富園

营业中

休息中

呢間茶餐廳嘅小菜都幾出色，晚市有個2餸套餐，199蚊，除咗包兩個餸之外，仲有兩個白飯兩個凍飲或者例湯，今晚我就揀咗瑤柱玉子豆腐同埋黑松露炒蛋，兩碟餸都幾大碟，其實呢個餐夠三個人食。黑松露炒蛋嘅蛋炒得都幾香幾滑，黑松露醬味道都ok，唔會有一陣電油嘅臭味，撈勻咗佢都幾好送飯，伴碟嗰啲菜畀想像之中好，算係新鮮，不過就未去到沙律菜嘅級數，但係起碼唔會啲菜葉有燶邊或者霉霉哋咁樣。瑤柱玉子豆腐個汁幾好味，瑤柱都算係多，清清地都唔錯。

$198晚市套餐可以選兩個餸，再包兩碗白飯，再加埋兩杯熱餐飲，d野食嘅份量比較大碟，夠三至四個人食，而且味道唔錯。我哋揀咗鹹檸檬蒸烏頭，條烏頭都幾大條，肉都算厚，無乜泥味。另一個餸就要咗西檸雞拌涉沙律菜，佢呢度嘅西檸雞係用雞扒去整，所以好厚肉，大大件，個檸檬酸汁另上，唔會搞到啲雞淋曬，唯一缺點係啲雞扒肥咗少少。

呢間茶餐廳啲出品唔錯，份量又多又大碟，性價比高真係好抵食，196蚊晚市套餐有兩個餸兩碗白飯再加泥湯或者飲品。黑松露帶子炒蛋整得畀想像之中好食，黑松露醬冇乜電油味，個蛋都炒得滑，帶子就細粒少少，不過數量都算合理，唔會只係得幾粒。蟲草花籠仔蒸雞相對就麻麻地，因為好多骨位，雞肉部分比較少，不過性在入味。南瓜海鮮盅個賣相都幾震撼，成個南瓜或空中間再放啲帶子、蝦、蟹柳同魷魚入去，再加埋西芹，南瓜汁加咗忌廉，用嚟撈飯好正。條倉魚超抵食，因為超大條，有得揀煎封或者豉汁蒸，我哋揀咗煎封，不過原來係炸嘅，都炸得幾脆幾香口。

星期日晚行過好多人排隊，就跟着排下試試有咩咁好食啦！羊腩煲-$148一至兩人份量，但冇跟爐上又冇生菜。最終冇叫到，轉左食二人餐$196🔸例湯係西洋菜湯好足料-好少飲到咁高質嘅例湯，飲完想再叫多碗，可惜果陣已經賣晒。🔸冰梅欖角骨-好惹味，而且肉質都好juicy，份量都唔少，唔錯！🔸富國一品煲-呢個反而一般，好似好名貴嘅材料，但罐頭鮑魚仔、沙爆魚肚、罐頭螺片⋯冬菇唔係好入味，味道好一般，唔推薦。我見呢度咕嚕肉都好似係招牌菜，但要$158又好似有啲貴，冇試到。下次可以再嚟試試嘅。

尋晚同朋友去食，啲餸菜都唔錯嘅，不過普通茶餐廳嘢，所以無特別影相 😬 一嚟就叫咗兩餸套餐，加多一個餸、大油菜同魚片頭河，兩餸餐同河粉有飲品，凍飲加錢，呢到全部都正常，無問題。後嚟屋企人想食三文治外賣，咁就 order，都明白呢啲時段係無餐嘅，不過店員話飲品有半價優惠，咁就叫咗一件三文治 + 2 杯凍飲，1 杯優惠咗 $10，另一杯正價，去到呢個位都係無問題 .....後來，朋友話不如叫多件三文治比佢屋企人，因為照計條數應該加多十多蚊就有喇，咁問一問店員後加有無優惠，佢話電腦會自己計，咁照落啦，張單嚟到係無計到優惠嘅，咁咪去問下收銀，佢應該最清楚㗎啦，埋到去佢話三文治係無任何優惠，係正價，佢話杯飲品應該係加落個河粉到，我都比佢搞到混亂，以為自己先前只係叫咗 2 杯飲品，返到枱諗諗下，唔係喎，之前已經加咗 3 杯凍飲錢 .... 即係遲入單嘅三文治係做唔返飲品優惠，電腦嘅設定真係 ..... 原本諗住再問，不過朋友已經比咗錢，佢話算，如果會去食嘅，記得諗清楚先落單，時間先後，價錢都會唔同 🤷🏻‍♀️不過其實最重要係收銀話無優惠，但張單其實又有 😡 唔知究竟係佢唔想比返我哋定係點啦 ☹️ 一間都

依到野食好食又唔貴，但收銀個啊婆每次問佢野都好似殺左佢全家咁，不斷呼喝d客。新開個陣食已經係咁差既態度，所以無食到依家，但過咁耐仲係咁既死人態度，完全無改善過，可能個啊婆老闆黎所以唔休做。不過佢咁既態度都預左佢唔在乎客人意見祝你生意興隆

夜晚食生日飯之前，朋友約咗去大埔行吓順便食下午茶，一食下午茶嘅話就諗起富園，之前試過湯河同焗飯，今次就試吓去啲炒嘢，因為之前見到啲炒嘢都好似好得。本來想嗌薯角炸髀，但係佢冇薯角所以就轉咗做雞扒蔥油撈公，另外就加咗個乾炒牛河。蔥油撈公啲薑蔥幾夠味，唔知係咪自家製。雞扒就比起上次焗飯個雞多少少，其實個蔥油都已經夠煞食。乾炒牛河聞落去都好有鑊氣，食落去唔算太油，跟住個friend問佢攞辣椒醬，竟然唔記得配佢個辣椒油，其實我覺得呢度啲辣椒油係炒粉麵同埋湯河嘅絕配，如果有機會嚟試嘅話又唔怕辣真係要食。

💬講到大埔人氣茶記，當然會諗起在海寶花園嘅嘅一間「富園」，無論早上、中午定係週六日，都係需要排隊入座，平靚正就係茶餐廳嘅文化。有潮州粉麵🍜，亦有炒粉麵飯，當然常餐快餐唔少得，起碼又睇得又食得，食物嚟講都算係水準之上，多選擇實有一款啱心水🥢.💬早餐經濟，蘿宋湯牛腩通粉好濃郁，牛腩附有筋膜有𡁻口，配厚多士同煙肉🥓炒蛋，全部賣相都吸引🤩.💬下午茶餐，可以揀乾炒牛河嘅鑊氣炒粉炒麵，非常有水準；或者魚蛋粉熱辣辣又夠大碗，連飲品🥤，抵食🤡

之前食下午茶，試過佢個腸腩河之後，係比馬鞍山嗰間分店好食好多，念念不忘又剛巧經過，自己行咗入嚟。入到嚟見到隔籬枱啲炒飯麵都好吸引，但係太大兜又唔算好肚餓，所以冇叫你食。未食午餐又想試吓啲新嘢，咁就叫咗個焗飯。分量嚟講唔算太大，一擺開d醬汁，炒飯底個蛋香味即刻撲鼻而來，聞到嗰陣香味心裏暗喜。但係一食落去個雞扒就有啲失望，一來唔夠厚得四小件，二來啲肉都幾削下嘅感覺⋯⋯個醬汁就正正常常茶餐廳嘅基本水準。本來食完之後上覆桌碗腸腩河，個焗飯份量雖然唔多，但係都真心飽。都係留返下次先再食。

夜晚同鄰居開大食會，預備好晚餐啲材料之後，就出咗大埔諗住食個下午茶。其實呢間舖喺馬鞍山都有，大埔店又真係未試過，已經行到好肚餓，最後決定都係入去坐低涼，一涼冷氣過一降溫先。呢排食得太多沙嗲牛麵，實在唔想再食。見佢有中式粉麵湯河，就忍唔住嗌咗個腸腩河嚟試。初頭都諗住快食快走，都冇諗住出食評。但係碗腸腩河嚟到嘅時候，隻眼突然間bling咗一下。啲牛腩冇點特別部位，不過都肥瘦適中。啲牛腸中間都唔會有勁厚㗎肥膏，同埋佢有啲似係小腸嘅部位，好有趙口追聲唔少得原來佢個辣椒油，辣得來超爽有後勁，唔覺意食咗兩大羮。下次如果出開嚟買餸，又多一個唔錯嘅選擇。

呢度嘅下午茶餐竟然有炒腸粉咁就梗係叫嚟試吓啦，因為唔想食嚟食佢都係乾炒牛河星洲炒米嗰啲，另外再叫咗一份牛油多士。先講過炒腸粉，略嫌濕咗少少，如果再吵得乾身啲再燶少少會好食好多香好多。多士其實係下午茶餐之一，可以揀兩款醬料，不過唔想食花生醬又唔想食煉奶又唔想食果jam所以叫佢就咁落牛油就OK，點知啲牛油比想像中孤寒，得個少少，好薄，都好嘅，食咗冇咁罪惡唔會好肥。

由一開始已經有幫襯，雖然只係收現金有d唔方便，但就覺得茶記黎講食物質素唔錯，中規中矩。一段時間冇黎，今日再黎照舊叫返個沙嗲牛麵早餐。牛肉質素差左，比以前韌左，麵未淥開已經上枱，炒蛋炒老左，火腿都係大路野，唔算太差，口痕可以一食。食左15分鐘左右，有位略胖男侍應已急急腳將食完既碗同碟收走，都唔係咩問題，香港日常。我同太太繼續飲埋杯茶飲，太太亦開始清潔牙齒準備戴牙套。然後係剩餘5分鐘內，該男侍應總共3次催埋單，話出面好多人，但我地仲飲緊杯奶茶，20分鐘就催埋單實在太過份，而且我地杯茶飲仲未飲完！老實講該侍應催埋單算好聲好氣。但呢個實在唔係做生意應有態度。肉眼睇佢地生意係唔錯，平時都有人排下隊，我今日黎食早餐都排左5分鐘。有時候放假嘆個早餐，食物都係其次，志在同朋友屋企人chill下，既然服務態度已經轉變，也都唔多加留戀。相信貴鋪多我一個客唔多，少我一個客亦都唔少。

一年之計在於春🌱，一日之計在於晨🌞。想每一日有一個好嘅開始，不妨由早餐入手。可能你會話「早餐啫，唔使搞咁多野啦。」香港人生活忙碌，好多時都無食早餐，或者食完都唔知自己食左啲乜。 最近附近少左一個食早餐嘅地方，變相而家富園食早餐會有段時間要等位。開左無幾耐，地方大，坐得都算舒適。 曾經有段時間好鍾意食丹麥多士，食遍附近早餐有得食丹麥多士嘅地方，而家亦越黎越多地方有得食。 炒蛋黎講唔係間間都好食，好怕嗰啲落牛油/奶嘅炒蛋，所以試新地方我通常會叫太陽蛋，太陽蛋要煎得好亦唔係咁易。 雪菜肉絲米黎講不過不失，米粉係偏軟身嘅，吸水力強。我食完個多士先影相，已經索左好多湯。 點解食多士先？好多人平時最後先食個包，亦好多人食到最後飽飽地唔想食個包。食包先可以確保唔會最後因為個包無乜味而唔想食，變相浪費左。呢個係我嘅諗法。

即使在市區，有些食店的平日晚市都不滿座。這晚和朋友相約在大埔富園晚飯，意想不到的是全店滿座，還要候位接近10分鐘才有位，估計食物質素應該不錯！朋友選雙拼麵食，我則選焗芝士黑椒牛脷飯。牛脷飯一送上，就見到芝士完全覆蓋飯面，正醬汁惹味，有黑椒香之餘又帶點微甜，黑椒味不會太嗆，還要有芝士香！牛脷軟稔入味，份量不少，很好吃！！牛肚雲吞河配郊外油菜，粉麵套餐不選飲品的話，可要油菜，不用額外加錢。牛肚份量足，爽口又入味。朋友說她那碗雙拼河粉的味道不錯。腩汁通菜，不用另加錢而言，份量算是適中，腩汁香而不鹹，通菜夠吸汁！食物味道幾好味，價錢無異於其他茶餐廳，難怪平日晚市也那麼旺場啊！

新裝修茶餐廳，走暖系列路線，環境舒服寬敞。 叉烧蛋白菜粒炒饭 賣相一般，配料較少，但分量十足不似下午茶份量，炒飯濕左啲啲，味道較淡，炒飯粒粒分明有鑊氣，水準可以，1750入座已經坐了9成人。凍檸茶好耐未見過咁大個杯，滿足滿足。期待下次試其他產品。服務員勤快有禮。現金支付。