富山咖啡麵包 (已搬遷) 新店位置

此店剛搬至結志街。舊店的出品一向很好，於是來新店一試是否仍舊有水準。見有舊店未見過的大椰撻（以前只有很細粒的椰撻仔），於是買一個作為飯後甜品。椰撻 ($3.5)：體積比一般店的椰撻略細。外層烘得漂亮。餅皮夠鬆脆，不油膩。椰絲餡不太甜，但椰香味不足，比起出色的餅皮，餡料較為失色。師傅剛巧出店面，看見我買椰撻，說「呀，面頭欠了粒車厘子，今日送唔切貨來，聽日應該會有」，真的很風趣。希望小店在新地址，繼續有好的出品。

見有新甜品，於是買來一試。杞子桂花椰汁糕 ($7)：面層的杞子桂花糕佔三份一，下層的椰汁糕佔三份二。桂花層晶瑩通透，有清香桂花味，杞子略嫌少了一點。椰汁糕層有香甜椰汁味但不會太濃太膩，不錯。整體味道不錯，不過若桂花層多一點會更好。店鋪將搬遷，於九月重開，希望在新地方繼續有好質素的出品。

已經幫襯左富山麵包幾年，每次嚟都係食特濃朱古力蛋糕($8)，再"偷運"去上環嘅Cafe飲Espresso，係我心目中最佳嘅咖啡伴侶. 今日行過心思思又想食，點知賣哂朱古力蛋糕，唯有要左件第二至愛--甘筍提子蛋糕，味道唔太甜，食到有甘筍粒同提子乾，$8嘅價錢以中環嚟講係超值! 我最鍾意食夠濃，少少濕，有重量而夠質感嘅蛋糕，太鬆軟嘅唔係我杯茶. 我重有一個秘密就係專挑蛋糕嘅頭尾，不單止切得大舊，而且更有咬口富山出名嘅重有芒果糯米糍，如果長洲允升值9/10分($8個實在太貴!)，佢地都應該值7/10分~

很久沒光顧這店。見有新出品，於是買了一個試試。紫薯布甸 ($8)：粉紫色，有兩層，面層較滑，下層較「溶」，兩種不同的口感，很特別也很不錯。「薯味」不算十分濃，但甜而不膩。這個新出品甜品有驚喜，希望日後會見到更多好味的新出品。

對於兔兔子來說, 中環一個麵包平均是7-8元一個, 哪管麵包店是以連鎖店的暴利形式經營. 要吃麵包就要付7元但是, 在openrice的搜尋下, 兔兔子發現了富山!!在富山, 麵包先生平均都是5元一個!!兔兔子不是只求抵食不求美味的人. 若是富山麵包粗製濫造的話, 兔兔子一定不會再吃.但是, 這裡的麵包, 真的不差.重要的是, 從富山的麵包, 我吃出了師傅對製麵包的一份愛.

謝謝家姐放工後去呢間鋪頭買左4粒咁好味的糯米糍俾我食呀,真係好難得中環果頭有d咁平又好味的包點賣呀! 紅豆 及芒果味 糯米糍各2個-- $10/4個個糯米皮真係好QQ, 椰絲也是相當入味~食到滿口也即椰絲呢~好鮮味呀~整體又唔會太甜,正呀~芒果那一款的餡料果然有鮮芒果粒呢,太棒了吧?!

今天突然想吃甜點，於是特意來此店看看有沒有新出品。果然有新出品「黑芝麻竹炭凍餅」，於是買了一件作為下午茶。黑芝麻竹炭凍餅($5.5)：雖說是凍餅，其實是瑞士卷蛋糕。面層灑了一層薄薄的糖霜，賣相漂亮。蛋糕鬆軟，而且东香濃的黑芝麻味。卷著的忌廉不太多，所以不會太膩，而且帶有黑芝麻味，一向不喜歡吃忌廉的我也覺得很好味。大大件凍餅才$5.5，抵吃。期待再有好味的新出品呢！

早前，我搵<富山美食>時，無意中見到<富山咖啡麵包>。 於是上 Openrice 睇吓大家嘅食評，發現麵包抵食又特別！呢度位於一座舊樓地下，斜對面係 Butterfly Apartment 。難得中環買到平價麵包：$ 9 / 2 個 多穀合桃包 ( 原價 $5 )主要有合桃碎，好似有小麥，其他穀物就唔多覺；咸包一個，算健康！芝士南瓜包 ( 原價 $5 )包面有些芝士及好幾粒南瓜籽，配合新鮮南瓜打成南瓜蓉，味道清甜；感覺清新！ 包質鬆軟！以呢個價錢嚟講，份量算 OK！芝麻糯米糍 $3椰絲、黑芝麻 & 黑芝麻蓉，大大個！好正呀！ 我見到新鮮出爐先買咋！ 糯米糍好軟熟！皮薄餡夠多！ 唔係太甜！另外，放工買咗個：栗子包 $5包面有粒栗子作辨認，還灑上糖粉；一咬開，包質鬆軟！栗子蓉唔算多，只佔三份之一。

之前聽講喱間店既麵包都唔錯,好奇去睇下,原來都幾多人幫襯呀~!buy左d撻,細細件果d,佢d撻好多都係$3.5一件,$10有3件~!藍莓撻~!buy既時候得返最後一件,即諗有係太好食多人buy,不過食落又覺得唔係特別好食,個面層好多蓋莓+醬都幾正,不過個吉士(淡到差點分唔出係味吉士)and比較淡味呀~!朱古力芝士撻,~!喱個比較吸引呀,本身都係想試喱個既,食落似軟芝士蛋糕既,少少既朱古力味,芝士都幾濃幾好味,加上又唔太甜,唔錯呀~!聽講泡芙幾好味下次要試下~!

同事極力推介話此店嘅芒果糯米糍又平又好食,平就真係好平呀,十蚊四粒,不過味道就唔係太好食.糯米外皮唔煙韌,口感又腍又粉,餡料芒果份量少,而且太酸,整體味道唔太好,就算再平都冇用.個人建議,許留山嘅芒果糯米糍好過此店好多,正所謂一分錢一分貨,有時就算貴少少都係值嘅.

坦白講, 這小店的出品沒特別突出, 但試過他的拿破崙, 西米布丁, 紅莓包, 黑糖香蕉蛋糕, 朱古力鬆餅, 綠豆包... ... 都算唔錯~ (我是包痴, 少到中環, 經過覺得吸引的可一次買好多~~)最緊要是此店令人感覺有heart ... ... 個人認為, "造食物者", 技術稍遜沒關係, 但有心有創意好重要, 我愛試新款新口味, 在這裡, 你會找到一點點跟周圍無數面包店的"不一樣'~

每次在蓮香飲完茶後都會經過富山麵包.有天心血來潮,買了些看來不錯的puff和蛋白椰絲餅來試試.也便宜,一貫街坊餅店的價位.puff小小的,裡面有忌廉;但咬下去時發覺,puff身已漏了氣,不鬆脆,還有朕油'yik'味.忌廉是普通的whipping cream,味道和puff身不夾.簡單來說,這個puff,很難吃.相比之下蛋白椰絲餅就比較好,餅身是偏乾的,帶少許椰絲的質感;也不會太甜,一口一個,幾過癮的.不會再上當去買puff.

下午茶，本來想去Canteen買下午茶，排緊隊的時候竟然給人打尖了，又不想同人嘈，算了。不巧的是前面那人竟然拖了10分鐘也未買到(外國人).又沒有第二個收銀員出嚟.越等越不爽,不買了.轉到樓梯上的小店買一件餅算了.$5一件鬆餅不算貴,但也不算特別平,畢竟他的SIZE比Pacific Coffee的迷你很多.不用怎樣排隊,而且新出爐不算.要了朱古力鬆餅.兩至三種朱古力的層次,雖然不是高 級或追求香滑的朱古力,但的確是有不錯的朱古力味道.要彈也許是衛生不太好,很多麵包都是沒有遮掩的就放在一旁.不過偶然一件餅作充飢是好的選擇

因沒胃口，故買麵包作為午餐。見有未試過的出品，於是買了三件東西作為這兩天的午餐。蘋果玉桂包($5/1個, $9/2個)：新出品。早上買，放到中午，仍然聞到很香濃的玉桂味。蘋果餡混了少許提子干，口感很豐富，甜度剛剛好。高纖竹炭包($5/1個, $9/2個)：這款包很久沒吃了，今天又再吃。因為不知竹炭應該是什麼味道，所以不知道這麵包有沒有竹炭味。　不過，它是幾乎沒油份的，十分健康。紫米紅豆鬆餅($5)：試過其他口味的鬆餅，這款是第一次試。紫米和紅豆的份量不多，反而有很多黑色點點的東西，樣子應該是瞿粟籽。可能不是出爐，放涼了，所以不太香，而且質地變實了，口感像蛋糕多於鬆餅。幸好甜度適中，不太膩。花費$14，已足夠兩天的午餐了。

經過此店，想買點東西作為下午茶。蛋白拿破侖($5)：酥皮不夠脆，有點淋，但好在不油膩。蛋白蛋糕層不會太甜，夾著一些合桃粒，口感不錯。整體味道不算特別，但用保鮮紙獨立包著，十分衛生。