富城火鍋海鮮酒家

营业中

休息中

點解人生咁悲哀......唔係自己偷懶...又唔係有人工加...why要俾咁多野我做﹖﹖ 又唔係自己做錯野...點解卻又要被人喪鬧﹖﹖話說瞓得果3幾鐘就要起身返工...早餐都無得食呀 跟住就開會至接近 11點半 12時又話要再開第2個會...其實係唔係唔預「人」要食野架呢﹖唔開心呀!!! 無胃口食野...但係 肥豬 真係我既好朋友~ 佢怕我唔食野唔得...所以佢就黎左「 富城」買外賣俾我食呀!!! 抵錫~~ 佢買左﹕鳳爪排骨飯﹕$ 13，唔錯喎 成盒都鋪滿左排骨呀 仲有兩隻半鳳爪，d汁都好惹味呀!! 真係好岩我食呀!!! 肥豬 仲好細心，佢仲提外賣阿姐要俾多d豉油~ kakaka 真係知我口味~ ~~肥豬好朋友~~燒賣4大粒﹕$ 8，肥豬記得我鍾意食 燒賣，佢為左氹我開心，所以佢刻意多買呢一籠 點心俾我呢~ 真係好多謝佢呀~ 話時話，d 燒賣都幾ok喎 我都唔知點講...我只知道呢d燒賣岩哂我杯茶 大大粒，入口有少少彈牙，但又唔會成粒都係肥膏，賣 $8咋...緊係好好好ok啦~ 而家想起都想再食呀~今日只試左呢兩款，真係想再去親身堂食.....希望明天會準時散會啦~ 好待我能到這裏

昨晚共4位齊去打火鍋, 這間酒樓我都去過幾次, 服務都好好. 而且9點後有特價.今次是慶祝朋友生日請食飯, 知道那裡海鮮有特價, 是否太平唔多清楚, 就是新鮮價錢又合理.今次叫了 : 象拔蚌刺生 一只 $400 (另有例和半隻)手切肥牛 (中) 88 經理向我們推介蟶子 , 價錢跟鮑魚仔差不多 $28左右. 不過我覺得都是鮑魚用來打火鍋好味過蟶子.炸腐皮捲就比以前的無咁正, 不過都合格.餃子肉丸菜三碟鵝腸 (得個"爽" 字, 我都是愛九龍城的佛笑樓最好味)雞肉貴花蚌好似是咁多, $9百幾埋單

呢次同雙M既飯局已經係11月尾既事, 因M小姐想食大閘蟹, 而又有張免費贈卷, 順理成章就來左呢度豬骨湯底- 唔係太正宗, 但味道尚可炸腐皮卷- 新鮮即炸, 仲比埋碟酸甜汁點, M小姐幾欣賞, 但我就嫌佢太薄身, 比較鍾意小肥牛個種厚底質感桂花蚌- 新鮮爽口墨魚滑- 幾彈牙手切肥牛- 唔係雪花肥牛, 所以淥一陣就得唔係就韌, 入口牛味濃, 幾唔錯魚咀- 伙計推介魚咀好食過魚雲, 現場所見又幾多人食, 魚咀幾新鮮, 但我都係鍾意魚雲多D筒蠔- 每隻都好飽滿, 咬開滿口充滿蠔味雞子- 每粒都好大粒望落仲好有光澤, 入口...鮮冬瓜片- 普通豬腦- 我同M小姐既至愛, 處理得幾好, 入口唔會有陣除, 口感有D似鵝肝加豆腐, 好味招呼我地既大叔都幾風趣, 最鍾意呢D小店式既食店, 客人同伙計會打下牙餃, 阿叔下次再同你爹過

這間小酒家, 早茶價錢平, 食物好味道, 侍應效率高, 眉精眼企, 唔洗你叫都見到你想充茶, 我估計係因為他們很多客人都是國內旅客, 或去大陸工幹人士, 所以服務他們時陪養出高效率o 他們的蒸飯好味, 若果係外賣的蒸飯, $12, 大大盒, 抵食又好食, 係太子區的飲茶好去處o