮魷都係細細條鬚咁，但今次每舊都非常厚切，整隻魷魚好肥美🦑😍所以咬落都好彈牙！！🔺果皮蒸鮑魚超大的鮑魚啊！界邊蒸聽聞有助入味😌整到金黃色好正，咬落好厚實彈牙，不過略嫌果皮味太重，可能本身小編唔太喜愛陣味😅🔺豉椒炒蟶子蟶子每條都肥美，比起平日幼身既優質好多🙂落足豉椒汁炒所以夠晒入味，加左青椒紅椒同蒜粒更香口！🔺椒鹽九肚魚椒鹽好香啊不過食完覺得好熱氣，本身唔太愛有骨既魚even小編知道食得落肚既😂但其實煎過炒過後都仲好滑架啲魚肉😌🔺芝士龍蝦伊麵🦞上枱時真心好震撼‼️至少一打開邊龍蝦流晒口水了🤤芝士忌廉汁伊麵當然最佳配搭，伊麵底偏林，汁就已經夠稠了如果芝士味再香啲會更好。